ചർമ്മത്തിന്‍റെ പരിചരണം പോലെ തന്നെ പ്രധാനമാണ് ചുണ്ടുകളുടെയും പരിചരണം. ചുണ്ടുകൾ വളരെ കോമളമാണെന്നതാണ് അതിന് കാരണം. തണുപ്പിന്‍റെയും വെയിലിന്‍റെയും വരണ്ട കാറ്റിന്‍റെയും ഫലങ്ങൾ നേരിട്ട് ചുണ്ടുകളെ ബാധിക്കുന്നു. ഈ സാഹചര്യത്തിൽ ചുണ്ടുകൾ വരണ്ടുപൊട്ടുന്നതിനൊപ്പം അതിന്‍റെ സൗന്ദര്യവും നഷ്ടപ്പെടുന്നു. പൊട്ടിയഭാഗത്ത് നീറ്റ് ഉണ്ടാകും. വരണ്ടുപൊട്ടിയ ചുണ്ടുകൾക്ക് പ്രത്യേക പരിചരണവും ശ്രദ്ധയുമാവശ്യമാണ്.
വേറിട്ട വഴികൾ
ലിപ്സ്റ്റിക് പുരട്ടുന്നതിനും ചില പ്രത്യേക നിയമങ്ങളുണ്ട്. പകൽ സമയത്ത് ലൈറ്റ് കളറിലുള്ള ലിപ്സ്റ്റിക് അണിയാം. രാത്രിയിൽ കടും വർണ്ണങ്ങ ളാകുന്നതിൽ തെറ്റില്ല. ഇതേപോലെ കാലാവസ്ഥയ്ക്കനുസരിച്ച് ലിപ്സ്റ്റിക് അണിയാം. വേനൽക്കാലത്ത് ഉപയോഗിക്കുന്ന ലിപ്സ്റ്റിക് മഞ്ഞുകാലത്തും അനുയോജ്യമാവണമെന്നില്ല.
മാറ്റ് ലിപ്സ്റ്റിക് എത്ര തന്നെ ഇഷ്ടമായാലും ശരി മഞ്ഞുകാലത്ത് അവ പുരട്ടിയാൽ ചുണ്ടുകൾ വരണ്ടുപൊട്ടും. മാറ്റ് ലിപ്സറ്റിക് പ്രത്യേകിച്ചു ലിക്വിഡ് മാറ്റ് ലിപ്സ്റ്റിക് പുരട്ടാൻ ശ്രദ്ധിക്കുകയാണെങ്കിൽ അതിനുള്ള തയ്യാറെടുപ്പുകൾ നേരത്തെ മുതൽ ചെയ്തു തുടങ്ങണം. ചുണ്ടുകളിലുണ്ടാവുന്ന വരൾച്ചയും വരണ്ടുപൊട്ടലുമൊക്കെ ഒഴിവാക്കാനാവും.
ലിക്വിഡ് മാറ്റ് ലിപ്സ്റ്റിക് പുരട്ടും മുമ്പ് ശ്രദ്ധിക്കേണ്ട ചില കാര്യങ്ങൾ
- ചുണ്ടുകളിൽ വാസലിൻ അപ്ലൈ ചെയ്യുന്നത് ഈർപ്പം നിലനിർത്തുക.
- ടൂത്ത് ബ്രഷ് ഉപയോഗിച്ച് ചുണ്ടുകളെ എക്സ്ഫോളിയേറ്റ് ചെയ്യുക. അതിനുശേഷം ലിപ് ബാം പുരട്ടാം.
- ഇനി ലിക്വിഡ് ലിപ് കളർ പുരട്ടാം.
- അതിന് മുകളിലായി പ്രൈമർ പുരട്ടാം. ലിപ്സ്റ്റിക് ദീർഘസമയം വരെ നില നിൽക്കും.
- ഒടുവിലായി ചുണ്ടുകൾക്ക് ഇടയിലായി ഹൈലൈറ്റർ ടച്ച് ചെയ്യാം. ചുണ്ടുകൾ നിറഞ്ഞുനിൽക്കുന്ന ഇഫക്ട് ലഭിക്കും. ചുണ്ടുകൾക്ക് മികച്ച റിസൽറ്റ് കിട്ടും.
തണുപ്പുകാലത്ത് ചുണ്ടുകൾ തുടുത്തിരിക്കാൻ ഗ്ലോസി ലിപ്സ്റ്റിക് പുരട്ടാം. മാറ്റ് ലിപ്സ്റ്റിക്കിന് പകരമായി ഗ്ലോസി ലിപ്സ്റ്റിക് റിഫ്ളക്ഷൻ മൂലം തിളങ്ങുന്നതായി തോന്നും. ഇത് നേരിട്ടും അപ്ലൈ ചെയ്യാൻ പറ്റും. അല്ലെങ്കിൽ മാറ്റ് ലിപ്സ്റ്റിക് ടോപ്പ് കോട്ടായി ഉപയോഗിക്കാം. ചില ഗ്ലോസി ലിപ്സ്റ്റിക്കുകളിൽ ആർഗൺ ഓയിലിന്‍റെ ഗുണങ്ങൾ അടങ്ങിയിരിക്കും. ഇക്കാരണത്താൽ ചുണ്ടുകളിലെ ഈർപ്പം നിലനിൽക്കും. അതുപോലെ ഗ്ലോസി ടെക്സ്ച്ചർ തണുപ്പ് കാലത്ത് ഹെൽത്തി ലുക്ക് നൽകും.
ഗ്ലോസി ലിപ്സ്റ്റിക്കിനൊപ്പം സാറ്റിൻ ലിപ്സ്റ്റിക്കും തണുപ്പുകാലത്ത് അനുയോജ്യമാണ്. സാറ്റിൻ ലിപ്സ്റ്റിക്കിന്‍റെ ടെക്സ്ചർ വളരെ സാധാരണ തരത്തിലുള്ളതായതിനാൽ തണുപ്പുകാലത്ത് പെർഫെക്ടാണ്.
വീട്ടിൽ ചെയ്യാവുന്നത്
ചുണ്ടുകളുടെ നഷ്ടപ്പെട്ട ഭംഗി വീണ്ടെടുക്കാൻ വീട്ടിൽ തന്നെ ചില പൊടിക്കൈകൾ ഉപയോഗിക്കാം.
- ½ ടീസ്പൂൺ പാൽപ്പാടയിൽ അല്പം കസ്തൂരി മഞ്ഞൾ പൊടിയിട്ട് മിശ്രിതം തയ്യാറാക്കുക. വിരലുകൾ ഉപയോഗിച്ച് ചുണ്ടിൽ മിശ്രിതം മസാജ് ചെയ്യുക. ചുണ്ടുകളുടെ മിനുസവും നിറവും വർദ്ധിക്കും.
- ചുണ്ടിന്‍റെ ആകൃതി ജന്മനാൽ ഉള്ളതിനാൽ അത് മാറ്റാൻ സാധ്യമല്ല. മേക്കപ്പ് ഉപയോഗിച്ച് സൗന്ദര്യം കൂട്ടുകയോ വൈരൂപ്യം മറയ്ക്കുകയോ ചെയ്യാമെന്നു മാത്രം.
- റോസ് വാട്ടർ തേനും യോജിപ്പിച്ച് പുരട്ടിയാൽ ചുണ്ടിന്‍റെ കരിവാളിപ്പ് മാറും. ചുണ്ടിന്‍റെ സ്വാഭാവിക നിറം നിലനിർത്താനും ഇതു സഹായിക്കും.
മേക്കപ്പ് ചെയ്യുന്നതിലെ മുൻകരുതലുകൾ
- വീട്ടിൽ തിരിച്ചെത്തി കഴിയുമ്പോൾ മുഖത്തുനിന്നും ചുണ്ടുകളിൽ നിന്നും മേക്കപ്പ് എത്രയും വേഗം നീക്കം ചെയ്യുക. ചർമ്മത്തിന് ശ്വസിക്കാൻ സാധിക്കണം.
- നാരങ്ങാനീരും തേനും കലർന്ന മിശ്രിതം ചുണ്ടിൽ പുരട്ടി രാത്രി കിടക്കുക.
- പല്ലുതേച്ച ശേഷം പേസ്റ്റിന്‍റെ അംശം പൂർണമായും ചുണ്ടുകളിൽ നിന്നും നീക്കം ചെയ്യണം. ഏറെ പേർക്കും ഇത് അലർജി ഉണ്ടാക്കുന്നുണ്ട്. ചുണ്ട് വരളുന്നതാണ് ഇതിന്‍റെ ലക്ഷണം. ഏതെങ്കിലും ലിപ് ബാം പുരട്ടുന്നത് ഗുണം ചെയ്യും.
