ചായ- ഉന്മേഷം നമ്മുടെ കയ്യിൽ

നിനക്കെന്താ ഇന്ന് വല്ലാത്തൊരു മൂഡോഫ്… ഒരു കപ്പ് ചായ കുടിച്ചാൽ ശരിയാവും. മടിപിടിച്ചിരിക്കുന്നവരെ ഉഷാറാക്കിയെടുക്കാൻ പലരും പ്രയോഗിക്കുന്ന ഡയലോഗാണിത്. ആരോഗ്യദായകവും ഉന്മേഷമേകുന്നതുമാണ് ചായ എന്നാണ് പൊതുവെയുള്ള കാഴ്ചപ്പാടെങ്കിലും ചായ കുടിക്കുന്നതു ദോഷകരമാണെന്ന് കരുതുന്നവരുണ്ട്. നിറം കറുത്ത് പോവും, അസിഡിറ്റിയുണ്ടാവും, വിശപ്പ് നഷ്ടമാവും എന്നിങ്ങനെ ചായയ്ക്ക് ചില നെഗറ്റീവ് വശങ്ങളുണ്ടെന്ന അഭിപ്രായമാണ് ഇവരുടേത്. ഒരു കപ്പ് ചായ കുടിച്ചാൽ ഉറക്കം പമ്പ കടക്കും, ഒന്നു ഉഷാറാവും എന്നതൊഴികെ ചായയുടെ യഥാർത്ഥ ഗുണവശങ്ങളെക്കുറിച്ച് അറിയണ്ടേ…

ഇന്ത്യയിൽ ചായ കുടിക്കുന്നവരുടെ എണ്ണം ഗണ്യമായി കുറഞ്ഞുവരുന്നതായി അടുത്തിടെ നടന്ന ഒരു പഠനം വ്യക്തമാക്കുന്നു. ഇന്ത്യൻ പാനീയങ്ങളിൽ ചായ അത്യുത്തമമായാണ് കരുതി പോരുന്നത്. പക്ഷേ 77 ശതമാനത്തോളം ആളുകൾ ചായ കുടിക്കുന്നതു ദോഷകരമാണെന്ന അഭിപ്രായമുള്ളവരാണത്രേ.

ഇതൊക്കെയാണ് സ്‌ഥിതിയെലും ന്യൂട്രീഷ്യനിസ്റ്റും ഹെൽത്ത് വിദ്യകളും ചായയെ സൂപ്പർഫുഡ് ശ്രേണിയിലാണ് ഉൾപ്പെടുത്തിയിരിക്കുന്നത്. “സൂപ്പർ ഫുഡ് എന്നാൽ ആരോഗ്യം നിലനിർത്തുന്നതിന് സഹായിക്കുന്ന ഗുണകരമായ ഘടകങ്ങൾ ശരിയായ അളവിൽ അടങ്ങിയ ഭക്ഷണം എന്നാണർത്ഥമാക്കുന്നത്.

അതിനാൽ അതിപുരാതനകാലം മുതൽക്ക് തന്നെ വിദ്വാന്മാരും സന്യാസികളും വിദ്യാർത്ഥികളും പഠനത്തിനു മുമ്പ് ശ്രദ്ധയും ഏകാഗ്രതയും വർദ്ധിപ്പിക്കുന്നതിനായി ഒരു കപ്പ് ചായ കുടിക്കുമായിരുന്നത്രേ! പാലും പാൽപൊടിയൊന്നും ചേർക്കാതെയാണ് ചായ കുടിക്കുന്നതെങ്കിൽ കലോറി കൂടുമെന്ന ഭയവും വേണ്ട.” ചായയുടെ ഗുണവശങ്ങളെക്കുറിച്ച് ന്യൂട്രീഷ്യണിസ്‌റ്റ് ഡോ.അഞ്ജലി പറയുന്നു.

ഒട്ടുമിക്ക ഇന്ത്യക്കാരും ദിവസം തുടങ്ങുന്നത് ഒരു കപ്പ് ചായ കുടിച്ചു കൊണ്ടാണെങ്കിലും പലർക്കും ചായയുടെ ഗുണവശങ്ങളെക്കുറിച്ച് ശരിയായ അറിവില്ലെന്നതും സത്യമാണ്. ഇവിടെ പ്രതിവർഷം ഓരോ വ്യക്‌തിയും 750ഗ്രാം ചായ ഉപയോഗിക്കുന്നുണ്ട്. എന്നാൽ തുർക്കിയിലിത് 2.5 കി.ഗ്രാം എന്നാണ് രേഖപ്പെടുത്തിയിരിക്കുന്നത്. ലോകത്തിലെ ഏറ്റവും അധികം തേയിലത്തോട്ടമുള്ള രാജ്യമാണ് ഇന്ത്യ, ചായ ഉല്പ്‌പാദനത്തിന്‍റെ കാര്യത്തിലും ഏറെ മുന്നിലാണ്. സർട്ടിഫൈഡ് ഓർഗാനിക്ക് ചായ ഉല്പാദനത്തിലും ഇന്ത്യ ഒന്നാം സ്ഥാനത്തുണ്ട്. ലോകത്തിലെ ഏറ്റവും ഉയരമുള്ള പദേശങ്ങളിലുള്ള/ മലയോര തേയില തോട്ടങ്ങൾ ഇന്ത്യയിലാണ്. ചൈനയാണ് തൊട്ടു പിന്നിൽ. ചൈന, ജപ്പാൻ പോലുള്ള രാജ്യങ്ങൾ വർഷങ്ങൾക്കു മുമ്പ് തന്നെ ചായയുടെ മേന്മ തിരിച്ചറിഞ്ഞിരുന്നു. ജപ്പാൻ സംസ്‌കാരത്തിന്‍റെ ഭാഗമാണ് ടീ സെറിമണി.” യുണൈറ്റഡ് പ്ലാന്‍റേഷൻ അസോസിയേഷൻ ഓഫ് സൗത്ത് ഇന്ത്യയുടെ ഉപദേഷ്ട്‌ടാവ് പറയുന്നു.

പാൽ ചേർത്തതും ചേർക്കാത്തതും

ചായയിൽ കഫീന്‍റെ അംശം സോഫ്റ്റ് ഡ്രിങ്ക്‌സിലും ചോക്ലേറ്റിലുമുള്ളതിനേക്കാൾ വളരെ കുറവാണ്. ഒരു കപ്പ് കാപ്പിയിൽ അടങ്ങിയ കഫീന്‍റെ നേർപകുതി മാത്രമേ ഒരു കപ്പ് ചായയിൽ അടങ്ങിയിട്ടുണ്ടാവുകയുള്ളൂ. ഒരു കപ്പ് ചായയിൽ (200 മി.ഗ്രാം) ഏകദേശം 25ഗ്രാം കഫീനാണ് അടങ്ങിയിരിക്കുന്നത്. ആയതിനാൽ ദിവസവും മൂന്നോ നാലോ കപ്പ് ഐസ് ടീ കുടിക്കുന്നതു ആരോഗ്യദായകമാണ്. എന്നാൽ ഒരു ദിവസം ആറ് കപ്പിലധികം ചായ കുടിക്കുന്നത് ദോഷകരം തന്നെ. പ്രതിദിനം മൂന്നുനാലു കപ്പ് ചായ വരെ ആവാം.

പാൽ ചേർക്കാതെയുള്ള ചായ, പാൽ ചേർത്ത ചായ ഇതിൽ ഏതാണ് നല്ലത്? രണ്ടും ഗുണകരമാണെന്ന അഭിപ്രായമാണ് ഡോക്ടർമാർക്കുള്ളത്.

ഇന്ത്യയിൽ ചായയിൽ 25%ത്തോളം പാൽ ചേർക്കാറുണ്ടെങ്കിൽ ഇംഗ്ലീഷ് ടീയിൽ ഏകദേശം 15% പാൽ ആണ് ചേർക്കുന്നത്. പാൽ ചേർത്ത ചായ ദഹിക്കുന്നതിന് 3-4 മണിക്കൂർ സമയമെടുക്കുമെങ്കിൽ പാൽ ചേർക്കാത്ത ചായ ഒന്നോ രണ്ടോ മണിക്കൂറിനുള്ളിൽ തന്നെ ദഹിക്കുന്നു. എന്നാൽ ഒരു കാര്യം മാത്രം ശ്രദ്ധിച്ചാൽ മതിയാകും. ചായ ഏതു മായിക്കൊള്ളട്ടെ, ഭക്ഷണം കഴിച്ച് ഒന്നോ രണ്ടോ മണിക്കൂറിനു ശേഷമേ കുടിക്കാൻ പാടുള്ളൂ. ശരീരഭാരം കുറയ്ക്കുന്നതിന് ചായ കുടിക്കുന്നത് ഗുണകരമാണ്.

വലിയ തരികളോടു കൂടിയ ഗ്രീൻ ടീ സാധാരണയായി പാലും പഞ്ചസാരയും ചേർക്കാതെയാണ് കുടിക്കുന്നത്. അതു കൊണ്ട് കലോറി കൂടുമെന്ന ഭയവും വേണ്ട.

ഗ്രീൻ ടീ, ബ്ലാക് ടീ എന്നിവ കാർഡിയോ വാസ്‌കുലർ രോഗങ്ങൾക്ക് ഫലപ്രദമാണ്. ചായയിൽ ഫോളിക് ആസിഡ് അടങ്ങിയിട്ടുണ്ട്. ഫോളിക് ആസിഡ് ഹൃദയസംബന്ധമായ രോഗങ്ങൾക്ക് പ്രതിവിധിയാണ്. കാൻസർ രോഗസാധ്യതയും കുറയ്ക്കുന്നു.

ചായ ദേഷ്യം കുറയ്ക്കും

ചായ കുടിച്ചാൽ വിശപ്പ് കെട്ടു പോകുമെന്ന് പറയാറുണ്ട്. ശരിയാണോ? ഇടയ്ക്കിടയ്ക്ക് വിശപ്പുള്ളവർക്കും അമിതാഹാരം കഴിക്കുന്നവരിലും ചായ ഫലപ്രദമാണ്. ഇത്തരക്കാർക്ക് ഇടനേരങ്ങളിൽ ഭക്ഷണം കഴിക്കണമെന്നു തോന്നുമ്പോൾ ചായ കുടിക്കാം. ശരീരഭാരം വർദ്ധിക്കില്ല. ഇത് വിഷാദം തടയുന്നു. ബോറിംഗ് അവസരങ്ങളിൽ ചായ കുടിക്കുന്നത് ഉന്മേഷദായകമാണ്. തദവസരത്തിൽ ചായ കുടിക്കുന്നത് ശരീരത്തിലെ രക്തയോട്ടം വർദ്ധിപ്പിക്കുന്നു. ദേഷ്യം തോന്നുന്ന സാഹചര്യങ്ങളിൽ മനസ്സൊന്നു ശാന്തമാക്കാൻ ഒരു ചായ കുടിച്ചാൽ മതിയാവും. പരീക്ഷാനാളുകളിൽ രാത്രി ഏറെ വൈകി കുട്ടികൾക്ക് പഠിക്കേണ്ടി വരാറുണ്ട്. ഈ സാഹചര്യത്തിൽ ചായ നൽകുന്നതിൽ തെറ്റില്ല. ഒരു കപ്പ് ചായ തീർച്ചയായും അവർക്ക് എനർജി നൽകും.

“എന്‍റെ മനസ്സൊന്നു ക്ലിയറാക്കിയെടുക്കുന്നതിന് നിങ്ങൾ എനിക്ക് ഒരു ചായ നൽകിയാൽ മതിയാവും. നിങ്ങൾ പറയുന്ന കാര്യങ്ങൾ കുറച്ചുകൂടി വ്യക്തമായി എനിക്ക് മനസ്സിലാവും.” പ്രശസ്‌ത എഴുത്തുകാരൻ ചാൾസ് ഡിക്കൻസിന്‍റെ വാക്കുകളാണിത്. ചായയിൽ അടങ്ങിയ എൽ-തിനോയിൽ അംശം ഏകാഗ്രതയും ഓർമ്മശക്തിയും വർദ്ധിപ്പിക്കുന്നു. കൂടാതെ ദഹനപ്രക്രിയ സുഗമമാക്കുന്നു. രോഗപ്രതിരോധശേഷിയും വർദ്ധിപ്പിക്കും.

ഇനി ധൈര്യമായി ചായ കുടിച്ചോളൂ…

ഇന്ത്യയിൽ യുവതലമുറയ്ക്കിടയിൽ ചായ ശീലം നഷ്ടമാവുന്നുവെന്നത് ഞെട്ടിക്കുന്ന യാഥാർത്ഥ്യമാണ്. ബ്രൂക്ക് ബോണ്ട് കമ്പനി ബ്രൂക്ക് ബോണ്ട് ടീ കൗൺസിൽ രൂപീകരിച്ചു. ചായയുടെ ഗുണഫലങ്ങൾ യുവാക്കളിൽ എത്തിക്കുകയാണ് ലക്ഷ്യം. ചായ കുടിച്ചാൽ നിറം കറുത്തു പോവുമെന്ന മിഥ്യാധാരണ ഏറ്റവുമധികമുള്ളത് ഇന്ത്യയിലാണ്. ഇക്കാരണം കൊണ്ടുമാത്രം ചായ ഉപേക്ഷിച്ചവരുണ്ടത്രേ.

“ചായ കുടിച്ചതു കൊണ്ടു മാത്രം നിറം കറുക്കണമെങ്കിൽ യൂറോപ്യൻസ് എല്ലാം കറുത്ത നിറമുള്ളവരാകേണ്ടേ?” എന്ന ചോദ്യവും വന്നേക്കാം. യഥാർത്ഥത്തിൽ ചായയും ത്വക്കിന്‍റെ നിറവുമായി യാതൊരു ബന്ധവുമില്ല. ഇത് കേവലം ഉറക്കം കളയാനും ഫ്രഷ് ആവാനും വേണ്ടി മാത്രമുള്ളതല്ല. ഇതിലടങ്ങിയ ഫ്ളോറൈഡ്, വായ്‌നാറ്റം, മോണദ്രവിക്കൽ പോലുള്ള പ്രശ്‌നങ്ങൾ ദൂരീകരിക്കുന്നു. ലോകമെമ്പാടും വെള്ളത്തിനു ശേഷം ഏറ്റവുമധികം ഉപയോഗിക്കുന്ന പാനീയം കൂടിയാണിത്. ഇനി ധൈര്യമായി ചായ കുടിച്ചോളൂ…