തുടക്കം നന്നായാൽ എല്ലാം നന്നാവും എന്നാണല്ലോ പറയുക. ഒരു ദിവസത്തിന്‍റെ തുടക്കം നല്ലതായാൽ ആ ദിവസം മുഴുവനും നല്ലതായിരിക്കും. പ്രഭാതത്തിൽ ഉറക്കം ഉണരുമ്പോൾ തന്നെ ഭർത്താവിന്‍റേത് വളരെ റൊമാന്‍റിക് മൂഡായിരിക്കും. പക്ഷേ ഭാര്യ മക്കളെ സ്ക്കൂളിൽ വിടുന്നതി എന്‍റെ കാര്യം തലയിൽ വച്ചാവും ഉണരുക. ഇതുകൊണ്ട് തന്നെ രണ്ടാളും തമ്മിൽ നീരസമോ അഭിപ്രായ വ്യത്യാസമോ ഉണ്ടാകാനും സാധ്യതയുണ്ട്. മനഃശാസ്ത്രജ്‌ഞർ പറയുന്നത് മോണിംഗ് സെക്സ് സ്നേഹ ദാമ്പത്യം ഊട്ടിയുറപ്പിക്കും എന്നാണ്. മാത്രമല്ല ആരോഗ്യത്തിനും മോണിംഗ് സെക്സ് വളരെ നല്ലതാണത്രേ.
എങ്കിൽ എന്തുകൊണ്ട് നിങ്ങളുടെ കുസൃതിക്കാരനായ ഭർത്താവിന് കൊച്ചുവെളുപ്പാൻ കാലത്ത് ഒരു സെക്സ് സർപ്രൈസ് നൽകിക്കൂടാ. ഇത് നിങ്ങളുടെ രണ്ടാളുടെയും ഒരു ദിവസത്തെ മനോഹരമാക്കുമെന്ന് മാത്രമല്ല അന്നേ ദിവസം ഏർപ്പെടുന്ന എല്ലാകാര്യവും നന്നായി ചെയ്യാനും സാധിക്കും. എന്താ, ദിവസം മുഴുവൻ ഹാപ്പിയായി ഇരിക്കുന്നത് വലിയ കാര്യമല്ലേ? അതുകൊണ്ട് മടിക്കണ്ട, ഇന്ന് തന്നെ മനസ്സ് വച്ചോളൂ. ശാരീരികവും മാനസികവുമായ തയ്യാറെടുപ്പ് ഇതിന് ആവശ്യമാണെങ്കിലും അതൊന്നും മലമറിക്കുന്ന കാര്യം അല്ലെന്ന് അറിയുക, മോണിംഗ് സെക്സ്‌സിനുള്ള ടിപ്‌സ്…
ശ്വാസത്തിൽ ആത്മവിശ്വാസം
രാത്രി കിടന്നുറങ്ങുന്നതിനു മുമ്പ് നന്നായി ബ്രഷ് ചെയ്യുക. അതു കൂടാതെ സൈഡ് ടേബിളിന്‍റെ മുകളിൽ മിന്‍റ് ചേർന്ന ച്യൂയിംഗം എടുത്തു വയ്ക്കാൻ മറക്കരുത്. രാവിലെ ഉണർന്ന ഉടൻ അത് വായയിൽ ഇടുക. ഫ്രഷ്‌നസ്സ് ഫീൽ ചെയ്യും. ഇല്ലെങ്കിൽ വായയിലെ ദുർഗന്ധം എല്ലാ മൂഡും കളയും.
സ്നേഹത്തിന്‍റെ അനുഭവം
എല്ലായ്പ്പോഴും പ്രഭാത രതി സംഭവിച്ചു കൊള്ളണമെന്നില്ല. ഇരുവരും പ്രഭാതത്തിൽ പരസ്പരം കെട്ടിപ്പിടിച്ചു കിടക്കുകയും തലോടുകയും ചുംബിക്കുകയും ചെയ്യുന്നതു പോലും മാനസിക സുഖം നൽകും. പിരിമുറുക്കം അകലാനും അന്നേദിവസം ആത്മവിശ്വാസത്തോടെ ലോകത്തെ നേരിടാനും ഇതു സഹായിക്കും. കെട്ടിപ്പിടിച്ച് ഇരുവരും ഒരേ താളത്തിൽ ശ്വാസംമെടുക്കുന്നതുപോലും എത്ര ആനന്ദകരമാണ്!
മുത്തം നൽകി തുടങ്ങാം
വേറിട്ട രീതിയിൽ ആവട്ടെ തുടക്കം. പങ്കാളിയ്ക്ക് സർപ്രൈസായി മുത്തം നൽകി ഗുഡ് മോണിംഗ് പറയാം. കാതിൽ റൊമാന്‍റിക് പാട്ട് മൂളിക്കൊടുക്കാം. ഇത്രയും മതി നിങ്ങളുടെ ക്ഷണം സ്വീകരിക്കാൻ. ഉറക്കച്ചടവ് മാറി സ്നേഹം തുടങ്ങാൻ ഇത്രയും ധാരാളം.
എപ്പോഴും കൂടെ കരുതാം
കയ്യെത്തും ദൂരത്ത് കോണ്ടം കരുതാം. നിങ്ങളുടെ സ്നേഹം എപ്പോഴാണ് അതിരുവിടുന്നതെന്ന് പറയാനൊക്കില്ലല്ലോ. എഴുന്നേറ്റ് പോയി കോണ്ടം തപ്പിപിടിച്ചെടുക്കുമ്പോഴേക്കും സകല രസങ്ങളും ചിലപ്പോൾ നഷ്ടമായേക്കാം. സംഗതി അടുത്തു വച്ചാൽ മുഷിയാതെ കാര്യത്തിലേക്ക് കടക്കാം.
സെക്സും ആരോഗ്യവും
ആരോഗ്യ വിദഗ്ദ്ധർ പറയുന്നത് ആഴ്ച്‌ചയിൽ മൂന്നു പ്രവശ്യം മോണിംഗ് സെക്സിൽ ഏർപ്പെടുന്നത് ഹൃദയാഘാത സാധ്യത കുറയ്ക്കുമെന്നാണ്. ഇങ്ങനെയുള്ള വർക്ക് സ്ട്രോക് വരാനുള്ള സാധ്യതയും വിരളമാണ്. ജലദോഷവും ചുമയും വരാനുള്ള സാധ്യതയും ഇല്ലാതാക്കും. മാത്രമല്ല ചർമ്മം, മുടി, നഖങ്ങൾ എന്നിവയ്ക്ക് ആരോഗ്യവും തിളക്കവും ലഭിക്കുമത്രേ. പ്രഭാതത്തിലെ ലൈംഗികത ദിവസം മുഴുവനും സന്തോഷവും മാനസിക ആരോഗ്യവും നൽകുന്നു. രോഗപ്രതിരോധ ശേഷിയും വർദ്ധിപ്പിക്കും.
കുസൃതി കൈവിടരുത്
കിടപ്പറയിൽ അനുസരണക്കേട് കാട്ടുന്ന കുട്ടിയുടെ മനസ്സ് പുറത്തെടുക്കാം. ഭർത്താവിനെ ഇക്കിളിപ്പെടുത്തി ഓടിപ്പോവുകയോ, മുറിയിൽ ഒളിച്ച് നിൽക്കുകയോ ചെയ്യാം. ഭർത്താവിന്‍റെ മനസ്സിൽ റൊമാൻസ് നിറയ്ക്കാൻ ഇത്തരം കുസൃതികൾ ഉപകരിക്കും. വിരസതയകറ്റി നല്ല ദിവസം തുടങ്ങാൻ ഈ പ്രണയഭാവങ്ങൾ സഹായകമാണ്.
കളിചിരിയും കുളിയും
കിടപ്പറയിൽ നിന്നു മാത്രമേ സെക്സിൽ ഏർപ്പെടാവൂ എന്നൊന്നില്ല. ഒന്നിച്ച് ഷവറിന്‍റെ അടിയിൽ നനയുമ്പോൾ സ്നേഹം പുതിയ തലത്തിലേക്കുയരും. പരസ്പരം സോപ്പ് തേച്ച് കൊടുത്തും പുറം കഴുകി കൊടുത്തും സ്നേഹം പങ്കിടാം. കുളിമുറിയിൽ നല്ല വാസന സോപ്പോ, ബോഡി ജെല്ലോ കരുതാം. ഈ സംഗമം നിങ്ങളുടെ ആ ദിവസത്തെ മുഴുവൻ ഉണർത്തും.
