മഴക്കാലം ഇങ്ങെത്തിയിരിക്കുന്നു. ചുട്ടുപൊള്ളുന്ന വേനൽച്ചൂടിന് ശേഷം ആശ്വാസമായി വരുന്ന മഴ ആശ്വാസം പകരുമെങ്കിലും ചർമ്മത്തിന് അത് ചില്ലറ പ്രശ്നങ്ങളല്ല സൃഷ്ടിക്കുക. അന്തരീക്ഷത്തിലെ ഈർപ്പം ചർമ്മത്തിൽ ഫ൦ഗസ് ബാധ പോലെയുള്ള പ്രശ്നങ്ങൾ ഉണ്ടാക്കും. ഈ സമയത്ത് ദിനചര്യകൾ പാലിക്കാത്തതും ചർമ്മത്തിൽ ധാരാളം പ്രശ്നങ്ങൾ ഉണ്ടാകാൻ കാരണമാവുകയും ചർമ്മത്തിന്‍റെ തിളക്കം നഷ്ടപ്പെടുകയും ചെയ്യും. അതിനാൽ കൃത്യമായ രീതിയിൽ ചർമ്മം പരിപാലിക്കുകയാണെങ്കിൽ തീർച്ചയായും മഴ സമയത്തും ചർമ്മം പട്ടുപോലെ തിളങ്ങും.
ക്ലൻസിംഗ്
ദിവസത്തിൽ രണ്ടുതവണ ചർമ്മം വൃത്തിയാക്കുക. മഴക്കാലത്ത് ചർമ്മത്തെ ആരോഗ്യകരമായി നിലനിർത്തുന്നതിനുള്ള ഏറ്റവും പ്രധാനപ്പെട്ട മാർഗ്ഗം ക്ലൻസിംഗ് ആണ്. ചർമ്മം വൃത്തിയായി സൂക്ഷിക്കുക. ചർമ്മ സുഷിരങ്ങളിൽ നിന്ന് അഴുക്കും വിയർപ്പും നീക്കം ചെയ്യുന്നതിനായി സമഗ്രമായ ക്ലൻസിംഗ് ദിനചര്യ സ്വീകരിക്കാം. മികച്ച ഗുണനിലവാരമുള്ള ഫേസ് വാഷ് ഉപയോഗിച്ച് ചർമ്മം വൃത്തിയാക്കി സൂക്ഷിക്കാം. ചർമ്മത്തെ പുനരുജ്ജീവിപ്പിക്കാനും നവോന്മേഷം പകരാനും അവോക്കാഡോ കൊണ്ട് സമ്പുഷ്ടമായ ഫേസ് വാഷ് ഉപയോഗിക്കാം.
രാത്രികാല ചർമ്മ സംരക്ഷണത്തിനായി ചർമ്മം നന്നായി ക്ലെൻസിംഗ് ചെയ്യുക. മുഖത്തെ അധിക സേബം, അഴുക്കും മെഴുക്കും എന്നിവയൊക്കെ നീക്കം ചെയ്യുന്നതിനായി ഈവനിംഗ് ക്ലൻസിംഗ് പ്രധാനമാണ്. സാലിസിലിക് ആസിഡും ഗ്രേപ്ഫ്രൂട്ടും, ചെറി ബ്ലോസം എക്സ്ട്രാക്‌റ്റുകളും അടങ്ങിയ പായ്ക്ക് ഉപയോഗിക്കാം, പ്രത്യേകിച്ച് മുഖക്കുരു സാധ്യതയുള്ള ചർമ്മത്തിനു ഇത് ഏറ്റവും നല്ലതാണ്.
എക്സ്ഫോളിയേഷൻ
എക്സ്ഫോളിയേറ്റ് ചെയ്യാൻ ഫേസ് മാസ്കുകൾ ഉപയോഗിക്കാം. മഴവെള്ളം നനയുന്നത് ചർമ്മത്തിന് നാശം വരുത്തും, പ്രത്യേകിച്ച് മൃതകോശങ്ങളോ സേബവുമോ വിയർപ്പോ ഉള്ളപ്പോൾ. മഴ സീസണിൽ അടഞ്ഞ സുഷിരങ്ങൾ നമ്മിൽ മിക്കവർക്കും പ്രശ്നമുണ്ടാക്കാറുണ്ട്. എക്സ്ഫോളിയേഷൻ അതിനുള്ള പരിഹാരമാണ്. നിർജ്ജീവ കോശങ്ങൾ, അഴുക്ക്, മെഴുക്ക് എന്നിവ ഇല്ലാതാക്കാൻ ആഴ്ചയിൽ രണ്ടുതവണ എക്സ്ഫോളിയേഷൻ ചെയ്യാം. എണ്ണമയമുള്ള ചർമ്മമുള്ളവർക്ക് മികച്ച ക്വാളിറ്റി ഉള്ള സ്ക്രബ്ബ്‌ ഉപയോഗിക്കാം. ബെന്‍റോണൈറ്റ് ക്ലേ, കയോലിൻ ക്ലേ , ചെറി ബ്ലോസം, പേൾ എക്‌സ്‌ട്രാക്‌റ്റുകൾ എന്നിവ അടങ്ങിയ പീലിംഗ് മാസ്‌ക് എക്‌സ്‌ഫോളിയേറ്റർ ഇതിനായി തെരഞ്ഞെടുക്കാം.
ടോണർ ഉപയോഗിക്കാം
ടോണറുകളും എസെൻസുകളും ഉപയോഗിച്ച് നിങ്ങളുടെ ചർമ്മത്തെ പരിപാലിക്കുക. പരിചയമില്ലാത്തവർക്ക്, ടോണർ ഉപയോഗിക്കുന്നത് മിക്ക ബ്യൂട്ടി സ്കിൻ കെയർ ദിനചര്യകളിലും അവിഭാജ്യമാണ്. മഴക്കാലത്ത് ചർമ്മ സംരക്ഷണത്തിൽ ഉൾപ്പെടുത്തേണ്ട ഒന്നാണ് ഇത്. മഴവെള്ളവും ഈർപ്പവും ചർമ്മത്തിന്‍റെ പിഎച്ച് ബാലൻസിനെ നശിപ്പിക്കും. ഇതിനെ തടയാൻ ടോണിംഗ് ചെയ്യാം. ചർമ്മസുഷിരങ്ങൾ, അസമമായ ചർമ്മ ഘടന എന്നിങ്ങനെയുള്ള പ്രശ്‌നങ്ങളുണ്ടെങ്കിൽ, സുഷിരങ്ങൾ അൺക്ലോഗ് ചെയ്യാനും ശുദ്ധീകരിക്കാനും മികച്ച ഗുണനിലവാരമുള്ള പോർ ക്ലിയറിംഗ് ടോണർ പരീക്ഷിക്കുക. ചർമ്മത്തിനു നല്ല മുറുക്കം ലഭിക്കുന്നതിനൊപ്പം തിളക്കം വർദ്ധിക്കുകയും പാരിസ്ഥിതിക സമ്മർദ്ദങ്ങളിൽ നിന്ന് നമ്മുടെ ചർമ്മത്തെ സംരക്ഷിക്കുകയും ചെയ്യും.
സ്പോട്ട് കറക്റ്റിംഗ് ക്രീം പരീക്ഷിക്കുക
പാടുകളില്ലാത്ത നല്ല തിളക്കമുള്ള ചർമ്മം ലഭിക്കുന്നതിനായി മൺസൂൺ ചർമ്മ സംരക്ഷണ പദ്ധതിയിൽ സ്പോട് കറക്റ്റിംഗ് ക്രീം ഉപയോഗിക്കാം. ചർമ്മത്തിനു ഉടനടി നവോന്മേഷം ഉണ്ടാകുന്നത് കാണാം. ഹൈലൂറോണിക് ആസിഡ്, കൊറിയൻ ജിൻസെംഗ്, ലോട്ടസ് റൂട്ട് എന്നിവ അടങ്ങിയിരിക്കുന്ന ക്രീം ഇതിന് അനുയോജ്യമാണ്, കൂടാതെ അൺ ഈവൻ സ്കിൻ ടോൺ മെച്ചപ്പെടുത്തി ആകർഷകമായ തിളക്കം നൽകുകയും ചെയ്യും.
വിറ്റാമിൻ സി സിറം
ചർമ്മത്തിന് തിളക്കം ലഭിക്കുന്നതിന് വിറ്റാമിൻ സി സിറം നിർബന്ധമായും മൺസൂൺ സ്കിൻ കെയർ റൂട്ടിനിൽ ഉൾപ്പെടുത്തുക.
ചർമ്മ സംരക്ഷണത്തിലെ വിറ്റാമിൻ സിയ്ക്ക് അതിന്‍റേതായ ഒരു പ്രാധാന്യമുണ്ട്, ചർമ്മത്തിലെ ജലാംശം, സംരക്ഷണം, തിളക്കം എന്നിവയുടെ അളവ് വർദ്ധിപ്പിക്കുന്നതിന് ഇതിന് കഴിയും. വിറ്റാമിൻ സി സിറമിന്‍റെ ഏതാനും തുള്ളികൾ മാത്രം മതി ചർമ്മത്തെ തിളക്കമുള്ളതാക്കാൻ.
