നിനക്ക് ഇത്തവണ കോളേജ് ബ്യൂട്ടി കോണ്ടസ്‌റ്റിൽ പങ്കെടുക്കരുതോ? കുട്ടുകാരികളുടെ പ്രശംസ കേട്ട് ലോകം കീഴടക്കിയ സന്തോഷത്തിലാണ് ശ്രുതി. ശ്രദ്ധയോടെ പരിചരിച്ചാൽ നിങ്ങളുടെ മുടിക്കും കിട്ടും കോംപ്ലിമെന്‍റ്! ഫാഷനു പിന്നാലെ പായുന്നവർ മുടിയിൽ ഒരു തുള്ളി എണ്ണ പുരട്ടാൻ പോലും കൂട്ടാക്കാറില്ല. ഫലമോ, മുടി കൊഴിച്ചിലും അകാലനരയും.
മുടിയ്ക്ക് നീളം കുറവായിരുന്നാലും നല്ല ഉള്ള് ഉണ്ടായിരുന്നെങ്കിൽ…. ശക്തിയായി കാറ്റടിച്ചാൽ മുടി ചറപറയെന്ന് പറക്കും… എണ്ണ തേച്ചാലോ തലവേദന ഉണ്ടാകും. രണ്ട് വട്ടം ബ്രഷ് ചെയ്തെയുളൂ ചീപ്പിൽ അപ്പടി മുടിയും താരനുമാ. ഇങ്ങനെ പോയാൽ തലയിൽ ഒരൊറ്റ മുടിപോലും കാണില്ലല്ലോ? കേശ സംബന്ധമായ പ്രശ്നങ്ങൾ പലരെയും പലവിധത്തിലാകും അലട്ടുക. മുടി ഏതൊക്കെ രീതിയിൽ സ്‌റ്റൈൽ ചെയ്യാമെന്ന് പലരം ശ്രദ്ധിക്കാറുണ്ട് എങ്കിലും മുടിയുടെ പോഷണത്തിന്‍റെ കാര്യത്തിൽ എത്രപേർ ശ്രദ്ധ കാട്ടാറുണ്ട്?
നീണ്ട ഇടതൂർന്ന മുടിയുള്ളവർ ഇരട്ടി ഭക്ഷണം കഴിക്കണമെന്ന് അറിവുള്ളവർ പറയും. നാം കഴിക്കുന്ന ഭക്ഷണത്തിന്‍റെ പകുതിയെങ്കിലും മുടിയുടെ വളർച്ചയ്ക്ക് ആവശ്യമാണ് എന്നതുതന്നെ കാരണം. മുടിയുടെ വളർച്ചയ്ക്ക് ആവശ്യമായ പോഷകാംശങ്ങൾ എണ്ണയിലും അടങ്ങിയിട്ടുണ്ട്.
ചർമ്മത്തിന് എന്നതുപോലെ മുടിക്കും ആന്തരികവും ബാഹ്യവുമായ പരിചരണം അത്യന്താപേക്ഷിതമാണ്. പണ്ടൊക്കെ എണ്ണ തേക്കാതെ പാറിപ്പറന്ന മുടി കണ്ടാൽ മുത്തശ്ശിമാർ ശകാരിക്കുമായിരുന്നു. മുടിയിൽ എണ്ണ പുരട്ടി ചീകി ഒതുക്കി വയ്ക്കണമെന്ന്. ഇന്ന് എണ്ണ യൊലിപ്പിച്ച് വരുന്നവരെ കണ്ടാൽ ‘എണ്ണത്തൊട്ടിയിൽ നിന്ന് ഇറങ്ങിവന്നതുപോലെ’, ‘തനി കൺട്രി ഫെല്ലോ’ എന്നൊക്കെയാവും കമന്‍റ്. മുടിയിൽ എണ്ണ പുരട്ടി കഴുകാതെ പുറത്തുപോകുന്നത് പൊടിപടലങ്ങൾ പറ്റിപ്പിടിക്കാനും മുടി ജീവസ്സറ്റതാവാനും കാരണമാവും. പക്ഷേ, മുടിക്ക് കരുത്ത് പകരുന്നതിന് എണ്ണ പുരട്ടേണ്ടത് അനിവാര്യമാണ്.
പ്രയോജനം
- താരൻ, അകാലനര, മുടി കൊഴിച്ചിൽ പോലുള്ള കേശ സംബന്ധമായ പ്രശ്നങ്ങൾ അകറ്റുന്നതിന് മുടിയിൽ എണ്ണ പുരട്ടേണ്ടതായുണ്ട്. ഇരുണ്ട, ഇടതൂർന്ന, കരുത്തുറ്റ മുടിയുടെ വളർച്ചയ്ക്ക് ഇത് സഹായിക്കുന്നു.
- ആഴ്ച‌യിൽ ഒരിക്കൽ തലയിൽ എണ്ണ പുരട്ടി മസാജ് ചെയ്യുന്നത് തലയോട്ടിയിലെ രക്തചംക്രമണം വർദ്ധിപ്പിക്കുന്നു. ഇത് മുടി വേരുകളിലേയ്ക്ക് ഇറങ്ങിച്ചെന്ന് മുടിക്ക് വേണ്ട പോഷണവും കരുത്തും പ്രദാനം ചെയ്യുന്നു.
- മുടിയുടെ ആരോഗ്യം നിലനിർത്തുന്നതിന് വിറ്റാമിൻ എ, ബി, ഇ, ഇരുമ്പ്, പ്രോട്ടീൻ എന്നിവ അടങ്ങിയ ഭക്ഷ്യ വസ്തുക്കൾ കഴിക്കണം. മുടിയുടെ വളർ ച്ചയ്ക്കുവേണ്ട വിറ്റാമിനുകൾ എണ്ണയിൽ ശരിയായ അളവിൽ അടങ്ങിയിട്ടുണ്ട്.
- ദിവസവും എണ്ണ പുരട്ടുന്നൽ മുടിയുടെ വളർച്ച ത്വരിതപ്പെടുത്തും. മുടി കൊഴിച്ചിൽ പോലുള്ള പ്രശ്നങ്ങൾ വലിയൊരു പരിധിവരെ ഇല്ലാതാവും. വിരൽ എണ്ണയിൽ മുക്കി മുടിയുടെ ചുവട്ടിൽ മസാജ് ചെയ്യുന്നതും മുടിക്ക് കരുത്തേകും.
- സൂര്യന്‍റെ അൾട്രാവയലറ്റ് കിരണങ്ങളിൽ നിന്നും മുടിക്കും സ്കാൽപ്പിനും മതിയായ സംരക്ഷണം നല്‌കണം.
- ദിവസങ്ങളോളം മുടിയിൽ എണ്ണ പുരട്ടാതെയിരുന്നാൽ ശിരോചർമ്മം വരളും. ഈ അവസ്‌ഥയിൽ മുടി ചീകുമ്പോൾ ചർമ്മം ഇളകി പൊടിഞ്ഞുവരും. മുടിയിൽ താരൻ ഉണ്ടാകാൻ ഇത് കാരണമാവുകയും ചെയ്യും. അതിനാൽ മുടി വേരുകളിൽ ആവശ്യമായ അളവിൽ എണ്ണ പുരട്ടണം.
- എണ്ണ നല്ലൊരു കണ്ടീഷണറാണ്.
- നനഞ്ഞ മുടിയിൽ എണ്ണ പുരട്ടരുത്. ഉണങ്ങിയ മുടിയിൽ ചെറു ചൂടുള്ള എണ്ണ പുരട്ടുന്നതു ഗുണകരമാണ്.
- എണ്ണമയമുള്ള മുടിയിൽ എണ്ണ പുരട്ടേണ്ടതില്ല. വീട്ടിൽ തന്നെ തയ്യാറാക്കിയ ഹെന്ന പുരട്ടുന്നതാണ് അഭികാമ്യം. മുടിയിൽ ആവശ്യമായ എണ്ണ നിലനിർത്തി അധിക എണ്ണ നീക്കം ചെയ്യാൻ ഇത് സഹായിക്കുന്നു.
- കടുകെണ്ണ പുരട്ടി സ്കാൽപിൽ മസാജ് ചെയ്ത ശേഷം സ്റ്റീം ചെയ്യുന്നത് മുടിയ്ക്ക് കരുത്ത് പകരും.
