എന്താണ് സൗന്ദര്യം? അത് ഒരാളുടെ ബാഹ്യാകാരത്തെ സംബന്ധിക്കുന്നത് മാത്രമാണോ? അല്ല. ഒരാളുടെ പെരുമാറ്റവും വ്യക്തിത്വവും സ്വഭാവ സവിശേഷതകളും സൗന്ദര്യം നിർണ്ണയിക്കുന്നതിൽ വലിയ പങ്ക് വഹിക്കുന്നുണ്ട്. പലപ്പോഴും ഇരുണ്ട നിറമുള്ള, അത്ര സൗന്ദര്യം ഇല്ലാത്ത ചിലർ കൂട്ടത്തിൽ ഏറെ ശ്രദ്ധിക്കപ്പെടുന്നത് കണ്ടിട്ടില്ലേ? അതേസമയം വെളുത്ത് സുന്ദരിയായിരുന്നാൽപ്പോലും മുഷിപ്പൻ സ്വഭാവവും അഹങ്കാരവുമൊക്കെ കൊണ്ട് വെറുക്കപ്പെടുന്നവരുമുണ്ട് ധാരാളം. നോക്കുന്ന ആളുടെ കണ്ണിലാണ് യഥാർത്ഥ സൗന്ദര്യം കുടികൊള്ളുന്നത്. നമ്മൾ ഇഷടപ്പെടുന്നവരിൽ എത്ര മോശം വശങ്ങളുണ്ടെങ്കിലും അതെല്ലാം തഴഞ്ഞ് അവരിലെ ഏറ്റവും നല്ലതിനെ കണ്ടെത്താനാണ് ശ്രമിക്കേണ്ടത്.
കമ്പ്യൂട്ടർ എൻജിനീയർ സന്തോഷിന്‍റെ അഭിപ്രായത്തിൽ ശാരീരിക സൗന്ദര്യത്തെക്കാൾ മാനസിക സൗന്ദര്യത്തിനാണ് കൂടുതൽ പ്രാധാന്യം നൽകേണ്ടത്. ഇതേക്കുറിച്ച് സന്തോഷ് പറയുന്നു, “എന്‍റെ വീട്ടിൽ ഞാൻ ഏക മകനാണ്. അതുകൊണ്ട് അതിസുന്ദരിയായ വധു വീട്ടിൽ മരുമകളായി വരണമെന്ന് വീട്ടുകാർ ആഗ്രഹിച്ചു. സൗന്ദര്യത്തെക്കാൾ വധുവിന്‍റെ സ്വഭാവത്തിനാണ് ഞാൻ പ്രമുഖ്യം നൽകിയാത്. എന്നാൽ അച്ഛനമ്മമാരുടെ ആഗ്രഹത്തിന് എതിര് നിൽക്കാൻ സാധിക്കുമായിരുന്നില്ല. അവസാനം അവരുടെ ഇഷ്ടത്തിന് വിവാഹം കഴിച്ചു. രമ്യയ്ക്കാകട്ടെ താൻ വലിയ സുന്ദരിയാണെന്ന അഹങ്കാരമായിരുന്നു. ദരിദ്രരുടെ (ഭിക്ഷക്കാരുടെ)വീട്ടിലേക്കാണ് തന്നെ വിവാഹം കഴിച്ചു കൊണ്ടുവരുന്നതെന്ന തരത്തിലാണവൾ ഞങ്ങളോട് പെരുമാറിയത്. ഞാൻ ഒരു കോടീശ്വരന്‍റെ ഭാര്യ ആകേണ്ടതായിരുന്നു എന്ന് പലപ്പോഴും പരാതിപ്പെടുകയും ചെയ്യും. വിവാഹിതയായി വന്നനാൾ മുതൽ അവൾ തന്‍റെ അഹങ്കാരവും പൊങ്ങച്ചവും പ്രകടിപ്പിക്കാൻ തുടങ്ങിയതാണ്. അവളുടെ ഈ സ്വഭാവവുമായി അഡ്ജസ്റ്റ് ചെയ്യാൻ ഞാനേറെ ബുദ്ധിമുട്ടി. എന്‍റെ പൗരഷത്തെപ്പോലും ചോദ്യം ചെയ്യുന്ന തരത്തിൽ അവൾ കുത്തുവാക്കുകൾ പറഞ്ഞു. ഭാര്യയുടെ അപകടകരമായ സ്വഭ്വം കാരണം ഞാനാകെ അസ്വസ്ഥനും നിരാശനുമായിത്തീർന്നു.”
ആന്തരിക സൗന്ദര്യം
“അതിനിടെ എന്‍റെ സഹപ്രവർത്തകയായ നമിതയോട് ഞാൻ കാര്യങ്ങൾ തുറന്നു പറഞ്ഞു. അവൾ എനിക്ക് നൽകിയ ആത്മവിശ്വാസമാണ് വാസ്തവത്തിൽ എനിക്ക് ധൈര്യം പകർന്നത്. നമിത കാഴ്ചക്കത്ര സുന്ദരിയല്ലായിരുന്നു. ഇരുനിറവും വണ്ണക്കൂടുതലും, അവളോട് സംസാരിക്കുമ്പോഴൊക്കെ എന്‍റെ ടെൻഷനൊക്കെ മാറി മനസ്സ് ശാന്തമാകുന്നതുപോലെ. ഭാര്യയെക്കാൾ അവളോടൊപ്പം സമയം ചെലവഴിക്കാനാണ് ഞാനേറെ ആഗ്രഹിച്ചത്.”
“എങ്ങനെയോ ഞങ്ങൾക്കിടയിൽ പ്രണയം ഉടലെടുത്തു. ഞാൻ ഭാര്യയിൽ നിന്നും വിവാഹമോചനം നേടി നമിതയെ വിവാഹം കഴിച്ചു. ഞാനിന്ന് രണ്ട് കുട്ടികളുടെ അച്ഛനാണ്. എന്‍റെ രണ്ടാം ഭാര്യയുടെ നല്ല സ്വഭാവവും പെരുമാറ്റവും പതുക്കെപ്പതുക്കെ അച്ഛനമ്മമാരെയും സ്വാധീനിച്ചു. ബാഹ്യസൗന്ദര്യമല്ല മനസ്സിന്‍റെ സൗന്ദര്യമാണ് വലുതെന്ന് അവർ മനസ്സിലാക്കി.”
സമർപ്പണ മനോഭാവം
ഏതൊരു ഭർത്താവും ഭാര്യയിൽ അമ്മയുടെ ഗുണങ്ങൾ കണ്ടെത്താൻ ശ്രമിക്കും. ശാരീരികമായ ആകർഷണം അൽപ സമയത്തേക്കേ ഉണ്ടാകൂ. എന്നാൽ ഭാര്യാഭർത്തൃബന്ധം ദീർഘനാൾ നിലനിൽക്കണമെങ്കിൽ ഭർത്താവിന് അമ്മ നൽകുന്ന സ്നേഹപരിചരണം നൽകാൻ ഭാര്യയ്ക്ക് കഴിയണം.
ഓരോരുത്തരും അവരവർക്ക് വേണ്ടിയാണ് ജീവിക്കുന്നത്. എന്നാൽ മറ്റുള്ളവർക്കുവേണ്ടി ജീവിക്കുന്നതാണ് യഥാർത്ഥത്തിൽ ജീവിതം. സൗന്ദര്യത്തോടൊപ്പം പെരുമാറ്റവും നന്നായിരുന്നാൽ സൗന്ദര്യത്തിന് മാറ്റ് കൂടും. സംസാരിക്കുന്ന രീതി, നടപ്പ് ശൈലി എന്നിവയും നന്നായിരുന്നാൽ ആരും നിങ്ങളുടെ സൗഹൃദം ആഗ്രഹിക്കാതിരിക്കില്ല. എന്നാൽ നിങ്ങൾ അതീവ സുന്ദരിയാണെങ്കിലും അഹങ്കാരിയും സ്വാർത്ഥയും സ്വന്തം കാര്യം സിന്ദാബാദ് എന്ന നയത്തോടെ ജീവിക്കുന്നവരുമാണെങ്കിലോ? നിങ്ങളെ ആരും ഇഷ്ടപ്പെടില്ല. തീർച്ച.
നല്ല പെരുമാറ്റം
34 വയസ്സുള്ള അജയ് തന്‍റെ അഭിപ്രായം പ്രകടിപ്പിക്കുന്നത് ഇപ്രകാരമാണ്, “സുന്ദരികളോട് സൗഹൃദം കൂടാൻ എനിക്ക് താൽപര്യമാണ്. ഒരു ദിവസം ഔദ്യോഗികാവശ്യത്തിനായി എനിക്ക് ഡൽഹിക്ക് പോകേണ്ടി വന്നു. അതിനിടയ്ക്ക് എയർ ഹോസ്റ്റസ് മനീഷയുമായി ഞാൻ സൗഹൃദത്തിലായി. ഞാൻ മനീഷയ്ക്ക് എന്‍റെ മൊബൈൽ നമ്പർ നൽകി. അവളുടെ നമ്പറും വാങ്ങി. പിന്നെ ഞാൻ അക്കാര്യമേ മറന്നു പോയി.”
“ഒരു ദിവസം പെട്ടെന്ന് മനീഷയെ ഫോൺ വിളിക്കണമെന്ന് തോന്നി. ഫോണിലൂടെയുള്ള അവളുടെ മധുരമായ സ്വരത്തിലും സംസാരത്തിലും ഞാൻ ആകൃഷ്ടനായി ഞാനവളെ പതിവായി വിളിക്കാൻ തുടങ്ങി. വാസ്തവത്തിൽ ഒരു ദിവസം പോലും അവളോട് സംസാരിക്കാതിരിക്കാൻ സാധിച്ചില്ല. ഇത്രയും നിഷ്കളങ്കയും ശുദ്ധഗതിക്കാരിയുമായാൽ യാത്രക്കാരെ എങ്ങനെയായിരിക്കും ഹാൻഡിൽ ചെയ്യുകയെന്നോർത്ത് എനിക്ക് ആശ്ചര്യം തോന്നി.”
“അങ്ങനെ നാളേറെ കടന്നുപോയി. പിന്നീട് ഇതൊരു ശീലമായി. ഒരു ദിവസം ഞാനവളെ നേരിട്ട് കാണണമെന്ന് പറഞ്ഞപ്പോൾ അവളാകെ ഭയന്നുപോയി. സാധ്യമല്ലെന്നവൾ മറുപടി നൽകി. നിങ്ങളെന്നെ കണ്ടാൽ പശ്ചാത്തപിക്കേണ്ടി വരുമെന്നും സൂചന നൽകി. എടുത്തടിച്ചതുപോലുള്ള ഈ മറുപടി എന്നെ കൂടുതൽ ദുഃഖിതനും കോപാകുലനുമാക്കി. ഞാനവളോട് സംസാരിക്കുന്നത് നിറുത്തി.”
“കുറച്ച് ദിവസങ്ങൾക്കുശേഷം എനിക്കൊരു ഫോൺകോൾ വന്നു. ചെറിയൊരു മറവി കാരണം ഒരു തെറ്റിദ്ധാരണയുയണ്ടായതിന് എന്നോട് ക്ഷമിക്കണം. ഇത്രയും നാൾ താങ്കൾ മനീഷയെന്ന് കരുതി സംസാരിച്ച പെൺകുട്ടി എന്‍റെ ബെസ്റ്റ് ഫ്രണ്ട് കാമിനി ആയിരുന്നു. നിങ്ങളോട് പ്ലെയിനിൽ വച്ച് പരിചയപ്പെട്ട എയർ ഹോസ്റ്റസ് ഞാനാണ്. ഞാൻ അന്ന് എന്‍റെ നമ്പർ നൽകുന്നതിന് പകരം കാമിനിയുടെ നമ്പറാണ് നൽകിയത്. താങ്കളെ ഇതൊക്കെ അറിയിക്കണമെന്ന് കരുതിയതാ. അപ്പോഴേക്കും താങ്കൾ അവളുമായി സൗഹൃദത്തിലായിക്കഴിഞ്ഞിരുന്നു. കാമിനിക്കും താങ്കളുടെ സംസാരം ഏറെ ഇഷ്ടമായതിനാൽ ഈ സൗഹൃദം ഒഴിയാൻ തയ്യാറായില്ല. താങ്കളവളെ നേരിട്ട് കാണണമെന്ന് പറഞ്ഞതാണ് പ്രശ്നമായത്. കാമിനി കഴ്ചയ്ക്കത്ര സുന്ദരിയല്ല. സാധാരണക്കാരി. എന്നാൽ സൗമ്യമായ പെരുമാറ്റവും” മനീഷ പറഞ്ഞു.
നല്ല സ്വഭാവം
മനീഷയുടെ സംസാരത്തിൽ നിന്നും കാമിനിയെ കാണമെന്ന എന്‍റെ ആഗ്രഹം ദൃഢമായി. പക്ഷേ, കാമിനിയെ കണ്ട മാത്രയിൽ ഞാൻ സ്തംഭിച്ചു പോയി. പൊക്കം കുറവ്, കറുത്ത നിറം. എന്നാൽ ഞാനവളോട് സംസാരിക്കാൻ തുടങ്ങിയപ്പോൾ അവളുടെ സംസാരരീതിയും പെരുമാറ്റവും എന്നെ വല്ലാതെ ആകർഷിച്ചു. കാമിനി ഇന്നെന്‍റെ ഭാര്യയാണ്. വീട്ടിലും ബന്ധുക്കൾക്കുമിടയിൽ ഏറെ പ്രിയങ്കരിയാണ് അവൾ ഇന്ന്.
