യംഗ് ആന്‍റ് സ്റ്റണ്ണിംഗ് ബ്യൂട്ടിയാകാൻ ഒരു എള്ളുപ്പ വഴിയുണ്ട്. അതെന്താണെന്ന് അറിയേണ്ടേ? സംഗതി സിംമ്പിളാണ്. അൽപമൊന്ന് ഫാഷനബിളാകുക. പഴയ ഡ്രസിനു പകരം ബ്രൈറ്റ് ഷെയ്ഡുകളിലും ലൈവ് ഷെയ്ഡുകളിലും ഉള്ള ഡിസൈനർ ഡ്രസുകൾ കരുതി വയ്ക്കുക. പുതിയ കട്ടിംഗും സ്റ്റിച്ചിഗും ഉള്ള ഡ്രസുകളിൽ നിങ്ങൾ കൂടുതൽ സുന്ദരിയായി മാറും. പ്രയമേറുന്നതിന് അനുസരിച്ച് ശരീരത്തിൽ മാറ്റങ്ങളുണ്ടാകുക സാധാരണമാണല്ലോ. ഈ സാഹചര്യത്തിൽ അനുയോജ്യമായ വസ്ത്രങ്ങളും ആഭരണങ്ങളും ധരിക്കാൻ പ്രത്യേകം ശ്രദ്ധിക്കണം. ശരീരത്തിന്‍റെ ആകൃതിക്കനുസരിച്ചുള്ള വസ്ത്രങ്ങളും ആഭരണങ്ങളും അണിഞ്ഞ് സുന്ദരിയാകാനുള്ള ചില വിദ്യകളിതാ.
സാരി
ശരീരസൗന്ദര്യം കൂട്ടുന്നതിൽ സാരിയോളം മനോഹരമായ വേഷമില്ലെന്നാണ് ഫാഷനിസ്റ്റുകൾ വിലയിരുത്തുന്നത്. ബ്ലൗസിന്‍റെ നിറത്തിലും ഡിസൈനിലും മാത്രമല്ല സാരിണിയുന്ന രീതിയിലും മാറ്റം വരുത്തുകയാണെങ്കിൽ വേറിട്ട ലുക്ക് ലഭിക്കുമെന്ന് പറയേണ്ടതില്ലല്ലോ. ചുവടെ ചേർത്തിരിക്കുന്ന കാര്യങ്ങൾ ശ്രദ്ധിക്കാം.
- ബ്ലൗസിന്‍റെ സ്റ്റൈലിംഗിൽ പ്രത്യേക ശ്രദ്ധ നൽകുക. വ്യത്യസ്ത കട്ടിംഗുകളും ഡിസൈനുകളുമുള്ള ബ്ലൗസ് ധരിച്ചു നോക്കൂ. പാർട്ടി പോലുള്ള വിശേഷാവസരങ്ങളിൽ ഹെവി വർക്കുള്ള സാരിയണിയാം.
- ഷെയ്പ് ഇല്ലാത്ത ഫിഗറുള്ളവർക്കും വണ്ണമുള്ളവർക്കും ലോംഗ് ജാക്കറ്റ് കട്ട് ഉള്ള ബ്ലൗസ് ആണ് ചേരുക. ഇത്തരം ബ്ലൗസിന് പിന്നിലായി വ്യത്യസ്തതരം ഡിസൈനുകൾ ക്രിയേറ്റ് ചെയ്ത് ഫാഷനബിളാകാം.
- ആകർഷകമായ ഫിഗറുള്ളവർക്ക് ബിക്കിനി ബ്ലൗസ് ധരിക്കാം.
- പുതിയ രീതിയിൽ സാരി അണിഞ്ഞു നോക്കാം. സാരി ഉടുക്കുന്ന രീതിയിലെ വ്യത്യസ്തത പുതിയ ലുക്ക് സമ്മാനിക്കും.
- യംഗ് ലുക്ക് സൃഷ്ടിക്കുന്നതിന് നിറം നിർണ്ണായകമായ റോൾ വഹിക്കുന്നുണ്ട്. അതിനാൽ ഫ്രഷ് റെഡ്, ഗ്രീൻ, ഫൂഷിയ പിങ്ക്, പീകോക് ബ്ലൂ തുടങ്ങിയ പകിട്ട് നിറങ്ങൾ പരീക്ഷിച്ചു നോക്കാം.
സൽവാർ കമ്മീസ്
- സ്വന്തം ഫിഗറിന് അനുയോജ്യമായ രീതിയിലുള്ള കട്ടിംഗുകൾ ഡ്രസിൽ പരീക്ഷിക്കാം.
- പൊക്കമുള്ളവർക്കും ലോവർബോഡി ഹെവിയായിട്ടുള്ളവർക്കും അനാർക്കലി ഡ്രസ് ട്രൈ ചെയ്യാം.
- അസിമട്രിക്കൽ കുർത്ത ധരിക്കാം. ഇത് ഫാഷനബിൾ ലുക്ക് പകരും.
- ഉദ്യോഗസ്ഥകളെ സംബന്ധിച്ച് ഏറ്റവും ഫാഷനബിളും ലളിതവുമായ ഒരു ഔട്ട്ഫിറ്റാണ് കുർത്തയും ലെഗ്ഗിൻസും. സൈഡ് കട്ടിന്‍റെ സ്ഥാനത്ത് ഞൊറികളോ, വി ഷെ്പ്, അസിമട്രിക്കൽ തുടങ്ങിയ കട്ടിംഗുകളോ ഉണ്ടെങ്കിൽ ട്രെൻഡിയാകും.
- കളർ ബ്ലോക്കിംഗ് യുവക്കൾക്കിടയിൽ ഹരമായിരിക്കുകയാണ്. ഏതെങ്കിലും നിറത്തിലുള്ള ഡ്രസ് അണിഞ്ഞ് അതിൽ നിന്നും തീർത്തും വ്യസ്തമായ ആഭരണങ്ങളോ ബാഗോ ഫുട്‍വെയറോ ധരിക്കുന്ന രീതിയാണിത്. ഉദാ- പ്ലെയിൻ ബ്ലൂ നിറത്തിലുള്ള കുർത്തയ്ക്ക് ഫിളൂറസന്‍റ് കളർ പൈജാമയോ, ലെഗ്ഗിൻസോ അണിയുക. ശരിയായി മനസ്സിലാക്കിയ ശേഷം വേണം കളർ ബ്ലോക്കിംഗ് സ്റ്റൈൽ പരീക്ഷിക്കാൻ. ഇത് നിങ്ങളെ കൂടുതൽ ചെറുപ്പവും സുന്ദരിയുമാക്കും.
- മുതിർന്ന പ്രായക്കാർക്ക് യംഗ് ലുക്കിനായി സ്വന്തം സൗന്ദര്യമനുസരിച്ച് വെസ്റ്റേൺ വെയറുകൾ നോക്കാവുന്നതാണ്.
വെസ്റ്റേൺ വെയർ
- ഭാരിച്ച ബ്രസ്റ്റ് ലൈൻ ഉള്ളവർക്ക് ഷോർട്ട് ടോപ് അനുയോജ്യമല്ല. ഈ സാഹചര്യത്തിൽ ലോവർ ബോഡി അമിതമായി ഹൈലൈറ്റ് ചെയ്യരുത്.
- അപ്പർ ബോഡി ഹെവിയായിട്ടുള്ളവർക്ക് ട്രെൻഡി ബെൽറ്റ് ധരിക്കാം.
- ലൈവ് കളറുകളിലുള്ള ലോംഗ് ട്യൂണിക് ധരിക്കുക.
- പഫ് സ്ലീവ് ധരിക്കാം. കൈകൾക്ക് വലുപ്പം തോന്നിക്കാൻ ഇത് സഹായിക്കും.
- യുവത്വം തോന്നിപ്പിക്കാൻ ഡെനിം വസ്ത്രങ്ങൾ നല്ലൊരു ചോയ്സാണ്.
ആഭരണങ്ങൾ
- ഹെവി വർക്കുള്ള ബോർഡർ സാരിക്കൊപ്പം ലോംഗ് ഇയറിംഗ് ധരിക്കാം. ഇയറിംഗ് ഭാരിച്ചതാണെങ്കിൽ നെക്‌ലേസ് ധരിക്കരുത്.
- നീണ്ട കഴുത്തുള്ള സ്ത്രീകൾക്ക് വീതിയേറിയതോ നേർത്തോ ആയ കഫ്സ് ധരിക്കാം.
- സാരി ഹെവിയാണെങ്കിൽ ആഭരണങ്ങൾ വളരെ മിതമായ രീതിയിൽ മതി. ഇത് നിങ്ങൾക്ക് കൂൾ ലുക്ക് നൽകും.
- മാർക്കറ്റിംഗിൽ പലതരം ഡിസൈനുകളിലുള്ള സ്റ്റഡഡ് വളകൾ ലഭ്യമാണ്. ഡ്രസിന് മാച്ച് ചെയ്യുന്ന രീതിയിലുള്ള വളകൾ അണിഞ്ഞ് വ്യത്യസ്തമായ സ്റ്റൈൽ തീർക്കാം. സാരിക്കും സൽവാർ സ്യൂട്ടിനുമൊപ്പം ഡിസൈനർ തടവളകൾ അണിയാം.
- പാർട്ടികളിൽ സാരിക്കും ഹെവി ഡ്രസിനുമൊപ്പം ഡിസൈനർ സ്റ്റഡഡ് ടോ അല്ലെങ്കിൽ ക്ലച്ച് ഉപയോഗിക്കാം. വിവിധ ഷെയ്പിലും നിറങ്ങളിലുമുള്ള ടോ ലഭ്യമാണ്.
- പൊക്കക്കുറവുള്ളവർക്ക് ഫുട്‍വെയറിൽ വെസേജ് ട്രൈ ചെയ്യാം. ഇത് പാദങ്ങൾക്ക് സുഖപ്രദമാണെന്ന് മാത്രമല്ല ട്രെൻഡിയുമാണ്. എന്നാൽ പാർട്ടിക്ക് പോകുമ്പോൾ പെൻസിൽ ഹീലോ 2-3 ഇഞ്ച് ഹീലുള്ള സാൻഡലോ ധരിക്കാം. വെസേജ് പാർട്ടിക്ക് ഒട്ടും അനുയോജ്യമല്ല.
മറ്റ് കാര്യങ്ങൾ
- തടിച്ച കൈകളാണെങ്കിൽ ക്യാപ് സ്ലീവിന്‍റെ സ്ഥാനത്ത് ഫുൾ അല്ലെങ്കിൽ ത്രീ ഫോർത്ത് സ്ലീവ്സോ അണിയാം. ഷർട്ടാണ് ധരിക്കുന്നതെങ്കിൽ ഫോൾഡഡ് സ്ലീവ്സ് നന്നായി ഇണങ്ങും.
- നീണ്ട കഴുത്തുള്ള സ്ത്രീകൾ ഡീപ് നെക്കിന് പകരം ബാക്ക് കട്ടുള്ള കോളർ നെക്ക് ട്രൈ ചെയ്യാം.
- പകൽ സമയങ്ങളിൽ സോഫ്റ്റ് കളർ ധരിക്കുന്നതാണ് നല്ലത്. ഇത് ചർമ്മത്തിന് തിളക്കം പകരം.
- രാത്രിയിൽ ഇഷ്ട നിറത്തിലുള്ള ഡ്രസണിയാം. ഡ്രസിനിണങ്ങുന്ന തരത്തിലുള്ള തിളക്കമുള്ള ആക്സസറീസുകളും ധരിച്ചോളൂ. സ്മാർട്ട് ആന്‍റ് സ്റ്റണ്ണിംഗ് ബ്യൂട്ടിയാകാൻ ഇതിൽ കൂടുതൽ ഇനിയൊന്നും വേണ്ട.
