ചോദ്യം
എന്‍റെ ഭർത്താവിന്‍റെ പ്രായം 56 വയസ്സ്. അദ്ദേഹത്തിന് കരൾ തകരാറാണ്. കരൾ പരാജയം എന്താണെന്നും അതിനുള്ള ചികിത്സകൾ എന്താണെന്നും പറയാമോ?
ഉത്തരം
കരളിന്‍റെ വലിയൊരു ഭാഗത്തിന് കേടുപാടുകൾ സംഭവിക്കുകയും ഒരു ചികിത്സയിലൂടെയും ഭേദമാക്കാൻ കഴിയാതെ വരികയും ചെയ്യുമ്പോൾ കരൾ പരാജയം സംഭവിക്കുന്നു. കരൾ തകരാർ എന്നത് ജീവന് ഭീഷണിയായ ഒരു അവസ്ഥയാണ്, ഉടനടി ചികിത്സ ആവശ്യമാണ്. പല കരൾ രോഗങ്ങളുടെയും അവസാന ഘട്ടമാണ് ലിവർ ഫെയ്‌ലിയർ. പ്രാരംഭ ഘട്ടത്തിൽ കരൾ പരാജയം മരുന്ന് ഉപയോഗിച്ചാണ് ചികിത്സിക്കുന്നത്. ഇപ്പോഴും പ്രവർത്തിക്കുന്ന കരളിന്‍റെ ആ ഭാഗം സംരക്ഷിക്കുക എന്നതാണ് ചികിത്സയുടെ പ്രാഥമിക ലക്ഷ്യം. ഇത് സാധ്യമല്ലെങ്കിൽ, കരൾ മാറ്റിവയ്ക്കൽ ആവശ്യമായി വരുന്നു. ഇതിൽ, ഒന്നുകിൽ കരൾ മുഴുവനായോ അല്ലെങ്കിൽ കരളിന്‍റെ കുറച്ച് ഭാഗമോ മാറ്റി വയ്ക്കുന്നു. അത്യാധുനിക സാങ്കേതിക വിദ്യകൾ കരൾ മാറ്റി വയ്ക്കൽ വളരെ എളുപ്പവും വിജയകരവും ആക്കിയിട്ടുണ്ട്. 6 മാസം കൊണ്ട് കരൾ മാറ്റി വച്ച രോഗിക്ക് സാധാരണ അവസ്ഥയിലേക്ക് വരാൻ കഴിയും. എന്നാൽ ജീവിതകാലം മുഴുവൻ മരുന്നും പ്രത്യേക ഭക്ഷണ രീതിയും തുടരണം. മദ്യപാനം പാടില്ല. രോഗത്തിന്‍റെ ഫോർത് സ്റ്റേജിലായ രോഗി ആണെങ്കിൽ റിക്കവർ ചെയ്യാനുള്ള സാധ്യത വളരെ പരിമിതമാണ്.
ചോദ്യം
ഞാൻ 57 വയസ്സുള്ള ഒരു അഭിഭാഷകയാണ്. രോഗ നിർണ്ണയത്തിൽ, എന്‍റെ കരളിൽ 2 മില്ലി മീറ്റർ ട്യൂമർ ഉണ്ടെന്ന് കണ്ടെത്തി. സർജറി കൊണ്ട് പൂർണമായും സുഖപ്പെടുത്താൻ കഴിയുമോ?
ഉത്തരം
വളരെ കുറച്ച് കേസുകളിൽ മാത്രമേ കരൾ കാൻസർ പ്രാരംഭ ഘട്ടത്തിൽ കണ്ടെത്താറുള്ളൂ, ഈ ഘട്ടത്തിൽ ശസ്ത്രക്രിയയിലൂടെ വിജയകരമായ ചികിത്സ സാധ്യമാണ്. ട്യൂമറിന് ചുറ്റുമുള്ള ആരോഗ്യകരമായ ചില ടിഷ്യു ശസ്ത്രക്രിയവഴി നീക്കം ചെയ്യുന്നു. മിനിമം ഇൻവേസിവ് ലാപ്രോസ്കോപ്പിക് അല്ലെങ്കിൽ റോബോട്ടിക് സർജറി ശസ്ത്രക്രിയ വളരെ എളുപ്പമാക്കുന്നു. കംപ്യൂട്ടറുകളുടെയും റോബോട്ടുകളുടെയും സഹായം സ്വീകരിച്ച് ശസ്ത്രക്രിയ നടത്തുന്ന അത്യാധുനിക സാങ്കേതിക വിദ്യയാണിത്. ഈ കമ്പ്യൂട്ടർ നിയന്ത്രിത ശസ്ത്രക്രിയയിൽ, ശസ്ത്രക്രിയാ വിദഗ്ധർ റോബോട്ടിനെ നിയന്ത്രിക്കാൻ ഒരു കമ്പ്യൂട്ടർ ഉപയോഗിക്കുന്നു, ഇത് സങ്കീർണതകൾ കുറയ്ക്കുകയും ചെയ്യുന്നു ഒപ്പം രോഗിക്ക് സുഖം പ്രാപിക്കാൻ കുറച്ച് സമയം മതിയാകും. ആശുപത്രിയിൽ കൂടുതൽ താമസം ആവശ്യമില്ല.
– ഡോക്ടർ. സഞ്ജയ് ഗോജ
നാരായണ ഹോസ്പിറ്റൽ, ഗുരുഗ്രാം.
