ചെറുപ്പം മുതലേ സിനിമയിൽ അഭിനയിക്കണമെന്ന ആഗ്രഹം ഉണ്ടായിരുന്നതിനാൽ, എന്ത് അവസരങ്ങൾ കിട്ടിയാലും ഞാൻ അഭിനയം തുടർന്നുകൊണ്ടേയിരുന്നു. ചിലർ എന്നെ പരിഹസിച്ചു, പക്ഷേ ഞാൻ വിട്ടില്ല. ഇന്ന് ഭൂൽ ഭുലയ്യ 2 എന്ന ചിത്രം ഒരു വിജയ ചിത്രമായി മാറി. അതിനുള്ള കാരണം എനിക്ക് ഒരു അവസരം ലഭിച്ചതാണ് പിന്നീട് എന്‍റെ കഴിവിനെ മുന്നോട്ട് കൊണ്ടുവരാൻ എനിക്ക് കഴിഞ്ഞു. ഇപ്പോഴിതാ ജഗ് ജഗ് ജിയോൻ എന്ന സിനിമ വരാൻ പോവുകയാണ്. ഇനിയും ഒരുപാട് ചെയ്യാനുണ്ട്, ചിരിച്ചുകൊണ്ട് നടി കിയാര അദ്വാനി പറയുന്നു.
കിയാര അദ്വാനി ഇപ്പോൾ ഹിന്ദി സിനിമാ ലോകത്തെ അറിയപ്പെടുന്ന പേരായി മാറിയിരിക്കുകയാണ്. കബീർ സിംഗ്, ഗുഡ് ന്യൂസ്, ലക്ഷ്മി, ഭൂൽ ഭുലയ്യ 2 തുടങ്ങിയവയാണ് അവരുടെ വിജയ ചിത്രങ്ങൾ. ‘ഫഗ്ലി’ എന്ന ചിത്രത്തിലൂടെയാണ് അവർ തന്‍റെ കരിയർ ആരംഭിച്ചത്, ചിത്രം വിജയിച്ചില്ല. പിന്നീട് കുറച്ചു കാലം കിയാരയ്ക്ക് നല്ല വേഷം ലഭിച്ചില്ല. ഇതിനുശേഷം ‘കബീർ സിംഗ്’ എന്ന ചിത്രത്തിലൂടെ തിരിച്ചു വന്നു.
കിയാരയുടെ പിതാവ് ജഗ്ദീപ് അദ്വാനി ഒരു വ്യവസായിയാണ്. അമ്മ ജെനീവീവ് ജാഫ്രി പകുതി മുസ്ലീം പാതി ബ്രിട്ടീഷ് വംശജയാണ്. മാസ് കമ്മ്യൂണിക്കേഷനിൽ ബിരുദം നേടിയിട്ടുണ്ട്. കഠിനാധ്വാനവും ക്ഷമയും ആവോളം ഉണ്ട്. അങ്ങനെ ആണ് ഇവിടെവരെയെത്തിയത്.
ചോദ്യം- നിങ്ങളുടെ സിനിമകൾ ഇപ്പോൾ തുടർച്ചയായി വിജയിക്കുന്നു. ആർക്കാണ് ക്രെഡിറ്റ് നൽകാൻ ആഗ്രഹിക്കുന്നത്?
ഉത്തരം- നല്ല കഥയുള്ളപ്പോൾ സിനിമകൾ മുന്നോട്ട് പോകും പ്രേക്ഷകർ കാണും. കൊവിഡ് കാരണം രണ്ടര വർഷത്തോളം പണി മുടങ്ങിയിരുന്നു. പ്രേക്ഷകരെ ഹാളിലേക്ക് കൊണ്ടുവരുന്നത് ബുദ്ധിമുട്ടാണെന്ന് എല്ലാവരും കരുതി, പക്ഷേ ഭൂൽ ഭുലയ്യ 2 ൽ പ്രേക്ഷകർ വന്നു, അവർക്കും എന്‍റെ സിനിമ ഇഷ്ടപ്പെട്ടു. കോവിഡ് നശിപ്പിച്ച ജീവിതം വീണ്ടും ആരംഭിച്ചു.
ചോദ്യം- എങ്ങനെയാണ് സിനിമയുടെ വിജയം ആഘോഷിക്കുന്നത്?
ഉത്തരം- സിനിമയുടെ വിജയത്തിന് ശേഷം വിജയം ആഘോഷിക്കുന്നത് നല്ലതാണ്. ധോണി ദി അൺടോൾഡ് സ്റ്റോറിയിൽ തുടങ്ങി തുടർന്ന് കബീർ സിംഗ്. ഇതിൽ ഒക്കെ വിജയം ഞാൻ ആഘോഷിച്ചു. എനിക്ക് എവിടെയെങ്കിലും പോകാനോ കുടുംബത്തോടൊപ്പം സമയം ചെലവഴിക്കാനോ ഇഷ്ടമാണ്. നേരത്തെ വിജയചിത്രങ്ങൾ ഇല്ലാതിരുന്നപ്പോൾ പിന്നെ പണിയില്ലായിരുന്നു. വിജയിച്ച സിനിമകളുണ്ടെങ്കിൽ അവസരങ്ങൾ കൂടുതൽ ലഭിക്കും. ഇപ്പോൾ വരുന്ന സിനിമകളുടെ ജോലികൾ വർഷങ്ങളായി തുടരുകയായിരുന്നു, അതിനിടയിൽ എല്ലാവർക്കും കൊവിഡ് ബാധിച്ചു.
ചോദ്യം- സിനിമകളുടെ വിജയത്തിന് ശേഷം നിങ്ങളിൽ എന്ത് മാറ്റമാണ് ഉണ്ടായത് ?
ഉത്തരം- സിനിമകളുടെ വിജയം കൊണ്ട് എന്നിൽ ഒരു മാറ്റവും ഉണ്ടായിട്ടില്ല. ഞാൻ ഇപ്പോഴും പഴയ പോലെ മാളിൽ പോകുന്നു അവിടെ ആരെങ്കിലും എന്നോട് ഒരു സെൽഫി ചോദിച്ചാൽ ഞാൻ അത് നിരസിക്കുന്നില്ല. കാരണം അവർ കാരണമാണ് ഞാൻ ഇന്ന് ഇവിടെ എത്തിയത്. അവർ വന്നില്ലെങ്കിൽ പിന്നെ ആരാണ് എന്നെ തിരിച്ചറിയുക? എന്‍റെ ഈ ചെറിയ സെൽഫി അവർക്കായി നൽകുമ്പോൾ അത് അവരുടെ ദിവസം നല്ലതക്കിയാൽ അത് കൊടുക്കാൻ എനിക്ക് ഒരു പ്രശ്നവുമില്ല. എന്‍റെ ഈ സെൽഫി സൂക്ഷിക്കാൻ പോകുന്നത് എന്‍റെ ആരാധകരാണ്.
ചോദ്യം- കഠിനാധ്വാനത്തിന്‍റെ ബലത്തിലാണ് നിങ്ങൾ ഇവിടെയെത്തിയത്, നിർമ്മാതാക്കളുടെയും സംവിധായകരുടെയും പെരുമാറ്റത്തിൽ നിങ്ങൾ എത്രമാത്രം മാറ്റം കാണുന്നു?
ഉത്തരം- ഒരുപാട് സിനിമകളിൽ പ്രവർത്തിച്ചിട്ടും വിജയിച്ചില്ല എന്നത് ശരിയാണ് അതുകൊണ്ടാണ് ഞാൻ പിന്നോട്ട് പോയത് പിന്നീട് അതിൽ നിന്ന് പുറത്തുകടക്കാൻ ബുദ്ധിമുട്ടായിരുന്നു. ഇത് എന്‍റെ കരിയറിന്‍റെ അവസാനമല്ലെന്ന് എനിക്ക് മനസ്സിലായി. ആദ്യ സിനിമയുടെ പരാജയത്തിന് ശേഷം എല്ലാം അവസാനിച്ചു എന്ന് തോന്നി. എല്ലാ വെള്ളിയാഴ്ചയും എല്ലാ സിനിമകളും വിജയിക്കാനാവില്ലെന്ന് ഞാൻ എന്‍റെ ഹൃദയത്തോട് പറഞ്ഞു. ഈ സമയത്ത് ഞാൻ എന്നെത്തന്നെ കൂടുതൽ മെച്ചപ്പെടുത്താൻ ശ്രമിച്ചു.
ചോദ്യം- കൊവിഡിന് ശേഷം, കുടുംബത്തിന്‍റെ പ്രാധാന്യം എല്ലാവർക്കും മനസ്സിലായി. മുമ്പ് കുടുംബത്തെ മനസ്സിലാക്കാൻ ആർക്കും സമയമില്ലായിരുന്നു, നിങ്ങളിൽ എന്താണ് മാറിയത്?
ഉത്തരം- ഞാൻ എല്ലായ്‌പ്പോഴും കുടുംബത്തിന് കൂടുതൽ പ്രാധാന്യം നൽകിയിട്ടുണ്ട്, കൊവിഡ് സമയത്ത് എല്ലാവരും കുടുംബത്തോടൊപ്പം ധാരാളം സമയം ചെലവഴിച്ചു. അപ്പോൾ എല്ലാവർക്കും കുടുംബത്തിന്‍റെ വില മനസ്സിലായി. കൊവിഡ് ബാധിച്ച് മിക്കവർക്കും പ്രിയപ്പെട്ട ഒരാളെ നഷ്ടപ്പെട്ട അത്തരമൊരു കാലം ഉണ്ടായിരുന്നു. പണം കൊണ്ട് പ്രിയപ്പെട്ടവരെ രക്ഷിക്കാൻ അവർക്ക് കഴിഞ്ഞില്ല. ഇതോടെ കുടുംബത്തെ മുന്നിൽ നിർത്തിയാണ് എല്ലാവരും ഇപ്പോൾ ജോലി ചെയ്യുന്നത്. ജീവിതത്തിന്‍റെ തിരക്കുകളിൽ നിന്നും സ്വയം വേറിട്ട് നിൽക്കുന്നു. ഈ സിനിമയിലും ബന്ധങ്ങൾ തമ്മിലുള്ള ഒത്തുതീർപ്പ് നന്നായി കാണിക്കാൻ ശ്രമിച്ചിട്ടുണ്ട്. ബന്ധങ്ങളിൽ ഭിന്നത ഉണ്ടെങ്കിലും അത് പരിഹരിക്കണം. കൊവിഡ് കാരണം ജനങ്ങളുടെ ജീവിതത്തിൽ ഒരുപാട് നിരാശകൾ ഉണ്ടായിട്ടുണ്ട്. ഇപ്പോൾ ആളുകൾ വിനോദ സിനിമകൾ കാണാനും ചിരിക്കാനും ഇഷ്ടപ്പെടുന്നു. അത്തരം സിനിമകൾ ചെയ്യാൻ ഞാൻ ആഗ്രഹിക്കുന്നു.
ചോദ്യം– ഹിന്ദി ചലച്ചിത്രമേഖലയിൽ ലിംഗവിവേചനം ഏറെയാണ്, നിങ്ങൾക്കത് തോന്നിയിട്ടുണ്ടോ?
ഉത്തരം- തോന്നിയിട്ടുണ്ട്, പക്ഷേ എന്‍റെ അഭിപ്രായത്തിൽ ഒരു സിനിമയുടെ വിജയത്തിന് നായകൻ മാത്രമല്ല മുഴുവൻ ടീമും ഉത്തരവാദികളാണ്. സമൂഹത്തിലും കുടുംബത്തിലും മതത്തിലും ലിംഗവിവേചനം നേരിടുന്നു. സിനിമയിലെ എന്‍റെ പ്രകടനം പ്രേക്ഷകർ ഇഷ്ടപ്പെടുമ്പോൾ സന്തോഷം തോന്നുന്നു. ചിലപ്പോൾ ചെറിയ വേഷം ആണെങ്കിൽ പോലും അതിന്‍റെ പ്രാധാന്യം കൂടുമായിരുന്നു, അങ്ങനെയൊരു വേഷം ചെയ്യുന്നതിൽ എനിക്ക് പ്രശ്നമില്ല.
ചോദ്യം- എപ്പോഴാണ് വിവാഹം കഴിക്കുന്നത്?
ഉത്തരം– വിവാഹം കഴിക്കുന്നതിനെക്കുറിച്ച് ഇപ്പോൾ ചിന്തിച്ചിട്ടില്ല, പക്ഷേ വിവാഹം എന്‍റെ കരിയറിനെ ബാധിക്കില്ലെന്ന് ഉറപ്പുണ്ടായാൽ ഞാൻ വിവാഹം കഴിക്കും. കുടുംബത്തിൽ നല്ലതും വിജയകരവുമായ വിവാഹങ്ങൾ ഞാൻ കണ്ടിട്ടുണ്ട്. അമ്മായിയമ്മയും മരുമകളും തമ്മിൽ നല്ല യോജിപ്പുള്ള കുടുംബത്തെയും പങ്കാളിയെയും ഞാൻ ആഗ്രഹിക്കുന്നു.
