ഇവ രണ്ടും ലോകമെമ്പാടുമുള്ള ഇടങ്ങളിൽ മുഖ്യ ആഹാരമാണ്. എന്നാൽ അമിതവണ്ണത്തിനും പ്രമേഹത്തിനും മറ്റ് ആരോഗ്യ പ്രശ്നങ്ങൾക്കും അരിയാഹാരമാണ് പ്രധാന കാരണമെന്നാണ് ബഹുഭൂരിഭാഗം പേരും കരുതുന്നത്. ഇത് സത്യമാണോ?
പോളിഷ് ചെയ്ത അരിയാണ് നമ്മൾ പ്രധാനമായും ഉപയോഗിക്കുന്നത്. ഇങ്ങനെ പോളിഷ് ചെയ്യുന്നതിലൂടെ അരിയുടെ നാരുകളാൽ സമ്പന്നമായ ബാഹ്യപാളി നീക്കം ചെയ്യപ്പെടുന്നു. അങ്ങനെ ബികോംപ്ലക്സ് പോഷകാംശങ്ങൾ, അയൺ, കാത്സ്യം മുതലായവ അരിയിൽ നിന്നും നഷ്ടപ്പെടുന്നു.
ഗോതമ്പും പോഷക സമ്പുഷ്ടമായ ധാന്യമാണ്. ഗോതമ്പിൽ ഉയർന്ന അളവിൽ നാരുകൾ, പ്രോട്ടീൻ, അയൺ, കാത്സ്യം, പൊട്ടാസ്യം മുതലായ ധാതുക്കൾ അടങ്ങിയിട്ടുണ്ട്.
സവിശേഷതകൾ
- ഗോതമ്പിൽ ഉയർന്ന അളവിൽ സോഡിയവും പൊട്ടാസ്യവുമുണ്ട്. എന്നാൽ അരിയിൽ സോഡിയം തീരെയില്ല. അതുപോലെ കുറഞ്ഞയളവിലെ പൊട്ടാസ്യമുള്ളൂ. സോഡിയം – പൊട്ടാസ്യം നിയന്ത്രിതയളവിൽ കഴിക്കുന്ന ആളുകൾക്ക് ഗോതമ്പ് ചപ്പാത്തിയേക്കാളിലും അരിയാഹാരമാണ് നല്ലത്.
- കുറഞ്ഞയളവിൽ നാരുകളുള്ളതിനാൽ വളരെ അനായാസം അരിയാഹാരം ദഹിക്കും. വയറിളക്കം, ഡയറിയ, ദഹനക്കേട് എന്നീ പ്രശ്നങ്ങൾ ഉള്ളവർക്ക് അരിയാഹാരം മികച്ചതാണ്.
- സമ്പൂർണ്ണ ഗോതമ്പ് വിഭവങ്ങൾ കഴിക്കുന്നതാണ് പ്രമേഹരോഗികൾക്ക് നല്ലത്. വെളുത്ത അരിയിൽ ഉയർന്ന ഗ്ലൈസമിക് ഉള്ളതിനാൽ ബ്ലഡ് ഷുഗർ നില വളരെ വേഗത്തിൽ ഉയരും.
- ചപ്പാത്തിയേക്കാളിലും ചോറിൽ ഉയർന്ന അളവിൽ ഗ്ലൈസമിക് ഇൻഡക്സ് ഉള്ളതിനാൽ ബ്ലഡ് ഷുഗർ നിലയെ അത് അതിവേഗം വർദ്ധിപ്പിക്കും.
- അമിതവണ്ണവും പൊണ്ണത്തടിയും ഉള്ളവർക്ക് ചപ്പാത്തിയാണ് അനുയോജ്യം. അതിൽ കൂടിയ അളവിൽ ഫൈബറുണ്ട്. കൂടിയ അളവിൽ അരിയാഹാരം കഴിക്കുന്നത് (പ്രത്യേകിച്ചും രാത്രിയിൽ) അമിതവണ്ണത്തിന് കാരണമാകും.
പോഷകങ്ങളുടെ അടിസ്ഥാനത്തിൽ പറയുകയാണെങ്കിൽ ചോറ് എന്നതിനെക്കാളിലും ചപ്പാത്തി കഴിക്കുന്നതാണ് അഭികാമ്യം. തവിടുള്ളതോ പോളിഷ് ചെയ്യാത്തതോ ആയ അരി വെളുത്ത അരിക്ക് പകരമായി ഭക്ഷണത്തില്‍ ഉൾപ്പെടുത്തുന്നത് നന്ന്. ഒട്ടുമിക്ക പോഷകങ്ങൾ തവിടുള്ള അരിയിൽ ഉൾപ്പെടുന്നുണ്ട്.
