സെക്‌സ് എന്നത് കേവലം ഭാര്യയും ഭർത്താവും തമ്മിലുള്ള ശാരീരിക ബന്ധം മാത്രമല്ല. അതിലുമപ്പുറം പങ്കാളികൾ തമ്മിലുള്ള മാനസികമായ ചേർച്ചയേയും ഇഴയടുപ്പത്തേയും സ്‌നേഹത്തേയുമാണ് അത് പ്രതിഫലിപ്പിക്കുന്നത്. എന്നാൽ ഭൂരിഭാഗത്തിനും ഇത് ദൈനംദിന ജീവിതത്തിലെ ഒരു പ്രക്രിയ പോലെയാണെന്നതാണ് വാസ്‌തവം.
സെക്‌സ് ശരീരത്തിന് ഉണർവ്വും ഉന്മേഷവും പകരുമെന്നാണ് സെക്‌സോളജിസ്‌റ്റുകളുടെ പൊതുവായ അഭിപ്രായം. അത് ആയുസ്സും ആരോഗ്യവും വർദ്ധിപ്പിക്കുമത്രേ. മറ്റേത് പ്രവർത്തിയേയും പോലെ സെക്‌സിനും ചില ചിട്ടവട്ടങ്ങളുണ്ട്. സംഗീതം പോലെ സെക്‌സ് ആസ്വാദ്യകരമായ അനുഭവമാകണമെങ്കിൽ ചുവടെ കൊടുത്തിരിക്കുന്ന കാര്യങ്ങൾ ശ്രദ്ധിക്കുക.
തിടുക്കം വേണ്ട
സെക്‌സിൽ തിടുക്കമരുത്. ധൃതിപിടിച്ചുളള രീതി സെക്‌സിന്‍റെ ആസ്വാദ്യതയെ നഷ്‌ടപ്പെടുത്തും. മാത്രവുമല്ല ലൈംഗിക സുഖത്തിന്‍റെ കാര്യത്തിൽ ദമ്പതികൾ രണ്ടുപേരും രണ്ട് തലത്തിലായിരിക്കും. ഈയൊരു സാഹചര്യം പങ്കാളിയിൽ അസംതൃപ്‌തിയും ദേഷ്യവുമുണ്ടാക്കും. ലൈംഗികബന്ധം വളരെ പതിയെയാവുന്നതാണ് നല്ലത്. പുരുഷന്‍റെ ചലനങ്ങൾ വളരെ സാവധാനത്തിലും ശ്രദ്ധയോടെയുമാവണം. ഈ രീതി സ്‌ത്രീയെ ശാരീരികമായും മാനസികമായും സന്തുഷ്‌ടയാക്കും. വിരസപൂർണ്ണവും ഹൃദ്യവുമല്ലാത്ത സെക്‌സ് ആരോഗ്യത്തെ അപകടത്തിലാക്കുമെന്ന് മാത്രമല്ല ദാമ്പത്യ ജീവിതത്തെയും തകർക്കും. ശരിയായ സെക്‌സ് ലൈഫ് ഭാര്യാഭർതൃബന്ധത്തെ അടിയുറച്ചതും സ്‌നേഹസമ്പന്നവുമാക്കും. അത് ആരോഗ്യത്തോടൊപ്പം ആയുസ്സും കൂട്ടുമെന്നറിയുക.
തുടർച്ചയായ ലൈംഗിക ബന്ധം സെക്‌സ് ലൈഫിനെ ആക്‌റ്റീവാക്കും. സെക്‌സ് അമിതമാകുന്നത് ആരോഗ്യത്തിന് നന്നല്ല എന്ന തെറ്റിദ്ധാരണ പരക്കെയുണ്ട്. ഇതിന് യാഥാർത്ഥ്യവുമായി യാതൊരു ബന്ധവുമില്ലെന്നോർക്കുക. ആഴ്‌ചയിൽ 4 തവണ സെക്‌സിലേർപ്പെടുന്ന ദമ്പതികൾക്ക് ആയുസ്സും ആരോഗ്യവും കൂടുമെന്ന് മാത്രമല്ല ഭർത്താവിന് ഹാർട്ട്‌അറ്റാക്ക്, ഹാർട്ട് സ്‌ട്രോക്ക് തുടങ്ങിയവ ഉണ്ടാകുന്നത് ഏകദേശം 50 മുതൽ 60 ശതമാനം വരെ കുറയുകയും ചെയ്യുമത്രേ. അടുത്തിടെ നടന്ന ഒരു ഗവേഷണത്തിൽ കണ്ടെത്തിയ വിവരമാണിത്.
തുടർച്ചയായുള്ള സെക്‌സ് മാനസിക പിരിമുറുക്കം കുറയ്‌ക്കും. ഇതുമൂലം ഉണ്ടാകുന്ന ഫീൽഗുഡ് എൻഡോർഫിൻ ഹോർമോണുകളുടെ സ്രാവം പങ്കാളികളിൽ പോസിറ്റീവായ കാഴ്‌ചപ്പാട് ഉണ്ടാക്കുമത്രേ. സെക്‌സ് ലൈഫ് ആനന്ദ പൂർണ്ണമാക്കാൻ ദമ്പതികൾ ഒരുമിച്ച് ചില പ്ലാനിങ്ങുകൾ നടത്തുക.
സ്‌നേഹം അനിവാര്യം
പരസ്‌പരമുള്ള സ്‌നേഹവും അടുപ്പവുമാണ് ദാമ്പത്യത്തിന്‍റെ ശക്‌തമായ അടിത്തറ. പരസ്‌പരമുള്ള ആലിംഗനങ്ങളും ഇക്കിളിപ്പെടുത്തലുകളും സ്‌പർശനങ്ങളുമൊക്കെ ദാമ്പത്യബന്ധത്തെ ഊഷ്‌മളമാക്കാൻ സഹായിക്കുന്നു.
ഇത്തരം പ്രവൃത്തികൾ ഇരുവർക്കുമിടയിലുള്ള പ്രണയഭാവത്തെ ഉണർത്തുമെന്ന് മാത്രമല്ല ശരീരത്തിൽ ഓക്‌സിടോസിൻ ഹോർമോൺ സ്രാവമുണ്ടാക്കും. ഈ ഹോർമോൺ പ്രായമാകുന്നത് തടയുകയും യുവത്വം നിലനിർത്തുകയും ഡിപ്രഷൻ തുടങ്ങിയ രോഗങ്ങളിൽ നിന്നും ശരീരത്തെ സംരക്ഷിക്കുകയും ചെയ്യുമെന്നാണ് പഠനങ്ങൾ പറയുന്നത്. സ്‌നേഹം ഉള്ളിലൊളിപ്പിക്കാനുള്ളതല്ല. അത് പ്രകടിപ്പിക്കുക തന്നെ വേണം. ഇണയോട് സ്‌നേഹത്തോടെയും ആത്മാർത്ഥതയോടെയും സംസാരിക്കുക. സ്‌നേഹലാളനകളാൽ പങ്കാളിയുടെ മനം കവരുക.
ഫിറ്റ്‌നസ്സും ആരോഗ്യവും
ലഹരിപദാർത്ഥങ്ങൾ ഉപയോഗിക്കുന്നതുകൊണ്ട് സെക്‌സ് കൂടുതൽ ആസ്വാദ്യകരമാകുമെന്ന ധാരണ മിക്കവരിലുമുണ്ട്. പക്ഷേ ഈ ധാരണ തെറ്റാണ്. ലഹരി പദാർത്ഥങ്ങൾ ലൈംഗിക ക്ഷമതയെ യഥാർത്ഥത്തിൽ കുറയ്‌ക്കുകയാണ് ചെയ്യുന്നത്.
രോഗങ്ങളെ ചെറുക്കാനുള്ള ശാരീരിക ക്ഷമത ചെറുപ്പകാലത്ത് കൂടുതലായിരിക്കും. എന്നാൽ പ്രായം കൂടുംതോറും ഈ ക്ഷമത സ്വാഭാവികമായും കുറയുമല്ലോ. എന്നാൽ ഹെൽത്തി സെക്‌സിലൂടെ രോഗങ്ങളെ ചെറുക്കാനുള്ള ശാരീരിക ക്ഷമത ദീർഘകാലം നിലനിർത്താനാവും.
ആഴ്‌ചയിൽ 3-4 തവണ സെക്‌സിലേർപ്പെടുക വഴി ദമ്പതികളുടെ ആൻറി ബോഡീസ് നില ഉയരും. പനി, ജലദോഷം, ഫ്‌ളൂ തുടങ്ങിയ രോഗങ്ങൾ പിടിപെടുന്നതിൽ നിന്നും അത് ശരീരത്തെ സംരക്ഷിക്കുകയും ചെയ്യും.
മൂഡ് നിലനിർത്തുക
തിരക്കുപിടിച്ച ജീവിത സാഹചര്യവും മാനസിക പിരിമുറുക്കവും ഭാര്യാഭർത്താക്കന്മാരുടെ ലൈംഗിക താല്‌പര്യത്തെ കുറയ്‌ക്കുകയാണ് ചെയ്യുന്നത്. ഈ സാഹചര്യത്തിൽ സെക്‌സ് ലൈഫ് എൻജോയ് ചെയ്യുന്നതിന് മൂഡ് നിലനിർത്തേണ്ടത് ആവശ്യമാണ്. സെക്‌സ് മൂഡ് നിലനിർത്തുന്നതിന് ബ്രെയിൻ കെമിക്കൽസ് ഏറ്റവുമാവശ്യമാണെന്നാണ് സെക്‌സോളജിസ്‌റ്റുകളുടെ പൊതുവായ അഭിപ്രായം.
സെക്‌സ് മൂഡ് നിലനിർത്തുന്നതിന് ചില ഭക്ഷ്യവസ്‌തുക്കൾ കഴിക്കുന്നത് ഉപകാരപ്രദമായിരിക്കും. കുരുമുളക്, വെളുത്തുള്ളി, ഇഞ്ചി, ഉള്ളി, മഞ്ഞൾ, തുളസി, വാഴപ്പഴം, ചോക്ലേറ്റുകൾ എന്നിവ ഭക്ഷണത്തിൽ ഉൾപ്പെടുത്താം. രാത്രിയിൽ ലൈറ്റായി ഭക്ഷണം കഴിക്കാം. ഭക്ഷണത്തിൽ മസാല കുറവായിരിക്കുകയും വേണം.
രതിമൂർച്‌ഛ
സെക്‌സിലേർപ്പെടുമ്പോൾ ഭർത്താവ് രതിമൂർച്‌ഛയിലെത്തിയാലും ഭാര്യ ആ നില പ്രാപിക്കണമെന്നില്ല. സെക്‌സിൽ രണ്ടുപേരും ഒരുപോലെ രതിമൂർച്‌ഛയിലെത്തുന്നത് സെക്‌സ് കൂടുതൽ ആസ്വാദ്യകരമാക്കും. പങ്കാളിയുടെ താളക്രമമനുസരിച്ച് സ്വയം സെക്‌സ് ക്രമീകരിക്കാൻ ശ്രദ്ധിക്കുക. ആരോഗ്യകരവും ആസ്വാദ്യകരവുമായ സെക്‌സിലൂടെ ഭാര്യയ്‌ക്കും ഭർത്താവിനുമിടയിൽ വൈകാരികമായ അടുപ്പം വർദ്ധിക്കുന്നു. ഇതുകൊണ്ട് ദാമ്പത്യബന്ധം അടിയുറച്ചതാകുമെന്ന് മാത്രമല്ല അതവരെ കൂടുതൽ ഊർജ്‌ജസ്വലരും ചെറുപ്പമുള്ളവരുമാക്കും. ചെറുപ്പമായിരിക്കുക തന്നെ എത്ര ആനന്ദകരമാണ് അല്ലേ.
