വർക്ക് ഫ്രം ഹോം അല്ലെങ്കിൽ വീട്ടിലിരുന്ന് ജോലി ചെയ്യുകയെന്നത് ഇപ്പോൾ മുമ്പത്തേതിലും വർദ്ധിച്ചിരിക്കുന്നു. ഇക്കാര്യത്തിൽ കമ്പനികളും ഉദാരമായ സമീപനം സ്വീകരിച്ചിരിക്കുകയാണ്. പക്ഷേ വീട്ടിലിരുന്ന് ജോലി ചെയ്യുകയെന്നതിനെപ്പറ്റി ഓർക്കുമ്പോൾ ആദ്യം മനസ്സിൽ വരുന്ന കാര്യം ഇഷ്‌ടമുള്ളപ്പോൾ ജോലി ചെയ്താൽ മതിയല്ലോ ആരും ഇവിടെ നിയന്ത്രിക്കാനില്ലല്ലോ എന്നൊക്കെ ആയിരിക്കും. ശരിയാണ്, ആരും നിയന്ത്രിക്കാനോ നിരീക്ഷിക്കാനോ ഇല്ല. ആരും നിയന്ത്രിക്കാനില്ലെങ്കിലും ജോലി ചെയ്യുന്നതിലും ചില മര്യാദകളുണ്ട് (എറ്റിക്വറ്റ്സ്). ജോലി എപ്പോൾ വേണമെങ്കിലും ചെയ്യാമല്ലോ ആരും കൺട്രോൾ ചെയ്യാനില്ലല്ലോ എന്ന് കരുതിയാൽ നിങ്ങൾ സ്ട്രസ്സ് ഫ്രീയായി ജോലി ശരിയായ വണ്ണം ചെയ്യണമെന്നുമില്ല.
വീട്ടിലിരുന്ന് ജോലി ചെയ്യുന്നവർ ചുവടെ കൊടുത്തിരിക്കുന്ന വർക്ക് എറ്റിക്വറ്റ്സ് പാലിക്കുക.
വർക്ക് ഷെഡ്യൂൾ ആവശ്യമാണ്
വീട്ടിലിരുന്ന് ജോലി ചെയ്യുമ്പോൾ ജോലി സംബന്ധമായ കാര്യങ്ങൾ കടലാസിൽ എഴുതി എവിടെയെങ്കിലും വയ്ക്കാം. അല്ലെങ്കിൽ പിന്നെയത് അന്വേഷിച്ച് നടന്ന് നല്ലൊരു സമയം നഷ്ടപ്പെടും. അതുകൊണ്ട് നല്ലൊരു വർക്ക് ഷെഡ്യൂൾ തയ്യാറാക്കുക. അങ്ങനെയായാൽ ഏത് ജോലി എപ്പോൾ തീർക്കണമെന്നതിനെപ്പറ്റി ഒരു ധാരണ കിട്ടും. കുറഞ്ഞ സമയം കൊണ്ട് കൂടുതൽ ജോലി ചെയ്‌ത് തീർക്കുകയും ആവാം.
കൃത്യമായ ജോലി സമയം (വർക്കിംഗ് അവേഴ്സ്)
എപ്പോഴെങ്കിലും വന്നിരുന്ന് ജോലി ചെയ്യുന്ന പ്രവണത ശരിയല്ല. ഇത് നിങ്ങളുടെ ആരോഗ്യത്തെ ബാധിക്കും. ജോലിയേയും ബാധിക്കാം. അതുകൊണ്ട് ജോലിക്കൊപ്പം ഫിറ്റും ഹെൽത്തിയു ആയിരിക്കാൻ ജോലി സമയം നിശ്ചയിക്കാം. പിന്നീട് അതിനനുസരിച്ച് ജോലി ചെയ്യാം. ഇക്കാര്യത്തിൽ കൃത്യത പാലിച്ചാൽ ജോലി ശരിയായ രീതിയിൽ പൂർത്തിയാക്കാനും കുടുംബത്തോടൊപ്പം സമയം ചെലവഴിക്കാനും കഴിയും.
ചിട്ട പുലർത്തുക
ജോലി ചെയ്യുന്നതിനിടെ ചാറ്റിംഗും ഫോൺ ചെയ്യുന്നതും ഒഴിവാക്കണം. നല്ല ചിട്ട പുലർത്തുക. ജോലിയിൽ ശരിയായ ചിട്ട പുലർത്താതിരുന്നാൽ സ്വന്തം കഴിവ് അതിൽ പ്രദർശിപ്പിക്കാനാവില്ല. ഇക്കാര്യം കൂട്ടുകാരേയും ബന്ധുക്കളേയും അറിയിക്കുന്നത് നല്ലതായിരിക്കും. അവർക്ക് അതേക്കുറിച്ച് ബോധ്യമുണ്ടാകുന്നതു കൊണ്ട് നിങ്ങളെ യാതൊരു വിധത്തിലും ശല്യം ചെയ്യില്ല. ടെൻഷൻ ഫ്രീയായി ജോലിയും ചെയ്യാം.
ജോലി കൃത്യസമയത്ത് പൂർത്തിയാക്കുക
എന്തെങ്കിലും ഒഴികഴിവ് കണ്ടെത്തി ജോലിയിൽ ഉഴപ്പുന്നത് ശരിയല്ല. അത് നിങ്ങളെക്കുറിച്ചുള്ള മതിപ്പിന് കോട്ടമുണ്ടാക്കും. അതിനാൽ കൃത്യ സമയത്ത് ജോലി പൂർത്തിയാക്കാം. ഇത് വർക്ക് സ്പീഡ് നിലനിർത്തുന്നതിനൊപ്പം നിങ്ങളെ ടെൻഷൻ ഫ്രീയുമാക്കും.
ഫീൽഡിലുള്ളവരുമായി ബന്ധം നിലനിർത്തുക
വീട്ടിലിരുന്ന് ജോലി ചെയ്യുന്നതു കൊണ്ട് ഓഫീസിൽ പോകേണ്ടി വരാത്തതിനാൽ മറ്റുള്ളവരുമായി ഇടപഴകുന്നത് വേണ്ടായെന്ന് കരുതരുത്. മറിച്ച് സ്വന്തം ഫീൽഡിലുള്ളവരുമായി കോൺടാക്റ്റ് നിലനിർത്തുക. അവരിൽ നിന്നും പുതിയ കാര്യങ്ങൾ പഠിക്കാനുള്ള അവസരമാണ് അതുവഴി ലഭിക്കുക.
