മുൻകാലങ്ങളെ അപേക്ഷിച്ച്, ഇക്കാലത്ത് മിക്ക പെൺകുട്ടികളും ആഗ്രഹിക്കുന്നത് വിവാഹം കഴിക്കാൻ പോകുന്ന വ്യക്തിയുടെ സാമ്പത്തിക നില നല്ലതായിരിക്കണം എന്നാണ്.
പൊതുവെ പുരുഷന്മാർ സ്ത്രീകളുടെ സൗന്ദര്യത്തിനാണ് കൂടുതൽ പ്രാധാന്യം നൽകുന്നത് എന്ന് പറയാറുണ്ട്. എന്നാൽ സ്ത്രീധനം ചോദിച്ചു വാങ്ങുന്നു, അതിന് മുൻഗണന നൽകുന്ന പുരുഷന്മാരും ഇല്ല എന്നല്ല. എന്നാൽ ജീവിത പങ്കാളിയുടെ കാര്യത്തിൽ സ്ത്രീകൾ കൂടുതൽ പ്രാധാന്യം നൽകുന്നത് പുരുഷന്മാരുടെ സാമൂഹിക നിലയ്ക്കും സാമ്പത്തിക ശേഷിക്കും ആണ്. ഇത് ഓരോ സ്ത്രീക്കും വ്യത്യാസപ്പെടാം എങ്കിലും ഭൂരിപക്ഷം സ്ത്രീകൾ അവരുടെ ഭാവി ഭർത്താവിൽ നിന്ന് എന്താണ് ആഗ്രഹിക്കുന്നത് എന്ന് നമുക്ക് ശ്രദ്ധിക്കാം.
വൈകാരികതയും പക്വതയും
ദീർഘകാലത്തേക്ക് ഏതൊരു ബന്ധവും നിലനിർത്തുന്നതിന്, രണ്ട് പങ്കാളികളും വൈകാരികമായി സ്ഥിരതയുള്ളവർ ആയിരിക്കേണ്ടത് വളരെ പ്രധാനമാണ്. സ്ത്രീകൾ അവരുടെ ജീവിത പങ്കാളിയുടെ സവിശേഷതകളെ കുറിച്ച് പറയുമ്പോൾ, ഈ ഗുണം അവരുടെ പട്ടികയിൽ ഉയർന്നതാണ്. ഒരു വ്യക്തി പക്വത ഉള്ളവൻ ആണെങ്കിൽ, ബന്ധങ്ങൾ എങ്ങനെ നിലനിർത്തണമെന്ന് അവന് അറിയാമെന്നും അവയുടെ പ്രാധാന്യം മനസ്സിലാക്കുന്നുവെന്നും അനുമാനിക്കാം, എന്നാണ് സ്ത്രീകൾ വിലയിരുത്തുന്നത്.
വിദ്യാഭ്യാസവും ബുദ്ധിയും
സ്ത്രീകൾ പുരുഷന്മാരുടെ വിദ്യാഭ്യാസവും ബുദ്ധിയും വളരെ പ്രധാനമായി കണക്കാക്കുന്നു. തങ്ങളുടെ ജീവിത പങ്കാളിയാകാൻ പോകുന്ന പുരുഷന് ഈ രണ്ട് ഗുണങ്ങളും നിർബന്ധമായും ഉണ്ടായിരിക്കണമെന്ന് അവർ വിശ്വസിക്കുന്നു. തന്‍റെ ഭാവി ഭർത്താവ് വിദ്യാഭ്യാസം ഉള്ളവനും ബുദ്ധിമാനും ആയിരിക്കണമെന്ന് ഏതൊരു സ്ത്രീയും ആഗ്രഹിക്കുന്നതിൽ തെറ്റില്ലതാനും.
സാമൂഹ്യ ജീവിതം
സാമൂഹികതയെ നമുക്ക് സോഷ്യബിലിറ്റി എന്നും വിളിക്കാം. ഒരു വ്യക്തി എത്രമാത്രം സാമൂഹികമാണ്, മറ്റുള്ളവരുമായി എത്ര നന്നായി ഇണങ്ങാൻ കഴിയുന്നു എന്നതും സ്ത്രീകളെ ആകർഷിക്കുന്ന ഘടകങ്ങളാണ്. പുരുഷന്മാർക്ക് കുടുംബത്തിലും ആളുകളുടെ മുന്നിലും നന്നായി ഇടപെടാൻ അറിയാം എങ്കിൽ അവരുടെ ജീവിതശൈലി സമൂഹത്തിൽ നല്ലതാണെങ്കിൽ, സ്ത്രീകൾക്ക് ആ പുരുഷന്മാരെ ഇഷ്ടമാണ്.
സാമ്പത്തിക നില
മുൻകാലങ്ങളെ അപേക്ഷിച്ച്, ഇക്കാലത്ത് മിക്ക സ്ത്രീകളും ആഗ്രഹിക്കുന്നത് തങ്ങൾ വിവാഹം കഴിക്കാൻ പോകുന്ന വ്യക്തിയുടെ സാമ്പത്തിക നില ഉയർന്നത് അയിരിക്കണം എന്നാണ്. സാമ്പത്തികമായി ശക്തനായ ഒരാൾക്ക് തങ്ങളുടെ ജീവിത പങ്കാളിയാകാൻ അനുയോജ്യനാകുമെന്ന് സ്ത്രീകൾ വിശ്വസിക്കുന്നു.
നല്ല ആരോഗ്യം
പുരുഷന്‍റെ ആരോഗ്യത്തെ കുറിച്ച് എക്കാലവും വളരെ പ്രാധാന്യം നൽകി വരാറുണ്ട്. തന്‍റെ ജീവിതം പങ്കിടാൻ പോകുന്ന വ്യക്തി മാനസികമായും ശാരീരികമായും ആരോഗ്യമുള്ള വ്യക്തി ആയിരിക്കണമെന്ന് അവൾ ആഗ്രഹിക്കുന്നു. ഏതൊരു ബന്ധത്തിന്‍റെയും പ്രത്യേകിച്ച് വിവാഹത്തിന്‍റെയും വിജയത്തിൽ ആരോഗ്യത്തിന് വലിയ പങ്കുണ്ട്. ഒരു വ്യക്തി ആരോഗ്യവാൻ ആണെങ്കിൽ, ജീവിതം കൂടുതൽ സന്തുഷ്ടവും വിജയകരവുമാകും, ബന്ധവും ആരോഗ്യകരവും ആയിരിക്കും.
വീടിനെയും കുടുംബത്തെയും പരിപാലിക്കുന്ന ഒരാൾ
ഇന്നത്തെ കാലത്ത്, ആളുകൾ വീട്ടിൽ നിന്നും കുടുംബങ്ങളിൽ നിന്നും വേർപിരിഞ്ഞ് തനിയെ ജീവിക്കുന്നു. എന്നാൽ ജീവിത പങ്കാളി സ്വന്തമായ വീടിനും കുടുംബത്തിനും ആഗ്രഹം ഉള്ള വ്യക്തി ആകണം എന്ന് സ്ത്രീകൾ ആഗ്രഹിക്കുന്നു. ജോലി ചെയ്യുന്ന സ്ത്രീകൾ വീടും കുടുംബവും കൈകാര്യം ചെയ്യാൻ ഭർത്താവ് തങ്ങളെ സഹായിക്കണം എന്നും ആഗ്രഹിക്കുന്നു. വീട്ടിലെ ജോലികളിൽ സഹായിക്കുന്ന പുരുഷന്മാർ തങ്ങളെ കൂടുതൽ സ്വാധീനിക്കുമെന്ന് ചില സ്ത്രീകൾ വിശ്വസിക്കുന്നു. അതുകൊണ്ട് തന്നെ വീടിനും കുടുംബത്തിനും പ്രാധാന്യം നൽകുന്ന പുരുഷന്മാർ മോസ്റ്റ്‌ വാന്‍റഡ് ആണ് എന്ന് മറക്കേണ്ട.
