'ദാരിദ്ര്യം വാതിൽക്കൽ വന്നാൽ സ്നേഹം ജനലിലൂടെ ചാടി ഓടിപ്പോകും' എന്നൊരു പഴയ നാടോടിക്കഥയുണ്ട്. പണത്തിനു മേൽ പരുന്തും പറക്കില്ല എന്നൊരു പഴം ചൊല്ലുണ്ട്. ഇതൊക്കെ പണത്തിന്‍റെ പ്രാധാന്യം സൂചിപ്പിക്കുന്നു
ഒരു ബന്ധത്തിലെ സമർപ്പണവും ആദരവും സത്യസന്ധതയും സ്നേഹം മൂലമാണ്. എന്നാൽ പണമില്ലാത്തതിനാൽ ഈ സ്നേഹം ചിലപ്പോൾ അവസാനിക്കുന്നു. എന്നാൽ ബന്ധങ്ങളെ ഏറ്റവും പ്രധാനമായി കണക്കാക്കപ്പെട്ടിരുന്ന ഒരു കാലമുണ്ടായിരുന്നു. ഇപ്പോൾ അതല്ല അവസ്ഥ.
പണത്തിന്‍റെ തുലാസിൽ തൂക്കിനോക്കിയ ശേഷം ആണ് ഇക്കാലത്തു പല ബന്ധങ്ങളും ഉണ്ടാകുന്നത്. ഒരു ബന്ധം സ്ഥാപിക്കാൻ ശ്രമിക്കുന്നതിന് മുമ്പ് പരസ്പരം സ്റ്റാറ്റസ് ആദ്യം വിലയിരുത്തപ്പെടുന്നു. ഭാവിയിൽ ബന്ധം നിലനിർത്താൻ പോലും ഇരുവരുടെയും സാമ്പത്തിക നില ആദ്യം തൂക്കിനോക്കുന്നു.
ജീവിതത്തിന് ആവശ്യമായതും സൗകര്യപ്രദവുമായ കാര്യങ്ങൾ ഒരുക്കാൻ പണം അത്യാവശ്യമാണ്. എല്ലാ വസ്തുക്കളുടെയും മൂല്യം ഈ പണവുമായി തുലനം ചെയ്യപ്പെടുന്നു. സമയത്തോടൊപ്പം ഒരു വ്യക്തിയുടെ മൂല്യവും അളക്കുന്നത് പണമാണ്. വ്യക്തമായും ബന്ധങ്ങളുടെ വ്യാപനവും ഇതിനെ ചുറ്റിപ്പറ്റിയാണ് തുടങ്ങിയത്.
ജീവിക്കാൻ ഭക്ഷണം, വസ്ത്രം, വീട് എന്നിവയ്‌ക്ക് പുറമെ സുഖകരമായ ഒരു ബന്ധവും വളരെ പ്രധാനമാണ്. നല്ല ബന്ധങ്ങൾ എല്ലായ്‌പ്പോഴും ഉള്ളിൽ നിന്ന് നിറഞ്ഞതായി തോന്നുക മാത്രമല്ല, കാലാകാലങ്ങളിൽ നമ്മെ സഹായിക്കുകയും ചെയ്യുന്നു. ബന്ധങ്ങളിലും കണക്കുകൂട്ടലുകൾ ഉണ്ടാവുക സ്വാഭാവികമാണെന്നത് വേറെ കാര്യം.
ആശ്രിത ബന്ധം
എല്ലാ ബന്ധങ്ങളും മികച്ചതാക്കുന്നതിൽ പണം ഒരു പ്രധാന പങ്ക് വഹിക്കുന്നുണ്ടെന്ന് ചാർട്ടേഡ് അക്കൗണ്ടന്‍റ് വർഷ കുമാരി വിശ്വസിക്കുന്നു. ബന്ധങ്ങളുടെ രൂപീകരണത്തിനും ഉടമസ്ഥതയ്ക്കും, സ്നേഹം, അറ്റാച്ച്മെന്‍റ്, വ്യക്തിത്വം എന്നിവ ഉൾപ്പെടുന്നുവെങ്കിലും പണമില്ലാതെയും ബന്ധങ്ങൾ വളരെക്കാലം നിലനിൽക്കും.
സ്നേഹം പ്രകടിപ്പിക്കാനും നിലനിർത്താനും പണം ആവശ്യമാണ്
നമ്മുടെ ജീവിതത്തിലെ ഏറ്റവും അടുത്ത ബന്ധം ഭാര്യാഭർത്താക്കന്മാരുടേതാണെന്ന് ഫാഷൻ ഡിസൈനർ പൂനം ഗുലാട്ടി പറയുന്നു. വിവാഹശേഷം കുറച്ചുകാലം ജോലി നിർത്തി. 3 വർഷത്തിന് ശേഷം ഞാൻ ജോലി ചെയ്യാൻ തുടങ്ങിയപ്പോൾ ഭർത്താവ് എന്‍റെ പെരുമാറ്റം മറ്റൊരു രീതിയിൽ എടുക്കാൻ തുടങ്ങി. ഞാൻ പറയുന്ന എല്ലാ കാര്യങ്ങളിലും കുറ്റം കണ്ടെത്തുന്നു. അതിന് കാരണം എനിക്ക് വരുമാനം ഉണ്ട് എന്നതാണ്. മുമ്പ് എന്ത് തന്നെ ചെയ്താലും ഒരു പ്രശ്നവും ഉണ്ടാകാറില്ലായിരുന്നു.
മറ്റ് ബന്ധങ്ങളിൽ നിന്നുള്ള പ്രതികരണങ്ങൾ എനിക്ക് സഹിക്കാൻ കഴിയും, പക്ഷേ ഇത് എന്‍റെ ഭർത്താവിൽ നിന്ന് കേൾക്കുന്നത് ശരിക്കും വേദനിപ്പിക്കുന്നു. പണം എല്ലാ ബന്ധങ്ങളെയും മാറ്റിമറിക്കും
മാർക്കറ്റിംഗിന്‍റെ പ്രഭാവം
ഉപഭോക്തൃത്വം കാരണം, പണത്തിന്‍റെ പ്രാധാന്യവും ദിനേന വർദ്ധിക്കുന്നു അതുപോലെ തന്നെ മറ്റ് വസ്തുക്കളുടെ മൂല്യവും കുറഞ്ഞു. ആധുനിക സമൂഹത്തിന്‍റെ എല്ലാ തിളക്കവും പണത്തിൽ അധിഷ്ഠിതമാണ്. നമുക്ക് ചുറ്റും നടക്കുന്ന എല്ലാ ബന്ധങ്ങളും പണത്തിന്‍റെ അളവുകോൽ കൊണ്ട് അളക്കാൻ തുടങ്ങി. അതേസമയം, പരസ്യം ആളുകളുടെ വികാരങ്ങളെ പ്രകോപിപ്പിക്കുകയും ചെയ്യുന്നു. കുറച്ച് വർഷങ്ങൾക്ക് മുമ്പ് ടിവിയിൽ ഒരു പരസ്യം ഉണ്ടായിരുന്നു, അതിൽ ഒരു ചെറിയ കുട്ടി വീട്ടിൽ നിന്ന് ഓടി റെയിൽവേ സ്റ്റേഷനിൽ എത്തുന്നു. അവിടെ ചൂടുള്ള ജിലേബികൾ കണ്ട് അത് ആഗ്രഹിച്ചു അവൻ വീട്ടിലേക്ക് മടങ്ങുന്നു.
