വീട് അലങ്കരിക്കാൻ പലപ്പോഴും നമ്മൾ വിപണിയിൽ നിന്ന് നിരവധി പുതിയ സാധനങ്ങൾ തെരെഞ്ഞെടുത്തു വാങ്ങാറുണ്ട്. അവ വീടിന് പ്രൗഡി നൽകുന്നു, പക്ഷേ ചിലപ്പോൾ അവ ബജറ്റൊക്കെ തെറ്റിച്ചു കളയും എന്ന് മാത്രം. കൈയിൽ പണം കുറവാണ്, എന്നാൽ ഭംഗിയുള്ള ഇന്‍റീരിയർ വേണം എന്ന് ആഗ്രഹമുണ്ടെങ്കിൽ ഇതൊന്നു ശ്രദ്ധിക്കൂ.
- പ്രധാന വാതിൽ
വീടിന്‍റെ പ്രധാനവാതിലിൽ നിങ്ങൾക്ക് പൂക്കളോ കളിമണ്ണോ കൊണ്ട് നിർമ്മിച്ച അലങ്കാരങ്ങൾ ഉപയോഗിക്കാം. കളിമണ്ണിൽ നിർമ്മിച്ച വളരെ ആകർഷകമായ അലങ്കാരവസ്തുക്കൾ ഇപ്പോൾ വിപണിയിൽ ലഭ്യമാണ്. വീടിന്‍റെ പ്രധാന കവാടത്തിൽ കളിമണ്ണിന്‍റെ വർണ്ണാഭമായ വിൻഡ് ചൈയിംസ് പ്രയോഗിക്കാൻ കഴിയും. ഇതുകൂടാതെ, വാതിലിനടുത്തായി മനോഹരമായ മൺപാത്രങ്ങളിൽ 5 മുതൽ 7 വരെ നിറപ്പകിട്ടുള്ള പൂക്കൾ വെള്ളത്തിൽ നിറച്ച് വെച്ച് അലങ്കരിക്കാം.
- സ്വീകരണമുറി
വീട് മുഴുവൻ സുന്ദരം ആക്കുന്നതിന് പെയിന്‍റ് ചെയ്യാൻ പോക്കറ്റിൽ വേണ്ടത്ര പണം ഇല്ല എങ്കിൽ വിഷമിക്കേണ്ട കാര്യമില്ല. വീട് മുഴുവൻ പെയിന്‍റ് ചെയ്യാതെ നിങ്ങളുടെ ഡ്രോയിംഗ് റൂമിന്‍റെ ഒരു ഭിത്തി കടും നിറത്തിൽ പെയിന്‍റ് ചെയ്യുക. വീടിനു പുതിയ രൂപം നൽകാൻ കഴിയും. സോഫയുടെ മുകൾ ഭാഗത്ത് ആ നിറത്തിന്‍റെ 3 മടങ്ങ് കടും നിറം പെയിന്‍റ് ചെയ്തും നിങ്ങൾക്ക് ചുവരിൽ കലാസൃഷ്‌ടി നടത്താനാകും.
- വാൾ ഡെക്കറേഷൻ
ചുവരുകൾ അലങ്കരിക്കാൻ ഒരുപാട് രീതികൾ വിപണിയിൽ നിലനിൽക്കുന്നു. പേപ്പർ വർക്ക്, പേപ്പർ പേസ്റ്റിംഗ് എന്നിവ ഉപയോഗിച്ച് അലങ്കരിക്കുന്നതാണ് ഒരു ട്രെൻഡ്. പെയിന്‍റ് ചെയ്യുന്നതിനെ അപേക്ഷിച്ച് അതിന്‍റെ ചെലവ് വളരെ കുറവാണ്, മാത്രമല്ല വീടിനു പൂർണ്ണമായും പുതിയ ലുക്ക് ലഭിക്കുകയും ചെയ്യും. വാൾ പേപ്പർ ആർട്ട്‌ എല്ലാത്തരം ഡിസൈനുകളിലും വിപണിയിൽ എളുപ്പത്തിൽ ലഭ്യമാണ്.
- സോഫ കവർ
സോഫ മാറ്റുന്നതിനു പകരം സോഫ കവറും തലയണയും മാറ്റി സ്ഥാപിക്കുക എന്നതാണ് മറ്റൊരു ഓപ്ഷൻ. നിങ്ങളുടെ സോഫ കവറിന്‍റെ നിറം ക്രീം ആണെങ്കിൽ, നിങ്ങൾ മൂന്ന് വലിയ തലയണയും മൂന്ന് ചെറിയ തലയണയും വാങ്ങുക. ചെറിയ തലയണ കടും നിറത്തിലുള്ളത് വാങ്ങാം . കുഷ്യൻ കവറിന്‍റെ നിറം വാതിലുകളുടെയും വിൻഡോകളുടെയും നിറവുമായി പൊരുത്തപ്പെടുന്നത് സെലക്ട്‌ ചെയ്യാം .
- കാർപെറ്റ് ഫ്ലോറിംഗ്
തറയിൽ വിരിച്ച ഫ്ലോർ ടൈൽ അല്ലെങ്കിൽ സിമെന്‍റ് ഫ്ലോർ മോശം ആണെന്ന് തോന്നുണ്ടോ. അവ പഴയ പ്രവണതയ്‌ക്കനുസൃതമായി നിർമ്മിച്ചതാണോ, വിഷമിക്കേണ്ട കാര്യമില്ല. നിങ്ങളുടെ ഫ്ലോറിംഗ് മെറ്റീരിയൽ നശിപ്പിക്കാതെ തറ പുതിയതായി മാറ്റിയെടുക്കാം. ഇതിന് ആവശ്യം ആയ വിവിധ തരം ഫ്ലോറിംഗ് മെറ്റീരിയലുകൾ എല്ലാ നിറത്തിലും ഡിസൈനിലും വിപണിയിൽ ലഭ്യമാണ്.
വേണമെങ്കിൽ, വർഷാവർഷം ഇത് മാറ്റാനും വീടിന് വീണ്ടും പുതിയ രൂപം നൽകാനും കഴിയും. ഈ ഫ്ലോറിംഗിന്‍റെ പ്രത്യേകത, മാർബിൾ ടൈലുകൾ വൃത്തിയാക്കുന്ന അതേ രീതിയിൽ വൃത്തിയാക്കാൻ കഴിയും എന്നതാണ്.
