ഇരിക്കുന്ന രീതി കൊണ്ടും മുട്ട് വേദനയുണ്ടാവാം. പലപ്പോഴും ഇരിപ്പിലും നടപ്പിലുമുള്ള തെറ്റായ രീതികൾ കൊണ്ട് മുട്ട് വേദനയുണ്ടാകാം. ചില കാര്യങ്ങൾ ശ്രദ്ധിക്കുന്ന പക്ഷം ഈ പ്രശ്നത്തിൽ നിന്നും മോചനം നേടാം.
കോവിഡ് - 19 മൂലമുണ്ടായ ലോക്ക്ഡൗൺ വേളയിൽ സന്ധിവേദനയുള്ള സ്ത്രീകളുടെ എണ്ണം വർദ്ധിച്ചിരിക്കുകയാണ്. സാധാരണ ദിനങ്ങളെ അപേക്ഷിച്ച് ലോക്ക്ഡൗൺ വേളയിൽ സ്ത്രീകൾക്ക് മുട്ട് വേദനയുമായി ബന്ധപ്പെട്ട് പ്രശ്നങ്ങൾ ഉണ്ടായിരിക്കുകയാണ്.
മുട്ട് വേദന, സന്ധിവേദന മൂലം അവർക്ക് നടക്കാനും ഇരിക്കാനും പ്രത്യേകിച്ച് കോണിപ്പടികൾ കയറാനും ബുദ്ധിമുട്ട് ഉണ്ടായിരിക്കുകയാണ്. മുട്ട് വേദനയ്ക്കുള്ള പ്രധാന കാരണം സന്ധി വാതമാണ്. മാത്രവുമല്ല നടപ്പിലും ഇരിപ്പിലുമുള്ള രീതികൾ ഒരു പരിധി വരെ ഈ പ്രശ്നത്തിന് ആക്കം കൂട്ടിയിരിക്കുകയാണ്. പതിവ് ദിനചര്യയിലെ ചെറിയ കാര്യങ്ങൾ പോലും മുട്ട് വേദനയുണ്ടാക്കാം.
മുട്ട് മടക്കി ഇരിക്കാനും ചമ്രം പടിഞ്ഞിരിക്കാനും ശീലമുള്ളവരാണ് ഇന്ത്യയിലെ ആളുകൾ. സാമൂഹ്യഭോജനത്തിനായാലും വീട്ടു ജോലികൾ ചെയ്യുന്ന അവസരത്തിലും പരസ്പരം കൂട്ടം കൂടിയിരുന്ന് സംസാരിക്കുമ്പോഴുമൊക്കെ സ്ത്രീകൾ മുട്ട് മടക്കിയിരിക്കും. എന്തിന് ഇന്ത്യൻ ടോയ്‍ലെറ്റ് ഉപയോഗിക്കുന്ന വേളയിലും അവർക്ക് മുട്ട് മടക്കേണ്ടി വരും. ഇരിക്കുന്ന ഈ ശൈലി നമ്മുടെ ശീലങ്ങളിൽ പ്രശസ്തമാണ്. ഈ ശീലം കാരണം ഇവിടെയുള്ള ആളുകൾ കസേര, സോഫ എന്നിവ ഉപയോഗിക്കുന്നതും കുറവാണ്. ഇത്തരം ഇരിപ്പു ശീലങ്ങൾ മുട്ടിന്‍റെ അവസ്‌ഥയെ വഷളാക്കുന്ന സാഹചര്യമുണ്ടാക്കുന്നു. ഇതിന്‍റെ ലക്ഷണങ്ങൾ വളരെ വേഗം പ്രകടമാകില്ലെങ്കിലും പ്രായമേറുന്നതിനനുസരിച്ച് മുട്ടുകളിൽ പ്രശ്നമുണ്ടായി തുടങ്ങുന്നു.
ഇതും അറിയുക
നല്ല രോഗപ്രതിരോധശേഷിക്കായി എന്തെല്ലാം കഴിക്കാം? ഭൂരിഭാഗം സമയവും ഇരുന്ന് ജോലി ചെയ്യു, വളരെ കുറച്ചുള്ള നടപ്പ്, അമിത വണ്ണം, വെയിലുമായുള്ള കുറഞ്ഞ സമ്പർക്കം, ജങ്ക് ഫുഡ് കഴിക്കുക, വിറ്റാമിൻ ഡിയുടെ കുറവ് എന്നിവ മൂലമാണ് സന്ധിവേദന ഉണ്ടാകുക. തുടക്കത്തിൽ മുട്ടുകളിൽ വേദനയനുഭവപ്പെടുകയും നടക്കാനും ഇരിക്കാനും ബുദ്ധിമുട്ട് ഉണ്ടാവുകയും ചെയ്യും. എന്നാൽ പ്രശ്നം ഗുരുതരമാവുന്നതോടെ രോഗിക്ക് നടക്കാനും ഇരിക്കാനുമൊക്കെ വലിയ പ്രയാസമായി മാറും.
രാജ്യത്ത് പൊതുവേ 40 വയസിന് മേൽ പ്രായമുള്ളവരിലാണ് മുട്ട് സംബന്ധമായ പ്രശ്നം കണ്ടുവരുന്നത്. എന്നാൽ പുരുഷന്മാരിൽ പ്രായമേറുമ്പോഴാണ് പ്രശ്നമുണ്ടാവുക. ഏകദേശം 90 ശതമാനം ഇന്ത്യൻ സ്ത്രീകളിൽ വിറ്റാമിൻ ഡിയുടെ അഭാവം കണ്ടുവരുന്നു. ബോൺ മെറ്റബോളിസം നിയന്ത്രിക്കുന്നതിന് വിറ്റാമിൻ ഡി നിർണ്ണായക പങ്ക് വഹിക്കുന്നുണ്ട്.
മുട്ടിൽ വേദനയോ കോച്ചിപ്പിടുത്തമോ നടക്കുമ്പോഴോ ഇരിക്കുമ്പോഴോ മുട്ടിൽ നിന്നും ശബ്ദം വരുന്നുണ്ടെങ്കിലോ സന്ധിവാതത്തിന്‍റെ ആരംഭമാണെന്ന് അനുമാനിക്കാം. പ്രശ്നം തുടങ്ങി കഴിഞ്ഞാൽ ഇരിക്കുന്ന രീതിയിൽ മാറ്റം വരുത്താം. ഇരിക്കുമ്പോൾ മുട്ട് വളയ്ക്കാൻ പ്രയാസം ഉണ്ടാകും. അത് മുട്ടിന്‍റെ ആകൃതിയിൽ മാറ്റം ഉണ്ടാകും.
ഈ പ്രശ്നത്തിൽ നിന്നും മോചനം നേടുന്നതിന് വ്യായാമം ചെയ്യുകയെന്നതാണ് ഏറ്റവും മികച്ച പരിഹാരം. അസുഖത്തിന്‍റെ പ്രാരംഭ ഘട്ടത്തിൽ രോഗികൾക്ക് സ്റ്റാറ്റിക് ക്വാഡ്രിസ്പ്സ് വ്യായാമം, സൈക്കിളോടിക്കൽ, നീന്തൽ എന്നീ മൂന്ന് വ്യായാമങ്ങൾ മികച്ചതാണ്. വ്യായാമത്തിലൂടെ സന്ധികളിലെ മാംസപേശികൾക്ക് നല്ല ബലം കിട്ടും. ഫള്ക്സിബിലിറ്റി നിലനിർത്തും. സന്ധികൾക്ക് നല്ല സപ്പോർട്ടും ലഭിക്കും.
