സീസണുകൾ മാറുന്നതിന് അനുസരിച്ച് എല്ലാവരുടെയും ജീവിതശൈലി മാറാൻ തുടങ്ങുന്നു, അത് മനുഷ്യനോ മൃഗങ്ങളോ സസ്യങ്ങളോ ആകട്ടെ, ഈ മാറ്റത്തിന്‍റെ ഫലം എല്ലാവരിലും ദൃശ്യമാണ്. മരങ്ങളെയും ചെടികളെയും കുറിച്ച് പറയുമ്പോൾ, വേനൽക്കാലത്ത് നമ്മുടെ വീടിനെ പൂക്കളാൽ സുഗന്ധപൂരിതമാക്കി മനം മയക്കുന്ന നിരവധി സസ്യങ്ങളുണ്ട്. പക്ഷേ ചിന്തിക്കേണ്ട കാര്യം, ദിവസവും നനച്ചില്ലെങ്കിൽ ചെടികൾ വാടിപ്പോകും. പൊതുവെ ജലദൗർലഭ്യം അനുഭവപ്പെടുന്ന സമയത്തു ചെടികൾ എങ്ങനെ നനയ്ക്കും എന്ന ആശങ്ക ഉള്ളവർ ശ്രദ്ധിക്കുക. വേനൽക്കാലത്ത്, കൂടുതൽ വെള്ളം ആവശ്യമില്ലാത്ത, എന്നാൽ കുറഞ്ഞ വെള്ളത്തിൽ പോലും പൂക്കുന്ന ചില ചെടികളെക്കുറിച്ചാണ് പറയാൻ പോകുന്നത്, അവയ്ക്ക് പരിചരണവും കുറച്ച് മതി.
ചെമ്പരത്തി
ഹിബിസ്കസ് അഥവാ ചെമ്പരത്തി നടുന്നതിന് ഏറ്റവും അനുയോജ്യമായ സമയം മാർച്ച് മുതൽ ഒക്ടോബർ വരെയാണ്, ചില സ്ഥലങ്ങളിൽ ഇതിനെ ജസുദ്, ഷോ ഫ്ലവർ, ചൈന റോസ് എന്നും വിളിക്കുന്നു. പൊതുവെ നാട്ടിലെ ഹിബിസ്കസ് ചുവപ്പ് നിറമാണ്. എന്നാൽ ചില ഇനത്തിൽ പല നിറങ്ങളിലുള്ള ഒറ്റ- ഇരട്ട പാളി പൂക്കൾ ഉണ്ട്. ഈ ചെടി വർഷം മുഴുവനും പച്ചയായി തുടരുന്നു, പക്ഷേ വേനൽക്കാലത്ത് കൂടുതൽ പൂക്കൾ നൽകുന്നു. കമ്പുകൾ വെട്ടിയെടുത്ത് ഇത് വളർത്താം.
വിൻക (നിത്യകല്യാണി)
നിത്യകല്യാണി, ഉഷമലരി എന്നിങ്ങനെ അറിയപ്പെടുന്ന ഹൈബ്രിഡ് വിൻക പുഷ്പം പൂന്തോട്ടത്തെ മനോഹരമായ നിറങ്ങളാൽ നിറയ്ക്കും. അതിന്‍റെ വിത്ത് ഉണങ്ങിയ മണ്ണിൽ വിതച്ച് മുളയ്ക്കുന്നതുവരെ നനച്ചു കൊടുക്കുക, രണ്ടാഴ്ചയ്ക്ക് ശേഷം ചെടികൾ ഉയർന്നുവരാൻ തുടങ്ങും. വിൻക ചെടിക്ക് വളരാൻ പൂർണ്ണ സൂര്യപ്രകാശം ആവശ്യമാണ്, എന്നാൽ കുറഞ്ഞ പരിപാലനം മതിയാകും. ഇതിന്‍റെ നാടൻ ഇനത്തിന് ഇളം പർപ്പിൾ, വെളുത്ത പൂക്കൾ കണ്ടു വരുന്നു, എന്നാൽ സങ്കര ഇനത്തിൽ ധാരാളം വർണ്ണാഭമായ പൂക്കൾ ഉണ്ട്.
നന്ത്യാർവട്ടം
വേനൽക്കാലത്ത് ധാരാളം ചെറിയ പൂക്കൾ വളരുന്ന നന്ത്യാർവട്ടത്തിനും വെള്ളം കുറച്ചുമതി. ചാന്ദ്‌നി, രാത്റാണി, ക്രീപ് ജാസ്മിൻ എന്നൊക്കെ വിളിക്കുന്നു. ഈ പൂക്കൾ വളരെ മനോഹരവും വെളുത്ത നിറവുമാണ്. നല്ല സുഗന്ധവും ഉണ്ട്.
യൂഫോബിയ
ഇതൊരു കള്ളിച്ചെടിയാണ്. സ്ലെൻഡർ സ്പർജ് അല്ലെങ്കിൽ ആഫ്രിക്കൻ മിൽക്ക് ബുഷ് എന്നും അറിയപ്പെടുന്നു, മലയാളത്തിൽ കള്ളിപ്പാല എന്നും വിളിക്കാറുണ്ട്. ഇതിന്‍റെ തണ്ട് നിറയെ മുള്ളുകളാണ്, ഒരു ആഫ്രിക്കൻ സസ്യമാണ്. ഇതിന് കുറച്ച് വെള്ളവും കൂടുതൽ സൂര്യപ്രകാശവും ആവശ്യമാണ്. വേനൽക്കാലത്ത് വ്യത്യസ്ത നിറമുള്ള പൂക്കൾ അതിൽ വിരിയുന്നു.
കുറ്റി മുല്ല
മുല്ലയുടെ ഏറ്റവും വലിയ ഐഡന്‍റിറ്റി അതിന്‍റെ ആകർഷകമായ സൗരഭ്യമാണ്. ഈ ചെടി, മണ്ണിലോ സിമന്‍റ് ചട്ടിയിലോ നടാം, ഇതിന് വളം, വെള്ളം എന്നിവ ആവശ്യമാണ്. നല്ല പൂവിടുമ്പോൾ ചെടിയിൽ എപ്സം സാൾട്ട് ഉപയോഗിക്കണം. ശക്തമായ സൂര്യപ്രകാശം ലഭിക്കുമ്പോൾ അതിന്‍റെ പൂക്കൾ കൂടുതൽ വിരിയുന്നു, ഇടയ്ക്കിടെ ശിഖരങ്ങൾ മുറിക്കേണ്ടതുണ്ട്.
