കൊറോണ വൈറസ്ബാധ കൂടിയും കുറഞ്ഞും പിടിതരാതെ കളി തുടരുകയാണിപ്പോഴും. കേരളത്തിലേക്ക് മറ്റ് സ്ഥലങ്ങളിൽ നിന്നുള്ളവരുടെ മടക്കം തുടങ്ങിയതിനുശേഷം പ്രിതദിനമുള്ള കണക്കുകൾ വർദ്ധിച്ചിരുന്നു. കേരളത്തിലും മഹാരാഷ്ട്രയിലും ഡൽഹിയിലും ഗുജറാത്തിലും തമിഴ്നാട്ടിലുമെല്ലാം കൊറോണ ബാധിച്ച് രോഗമുക്‌തി നേടുന്നവരുടെ എണ്ണവും താരതമ്യേന കൂടുതലാണ്. രോഗബാധയിൽ നിന്ന് മോചനം നേടി, കോവിഡ് ടെസ്റ്റ് നെഗറ്റീവ് ആയി എന്നതുകൊണ്ട് ആ വ്യക്‌തി ആരോഗ്യവാനായി മാറുന്നില്ല. ശാരീരികവും മാനസികവുമായി നേരിട്ട ദൗർബല്യം, ശരിയായ രീതിയിൽ പരിഹരിക്കപ്പെടണം.

ലോകം മുഴുവൻ ജീവിതശൈലിയിൽ വരെ വലിയ മാറ്റത്തിന്‍റെ വക്കിലാണ് ഇപ്പോൾ. ആരോഗ്യപരമായ ജീവിതമാണ് പുത്തൻ ജീവിതശൈലിയുടെ അടിസ്ഥാനം. ഒരു സാധാരണ പനി വരുന്നത് പോലെയാണ് പലർക്കും കൊറോണ രോഗം വന്നുപോകുന്നത്. എന്തായാലും പനിയിൽ നിന്ന് മോചനമായോ എന്നറിയാൻ സഹായകമാകുന്ന ചില സൂചകങ്ങൾ ഇതൊക്കെയാണ്.

മരുന്നില്ലാതെ 72 മണിക്കൂർ കഴിയാൻ പറ്റുക.
ചുമ, ശ്വാസതടസ്സം ഇവ ഇല്ലാതിരിക്കുക.
ആദ്യമായി പനിലക്ഷണം വന്ന് 7 ദിവസം കഴിയുമ്പോൾ യാതൊരു ലക്ഷണവും ഇല്ലാതിരിക്കുക.

കോവിഡ് 19 വിമുക്‌തിക്കു ശേഷം ശരീരം പൂർണ്ണമായും ആരോഗ്യം വീണ്ടെടുക്കാൻ കുറച്ച് സമയമെടുത്തേക്കാം. രോഗതീവ്രത ഉണ്ടായവർക്കാണ് ആശുപത്രിയിൽ കഴിയേണ്ടി വന്നിട്ടുണ്ടാകുക. ലോകാരോഗ്യ സംഘടനയുടെ സൂചകമനുസരിച്ച് ഈ രോഗത്തിൽ പൂർണ്ണമായി വിടുതൽ ലഭിക്കാൻ 6 ആഴ്ച മിനിമം വേണ്ടിവരും. രോഗം സീരിയസ് ആയി വെന്‍റിലേറ്ററിൽ പ്രവേശിക്കപ്പെടുമ്പോൾ കണ്ടുവരുന്ന ചലഞ്ചുകൾ താഴെപ്പറയുന്നു.

ലംഗ്സ് ദുർബലമാകുന്നു. മസിലിന്‍റെ ബലം കുറയുന്നു. കടുത്ത ചുമ, ശ്വാസതടസ്സം.
വൈറൽ മയോകാർഡിടിസ് അഥവാ ഹൃദയത്തിനുണ്ടാകുന്ന ഇൻഫ്ളമേഷൻ മൂലം ഹാർട്ട് ഫെയിലർ ഉണ്ടാകുന്നു.
ന്യൂറോജിക്കൽ പ്രശ്നങ്ങൾ, സ്ട്രോക്ക്, ബ്ലഡ് ക്ലോട്ടിംഗ് സംഭവിക്കുന്നു.
പാദങ്ങളിൽ പോളങ്ങൾ, കാൽവേദന മേൽപ്പറഞ്ഞതൊന്നും 90 ശതമാനം രോഗികൾക്കും ഉണ്ടാകാറില്ല. വൃദ്ധജനങ്ങൾ, പ്രമേഹരോഗികൾ, രക്‌തസമ്മർദ്ദമുള്ളവർ ഇവർക്കൊക്കെയാണ് ഇത്തരം പ്രശ്നങ്ങൾ കണ്ടുവരുന്നത്.

രോഗബാധ ഉണ്ടായവർ ശ്രദ്ധിക്കേണ്ടത്