പലപ്പോഴും ആർത്തവ സമയം ചിലരെയെങ്കിലും സംബന്ധിച്ച് വലിയ തലവേദനയാകാറുണ്ട്. ഈ സമയത്ത് സ്ത്രീകൾക്ക് ചില പ്രശ്‌നങ്ങൾ നേരിടേണ്ടി വരാറുണ്ട്. സാധാരണയായി ആർത്തവസമയത്ത് സ്ത്രീകൾക്ക് വയറുവേദന, തലവേദന, ക്ഷീണം, ഓക്കാനം, നീർവീക്കം, മൂഡ് മാറ്റം, നേരിയ പനി, വയറിളക്കം എന്നിങ്ങനെയുള്ള പ്രശ്‌നങ്ങൾ നേരിടേണ്ടി വന്നേക്കാം. അത്തരമൊരു സാഹചര്യത്തിൽ ആർത്തവകാല പ്രശ്‌നങ്ങളിൽ നിന്ന് അൽപ്പം ആശ്വാസം നൽകുന്ന ചില ഭക്ഷണ പദാർത്ഥങ്ങളുണ്ട്.
ആർത്തവ സമയത്ത് എന്ത് കഴിക്കണം
ജലാംശം നിലനിർത്തുന്ന പഴങ്ങളും പച്ചക്കറികളും: തണ്ണിമത്തൻ, കുക്കുമ്പർ, സ്ട്രോബെറി, പീച്ച്, ഓറഞ്ച്, കാബേജ് തുടങ്ങിയ പച്ച ഇലക്കറികളും ആവശ്യത്തിന് വെള്ളവും കുടിക്കുക. അതുവഴി തലവേദന, ക്ഷീണം, ശരീര വേദന എന്നിവ ഒഴിവാക്കാം.
ജിഞ്ചർ ടീ: ഓക്കാനം, പേശി വേദന എന്നിവ ഇല്ലാതാക്കാൻ ജിഞ്ചർ ടീ വളരെ നല്ലതാണ്. കൂടാതെ ആന്‍റി ഇൻഫ്ളമേറ്ററി കൂടിയാണ്. വളരെയധികം ഇഞ്ചി കഴിക്കുന്നത് നെഞ്ചെരിച്ചിൽ ഉണ്ടാക്കുമെന്ന് ഓർക്കുക.
ഇരുമ്പ്, പ്രോട്ടീൻ, ഒമേഗ3 എന്നിവ അടങ്ങിയ ഭക്ഷണങ്ങൾ: ചിക്കൻ പ്രോട്ടീനിന്‍റെ ഉത്തമ സ്രോതസ്സാണ്. മത്സ്യം കഴിക്കുന്നതിലൂടെ മതിയായ അളവിൽ ഒമേഗ3 ഫാറ്റി ആസിഡ് ലഭ്യമാകും. ആർത്തവ സമയത്ത് ഇരുമ്പിന്‍റെ കുറവ് ഉണ്ടാകാൻ സാധ്യതയുണ്ട്. അത് ഒഴിവാക്കാൻ മത്സ്യ മാംസാദികൾ കഴിക്കുക. സസ്യാഹാരിയാണെങ്കിൽ ഭക്ഷണത്തിൽ ഇലവർഗ്ഗങ്ങൾ ഉൾപ്പെടുത്തുക. ശരീരത്തിൽ ഇരുമ്പിന്‍റെ കുറവ് ഉണ്ടായാൽ ക്ഷീണം അനുഭവപ്പെടും.
മഞ്ഞളും കുർക്കുമിനും: മഞ്ഞളിൽ കൂർക്കുമിൻ അടങ്ങിയിരിക്കുന്നതിനാൽ അത് ആന്‍റി ഓക്‌സിഡന്‍റും ആന്‍റി ഇൻഫ്ളമേറ്ററിയും ആണ്. ഇപ്പോൾ കുർക്കുമിൻ ക്യാപ്‌സ്യൂളുകൾ ലഭ്യമാണ്. ആർത്തവ പ്രശ്നനങ്ങൾക്ക് ഇത് വളരെ ഗുണം ചെയ്യുന്നതായി കണ്ടിട്ടുണ്ട്. ഇത് വിഷാദാവസ‌ഥയിൽ പ്രവർത്തിക്കുന്നു. മാത്രവുമല്ല മാനസികാവസ്‌ഥയെ മികച്ചതായി നിലനിർത്തും.
ഡാർക്ക് ചോക്ലേറ്റ്: ഡാർക്ക് ചോക്ലേറ്റിൽ ധാരാളം ഇരുമ്പും മഗ്നീഷ്യവും അടങ്ങിയിട്ടുണ്ട്. ഇതിൽ 100 ഗ്രാം ഡാർക്ക് ചോക്ലേറ്റും 67 ശതമാനം ഇരുമ്പും 58 ശതമാനം മഗ്നീഷ്യവും അടങ്ങിയിരിക്കുന്നു. ഇത് ദൈനംദിന ആവശ്യകത നിറവേറ്റുന്നതിനു നല്ലതാണ്. ആർത്തവ സമയത്ത് ഉണ്ടാകുന്ന ധാതുക്കളുടെ കുറവ് ഇതിലൂടെ ഒഴിവാക്കാം.
നട്‌സ്: ബദാം, കശുവണ്ടി, വാൽനട്ട് തുടങ്ങിയ നട്‌സ് ആവശ്യത്തിന് പ്രേട്ടീനും ഒമേഗ3 ഫാറ്റി ആസിഡും നൽകും. ഇവ നേരിട്ട് കഴിക്കാൻ താൽപ്പര്യമില്ലെങ്കിൽ സ്‌മൂത്തിയിൽ ചേർത്ത് കഴിക്കാം. അല്ലെങ്കിൽ ബദാം ചേർത്ത് പാൽ കുടിക്കാം.
പാലും തൈരും: ചില സ്ത്രീകൾക്ക് ആർത്തവ സമയത്ത് യീസ്‌റ്റ് അണുബാധ ഉണ്ടാകാറുണ്ട്. അത്തരമൊരു സാഹചര്യത്തിൽ തൈര് നല്ലൊരു പ്രോബയോട്ടിക്കാണ്. ദഹനം മികച്ചതാക്കാനും യീസ്‌റ്റ് അണുബാധ നിയന്ത്രിക്കാനും യോനിയിൽ നല്ല ബാകക്ടീരിയകളെ പോഷിപ്പിക്കാനും പ്രോബയോട്ടിക്ക് കഴിക്കാം. പാലിൽ നിന്നും തൈരിൽ നിന്നും ശരീരത്തിന് പ്രോട്ടീനും കാത്സ്യവും ലഭിക്കുന്നു.
കിനോവ, പയർവർഗ്ഗങ്ങൾ, ബീൻസ്: ഇവയിൽ ഇരുമ്പ്, പ്രോട്ടീൻ, മഗ്നീഷ്യം എന്നിവ ധാരാളമായി അടങ്ങിയിട്ടുണ്ട്. പ്രത്യേകിച്ച് സസ്യഭുക്കുകൾക്ക് മാംസത്തിന് ബദലായി കഴിക്കാവുന്ന മികച്ച ഭക്ഷ്യവസ്‌തുക്കളാണിത്.
