ജീൻസിന് പുറമേ ഡെനിം സ്‌കർട്ടുകൾ, ഷോർട്ട്സ്, ടോപ്പുകൾ എന്നിവ യുവാക്കൾക്കിടയിൽ ഫാഷൻ ലോകത്തിന്‍റെ ഒരു പ്രധാന ഭാഗമാണ്. കുട്ടികളും മുതിർന്നവരും എല്ലാവരും ഡെനിം തുണികൊണ്ടുള്ള വസ്ത്രങ്ങൾ ഉപയോഗിച്ച് ഫാഷനബിളും സ്റ്റൈലിഷും ആകാറുണ്ട്. എന്നാൽ ഇപ്പോൾ ഡെനിം സാരിയാണ് പുതിയ താരം. ഡെനിം സാരി പുതുതലമുറയുടെ ആദ്യ ചോയ്സ് ആയി മാറിയിരിക്കുന്നു. പരമ്പരാഗത സാരിയിൽ നിന്ന് വ്യത്യസ്തമായി ഈ ആധുനിക ഡെനിം സാരി ജെൻസിക്ക് വളരെ ഇഷ്ടമാണ്. മറ്റു സാരികളെ അപേക്ഷിച്ച് ഡെനിം സാരിയുടെ ചില പ്രത്യേകതകൾ നമുക്ക് നോക്കാം.
ധരിക്കാൻ എളുപ്പം
സാരി ധരിക്കുന്നത് വ്യക്തിത്വത്തെ സവിശേഷമാക്കുന്നു. ഇക്കാലത്ത് പുതുതലമുറയിലെ സ്ത്രീകൾ പോലും സാരി ധരിക്കാൻ ഇഷപ്പെടുന്നു. പക്ഷേ സാരി ധരിക്കുന്നത് വളരെ ബുദ്ധിമുട്ടുള്ളതും സമയമെടുക്കുന്നതും ആയതിനാൽ അത് ധരിക്കാൻ മടിക്കുന്നു. എന്നാൽ ഡെനിം സാരികൾ അടിസ്ഥാനപരമായി റെഡി- ടു- വെയറാണ്. ഇതു ധരിക്കാൻ വളരെ എളുപ്പമാണെന്ന് മാത്രമല്ല സമയമെടുക്കുന്നില്ല.
പാരമ്പര്യത്തിന്‍റെയും ആധുനികതയുടെയും മിശ്രിതം
ഡെനിം പേലുള്ള ആധുനിക തുണിത്തരങ്ങളിൽ എംബ്രോയിഡറി, ബ്ലോക്ക് പ്രിന്‍റ്, കലംകാരി, ബന്ധാനി തുടങ്ങിയ പരമ്പരാഗത പ്രിന്‍റുകൾ ഉപയോഗിച്ച് പാച്ച് വർക്ക് കൊണ്ട് അലങ്കരിച്ചിരിക്കുന്നതിനാൽ ഈ സാരികൾ പാരമ്പര്യത്തിന്‍റെയും ആധുനികതയുടെയും തികഞ്ഞ മിശ്രിതമാണ്. കാരണം അവയ്ക്ക് ആധുനികവും പരമ്പരാഗതവുമായ ഒരു ലുക്ക് നൽകാൻ കഴിയും.
തുണിയുടെ പ്രത്യേകത
പരമ്പരാഗത സാരികൾ വളരെ ലോലമായതിനാൽ അവയ്ക്ക് അധിക പരിചരണം ആവശ്യമാണ്. പലപ്പോഴും ഷിഫോൺ, ബനാറസി തുടങ്ങിയ തുണിത്തരങ്ങൾ കൊണ്ട് നിർമ്മിച്ച സാരികൾ ചെറിയ അശ്രദ്ധമൂലം കേടാകുന്നു. മറുവശത്ത്, ഡെനിം സാരികൾ പരുക്കൻ തുണികൊണ്ടാണ് നിർമ്മിച്ചിരിക്കുന്നത്. പ്രത്യേക പരിചരണം ആവശ്യമില്ല. ഡെനിം ദീർഘകാലം നില നിൽക്കുന്നതും, പുനരുപയോഗിക്കാവുന്നതും, ആധുനികവുമായ തുണിത്തരമാണ്.
വ്യക്തിത്വത്തിന് പുതിയ രൂപം
ഈ സാരികൾ പരുക്കനും കടുപ്പമുള്ളതുമായ തുണികൊണ്ടാണ് നിർമ്മിച്ചിരിക്കുന്നത്. ഇത് ധരിക്കുന്നയാൾക്ക്, സ്റ്റൈ ലിഷും അതുല്യവുമായ രൂപം ലഭിക്കുന്നു. ഇത് ആൾക്കൂട്ടത്തിൽ അവരുടേതായ ഐഡന്‍റി സൃഷ്ടിക്കാൻ സഹായിക്കുന്നു.
മാച്ചിംഗ് എളുപ്പം
ഡെനിം സാരികൾ സ്ന‌ീക്കേഴ്‌സ്, ഷൂസ്, ബൂട്ട്സ്, ക്രോപ്പ് ടോപ്പുകൾ, ബ്ലൗസുകൾ, ജാക്കറ്റുകൾ തുടങ്ങിയവയുമായി എളുപ്പത്തിൽ ജോടിയാക്കാം. പരമ്പരാഗത സ്വർണ്ണാഭരണങ്ങൾക്ക് പകരം, ഡയമണ്ട്, ഓക്സിഡൈസ്ഡ് ലൈറ്റ് ആഭരണങ്ങളാണ് നല്ലത്.
ഈ കാര്യങ്ങൾ കൂടി
കട്ടിയുള്ള തുണിത്തരങ്ങൾക്ക് പകരം നേർത്ത നെയ്‌ത തുണികൊണ്ടുള്ള സാരി വാങ്ങുക. കാരണം കട്ടിയുള്ള ഡെനിം ഭാരം കൂടുതലാണ്. നേർത്ത നെയ്‌ത ഡെനിം ഭാരം കുറവാണ് ഇത് ധരിക്കാൻ എളുപ്പമാണ്..
റെഡി ടു വെയർ സാരി വാങ്ങുകയാണെങ്കിൽ ബ്ലൗസിന്‍റെ ഫിറ്റിംഗിൽ പ്രത്യേക ശ്രദ്ധ ചെലുത്തുക. കാരണം ആകർഷകമായ രൂപത്തിന് ബ്ലൗസിന്‍റെ ഫിറ്റിംഗ് സാരിയെപ്പോലെ പ്രധാനമാണ്.
ഇരുണ്ട നിറത്തിൽ ഒരാൾ മെലിഞ്ഞതായി കാണപ്പെടും. ഇളം നിറത്തിൽ തടിച്ചതായി കാണപ്പെടും. അതിനാൽ ഒരു സാരി വാങ്ങുമ്പോൾ സ്വന്തം വ്യക്‌തിത്വം മനസ്സിൽ വയ്ക്കുക.
