നിങ്ങൾക്ക് കാപ്പി ഇഷ്ടമാണെങ്കിൽ ഇന്ന് വിപണിയിൽ നിരവധി തരം കാപ്പികൾ ലഭ്യമാണെന്ന് ശ്രദ്ധിച്ചിട്ടുണ്ടാകും. അതിൽ നിന്ന് ഏതാണ് തിരഞ്ഞെടുക്കേണ്ടതെന്ന് വളരെ ബുദ്ധിമുട്ടാണ്. ബുള്ളറ്റ് പ്രൂഫ് കോഫി എന്നറിയപ്പെടുന്ന ഒരു പുതിയ തരം കാപ്പി ഇപ്പോൾ ട്രെൻഡിലാണ്. കാപ്പിയിൽ വെണ്ണയും എംസിടി ഓയിലും ചേർത്ത് തയ്യാറാക്കുന്ന ഉയർന്ന കലോറി പാനീയമാണിത്. നിങ്ങളുടെ ദിവസത്തിന്‍റെ തുടക്കത്തിന് ഉത്തേജനം നൽകുക എന്നതാണ് ഇതിന്‍റെ ഉദ്ദേശം. കുറഞ്ഞ കാർബ് ഡയറ്റ് പിന്തുടരുന്നവർക്കിടയിൽ ഈ കോഫി വളരെ ജനപ്രിയമാണ്. കീറ്റോ കോഫി എന്നോ ബട്ടർ കാപ്പിയുടെയോ പുതിയ രൂപമെന്നു പറഞ്ഞാൽ തെറ്റില്ല. ഇത് ശരീരത്തിന് നല്ല അളവിൽ ആരോഗ്യകരമായ പോഷകങ്ങളും കൊഴുപ്പുകളും നൽകുന്നു. ഈ കോഫി കുടിച്ചതിന് ശേഷം നിങ്ങൾക്ക് നല്ല ഊർജ്ജം അനുഭവപ്പെടും. ആരോഗ്യകരമായ കൊഴുപ്പും കാപ്പിയും കലർന്നതിനാൽ നിങ്ങൾക്ക് വയറുനിറഞ്ഞതായി അനുഭവപ്പെടും. മൊത്തത്തിൽ ഇത് കൊഴുപ്പ് നിറഞ്ഞ പാനീയമാണ്. ഇത് ശരീരഭാരം കുറയ്ക്കാൻ ഏറെ പ്രശസ്തമാണ്.
എന്തിന് ബുള്ളറ്റ് പ്രൂഫ് കോഫി കുടിക്കണം?
ടോസ്റ്റും ധാന്യങ്ങളും പോലുള്ള ഉയർന്ന കാർബോഹൈഡ്രേറ്റ് പ്രഭാതഭക്ഷണ ഓപ്ഷനുകൾ നിങ്ങൾക്ക് അമിത ഊർജ്ജം നൽകുന്നു. എന്നാൽ അവ രക്തത്തിലെ പഞ്ചസാരയുടെ അളവ് പിന്നീട് ഉയരാൻ കാരണമാകുന്നു. അത്തരമൊരു സാഹചര്യത്തിൽ ബുള്ളറ്റ് പ്രൂഫ് കോഫി നിങ്ങളുടെ ദിവസം ആരംഭിക്കാൻ ആവശ്യമായ ഊർജ്ജം നൽകുന്നു. ഇത് കുടിച്ചതിന് ശേഷം നിങ്ങൾക്ക് ഉയർന്ന കാർബ് പ്രഭാതഭക്ഷണം ആവശ്യമില്ല.
ബുള്ളറ്റ് പ്രൂഫ് കാപ്പി കുടിക്കുന്നത് ആരോഗ്യത്തിന് ഗുണകരമാണോ?
സാധാരണയായി എല്ലാ ദിവസവും കഫീൻ കഴിക്കാൻ കഴിയുമെങ്കിൽ നിങ്ങൾ കൂടുതൽ ചിന്തിക്കേണ്ടതില്ല. ഈ പാനീയത്തിലെ കൊഴുപ്പ് നിങ്ങളുടെ ശരീരം കഫീൻ പ്രോസസ്സ് ചെയ്യുന്ന രീതിയെ മന്ദഗതിയിലാക്കാൻ സഹായിക്കും. എന്നിരുന്നാലും നിങ്ങളുടെ ശരീരം കഫീനിനോട് സെൻസിറ്റീവ് ആണെങ്കിൽ കൊഴുപ്പ് ചേർക്കുന്നത് അതിന്‍റെ പ്രഭാവം മാറ്റില്ല. നിങ്ങൾ നല്ല നിലവാരമുള്ള ദേശി നെയ്യും കാപ്പിക്കുരുവും ഉപയോഗിച്ച് ബുള്ളറ്റ് പ്രൂഫ് കോഫി ഉണ്ടാക്കുകയാണെങ്കിൽ ഇത് നിങ്ങളുടെ ഭക്ഷണക്രമത്തിൽ നല്ലൊരു ഓപ്ഷനാണ്. എങ്കിലും ഇത് അധികം കുടിക്കരുത്. നിങ്ങളുടെ ആരോഗ്യം നിലനിർത്താൻ ദിവസവും ഒരു കപ്പ് കാപ്പി മതിയാകും.
ബുള്ളറ്റ് പ്രൂഫ് കോഫിയുടെ ഗുണങ്ങൾ
ഊർജ്ജം നൽകുക
ബുള്ളറ്റ് പ്രൂഫ് കോഫി കുടിക്കുന്നത് ഒരു വ്യക്തിക്ക് മണിക്കൂറുകളോളം സുസ്ഥിരമായ ഊർജ്ജം നൽകുന്നു. വാസ്തവത്തിൽ കാപ്പിയിലെ കൊഴുപ്പ് കഫീന്‍റെ ദഹനത്തെ മന്ദഗതിയിലാക്കുന്നു. അതുകൊണ്ടാണ് ശരീരം സാവധാനം ആഗിരണം ചെയ്യുന്നത്.
ശരീരഭാരം കുറയ്ക്കുക
ബുള്ളറ്റ് പ്രൂഫ് കോഫിയിൽ എംസിടി ഓയിൽ അടങ്ങിയിട്ടുണ്ട്. ഇത് കെറ്റോസിസ് ഉണ്ടാക്കാൻ സഹായിക്കുന്നു. ഇതുകൂടാതെ കാപ്പി, നെയ്യ്, വെണ്ണ അല്ലെങ്കിൽ വെളിച്ചെണ്ണ തുടങ്ങിയ ചേരുവകൾ കീറ്റോസിസ് നിലനിർത്താനും ഇൻസുലിൻ അളവ് കുറയ്ക്കാനും സഹായിക്കുന്നു.
പോഷകങ്ങളാൽ സമ്പന്നമാണ്
ബുള്ളറ്റ് പ്രൂഫ് കോഫി പോഷകങ്ങൾ നിറഞ്ഞതാണ്. ഒമേഗ- 3 ഫാറ്റി ആസിഡുകൾ, ബീറ്റാ കരോട്ടിൻ, ബ്യൂട്ടിറേറ്റ്, ലിനോലെയിക് ആസിഡ് എന്നിവയ്‌ക്കൊപ്പം വിറ്റാമിൻ ഇ, ഡി, എ, കെ എന്നിവ ഇതിൽ അടങ്ങിയിരിക്കുന്നു. കാപ്പിയിൽ അടങ്ങിയിരിക്കുന്ന ബ്യൂട്ടിറേറ്റ് കുടലിന്‍റെ ആരോഗ്യത്തിന് സഹായകമാണ്. കാപ്പിയിൽ ചേർക്കുന്ന നെയ്യോ വെണ്ണയോ ശരീരത്തിന് പോഷകങ്ങൾ നൽകാനുള്ള മികച്ച മാർഗ്ഗമാണ്.
