എസി ഉള്ള ഓഫീസിൽ ജോലി ചെയ്യുന്നത് ഭാഗ്യമായി കരുതുന്നവരിൽ ഒരാളാണോ നിങ്ങളും? വീട്ടിലായിരിക്കുമ്പോൾ എപ്പോഴും എസി ഓണായിരിക്കാറുണ്ടോ, അതിന്‍റെ തൊട്ടുമുമ്പിൽ ഇരിക്കാനാണോ നിങ്ങൾ ഇഷ്ടപ്പെടുന്നത്? നിങ്ങളും ഇവരിൽ ഒരാളാണെങ്കിൽ അങ്ങനെ ചെയ്യുന്നത് അപകടകരമാണ്. ഈ ശീലത്തെക്കുറിച്ച് ഒരിക്കൽ കൂടി ചിന്തിക്കുകയും വേണം..
ഈ കൊടും ചൂടിൽ ആളുകൾ എസി അനിവാര്യമാണ്.എന്നിരുന്നാലും 24 മണിക്കൂറും എസിയിൽ ഇരിക്കുന്നത് ആരോഗ്യത്തിന് അപകടകരമാണ് എന്നതാണ് സത്യം.
കഴിഞ്ഞ കുറച്ച് വർഷങ്ങളായി എസിയുടെ ഉപയോഗം പെട്ടെന്ന് വർദ്ധിച്ചു. വേനൽക്കാലത്ത് മലിനീകരണവും ആഗോളതാപനവും കാരണം ഭൂമിയുടെ താപനില വളരെ ഉയർന്നതായിത്തീരുന്നു. ഇത്തരമൊരു സാഹചര്യത്തിൽ ഏതു വിധേനയും എസി സ്ഥാപിക്കാൻ വൈക്കാറില്ല. ഓഫീസുകളെ കുറിച്ച് പറയുകയാണെങ്കിൽ ഇന്നത്തെ കാലത്ത് ഒട്ടുമിക്ക ഓഫീസുകളിലും എ.സി. അടിസ്ഥാന ആവശ്യമായി മാറിയിരിക്കുന്നു.
എന്നാൽ ചിന്തിക്കേണ്ട കാര്യം കൃത്രിമ ഊഷ്മാവിൽ ദീർഘനേരം തങ്ങുന്നത് എത്രത്തോളം അപകടകരമാകുമെന്നതാണ്. ഈ താപനില വ്യതിയാനത്തിന്‍റെ ഏറ്റവും മോശമായ പ്രതിഫലനം ഉണ്ടാകുന്നത് നമ്മുടെ രോഗപ്രതിരോധ സംവിധാനത്തിലാണ്.
പലപ്പോഴും എന്തെങ്കിലും ഒക്കെ അസുഖം വരാൻ തുടങ്ങിയിട്ടുണ്ടെന്ന് നിങ്ങൾക്ക് തോന്നുന്നുവെങ്കിൽ ഈ എസി ശീലം നിങ്ങളുടെ രോഗപ്രതിരോധ ശേഷിയെ ദുർബലപ്പെടുത്തി എന്ന് മനസിലാക്കുക
എസിയുടെ മുന്നിൽ കൂടുതൽ സമയം ചിലവഴിക്കുന്നത് ഈ ആരോഗ്യപ്രശ്നങ്ങൾക്ക് കാരണമാകും.
- സൈനസ് പ്രശ്നം
നാലോ അതിലധികമോ മണിക്കൂർ എസിയിൽ നിൽക്കുന്ന ആളുകൾക്ക് സൈനസ് അണുബാധ ഉണ്ടാകാനുള്ള സാധ്യത വളരെ കൂടുതലാണ്. യഥാർത്ഥത്തിൽ, ദീർഘനേരം തണുപ്പിൽ കിടക്കുന്നതിനാൽ പേശികൾ കഠിനമാകും.
- ക്ഷീണം
തണുപ്പ് കൂടുതൽ ആക്കി ഉറങ്ങുകയോ അതിനു മുമ്പിൽ ഇരിക്കുകയോ ചെയ്താൽ നിങ്ങൾക്ക് ക്ഷീണം അനുഭവപ്പെടും.
- വൈറൽ അണുബാധ
ഏറെ നേരം എസിയിൽ ഇരിക്കുന്നതു മൂലം ശുദ്ധവായു ശ്വസിക്കുന്നത് കുറയുന്നു. അത്തരമൊരു സാഹചര്യത്തിൽ പനി, ജലദോഷം തുടങ്ങിയ രോഗങ്ങൾ വരാനുള്ള സാധ്യത വളരെയധികം വർദ്ധിക്കുന്നു.
- വരണ്ട കണ്ണുകൾ
മണിക്കൂറുകളോളം എസിയിൽ ചിലവഴിക്കുന്നവരിലാണ് ഈ പ്രശ്നം കൂടുതലായി കണ്ടുവരുന്നത്. എസിയിൽ ഇരിക്കുന്നത് കണ്ണ് വരണ്ടതാക്കും. എസിയിൽ ഇരിക്കുന്നതിന്‍റെ ഈ പ്രഭാവം ചർമ്മത്തിലും ദൃശ്യമാണ്.
- അലർജികൾ
ഇടയ്‌ക്കിടെ എസി വൃത്തിയാക്കാൻ ആളുകൾ മറന്നു പോകാറുണ്ട്. പലപ്പോഴും എസിയിലെ തണുത്ത വായുവിനൊപ്പം പൊടിപടലങ്ങളും അന്തരീക്ഷത്തിൽ കലരുകയും ചെയ്യും. ശ്വസന സമയത്ത് ഈ പൊടിപടലങ്ങൾ ശരീരത്തിൽ പ്രവേശിക്കുന്നു ഇത് രോഗപ്രതിരോധ സംവിധാനത്തെ ബാധിക്കുന്നു.
