റാഗിയിൽ മാംസ്യവും ധാതുക്കളും അടങ്ങിയിട്ട്. മറ്റ് അന്നജ ആഹാരങ്ങളിൽ ഇല്ലാത്ത അമിനോ ആസിഡുകൾ റാഗിയില്‍ അടങ്ങിയിരിക്കുന്നു.
ദിവസവും ഒരുനേരം റാഗി വിഭവം കഴിച്ചാൽ രോഗങ്ങളില്‍ നിന്നും ഒരു പരിധി വരെ രക്ഷപെടാന്‍ സാധിക്കും.
റാഗി ഉപയോഗിച്ച് ദോശ, അട, ചപ്പാത്തി, ഉപ്പുമാവ്, പുട്ട്, ഹൽവ, ഇഡ്ഡലി തുടങ്ങി സ്വാദിഷ്ഠവുമായ നിരവധി വിഭവങ്ങൾ ഉണ്ടാക്കാം.
ചേരുവകൾ
റാഗി പൊടി അര കപ്പ്
ആട്ട അര കപ്പ്
ബട്ടർ അര കപ്പ്
ബ്രൗൺഷുഗർ അര കപ്പ്
ബേക്കിംഗ് പൗഡർ 3 ചെറിയ സ്പൂൺ
കൊക്കോപൗഡർ ഒരു വലിയ സ്പൂൺ
വാനില എക്സ്ട്രാക്റ്റ് അര സ്പൂൺ
പാൽ ആവശ്യത്തിന്
തയ്യാറാക്കുന്ന വിധം
ഒരു പാനിൽ റാഗി പൊടി ഇട്ട് ഒരു മിനിറ്റ് വറുക്കുക. ശേഷം ഇതിൽ ബാക്കിയുള്ള എല്ലാ ചേരുവകളും ചേർത്ത് മാവ് തയ്യാറാക്കാം.
ഇനി ചെറിയ ഉരുളകൾ തയ്യാറാക്കി കുക്കീസ് പോലെ പരത്തുക. ഇത് അടച്ച് ഫ്രിഡ്ജിൽ 20-30 മിനിറ്റ് വയ്ക്കുക.
അതിനുശേഷം ഓവനിൽ 160 ഡിഗ്രി സെൻറിഗ്രേഡിൽ 15 മിനിറ്റ് ബേക്ക് ചെയ്യാം. ബിസ്ക്കറ്റ് എയർടൈറ്റ് കണ്ടയ്നറിൽ സൂക്ഷിക്കാം.
