ബേസിൽ ഫ്രൈഡ് റൈസ്
ചേരുവകൾ
ചോറ് (ബസുമതി)- 1 ബൗൾ
പച്ച-ചുവപ്പ് കാപ്സികം ചെറുതായി അരിഞ്ഞത് ആവശ്യാനുസരണം
കോൺ- 1 ടീസ്പൂൺ
വെളുത്തുള്ളി- 5 അല്ലി നന്നായി അരിഞ്ഞത്
ബ്രോക്കോലി- 3,4 കഷ്ണങ്ങൾ
ബേബി കോൺ- 3, 4 ടീസ്പൂൺ
കാരറ്റ്- 1 അരിഞ്ഞത്
റിഫൈൻഡ് ഓയിൽ- ആവശ്യാനുസരണം
മാഗി മസാല- 1 പാക്കറ്റ്
അലങ്കരിക്കാൻ അൽപം ബേസിൽ ഇലകൾ അല്ലെങ്കിൽ പുതിന ഇലകൾ
ഉപ്പ് രുചിക്കനുസരിച്ച്
തയ്യാറാക്കുന്ന വിധം
ബ്രോക്കോലി, ബേബി കോൺ, കാരറ്റ് എന്നിവ ചെറിയ കഷ്ണങ്ങളാക്കി മുറിച്ച് ബ്ലാഞ്ച് ചെയ്യുക. ഒരു പാനിൽ എണ്ണ ചൂടാക്കി പച്ച-ചുവപ്പ്കാപ്സികവും വെളുത്തുള്ളിയും വഴറ്റുക. ചോറ്, ബ്ലാഞ്ച് ചെയ്ത പച്ചക്കറികൾ, പച്ചമുളക് എന്നിവ ഒരുമിച്ച് ചേർത്ത് വേവിക്കുക. ശേഷം മാഗി മസാലയും ഉപ്പും ചേർത്ത് അൽപനേരം കൂടി വേവിക്കാം. ഒടുവിലായി ബേസിൽ ഇലകൾ കൊണ്ടലങ്കരിച്ച് ബേസിൽ ഫ്രഡ് റൈസ് വിളമ്പുക.
ഷാഹി കബാബ്
ചേരുവകൾ
ന്യൂട്രില പൊടി- അരക്കപ്പ്
കടല പരിപ്പ്- 3 ടേബിൾ സ്പൂൺ
വേവിച്ചുടച്ച ഉരുളക്കിഴങ്ങ്- കാൽക്കപ്പ്
ബ്രെഡ് സ്ലൈസ്- 1
പാൽ- 1 ടേബിൾ സ്പൂൺ
ചാട്ട് മസാല- അര ടീസ്പൂൺ
ഗരം മസാല- കാൽ ടീസ്പൂൺ
ഇഞ്ചി, വെളുത്തുള്ളി പേസ്റ്റ്- 1 ടീസ്പൂൺ
സുഗന്ധ വ്യഞ്ജനങ്ങൾ പൊടിച്ചത്- 1 ടീസ്പൂൺ
ജീരകം- 1 ടീസ്പൂൺ
കുരുമുളക്- 4 എണ്ണം
ഗ്രാമ്പു- 2 എണ്ണം
ഏലയ്ക്കാ- 1
കറുവപ്പട്ട- 1 ചെറിയ കഷ്ണം
വറുക്കാൻ ആവശ്യമായ എണ്ണ
ഉപ്പ് ആവശ്യത്തിന്
തയ്യാറാക്കുന്ന വിധം
കടലപരിപ്പ് അരമണിക്കൂർ നേരം ചൂടുവെള്ളത്തിൽ കുതിർക്കുക. ന്യൂട്രില പൊടി രണ്ട് തവണ വെള്ളത്തിൽ നന്നായി കഴുകിയ ശേഷം 2 കപ്പ് ചൂടുവെള്ളത്തിൽ 1 ടീസ്പൂൺ പാൽ ചേർത്ത് അതിൽ ന്യൂട്രില അര മണിക്കൂർ കുതിർക്കുക. ശേഷം കടല പരിപ്പിൽ നിന്നും വെള്ളം ഊറ്റിക്കളയുക. പ്രഷർ കുക്കറിൽ കടലപരിപ്പും ന്യൂട്രിലയും ഇട്ട ശേഷം അരക്കപ്പ് വെള്ളവുമൊഴിക്കുക. ജീരകം, കുരുമുളക്, ഗ്രാമ്പൂ, ഏലയ്ക്ക, കറുവപ്പട്ട, ഉപ്പ് എന്നിവ ചേർത്ത് അടച്ച് ഒരു വിസിൽ വരുംവരെ വേവിച്ച് 3 മിനിറ്റ് കുറഞ്ഞ തീയിൽ വയ്ക്കുക. തുടർന്ന് തീ ഓഫ് ചെയ്യുക. പ്രഷർ പോയ ശേഷം കുക്കർ തുറക്കുക. വെള്ളമുണ്ടെങ്കിൽ അൽപനേരം കൂടി ഉയർന്ന ഫ്ളെയിമിൽ വറ്റിക്കുക. ചേരുവ തണുത്ത ശേഷം മിക്സറിലിട്ട് അടിച്ചെടുക്കുക. ബാക്കിയുള്ള ചേരുവകൾ ചേർത്ത് കുഴച്ച് ചെറിയ കബാബുകൾ തയ്യാറാക്കുക. നോൺസ്റ്റിക്ക് പാനിൽ എണ്ണ ചൂടാക്കി കബാബ് തിരിച്ചും മറിച്ചുമിട്ട് സ്വർണ്ണനിറമാകുന്നതുവരെ വറുത്തെടുക്കുക. ചട്ണി അല്ലെങ്കിൽ സോസ് ഉപയോഗിച്ച് ഈ പോഷകസമൃദ്ധമായ കബാബുകൾ കഴിക്കാൻ രുചികരമാണ്.
റൊട്ടി റോൾ
ചേരുവകൾ
നേർത്ത റൊട്ടികൾ (ചപ്പാത്തി)- 4,5 എണ്ണം
സോയാ തരിതരിയായി പൊടിച്ചത്- കാൽ കപ്പ്
വേവിച്ച ഗ്രീൻ പീസ്- 1 ടേബിൾ സ്പൂൺ
തക്കാളി പ്യൂരി- 1 ടേബിൾ സ്പൂൺ
ഇഞ്ചി വെളുത്തുള്ളി പേസ്റ്റ്- 1 ടീസ്പൂൺ
പച്ചമുളക് പേസ്റ്റ്- അര ടീസ്പൂൺ
മുളക് പൊടി- അര ടീസ്പൂൺ
മാഗി മസാല മാജിക്- 1 ടീസ്പൂൺ
