മികച്ച ഔട്ട്ഫിറ്റിനൊപ്പം യോജിച്ച ജ്വല്ലറിയും അണിഞ്ഞുള്ള സ്റ്റൈലിംഗിനാണിപ്പോൾ മുൻതൂക്കം. ഫാഷൻ ലോകത്ത് സ്റ്റേറ്റ്മെന്‍റ് നെക്ലേസുകൾക്കും മിനിമിലിസ്‌റ്റിക് ചെയിനുകൾ ഇയർ റിംഗുകൾക്കും ക്യൂട്ട് റിംഗുകൾക്കുമുള്ള സ്‌ഥാനം ഇപ്പോഴും നില നിൽക്കുന്നു. അതിനാൽ ഫാഷൻ ലോകത്ത് ട്രെൻഡിയായിരിക്കാൻ ഇത്തരം ചില ജ്വല്ലറികൾ ആഭരണപെട്ടിയിൽ കരുതുക തന്നെ വേണം.
ഗോൾഡൻ പ്ലേറ്റഡ് ജ്വല്ലറി ട്രെൻറിന് ഇപ്പോഴും മാറ്റ് കുറഞ്ഞിട്ടില്ല. ഇപ്പോഴും അത് ട്രെൻഡിയായി തുടരുന്നു. എന്നാൽ ചില മാറ്റങ്ങൾ വന്നിട്ടുണ്ട്. സ്റ്റേറ്റ്മെന്‍റ് നെക്ക് പീസ്, സ്ലീക്ക് ഇയർ റിംഗ്, ചെയിൻ, ബ്രേസ്ലെറ്റ് എന്നിങ്ങനെ ഗോൾഡൻ പ്ലേറ്റഡ് ജ്വല്ലറി എവർ ഗ്രീൻ ഫാഷൻ സ്റ്റേറ്റ്മെന്‍റായി നില കൊള്ളുന്നു.
ചെയിനുകൾ
ഒന്നിലധികം ചെയിനുകൾ ചേർന്നുള്ള ജ്വല്ലറി ട്രെൻഡുകൾ എപ്പോഴത്തേയും പോലെ കൗമാരക്കാരുടെ ഇഷ്ട ചോയിസാണ്. ഒപ്പം ഹെവി ലുക്ക് ഇഷ്ടമില്ലാത്തവർക്ക് വിവിധ സ്റ്റൈലുകളിലായുള്ള സ്ലീക്ക് മോഡൽ ചെയിനുകൾ ലഭ്യമാണ്. കണ്ണി ചേർത്തുള്ള മോഡൽ ചെയിനുകൾക്കും ആരാധകരേറെയാണ്. ബോൾഡ് ലുക്ക് ഇഷ്ടപ്പെടുന്നവർക്ക് ഇത്തരം ഹെവിയായിട്ടുള്ള കണ്ണി ചേർത്തുള്ള ചെയിനുകൾ ജീൻസ് ടോപ്പിനൊപ്പം ക്യാരി ചെയ്ത് കൂളായി നടക്കാം.
പേൾ ആഭരണങ്ങൾ
ഫാഷൻ ലോകത്ത് പേൾ ആഭരണങ്ങൾക്കുള്ള പ്രിയത്തിനും ഒട്ടും മങ്ങലേറ്റിട്ടില്ല. ട്രെഡീഷൻ ഫാഷൻ ഡിസൈനുകൾക്ക് പുറമെ ട്രെൻഡി ഫാഷൻ ഡിസൈനുകളിലുള്ള ക്യൂട്ട് പേൾ ജ്വല്ലറിയും ഫാഷൻ പ്രേമികളുടെ ഇഷ്ട ചോയിസാണ്.
സ്ലിക്ക് പെൻഡന്‍റുകൾ, കോയിൻ പെൻഡന്‍റുകൾ എന്നിവ എപ്പോഴത്തേയും പോലെ കൗമാരക്കാരുടെ ഇഷ്ടചോയിസായി തുടരുന്നു. കുർത്ത, ക്രേപ് ടോപ്സ്, എത്നിക്ക് വിയറുകൾ എന്നിവയ്ക്കൊപ്പം സ്ലീക്ക് പെൻഡന്‍റുകൾ അണിയുന്നതോടെ ഔട്ട്ഫിറ്റിന് ക്യൂട്ട് ലുക്ക് ലഭിക്കുമെന്നതാണ് ഫാഷനിസ്റ്റുകളുടെ അഭിപ്രായം. മിനിമലിസ്റ്റിക് ഇഷ്ടപ്പെടുന്നവരാണെങ്കിൽ കോയിൻ പെൻഡന്‍റ് ക്യൂട്ട് ലുക്ക് പകരാൻ ധാരാളമാണ്. ഗോൾഡ്, സിൽവർ, ബ്ലാക്ക് മെറ്റൽ വുഡ് എന്നിവയിലൊക്കെ ഇത്തരം ക്യൂട്ട് പെൻഡന്‍റുകൾ ലഭ്യമാണ്.
ബോൾഡ് ഫാഷൻ
ഹാങ് ഔട്ട്സ്, പാർട്ടി തുടങ്ങിയ അവസരങ്ങളിൽ കൂൾ ചിക്ക് ലുക്കിന് ബോൾഡ് ഫാഷനുകൾ പരീക്ഷിക്കാം. ബോൾഡ് നിറങ്ങളിലുള്ള ചെയിനുകൾ, ഇയർറിംഗുകൾ, റിംഗുകൾ, ലോക്കറ്റ് എന്നിവയൊക്കെ ലുക്കിനെ ബോൾഡ് ആന്‍റ് ബ്യൂട്ടിഫുള്ളാക്കും.
ലെയർ നെക്ക്ലേസ്
എപ്പോഴത്തേയും പോലെ ലെയർ നെക്ക്ലേസുകൾക്ക് ആരാധകർ ഇപ്പോഴുമുണ്ട്. നൈറ്റ് പാർട്ടി, കാൻഡിൽ ലൈറ്റ് ഡിന്നർ, പാർട്ടി, വിരുന്ന് സൽക്കാരങ്ങൾ, ആഘോഷങ്ങൾ എന്നീ അവസരങ്ങളിൽ വെറൈറ്റി ലുക്കിനായി ലെയേർഡ് നെക്ക്ലേസ് ട്രൈ ചെയ്യാം. അതിന് യോജിച്ച ഇയർപീസും റിംഗും കൂടിയാകുന്നതോടെ ലുക്ക് യുണിക് ആന്‍റ് ട്രെൻഡിയാകും.
