മഴയിഷ്ടപ്പെടാത്തവരായി ഈ ഭൂമിയിൽ ആരുമുണ്ടാവില്ല. അത്രത്തോളമാണ് മഴയുടെ തീക്ഷ്ണമായ സൗന്ദര്യം. എന്നാലും വീടിനകത്തിരുന്ന് മഴയുടെ സൗന്ദര്യം ആസ്വദിക്കാനാണ് മിക്കവർക്കും ഇഷ്ടം. എങ്കിലും പല കാര്യങ്ങൾക്കുമായി ഈ സമയത്ത് പുറത്ത് പോകേണ്ടി വരുന്ന സാഹചര്യം നമുക്ക് ഒഴിവാക്കാനാവില്ലല്ലോ.

ഈ മൺസൂൺക്കാലത്ത് ഏറെ സ്റ്റൈലിഷ് ഡ്രൈ ആയിരിക്കാനും ചില ക്യൂട്ട് ഫാഷനുകൾ പരീക്ഷിച്ചാലോ...

നേർത്ത ഫാബ്രിക്കുകൾ അണിയാൻ ശ്രദ്ധിക്കുക. സിന്തറ്റിക് വസ്ത്രങ്ങൾ മഴയത്ത് നനഞ്ഞാലും എളുപ്പത്തിൽ ഉണങ്ങി കിട്ടും. കട്ടിയുള്ള ഫാബ്രിക് ഈ സമയത്ത് അണിയുകയാണെങ്കിൽ നനഞ്ഞ് കഴിഞ്ഞാൽ ഉണങ്ങാൻ വളരെയധികം സമയമെടുക്കും. ഒപ്പം അത് ചർമ്മത്തിന് അസ്വസ്ഥയുമുളവാക്കും. ഈർപ്പം മൂലം ഇൻഫക്ഷനുണ്ടാകാനുള്ള സാധ്യത വരെയുണ്ട്.
ഷോർട്ട് ലെംഗ്തിലുള്ള വസ്ത്രങ്ങൾ ധരിക്കുന്നത് കൂടുതൽ കംഫർട്ടിബിളാണ്. വളരെ കുറച്ചേ നനയുകയുള്ളൂ. നീളമുള്ളതും അതുപോലെ ഫ്ളേയർ ഉള്ളതുമായ വസ്ത്രങ്ങൾ ഒഴിവാക്കാം.
അൽപ്പം ലൂസായ ഡ്രസ്സുകൾ മഴക്കാലത്ത് ധരിക്കാം. അഥവാ മഴ നനഞ്ഞാലും ശരീരത്തിലത് ഒട്ടിപ്പിടിച്ചിരിക്കുകയുമില്ലെന്ന് മാത്രമല്ല വേഗം ഉണങ്ങുകയും ചെയ്യും.
നിറങ്ങളുടെ കാര്യത്തിലാണെങ്കിൽ, മൺസൂണിൽ ബ്രൈറ്റ് നിറങ്ങളിലുള്ള ആക്സസറീസുകൾ ധരിക്കുക. ഇത് ക്യൂട്ട് ലുക്ക് പകരും. സ്വയം സന്തുഷ്ടിയും സമാധാനവും നിറഞ്ഞ കൂൾ ഫീൽ സൃഷ്ടിക്കാൻ ഇത്തരം നിറങ്ങൾക്ക് അസാധ്യമായ കഴിവുണ്ട്. ഡള്ളായിട്ടുള്ള നിറങ്ങൾ അണിയുന്നവർക്ക് മാത്രമല്ല ചുറ്റിലും നെഗറ്റീവ് ഫീൽ സൃഷ്ടിക്കും.
ആക്സസറീസുകളിലും ബ്രൈറ്റർ നിറങ്ങളിലുള്ളവ ട്രൈ ചെയ്യാം. ഡ്രസ് അൽപ്പം ഡള്ളാണെങ്കിൽ മൊത്തത്തിൽ ഹാപ്പി ഫീൽ സൃഷ്ടിക്കാൻ ബ്രൈറ്റ് നിറങ്ങളിലുള്ള ആക്സസറീസുകൾക്ക് കഴിയും.
റബ്ബർ അല്ലെങ്കിൽ പ്ലാസ്റ്റിക് ഫുട്‍വിയറുകളാണ് മഴക്കാലത്ത് അനുയോജ്യം. ലെതർ ഫുട്‍വിയറുകൾക്ക് തൽക്കാലം അവധി നൽകി ഇത്തരം മൺസൂൺ ഫുട്‍വിയറുകൾ ധരിച്ച് മഴയിൽ കൂളായി നടക്കാം. കാലുകൾ ഡ്രൈ ആയിരിക്കുമെന്ന് മാത്രമല്ല ഇൻഫക്ഷനുകൾ ഉണ്ടാവുകയുമില്ല.
മൺസൂണിന്‍റെ രസം നുകരാൻ വർണ്ണപ്പൊലിമയുള്ള കുടകളാണ് അനുയോജ്യം. മനോഹരമായ പ്രിന്‍റുകളുള്ള കുടകൾ തന്നെ അതിനായി തെരഞ്ഞെടുക്കാം. കുടയുടെ പ്രിന്‍റും ഡിസൈനും നിങ്ങളുടെ സ്റ്റൈൽ ആറ്റിറ്റ്യൂഡിന്‍റെ പ്രതീകമായിരിക്കും.