കുങ്കുമപ്പൂവിൽ വിറ്റാമിനുകളും ധാതുക്കളും പൊട്ടാസ്യവും ധാരാളം അടങ്ങിയിട്ടുണ്ട്. ഇതിലടങ്ങിയിരിക്കുന്ന ആന്‍റി ബാക്ടീരിയൽ, ആന്‍റി ഓക്‌സിഡന്‍റ് സംയുക്തങ്ങൾ ചർമ്മത്തെ പുനരുജ്ജീവിപ്പിക്കുകയും നിറം മെച്ചപ്പെടുത്തുകയും ഈർപ്പമുള്ളതാക്കുകയും ചെയ്യുന്നു. സൂര്യന്‍റെ ദോഷകരമായ അൾട്രാവയലറ്റ് രശ്മികളിൽ നിന്ന് ചർമ്മത്തെ സംരക്ഷിക്കുന്ന ആന്‍റി സോളാർ ഏജന്‍റുകളും കുങ്കുമപ്പൂവിൽ അടങ്ങിയിട്ടുണ്ട്. ക്രോസിറ്റാൻ പോലുള്ള ഘടകങ്ങൾ ഇതിൽ കാണപ്പെടുന്നു, ചർമ്മത്തിന്‍റെ ചെറുപ്പം നിലനിർത്താൻ സഹായിക്കുന്നു.
തേൻ ചർമ്മത്തിൽ ഈർപ്പം നിലനിർത്തുന്നു. ഇത് ആന്‍റിസെപ്റ്റിക് ആയും പ്രവർത്തിക്കുന്നു. ചർമ്മത്തിലെ കൊളാജന്‍റെ ഉത്പാദനം വർദ്ധിപ്പിച്ച് വാർദ്ധക്യത്തിന്‍റെ ലക്ഷണങ്ങൾ തേൻ ഇല്ലാതാക്കുന്നു. ചർമ്മ സംബന്ധമായ പ്രശ്‌നങ്ങളിൽ നിന്ന് മാറി നിൽക്കാൻ, കുങ്കുമപ്പൂവും തേനും ഉപയോഗിച്ച് ഉണ്ടാക്കുന്ന ചില പ്രകൃതിദത്ത പരിഹാരങ്ങളെക്കുറിച്ചാണ് പറയാൻ പോകുന്നത്.
- 1. തിളക്കമുള്ള ചർമ്മം
ഒരു നുള്ള് കുങ്കുമപ്പൂവ്, രണ്ട് സ്പൂൺ പാൽ, ഒരു സ്പൂൺ ചന്ദനപ്പൊടി എന്നിവ എടുക്കുക. കുങ്കുമപ്പൂവും 2 സ്പൂൺ പാലും മിക്‌സ് ചെയ്ത് അഞ്ച് മിനിറ്റ് വെക്കുക. ഇതിനുശേഷം ഈ മിശ്രിതത്തിൽ ചന്ദനപ്പൊടി കലർത്തി നന്നായി ഇളക്കി കൈകൊണ്ട് ചർമ്മത്തിൽ പുരട്ടുക. 15 മിനിറ്റിനു ശേഷം വെള്ളം ഉപയോഗിച്ച് വൃത്തിയാക്കുക.
- 2. മുഖക്കുരുവിന്
ഒരു നുള്ള് കുങ്കുമപ്പൂവ്, ഒരു സ്പൂൺ തേൻ, 4- 5 തുളസി ഇലകൾ എന്നിവ എടുക്കുക. ഇനി കുങ്കുമപ്പൂവ് തുളസിയില ചേർത്ത് പൊടിക്കുക. ഇനി ഈ പേസ്റ്റിലേക്ക് തേൻ ചേർക്കുക. ഇത് മുഖത്ത് പുരട്ടി 15 മിനിറ്റിനു ശേഷം ചെറുചൂടുള്ള വെള്ളത്തിൽ കഴുകുക. ആഴ്ചയിൽ രണ്ടുതവണ ഈ പായ്ക്ക് ഉപയോഗിക്കുക.
- 3. സൺടാൻ കുറയ്ക്കാൻ
ഒരു സ്പൂൺ മിൽക്ക് ക്രീമിൽ ഒരു നുള്ള് കുങ്കുമപ്പൂവ് രാത്രി മുഴുവൻ മുക്കിവയ്ക്കുക. അടുത്ത ദിവസം രാവിലെ ഇതിലേക്ക് തേൻ ചേർത്ത് ബാധിത ചർമ്മത്തിൽ പുരട്ടുക. 10 മിനിറ്റിനു ശേഷം തണുത്ത വെള്ളത്തിൽ കഴുകി കളയുക.
- 4. ഫൈൻ ലൈനുകൾ
കുങ്കുമപ്പൂ നന്നായി പൊടിച്ചെടുക്കുക, അതിൽ തേനും കറ്റാർ വാഴ ജെല്ലും ചേർക്കുക. നന്നായി യോജിപ്പിച്ച ശേഷം മുഖത്ത് പുരട്ടി 15 മിനിറ്റിനു ശേഷം തണുത്ത വെള്ളത്തിൽ വൃത്തിയാക്കുക. ആഴ്ചയിൽ രണ്ടുതവണ ചെയ്യണം. ഇത് ചർമ്മത്തിലെ പാടുകൾ മായ്‌ക്കുകയും ചർമ്മം ചെറുപ്പമായി കാണപ്പെടുകയും ചെയ്യും.
കുങ്കുമപ്പൂവും തേൻ ടോണറും
കുങ്കുമപ്പൂവ് പനിനീരിൽ ഒരു രാത്രി മുക്കിവയ്ക്കുക. രാവിലെ ഒരു സ്പ്രേ ബോട്ടിലിൽ ഈ വെള്ളം നിറയ്ക്കുക. ഇനി എപ്പോൾ വേണമെങ്കിലും ചർമ്മത്തിൽ ടോണറായി ഉപയോഗിക്കാം. കുങ്കുമപ്പൂവും തേനും ചേർന്ന ഒരു ടോണർ നിങ്ങളുടെ ചർമ്മത്തിലെ മൃതകോശങ്ങളെ പുറംതള്ളുകയും അതിലെ എല്ലാ അഴുക്കും നീക്കം ചെയ്യുകയും ചെയ്യുന്നു.
കുങ്കുമപ്പൂ ഉപയോഗിച്ചതിന് ശേഷവും മുഖത്ത് മഞ്ഞനിറം അവശേഷിക്കുന്നുണ്ടെങ്കിൽ, വിഷമിക്കേണ്ട, ഉടൻ തന്നെ അത് സ്വയം ശരിയാകും. ഒരു മണിക്കൂറിനുള്ളിൽ തനിയെ അപ്രത്യക്ഷമാകും. തിളക്കമുള്ളതും മൃദുവായതുമായ ചർമ്മം ലഭിക്കാൻ, രാസവസ്തുക്കൾ അടങ്ങിയവയ്ക്ക് പകരം മുകളിൽ പറഞ്ഞ പ്രകൃതിദത്ത പരിഹാരങ്ങൾ ഉപയോഗിക്കുന്നതാണ് നല്ലത്.
