മുടിയിൽ എണ്ണ പുരട്ടുന്നത് വളരെ പ്രധാനമായിരിക്കുന്നത് എന്തുകൊണ്ട്, അതിന്‍റെ ഗുണങ്ങൾ എന്തൊക്കെയാണ്? വർഷങ്ങളായി മുടിയിൽ എണ്ണ പുരട്ടുന്ന ആചാരമുണ്ട്. എണ്ണ പുരട്ടുന്നത് മുടിയുടെ വേരുകൾക്ക് ബലം നൽകും കൂടാതെ മനസ്സ് ശാന്തമായി നിലകൊള്ളുകയും ചെയ്യുന്നു. രക്തചംക്രമണം വർദ്ധിക്കുന്നു ഇതുമൂലം മുടി കൊഴിച്ചിലും നരയും കുറയുന്നു.
ഇന്നത്തെ തിരക്കേറിയ ജീവിതശൈലിയിൽ മുടികൊഴിച്ചിലും നേരത്തെ നരയ്ക്കലും സാധാരണമാണ്. ഇത്തരം സാഹചര്യത്തിൽ പതിവായി എണ്ണ പുരട്ടുന്നത് മാനസികമായും ശാരീരികമായും ആരോഗ്യം നൽകും. ഇതിനായി എപ്പോൾ, എങ്ങനെ എണ്ണ തേയ്ക്കണമെന്ന് അറിയേണ്ടത് ആവശ്യമാണ്. തലയിലും ചെവിക്ക് പിന്നിലും എല്ലാ സമ്മർദ്ദ പോയിന്‍റുകളും മനസ്സിൽ വച്ചാണ് മസാജ് ചെയ്യുന്നതെങ്കിൽ അതിന്‍റെ ഗുണങ്ങൾ ഉടനടി ലഭിക്കും. മസാജ് ചെയ്യുന്നത് മുടിയുടെ തിളക്കം മാത്രമല്ല മുഖവും തിളങ്ങുകയും ചെയ്യും.
എങ്ങനെ ബലമുള്ള മുടി സ്വന്തമാക്കാം
ആഴ്ചയിൽ 2 ദിവസം മുടിയിൽ എണ്ണ തേയ്ക്കേണ്ടത് അത്യാവശ്യമാണ്. ഇതുമൂലം, മുടി മൃദുവും തിളക്കവുമുള്ളതായി തുടരുന്നു, കേടായ മുടി നന്നാവുന്നു , അതുപോലെ തന്നെ അന്തരീക്ഷ മലിനീകരണം മൂലം മുടിക്ക് കേടുപാടുകൾ വരുന്നില്ല. കാരണം കൃത്യമായ ഇടവേളകളിലുള്ള എണ്ണ തേച്ചുള്ള കുളി മുടിയുടെ പ്രോട്ടീൻ നിലനിർത്തുന്നു. അതിനാൽ മുടി ആരോഗ്യകരവും ശക്തവുമായി തുടരുന്നു. എല്ലാ സീസണിലും എണ്ണ തേക്കുന്നത് നല്ലതാണ്
എല്ലാവരും അവരവരുടെ സൗകര്യത്തിന് അനുസരിച്ച് ഹെയർ ഓയിൽ പുരട്ടാറുണ്ട് എങ്കിലും, മുടികൊഴിച്ചിൽ തടയാൻ സഹായിക്കുന്ന ചില വഴികൾ ഇതാ:
- ഓയിൽ പ്രയോഗിക്കുന്നതിന് മുമ്പ് എണ്ണ ചെറുതായി ചൂടാക്കുക.
- മുടിയെ ചെറിയ ചെറിയ ഭാഗങ്ങളായി വിഭജിച്ച് ഓരോ ഭാഗത്തും എണ്ണ നന്നായി പുരട്ടുക.
- ഒറ്റയടിക്ക് അധികം എണ്ണ പുരട്ടരുത്, ഓരോ ഭാഗത്തും അൽപം എണ്ണ എടുത്ത് ഫിംഗർ ടിപ്‌സ് ഉപയോഗിച്ച് മസാജ് ചെയ്യുക.
- 10 മുതൽ 15 മിനിറ്റ് വരെ മസാജ് ചെയ്യുക, അങ്ങനെ എണ്ണ മുടിയുടെ വേരുകളിൽ എത്തുകയും നിങ്ങൾക്ക് ഫ്രഷ്‌നെസ്സ് അനുഭവപ്പെടുകയും ചെയ്യും.
- മസാജ് ചെയ്ത ഉടനെ മുടി കഴുകരുത്. കുറഞ്ഞത് 1 മണിക്കൂറിന് ശേഷം കഴുകുക. രാത്രി മുഴുവൻ എണ്ണ വയ്ക്കുന്നതിന് ഗുണം കൂടുതലാണ്.
- നിങ്ങളുടെ തലയിണ കവർ എപ്പോഴും വൃത്തിയായി സൂക്ഷിക്കുക. എണ്ണ പുരട്ടുന്നത് മൂലം ബാക്ടീരിയകൾ പെട്ടെന്ന് പെരുകുന്നതിനാൽ തലയിണ കവർ പതിവായി കഴുകുക.
- നല്ല ഷാംപൂവും കണ്ടീഷണറും എപ്പോഴും ഉപയോഗിക്കുക.
- മുടി അതിന്‍റെ സ്വാഭാവിക പരിതസ്ഥിതിയിൽ ഉണങ്ങാൻ അനുവദിക്കുക.
- ബ്ലോവർ അല്ലെങ്കിൽ ഡ്രയർ ഉപയോഗം പരമാവധി കുറയ്ക്കുക, കാരണം ഇതിന്‍റെ അമിത ഉപയോഗം മുടി വരണ്ടതും നിർജീവവുമാക്കും.
