കൈകളിലും കാലുകളിലും ഉള്ള അനാവശ്യ രോമങ്ങൾ നീക്കം ചെയ്യാൻ മിക്ക സ്ത്രീകളും വാക്സ് ചെയ്യാറുണ്ട്. എന്നാൽ ചില സ്ത്രീകളുടെ മുഖത്തും ധാരാളം രോമങ്ങളുണ്ട്. അവ ചെറുതാണെങ്കിൽ ത്രെഡിംഗ് വഴി നീക്കം ചെയ്യാം. പക്ഷേ വളർച്ച വളരെ കൂടുതൽ ആണെങ്കിൽ വാക്സ് ഉപയോഗിക്കുന്നതാണ് ഉത്തമം.
മുഖത്ത് വാക്സ് പുരട്ടുന്നതും ശരീരത്തിന്‍റെ മറ്റേതെങ്കിലും ഭാഗത്ത് വാക്സ് പുരട്ടുന്നതും തമ്മിൽ വലിയ വ്യത്യാസമുണ്ട്. മുഖത്ത് പുരട്ടുമ്പോൾ ഒരു ചെറിയ പിഴവ് സംഭവിച്ചാൽ മതി അത് ജീവിതകാലം മുഴുവൻ ഒരു കുറവ് ആയി മാറിയേക്കാം. ഇത്തരമൊരു സാഹചര്യത്തിൽ മുഖത്ത് വാക്സ് ചെയ്യുമ്പോൾ ചില കാര്യങ്ങൾ ശ്രദ്ധിക്കേണ്ടതുണ്ട്.
മുഖത്തെ രോമം എങ്ങനെ
നിങ്ങളുടെ മുഖത്ത് രോമവളർച്ച വളരെ കൂടുതലാണെങ്കിൽ, വാക്സിംഗ് നിങ്ങൾക്ക് ഏറ്റവും മികച്ച ഓപ്ഷനായിരിക്കും. ത്രെഡ് വളരെയധികം വേദനയുണ്ടാക്കും കൂടാതെ പൂർണ്ണമായും നീങ്ങി കിട്ടുകയുമില്ല.
ശരിയായ തിരഞ്ഞെടുപ്പ്
മുഖത്ത് ഉപയോഗിക്കുന്ന വാക്സ് മറ്റ് വാക്‌സുകളിൽ നിന്ന് വ്യത്യസ്തമാണ്. ഇത് വളരെ മിനുസമാർന്നതാണ്. അതിനാൽ ചർമ്മത്തിന് ദോഷം ഉണ്ടാകില്ല. മുഖത്തെ അനാവശ്യ രോമങ്ങൾ നീക്കം ചെയ്യാൻ ഉപയോഗിക്കുന്ന വാക്‌സിൽ കറ്റാർ വാഴയും തേനും അടങ്ങിയിട്ടുണ്ട്, അതിനാൽ ചർമ്മത്തിന് കേടുപാടുകൾ ഉണ്ടാകുന്നതും കുറവായിരിക്കും. ഇതോടൊപ്പം വാക്സ് ചെയ്താൽ വളരെക്കാലം നിലനിൽക്കുന്ന തരത്തിലായിരിക്കണം എന്നു കൂടി ശ്രദ്ധിക്കുക.
ചർമ്മത്തിന്‍റെ സ്വഭാവം
സ്വന്തം ചർമ്മത്തിന്‍റെ സ്വഭാവം കൃത്യമായും അറിഞ്ഞിരിക്കണം. ചർമ്മം വളരെ സെൻസിറ്റീവ് ആണെങ്കിൽ ആദ്യം ഒരു സ്കിൻ സ്പെഷ്യലിസ്റ്റിനെ കാണുന്നത് നല്ലതാണ്. പല തരത്തിലുള്ള ദോഷഫലങ്ങള്‍ ഉണ്ടാകാൻ സാധ്യത സെൻസിറ്റീവ് ചർമ്മം ഉള്ളവരിൽ മറ്റ് ചർമ്മം ഉള്ള വരെ അപേക്ഷിച്ച് വളരെ കൂടുതലായിരിക്കും. അണുബാധ ഉണ്ടാകാതെ ശ്രദ്ധിക്കാനുള്ള കാര്യങ്ങളും ഡോക്ടർ പറഞ്ഞു തരും.
വാക്സ് ചെയ്യാൻ ശരിയായ രീതി
പലരും വീട്ടിൽ വാക്സ് ചെയ്യുമെങ്കിലും മുഖത്ത് വാക്സ് ചെയ്യുന്നത് അത്ര എളുപ്പമുള്ള കാര്യമല്ല. മുഖത്ത് വാക്സ് ചെയ്യുന്നതിനു മുമ്പ്, എങ്ങനെ നന്നായി വാക്സ് ചെയ്യാമെന്ന് നിങ്ങൾക്കറിയാമെന്ന് ഉറപ്പാക്കുക. അല്ലാത്തപക്ഷം അപകടമുണ്ടാകാം. വാക്സിന്‍റെ ചൂട്, സ്ട്രിപ്പ് എല്ലാം കൃത്യമായിരിക്കണം.
വാക്‌സിംഗിനു ശേഷവും ചർമ്മത്തിന്‍റെ സംരക്ഷണം പ്രധാനമാണ്. വാക്‌സിംഗിന് ശേഷം നല്ല മോയ്സ്ചറൈസർ പുരട്ടുക. ഇതോടൊപ്പം സോപ്പിന് പകരം ഫേസ് വാഷ് ഉപയോഗിച്ച് മുഖം കഴുകുക.
