ചെറുപ്രായത്തിൽ തുടങ്ങി എല്ലാ പെൺകുട്ടികളുടെയും മനസിൽ ചില വിവാഹ സ്വപ്നങ്ങൾ ഉണ്ടാവും. വിവാഹ പ്രായമെത്തുന്നതോടെ ഈ സ്വപ്നങ്ങളൊക്കെയും സത്യമാവുന്നു. പിന്നെയുള്ള വധുവിന്‍റെ ചിന്തകളത്രയും വിവാഹത്തിന് അണിയേണ്ട വസ്ത്രങ്ങളെപ്പറ്റി ഒക്കെയാവും. തനിക്കിണങ്ങുന്ന നിറം, ഡിസൈനുകൾ, ലേറ്റസ്റ്റ് ട്രെൻഡുകൾ എന്നിങ്ങനെയാവും ചിന്തകൾ. അൽപ്പം തടിച്ച പെൺകുട്ടിയാണെങ്കിൽ വിവാഹത്തിന് മാസങ്ങൾ തുടങ്ങി ഡയറ്റിംഗും മറ്റും ചെയ്ത് തുടങ്ങും. ചിലപ്പോൾ ഭക്ഷണം ഒഴിവാക്കുകയല്ല വേണ്ടത്. മറിച്ച് ആന്തരികമായി സ്വന്തം ശരീരത്തിന് ശക്തി പകരുകയാണ് വേണ്ടത്. അതായത് മുഖത്തിന് നല്ല അഴകും തിളക്കവും ഉണ്ടാകുന്നതിനൊപ്പം ശരീരത്തിന് യാതൊരു തളർച്ചയുമുണ്ടാകാൻ പാടില്ല.
എന്നാൽ മികച്ച ശരീരാരോഗ്യവും സൗന്ദര്യവും നേടാൻ ഡയറ്റിൽ നിന്നും പലരും ആരോഗ്യദായകമായ ഭക്ഷ്യവസ്തുക്കളെ ഒഴിവാക്കുകയാണ് ചെയ്യുക. ഇത് തെറ്റാണ്. ശരീരാരോഗ്യവും സൗന്ദര്യവും ഉണ്ടാകാൻ സഹായിക്കുന്ന അത്തരം ഭക്ഷണങ്ങൾ ഏതെന്ന് അറിയാം.
വെള്ളം കുടിച്ചു കൊണ്ട് ദിവസത്തിന് തുടക്കം
രോഗങ്ങളിൽ നിന്നും രക്ഷപ്രാപിക്കുന്നതിനായി വെള്ളം കുടിച്ചു കൊണ്ട് ദിവസത്തിന് തുടക്കം കുറിക്കുന്നത് നല്ലതാണെന്നാണ് സിദ്ധാന്തം. ദിവസവും 8 ഗ്ലാസ് വെള്ളം കുടിക്കുക. കല്യാണം കഴിക്കാൻ പോകുന്ന പെൺകുട്ടികൾ ഇക്കാര്യം പ്രത്യേകം പാലിക്കുക. വെള്ളം ശരീരത്തെ ഹൈഡ്രേറ്റ് ചെയ്യുമെന്ന് മാത്രമല്ല മറിച്ച് ചർമ്മത്തിന് പ്രകൃതിദത്തമായി തിളക്കം നൽകുന്ന ജോലിയും ചെയ്യുന്നു.
ഇത് ശരീരത്തിലെ ടോക്സിനുകളെ പുറന്തള്ളുകയും ദഹനവ്യവസ്‌ഥ ശരിയായ ക്രമത്തിലാക്കുകയും ചെയ്യും. അതുവഴി മുഖത്ത് മുഖക്കുരു പോലെയുള്ള പ്രശ്നങ്ങൾ ഉണ്ടാവുകയുമില്ല. വധുവിന്‍റെ മുഖം സുന്ദരമാവുകയും ചെയ്യും. ഒപ്പം രക്തയോട്ടം മികച്ച രീതിയിലുമാകും. ചർമ്മം എപ്പോഴും ഹെൽത്തിയുള്ളതായി മാറും. ദാഹം തോന്നുമ്പോഴൊക്കെ കൂൾഡ്രിങ്ക്സിന് പകരമായി വെള്ളമോ നാരങ്ങാ വെള്ളമോ കുടിക്കു.
കരിക്കിൻ വെള്ളം
ഏറ്റവും ഹെൽത്തിയായ പാനീയങ്ങളിലൊന്നാണ് കരിക്കിൻ വെള്ളം, ഒരു ഗ്ലാസ് കരിക്കിൻ വെള്ളത്തിൽ ധാരാളം പോഷകങ്ങൾ ഉണ്ട്. കാർബുകൾ, ഫൈബർ, പ്രോട്ടീൻ, കാത്സ്യം, സോഡിയം എന്നിവ ഇതിലടങ്ങിയിരിക്കുന്നു. ഇത് ശരീരത്തിന് ഏറ്റവും അത്യന്താപേക്ഷിതമാണ്. ഒരു ഗ്ലാസ് കരിക്കിൻ വെള്ളത്തിൽ കേവലം 45 കലോറി മാത്രമേയുള്ളൂ. അതിനാൽ എല്ലാവരും തന്നെ ഇത് സ്വന്തം ഡയറ്റിൽ ഉൾപ്പെടുത്തണം. കാരണം ഇത് ശരീരത്തെ ഹൈഡ്രേറ്റാക്കുന്നതിനൊപ്പം ശരീരത്തിലെ എല്ലാ വിഷ പദാർത്ഥങ്ങളേയും പുറന്തള്ളും. അങ്ങനെ ചർമ്മത്തിന് നാച്ചുറൽ ഗ്ലോ പകരും.
ഒപ്പം ചർമ്മത്തിൽ നാച്ചുറൽ മോയിസ്ച്ചറായും പ്രവർത്തിക്കും. മുഖക്കുരു, കുരു, കാര എന്നിവയെ അകറ്റി നിർത്തും. അതിനാൽ വധുവാകാൻ പോകുന്ന പെൺകുട്ടി കരിക്കിൻ വെള്ളം തീർച്ചയായും ഡയറ്റിൽ ഉൾപ്പെടുത്തണം.
ചെറിയ ഇടവേളകളിലായി ഭക്ഷണം
ദീർഘ ഇടവേളകളിലായി ഹെവി മീൽ കഴിക്കുന്നവരാണെങ്കിൽ ആ ശീലം ഉപേക്ഷിക്കുക. കാരണം ഈ ശീലം കൊണ്ട് ഭക്ഷണം അമിതയളവിൽ കഴിക്കുകയും വണ്ണം കൂടുകയും ചെയ്യും. വിവാഹിതരാകാൻ പോകുന്നവർ ഭക്ഷണം ഉപേക്ഷിക്കുന്നതിന് പകരമായി ചെറിയ ഇടവേളകളിലായി അൽപ്പാൽപ്പമായി കഴിച്ച് മെറ്റബോളിസം ബൂസ്റ്റ് ചെയ്ത് ശരീരഭാരം കുറയ്ക്കാം. ഈ രീതി ശരീരഭാരം വളരെ വേഗത്തിൽ കുറയ്ക്കാൻ സഹായിക്കും.
ചെറിയ മീലുകളായി ഭക്ഷണം കഴിക്കുകയാണെങ്കിൽ മുളപ്പിച്ച ധാന്യങ്ങൾ, കടല, സൂപ്പ്, ജ്യൂസ്, ബ്രൗൺ ബ്രഡ്, സാൻവിച്ച്, സലാഡ്, അവൽ എന്നിവ ഉൾപ്പെടുത്തുക. ഇത്തരം ചെറിയ മീലുകൾ ഉറപ്പായും വയറ് നിറഞ്ഞതായി തോന്നിപ്പിക്കുന്നതിനൊപ്പം നിങ്ങളെ ഫിറ്റാക്കുകയും ചെയ്യും.
ഹൈ കലോറി ഫൂഡ് ഒഴിവാക്കുക
വിവാഹമുറപ്പിച്ച് കഴിഞ്ഞാൽ വീട്ടിൽ വിവാഹാന്തരീക്ഷമായിരിക്കും. വധുവും കുടുംബാംഗങ്ങളും വിവാഹ ഷോപ്പിംഗിന്‍റെ തിരക്കുകളിലാവും. ഈ തിരക്കിനിടയിൽ കയ്യിൽ കിട്ടുന്ന ഭക്ഷണം കഴിക്കുന്നത് ശരിയല്ല. പ്രോസസ്ഡ്, പാക്ഡ് ഫുഡിൽ സ്റ്റാർച്ച്, ഓയിൽ, കലോറി എന്നിവ ഉയർന്ന അളവിലുണ്ടായിരിക്കും. ഇത്തരം ഭക്ഷണം ആ സമയത്ത് ശരീരത്തിന് ഊർജ്‌ജം നൽകുമെങ്കിലും പിന്നീട് അമിതവണ്ണത്തിന് ഇടയാക്കും.
അതിനാൽ ഇനിയെത്ര തിരക്കുകൾ ഉണ്ടെങ്കിലും ശരി ശരീരാരോഗ്യം പ്രത്യേകം ശ്രദ്ധിക്കുക.
ഗ്ലോയിംഗ് സ്കിന്നിന്
വിവാഹ ദിനത്തിൽ മാത്രമേ സുന്ദരിയായിരിക്കാൻ നിങ്ങൾ ആഗ്രഹിക്കുന്നുള്ളോ? അതായത് മേക്കപ്പ് നീക്കുന്നതിലൂടെ നിങ്ങളുടെ യഥാർത്ഥ ചർമ്മ സൗന്ദര്യം വെളിപ്പെടാനാണോ ആഗ്രഹം? അങ്ങനെയല്ലെങ്കിൽ തിളക്കമുള്ള ചർമ്മത്തിനും മുടിക്കും ഡയറ്റിൽ ഫ്രൂട്ട്സ്, പച്ചക്കറികൾ, പ്രോട്ടീൻ റിച്ച് ഫുഡ് എന്നിവ ഉൾപ്പെടുത്തുക. കാരണം ഇവയെല്ലാം പോഷകസമ്പന്നമാണ്. മാത്രവുമല്ല നിങ്ങളുടെ ചർമ്മത്തിന് ആന്തരികമായി സൗന്ദര്യവും തിളക്കവും നൽകും. നിങ്ങളും അതല്ലേ ആഗ്രഹിക്കുക.
അതിനായി പച്ച ഇലവർഗ്ഗങ്ങൾ, സീസൺ ഫലങ്ങൾ, വിറ്റാമിൻ സി അടങ്ങിയ ഫ്രൂട്ട്സ്, പരിപ്പ്, മുട്ട, പനീർ എന്നിവ ഭക്ഷണത്തിൽ ഉൾപ്പെടുത്തുക, അളവ് വളരെ കുറച്ചായിരിക്കണമെന്ന കാര്യം പ്രത്യേകം ശ്രദ്ധിക്കുക. അതായത് ഒറ്റതവണ ഒരു ബൗൾ പരിപ്പ് 50 ഗ്രാം പനീറും ചേർന്ന കോമ്പിനേഷൻ നല്ലതാണ്. കാരണം ഇവ രണ്ടും പ്രോട്ടീൻ റിച്ചായതിനാൽ അവ അളവ് നോക്കി മാത്രമേ കഴിക്കാൻ പാടുള്ളൂ. ഇപ്രകാരം ഡ്രൈ ഗ്രീൻ വെജിറ്റബിളിനൊപ്പം ഒരു ബൗൾ പരിപ്പ് നിങ്ങളെ ആന്തരികമായും ബാഹ്യമായും സ്ട്രോംഗ് ആന്‍റ് ബ്യൂട്ടിഫുൾ ആക്കും.
ഹെൽത്തി ബ്രേക്ക്ഫാസ്റ്റ്
പലരും ബ്രേക്ക് ഫാസ്റ്റ് ഒഴിവാക്കി കാണാറുണ്ട്. ഇത് ശരിയല്ല. ഇത് ശരീരത്തെ ഫിറ്റാക്കുകയില്ലെന്ന് മാത്രമല്ല രോഗിയുമാക്കും. ഒരു രാത്രിയിലെ നീണ്ട സമയം കഴിഞ്ഞുള്ള ആദ്യ ഭക്ഷണമാണ് ബ്രേക്ക് ഫാസ്റ്റ്. ഇതൊഴിവാക്കുന്നത് മെറ്റബോളിസത്തെ ദുർബലമാക്കും. ഒപ്പം ശരീരം തടിക്കുകയും ചെയ്യും.
എക്സർസൈസ് റൂട്ടീൻ
വിവാഹമുറപ്പിച്ചു എന്നതു കൊണ്ട് എക്സർസൈസ് റൂട്ടീൻ ഒഴിവാക്കാൻ പാടില്ല. വിവാഹ ദിനത്തിൽ സുന്ദരിയായി കാണപ്പെടാൻ വർക്കൗട്ട് ചെയ്യുക. ശരീരം ഫിറ്റായിരിക്കുന്നതിനൊപ്പം സ്വയം ഊർജ്ജസ്വലത അനുഭവപ്പെടുകയും ചെയ്യും. സ്കിപ്പിംഗ്, ജോഗിംഗ്, റണ്ണിംഗ് എന്നിവയിൽ ഏതും ചെയ്യാം. വീട്ടിൽ ചെയ്യാൻ മടിയുള്ളവർക്ക് ജിമ്മിൽ പോകാം.
യോഗ, എയറോബിക്സ് ക്ലാസുകൾ ജോയിൻ ചെയ്യാം. ഇവ ശരീരഭാരം വേഗത്തിൽ കുറയ്ക്കുന്നതിനൊപ്പം സ്റ്റാമിന കൂട്ടുകയും ചെയ്യും. ദിവസം അരമണിക്കൂർ നേരമെങ്കിലും വ്യായാമം ചെയ്യാം. നല്ല ഭക്ഷണത്തിനൊടൊപ്പം വ്യായാമവും കൂടിയായാൽ മികച്ച റിസൽറ്റ് ലഭിക്കും.
ഡ്രൈ ഫ്രൂട്ട്സ്
ഡ്രൈഫ്രൂട്ട് കഴിച്ചാൽ ശരീരത്തിൽ ഫാറ്റ് കൂടുമെന്ന തെറ്റിദ്ധാരണ ചിലരിലെങ്കിലുമുണ്ട്. ഇത് ശരിയല്ല. വിറ്റാമിനുകളും പ്രോട്ടീനുകളും കൊണ്ട് സമ്പന്നമാണ് ഡ്രൈഫ്രൂട്ടുകൾ. ശരീരത്തിലെ പോഷകക്കുറവിനെ പരിഹരിക്കാനും ശരീരത്തിന് ആന്തരികമായി ശക്തിയും ഊർജ്‌ജവും പകരാനും ഇത് നല്ലതാണ്. 100 ഗ്രാം ഫ്രഷ് പഴങ്ങളെ അപേക്ഷിച്ച് 100 ഗ്രാം ഡ്രൈഫ്രൂട്ടുകളിൽ നിന്നും മൂന്നിരട്ടിയിലധികം ഫൈബർ, വിറ്റാമിനുകൾ, മിനറലുകൾ എന്നിവ ശരീരത്തിന് ലഭിക്കും. അതായത് വളരെ കുറഞ്ഞയളവിൽ നിന്നും ധാരാളം പോഷകങ്ങൾ.
അതിനാൽ ഡ്രൈഫ്രൂട്ട്സ് കഴിക്കുന്നത് ശരീരത്തിന് ദോഷകരമാണെന്ന ചിന്തയുപേക്ഷിക്കുക. ദിവസവും അൽപ്പം ഡ്രൈഫ്രൂട്ടുകൾ കഴിക്കുക. ശരീരത്തിലെ കുറവുകളെയത് പരിഹരിക്കും. കൂടുതൽ ഉണർവും ഊർജ്ജസ്വലതയും അനുഭവപ്പെടും.
