കുറച്ചുനാൾ മുമ്പുള്ള കാര്യമാണിത്. ഞാൻ രണ്ട് ആഴ്ചക്കാലം കടുത്ത ഡയറ്റിംഗിലായിരുന്നു. ഈയൊരു കാലയളവ് ആരിലും ഡയറ്റിംഗിനെ വെറുക്കാൻ ഇടയാക്കും. ഞാനെത്ര കുറച്ച് കഴിച്ചാലും എന്‍റെ വണ്ണം കുറയാൻ പോകുന്നില്ലെന്ന് എനിക്ക് അതോടെ മനസ്സിലായി. ആഴ്ചയൊടുവിൽ പാകം ചെയ്‌ത ഭക്ഷണം ഞാൻ കഴിക്കാറില്ല. എന്നിട്ടും എന്‍റെ വണ്ണമൊട്ടും കുറഞ്ഞിരുന്നില്ല. കഴിക്കുന്ന ഭക്ഷണം ഉള്ളിലെത്തി കഴിഞ്ഞാൽ മനുഷ്യന് പിന്നെ അതിലൊന്നും ചെയ്യാനാവില്ല. വണ്ണം കുറയ്ക്കാനുള്ള ശസ്ത്രക്രിയയായ ബെരിയാട്രിക് ചെയ്യുന്നതിപ്പോൾ ഒരു ഫാഷനാണ്. ഉദരവുമായി ബന്ധപ്പെട്ട ചില ഭാഗങ്ങളും ചെറുകുടലിന്‍റെ ഏതാനും ഭാഗവും മുറിച്ച് സങ്കോചിപ്പിക്കുന്ന പ്രക്രിയയാണിത്. കുടൽ എത്രമാത്രം ചെറുതാകുന്നോ അത്രയും കലോറി മാത്രമേ എരിച്ചു കളയപ്പെടുകയുള്ളൂവെന്ന സിദ്ധാന്തമാണ് ഈ ചികിത്സയ്ക്ക് പിന്നിൽ.
മൃഗങ്ങളുടെ കാര്യം തീർത്തും വ്യത്യസ്‌തം
ഇക്കാര്യത്തിൽ മൃഗങ്ങൾ മനുഷ്യരേക്കാൾ അനുഗ്രഹീതരാണ്. മൃഗങ്ങൾക്ക് ബെരിയാട്രിക്ക് സർജറി ആവശ്യമായി വരുന്നില്ല. അവയുടെ മാംസപേശികൾക്ക് കുടലുകളെ നിയന്ത്രിക്കാനാവുമെന്നതാണ് കാരണം. മാറുന്ന കാലാവസ്‌ഥയിൽ നിന്നോ കുടലുകളിൽ ഉണ്ടാകുന്ന പ്രവർത്തനങ്ങളിൽ നിന്നോ ചിലപ്പോൾ എന്തെങ്കിലും ഭക്ഷ്യവസ്‌തുവിൽ നിന്നോ അവയ്ക്ക് സൂചന ലഭിക്കും. അതായത് മനുഷ്യരുടെ കുടലുകളെപ്പോലെ മൃഗങ്ങളുടെ കുടലുകൾ അലസതയുള്ളതല്ലെന്ന് സാരം. അവ സക്രിയമാണ്.
ചില മൃഗങ്ങളിൽ ആശ്ചര്യമുളവാക്കുന്ന പ്രക്രിയകൾ ഉണ്ടാകാറുണ്ട്. അവയുടെ കുടലുകൾ അവയുടെ ഇച്ഛയ്ക്കനുസരിച്ച് വികസിക്കുകയും സങ്കോചിക്കുകയും ചെയ്യും. അവയുടെ കുടലുകൾ വികസിച്ചിരിക്കുന്ന സമയത്ത് ഉള്ളിലെത്തുന്ന ഭക്ഷണത്തിൽ നിന്നും കൂടുതൽ പോഷണം വലിച്ചെടുക്കും. സങ്കോചിച്ചിരിക്കുമ്പോൾ ഭക്ഷണത്തിൽ നിന്നും യാതൊരു പോഷണങ്ങളും ആഗീരണം ചെയ്യില്ല. ഉദാഹരണത്തിന്, ഒരു നാട്ടിൽ നിന്നും മറ്റൊരു രാജ്യത്തിലേക്ക് പറക്കുന്ന ദേശാടന പക്ഷികളുടെ കാര്യം തന്നെയെടുക്കാം. പറക്കുന്ന വേളയിൽ കുടലുകൾ 25 ഇരട്ടി വികസിച്ചിരിക്കുമത്രേ. ദീർഘയാത്ര അനായാസമാക്കാൻ ഇത് സഹായിക്കും. ശരീരത്തിന് ആവശ്യമുള്ളത്രയും ഭാരം കിട്ടുകയാണെങ്കിൽ കുടലുകൾ സ്വയം സങ്കോചിക്കും. മത്സ്യം, തവള, അണ്ണാൻ, എലി തുടങ്ങിയ ജീവികളിൽ ഇത്തരം പ്രക്രിയ നടക്കാറുണ്ട്. ചില സാഹചര്യങ്ങളിൽ മുതലകൾ ഇപ്രകാരം അവയുടെ കുടലുകൾ വളരെയധികം സങ്കോചിപ്പിക്കാറുണ്ട്. അത്തരം സന്ദർഭങ്ങളിൽ അവ മാസങ്ങളോളം ഒന്നും ഭക്ഷിക്കാതെ അതിജീവിക്കുകയും ചെയ്യും. ഇരയെ ലഭിക്കുമ്പോൾ അവ സ്വന്തം കുടലുകൾ കൂടുതൽ വികസിപ്പിക്കും. മരണശേഷം മനുഷ്യശരീരത്തിലെ മാംസപേശികൾ ശിഥിലമായി കൊണ്ടിരിക്കും കുടലുകൾ അവയുടെ യഥാർത്ഥ വലിപ്പത്തിൽ നിന്നും 50 ഇരട്ടി വലുതാകും.
ഒരു പക്ഷേ നിഷ്ക്രിയമായ ജീവിതശൈലി അനുവർത്തിക്കുമ്പോൾ നമ്മുടെ ഉള്ളിലെത്തുന്ന ഭക്ഷണത്തെ കുടലുകളിലെ മാംസപേശികൾ അധികയളവിൽ സ്വാംശീകരിക്കുകയും വലിപ്പമുള്ളതാക്കുകയും ചെയ്യും. ചില വസ്തുക്കൾ നിശ്ചിത രൂപത്തിൽ നിന്നും വണ്ണം കൂട്ടാൻ കാരണമായി തീരുന്നു. ഉദാ: മയക്കുമരുന്നിന്‍റെ ഉപയോഗം, ഹോർമോൺ അസന്തുലിതാവസ്‌ഥ, ഡിപ്രഷൻ, അമിതമായി ഭക്ഷണം കഴിക്കൽ എന്നിവ. ഇക്കാരണങ്ങളാൽ കുടലുകളുടെ ആകൃതിയിൽ മാറ്റം സംഭവിക്കാം. എനിക്ക് തോന്നുന്നത് എന്‍റെ കുടലുകൾ 100 അടി വരെ നീളം വച്ചിട്ടുണ്ടാകുമെന്നാണ്. ഞാനൊന്നും കഴിച്ചില്ലെങ്കിലും കൃത്യമായി വ്യായാമം ചെയ്‌താലും ശരീരഭാരം അപ്പോഴും കുറയുകയില്ല.
ശരീരത്തിനകത്തും ഒരു ലോകം
നമ്മുടെ ശരീരത്തിനകത്തും ഒരു ലോകമുണ്ട്. വിചിത്രവും ആശ്ചര്യമുണർത്തുന്നവയുമായ ജീവികളിലും ഇപ്രകാരമുള്ള പ്രവർത്തനങ്ങളുണ്ടോയെന്ന് അറിയാനുള്ള ഗവേഷണങ്ങളിലാണ് ശാസ്ത്രജ്ഞർ. ഓരോ മനുഷ്യശരീരത്തിലും ഇത്തരം ജീവികളുടെ ഒരു പ്ലാനറ്റ് ഉണ്ടായിരിക്കും. 3 കാലുകളുള്ള വൈറസും വർണ്ണ പൂപ്പലും വിരകളും ബാക്‌ടീരിയകളും തുടങ്ങി ലക്ഷകണക്കിന് ജീവികൾ നമ്മുടെ കുടലിൽ ഒരു സമൂഹമായി ജീവിക്കുന്നുണ്ടാകാം. അവ ഭക്ഷിക്കുകയും അവയുടെ വംശത്തെ വർദ്ധിപ്പിക്കുകയും ചെയ്യുന്നു. നമ്മുടെ ചർമ്മത്തിൽ, വായയിൽ, പല്ലിൽ മറ്റ് അവയവങ്ങളിലൊക്കെ ചെറിയ ചെറിയ ജീവികൾ കൊണ്ട് നിറഞ്ഞിരിക്കും അതായത് നമ്മുടെ 10 കോശങ്ങളിൽ ഒരെയൊരണ്ണമാവും മനുഷ്യശരീരത്തിന്‍റെ ഭാഗമായിരിക്കുക. നമ്മൾ ഒരു സാധാരണ മനുഷ്യനാണെന്ന് കരുതാൻ വരട്ടെ, മറിച്ച് പലതരത്തിലുള്ള ജീവൻ മൂലികകളുടെ സംഘടിത രൂപമാണ് മനുഷ്യശരീരം എന്ന് കരുതുക.
നമ്മുടെ ശരീരത്തിൽ ഇവയെന്താണ് ചെയ്യുന്നതെന്ന് അറിയാനായി മൈക്രോ ബയോളജിസ്‌റ്റുകൾ ഇത്തരം ജീവികളിൽ ഗവേഷണം നടത്തി വരികയാണ്. ഇവയിൽ ചിലത് ദഹനത്തിന് സഹായകരമാണ്. അതായത് ഭക്ഷണത്തിൽ നിന്നും ലഭിക്കുന്ന പോഷണം ശരീരത്തിന്‍റെ വിവിധ ഭാഗങ്ങളിലെത്താൻ ഈ പ്രക്രിയ സഹായിക്കുന്നു.
അമിതവണ്ണവും ബാക്‌ടീരിയയും
ബാക്‌ടീരിയയുടെ 2 സമൂഹം ശരീരത്തിൽ സ്വാധീനം ചെലുത്തുന്നുണ്ട്. ഫർമ്മിക്യൂട്ട്സ്, ബാക്‌ടീറോയിഡ്സ്, അമിതവണ്ണത്തിന് ഇരയായിട്ടുള്ളവരുടെ കുടലുകളിൽ ഫർമ്മിക്യൂട്ട്സിന്‍റെ സംഖ്യ കൂടുതലായിരിക്കും. എന്നാൽ ഇതിന് നേർവിപരീതമായിരിക്കും മെലിഞ്ഞവരുടെ ശരീരം. അവരുടെ കുടലുകളിൽ ബാക്ടിറോയിഡ്സ് ആയിരിക്കും കൂടുതൽ.
വണ്ണം കുറയ്ക്കാനുള്ള രീതികൾ അവലംബിക്കുന്നവരുടെ ശരീരത്തിൽ ഫർമ്മിക്യൂട്ട്സിന്‍റെ എണ്ണം വർദ്ധിച്ച നിലയിലായിരിക്കും. എന്നാൽ ബാക്ടിറോയിഡ്സിന്‍റെ എണ്ണം കുറഞ്ഞിരിക്കും. പെണ്ണെലികളിൽ നടത്തിയ പരീക്ഷണങ്ങളിൽ നിന്നും ഈയൊരു യാഥാർത്ഥ്യമാണ് ഗവേഷകർക്ക് കണ്ടെത്താനായത്. തടിച്ച പെണ്ണെലികളുടെ വിസർജ്ജ്യത്തിൽ ഗവേഷകർ അമിതയളവിൽ കലോറി കണ്ടെത്തിയിരുന്നു. എന്നാൽ മെലിഞ്ഞ എലികളുടെ വിസർജ്ജ്യത്തിൽ അത് കുറവായിരുന്നു. ഫർമ്മിക്യൂട്ട്സ് ബാക്‌ടീറോയിഡ്സിനെ അപേക്ഷിച്ച് ഭക്ഷണത്തിൽ നിന്നാണ് കൂടുതൽ അളവിൽ കലോറി വലിച്ചെടുക്കുന്നതെന്നാണ് ഗവേഷകരുടെ നിഗമനം. അതായത് ഒരു ആപ്പിൾ കഴിക്കുകയാണെങ്കിൽ ഫർമ്മിക്യൂട്ട്സ് അതിൽ നിന്നും 100% കലോറിയാവും വലിച്ചെടുക്കുക.
മെലിഞ്ഞ ശരീരപ്രകൃതക്കാരിയായ എന്‍റെ സഹോദരി ആപ്പിൾ കഴിക്കുകയാണെങ്കിൽ അവളുടെ ശരീരത്തിലുള്ള ബാക്ടിറോയിഡ്സ് കേവലം 50% കലോറി മാത്രമാവും വലിച്ചെടുക്കുക.
അതായത് അമിതമായി ഭക്ഷണം കഴിക്കുക കുറച്ച് വ്യായാമം ചെയ്യുക എന്നിവ അമിതവണ്ണത്തിനുള്ള കാരണങ്ങളല്ല, മറിച്ച് നമ്മുടെ ശരീരത്തിലുള്ള ബാക്‌ടീരിയയാണ് വണ്ണം കൂട്ടുകയും കുറയ്‌ക്കുകയും ചെയ്യുന്നതിനുളള യഥാർത്ഥ കാരണക്കാർ. ഈ ലേഖനം വായിച്ചശേഷം ഏതെങ്കിലും വായനക്കാർ പണം സമ്പാദിക്കാൻ ആഗ്രഹിക്കുന്നുവെങ്കിൽ അവർക്ക് ഫർമ്മിക്യൂട്ട്സ് അല്ലെങ്കിൽ ബാക്ടിറോയിഡ്സ് ഇവയിലേതെങ്കിലുമൊന്നിനെ വാണിജ്യാടിസ്ഥാനത്തിൽ വളർത്തേണ്ടി വരും. അങ്ങനെയായാൽ ആർക്കും ഇവയെ വാങ്ങി ഭക്ഷിച്ച് കുടലിലെ സന്തുലിതാവസ്ഥ നിലനിർത്താം. അങ്ങനെ സംഭവിച്ചാൽ വണ്ണം വയ്‌ക്കാനോ കുറയ്ക്കാനോ വളരെ എളുപ്പമാകും.
പരിശീലനം
ഇപ്പോൾ നമ്മൾ മൃഗങ്ങളെ അറിയാൻ തുടങ്ങിയിരിക്കുന്നു. മനുഷ്യരേക്കാൾ കൂടുതൽ വികാസം പ്രാപിച്ചവയാണവ. കുതിരകൾ, ആമ, വാനരന്മാർ തുടങ്ങിയവയുടെ കുടലുകളിൽ കണ്ടു വരുന്ന ബാക്‌ടീരിയയുടെ സന്തുലനം നിയന്ത്രിതമാകാതെ ദഹന പ്രക്രിയ ആരംഭിക്കുകയില്ല. അതിനായി അവ പച്ചപുല്ലും കുറഞ്ഞയളവിൽ ഫർമ്മന്‍റെഡ് ഭക്ഷണവും കഴിക്കും. അങ്ങനെയായാൽ സ്വന്തം കുടലുകളിൽ ഉള്ള ബാക്‌ടീരിയയ്ക്ക് ഭക്ഷണം ലഭിക്കുമല്ലോ. ശാരീരിക ജനിതക ഘടനയ്ക്കനുസരിച്ച് മനുഷ്യൻ സസ്യാഹാരിയാണ്. അതുകൊണ്ട് എന്ത് പച്ചക്കറികൾ കഴിച്ചാലും സാധാരണ നിലയിൽ ശരീരത്തിലുള്ള ബാക്‌ടീരിയയെ സന്തുലിതമായി നിലനിർത്താൻ സഹായിക്കുകയും ചെയ്യും. ഇതിന് പുറമെയുള്ള ഏത് തരത്തിലുള്ള ഭക്ഷണവും ശരീരത്തിന്‍റെ സന്തുലിതാവസ്ഥ താറുമാറാക്കും.
വണ്ണമുണ്ടാക്കുന്ന ആന്‍റിബയോട്ടിക്സ്
ആന്‍റിബയോട്ടിക്കുകൾ അസുഖത്തെ വ്യാപിപ്പിക്കുന്ന അണുക്കളെ മാത്രമല്ല നിർമ്മാർജ്ജനം ചെയ്യുന്നത്. ശരീരത്തിന് ആവശ്യമായ ബാക്‌ടീരിയയ്ക്കും അത് നാശമുണ്ടാക്കും. അനിമൽ ഫാക്ടറി, പോൾട്രി ഫാം, പന്നി വളർത്തൽ കേന്ദ്രം എന്നിവിടങ്ങളിൽ മൃഗങ്ങൾക്ക് ഭക്ഷിക്കാൻ തീറ്റയ്ക്കൊപ്പം ആന്‍റിബയോട്ടിക്കുകളും നൽകാറുണ്ട്. അങ്ങനെയായാൽ ഭക്ഷണത്തിന്‍റെ അളവ് കുറഞ്ഞിരുന്നാലും അവയ്ക്ക് നല്ല തടിയും പുഷ്ടിയുമുണ്ടാകും. ആന്‍റിബയോട്ടിക്കുകൾ മൃഗങ്ങളുടെ ശരീരത്തിൽ ബാക്‌ടീരിയ സന്തുലനത്തെ താറുമാറാക്കുകയും അതിന്‍റെ ഫലമായി വളരെ വേഗത്തിൽ തടി വയ്ക്കുകയും ചെയ്യും. ഇവയുടെ മാംസം ഭക്ഷിക്കുമ്പോൾ ഈ ആന്‍റിബയോട്ടിക്കുകൾ മൂലം നമ്മുടെ സന്തുലനാവസ്ഥ താറുമാറാവുകയും ബാക്‌ടീരിയ നമ്മുടെ ശരീരത്തിൽ പ്രവേശിക്കുകയും ചെയ്യും.
അമിതവണ്ണം പകരും
അമിതവണ്ണം പകരുമോ? പോഷണത്തെക്കുറിച്ച് പഠനം നടത്തിയ ശാസ്ത്രജ്ഞന്മാർ അമിതവണ്ണം പകരുമെന്നാണ് പറയുന്നത്. കുതിരകൾ, സിംഹം, എലികൾ, കോഴികൾ ഇവയിൽ നിന്നും ഏതെങ്കിലുമൊന്നിന് അമിതവണ്ണം പകരാം. ശരീരത്തിലെ സൂക്ഷ്മ ജീവികൾ അമിതവണ്ണം പകരാൻ ഇടയാക്കാം. നമ്മൾ ഇവയിൽ ഏതെങ്കിലുമൊരു മൃഗത്തിന്‍റെ മാംസം കഴിക്കുകയാണെങ്കിൽ അമിതവണ്ണം ബാധിക്കാം. ആ മൃഗത്തിന്‍റെ ഉള്ളിലുള്ള നല്ല ബാക്‌ടീരിയയേയും അവയെ വിൽക്കുന്നവർ ആന്‍റിബയോട്ടിക്സിലൂടെ നശിപ്പിച്ചിരിക്കും.
സ്വന്തം ഡയറ്റിൽ തിരിച്ചുവരാനുള്ള സ്വപ്നം ഞാൻ കാണുകയാണ്. ബാക്‌ടീരിയോഡ്സിന്‍റെ സേനയിലെ യോദ്ധാക്കൾക്കൊപ്പം ചേർന്ന് ശക്തയായി അപകടകാരികളായ ഫർമ്മിക്യൂട്ട്സിനെ നശിപ്പിക്കുകയാണ്. ഇത്രയും നല്ല അറിവുകൾ പകർന്ന് തന്നതിന് ഞാൻ ജൂബിക്വിറ്റി എന്ന പുസ്‌തകത്തിന് നന്ദി പറയുകയാണ്.
