എല്ലാ തെറ്റുകൾക്കും ഭർത്താവിനെ മാത്രം കുറ്റക്കാരനായി കാണുന്നത് നല്ല പ്രവണതയല്ല. ഭാര്യമാർക്കും ഇതിൽ ഏറിയും കുറഞ്ഞും പങ്കുണ്ടാവും. ഭാര്യമാർ ഉന്നയിക്കുന്ന ചില കാര്യങ്ങൾ ഭർത്താവിനെ മാനസികമായി വേദനിപ്പിക്കാറുണ്ട്. ഭർത്താവിനെതിരെ അത്തരം കുറ്റപ്പെടുത്തലുകൾ പാടില്ല. അവയേതെന്ന് നോക്കാം.
ഞാൻ ചെയ്‌തു കൊള്ളാം
പ്ലംബറിനെയോ ഇലക്ട്രീഷ്യനെയോ വിളിക്കുന്ന സമയത്ത് ഞാൻ ചെയ്‌തു കൊള്ളാം എന്ന് ഭർത്താവിനോട് ചാടിക്കയറി പറയരുത്. അത് നിങ്ങളുടെ ജോലിയെ എളുപ്പമാക്കാം. പക്ഷേ ഭർത്താവിനെയത് വേദനിപ്പിച്ചെന്നു വരാം. മന:ശാസ്ത്ര വിദഗ്ദ്ധർ ഇതേപ്പറ്റി പറയുന്നതിങ്ങനെയാണ്, “ഒരു പക്ഷേ ഭർത്താവ് ഭാര്യയെ സഹായിച്ച് ആശ്വാസം പകരാനാവും ശ്രമിക്കുന്നത്. പക്ഷേ ഭാര്യയുടെ മോശം പ്രതികരണം അയാളിൽ അസ്വസ്ഥതയുളവാക്കാം. അത്തരം പ്രതികരണം ഭർത്താവിന്‍റെ കഴിവിൽ നിങ്ങൾക്കുള്ള ആശങ്കയാവും പ്രകടമാവുക അല്ലെങ്കിൽ നിങ്ങൾക്ക് ഭർത്താവിനെ ആവശ്യമില്ല എന്നാവും.”
നിങ്ങൾ അത് അറിയേണ്ടതായിരുന്നു
ക്ലിനിക്കൽ മന:ശാസ്ത്രജ്ഞനായ റിയാൻ ഹോവ്സ് പറയുന്നതിങ്ങനെ…
“ഭർത്താവ് ഓരോ കാര്യവും.. അല്ലെങ്കിൽ നിങ്ങൾ പറയുന്ന കാര്യം ശ്രദ്ധിക്കണമെന്ന് പ്രതീക്ഷിക്കുന്നുവെങ്കിൽ നിങ്ങൾ നിരാശപ്പെടുക തന്നെ ചെയ്യും. ഭാര്യമാർ വേഗം അപ്സെറ്റാവും. യഥാർത്ഥത്തിൽ പുരുഷന്മാർ ചില കാര്യങ്ങളിൽ മനസ്സർപ്പിക്കണമെന്നില്ല. അഥവാ ഭാര്യമാർ ഇക്കാര്യം മനസ്സിലാക്കുകയാണെങ്കിൽ മാനസിക വിഷമം ഉണ്ടാകുന്നത് പരസ്പരം ഒഴിവാക്കാം.
അവൾ സുന്ദരിയാണെന്ന് നിങ്ങൾക്ക് തോന്നുന്നുണ്ടോ?
പുരുഷന്മാരുടെ കൗൺസിലിംഗ് സെപ്ഷ്യലിസ്റ്റായ കർട്ട് സ്മിത്ത് പറയുന്നത് കേൾക്കൂ, “ഏതെങ്കിലും സുന്ദരിയായ സ്ത്രീയെപ്പറ്റിയുള്ള അഭിപ്രായം സ്വന്തം ഭർത്താവിൽ നിന്നും നിങ്ങൾ അറിയാൻ ആഗ്രഹിക്കാറുണ്ടോ? ഒരുപക്ഷേ ഇല്ലായിരിക്കാം. എന്നാൽ ഇങ്ങനെയൊരു ചോദ്യം ഭർത്താവിനോട് ചോദിക്കുകയാണെങ്കിൽ അദ്ദേഹത്തെ നിങ്ങൾ ധർമ്മ സങ്കടത്തിലാക്കുകയാണ് ചെയ്യുന്നത്.
ഉദാ: ഒരു മുറിയിലേക്ക് കയറി വരുന്ന സുന്ദരിയായ സ്ത്രീയെ ഭൂരിഭാഗം പുരുഷന്മാരും ആദ്യമേ കണ്ടു കഴിഞ്ഞിരിക്കും. പക്ഷേ ഭാര്യയോടുള്ള ആദരവ് മൂലം ഭർത്താവ് ആ സ്ത്രീയെ നോക്കിയെന്നു വരില്ല. അതുകൊണ്ട് നിങ്ങളുടെ ചോദ്യം ഭർത്താവിനെ അസ്വസ്ഥനാക്കാം. ഭാര്യയെ അസ്വസ്ഥയാക്കണമെന്നോ അല്ലെങ്കിൽ വേദനിപ്പിക്കണമെന്നോ അദ്ദേഹത്തിന് വിചാരമുണ്ടായിരിക്കുകയില്ലെന്നതാണ് വാസ്തവം.
ഒന്ന് ആണായിക്കൂടെ?
നിങ്ങൾ സത്യത്തിൽ ഇങ്ങനെ പറയാറുണ്ടോ? പുരുഷനായി കാണിക്കാൻ ഏതെങ്കിലും തെറ്റായതോ ശരിയായതോ ആയ രീതിയുണ്ടാകണമെന്നില്ല. ആണത്തം കാട്ടൂ എന്ന കുറ്റപ്പെടുത്തൽ ആ വ്യക്‌തിയുടെ വ്യക്‌തിത്വത്തെ മുറിവേൽപ്പിക്കും. വെറുപ്പും ലജ്ജയുമുളവാക്കുന്ന കുറ്റപ്പെടുത്തലാണിത്.
നമുക്ക് സംസാരിക്കേണ്ട ആവശ്യമുണ്ട്!
ഭാര്യയുടെ ഇത്തരം പ്രതികരണം ഭർത്താവിന്‍റെ മനസ്സിൽ പേടിയുളവാക്കാം. മന:ശാസ്ത്ര തെറാപ്പിസ്റ്റ് മാർസിയ നെഹോമി ബർഗർ പറയുന്നതിങ്ങനെ,
“അടുത്ത തവണ എന്തെങ്കിലും പ്രശ്നമുണ്ടായാൽ കടുപ്പമില്ലാത്ത വാക്കുകൾ ഉപയോഗിക്കുക അല്ലാതെ ഇത്തരം വാക്കുകൾ ഭർത്താവിന് ഒരു വാണിംഗ് പോലെയായിരിക്കും. അല്ലെങ്കിൽ എന്തെങ്കിലും അപകട സൂചന പോലെയാവും ഭർത്താവിന് തോന്നുക. ചിലപ്പോൾ ഭാര്യ ചിന്തിച്ചതിന് നേർവിപരീതമായ ഫലമാവും അത് ഉണ്ടാക്കുക.
വീണ്ടും കൂട്ടുകാർക്കൊപ്പം
“ഭർത്താവ് കൂട്ടുകാർക്കൊപ്പം ക്രിക്കറ്റ് കാണുന്നതോ ഗോൾഫ് കളിക്കുന്നതോ വിവാഹ ജീവിതത്തിൽ യാതൊരു പ്രശ്നവുമുണ്ടാക്കുകയില്ല. അത് ബന്ധത്തെ കൂടുതൽ ഊഷ്മളമാക്കുകയേയുള്ളൂ. എന്നാൽ എന്തെങ്കിലും ഒഴിവ് കഴിവ് കണ്ടെത്തി ഭർത്താവ് മദ്യപിക്കുകയോ കൂട്ടുകാരോട് പ്രധാനപ്പെട്ട വിഷയങ്ങൾ ചർച്ച ചെയ്യാൻ പോവുകയോ ചെയ്‌താൽ വിലക്കേർപ്പെടുത്താം. പക്ഷേ ഇത്തരം നടപടികളിലൂടെ സ്വന്തം സപ്പോർട്ട് സിസ്റ്റത്തിൽ നിന്നും അകറ്റുകയാണ് ചെയ്യുന്നത്. യഥാർത്ഥത്തിൽ ചില സൗഹൃദങ്ങളിൽ നിന്നും അവർ നല്ല കാര്യങ്ങളും പഠിക്കുന്നുണ്ട്.” ഹോവ്സ് പറയുന്നു.
ഭാര്യമാർ ഒരു കാര്യം ഓർക്കണം. ഒരു വ്യക്‌തി ഭർത്താവ് എന്ന റോളിലെത്തിയാലും സ്വന്തം ഇഷ്‌ടമനുസരിച്ച് ജീവിക്കാനുള്ള അവകാശവും അധികാരവും നഷ്‌ടപ്പെടുന്നില്ല. പങ്കാളിയിൽ വിശ്വാസമർപ്പിക്കുക, വേണ്ട ബഹുമാനം നൽകുക. പരാതികളും പരിഭവങ്ങളും സുഖവും ദു:ഖവും പങ്കാളിയുമായി പങ്കുവയ്‌ക്കുക. ഭർത്താവിനൊപ്പം സ്വന്തം ജീവിതം സ്നേഹത്തോടെയും സന്തോഷത്തോടെയും ചെലവഴിക്കുക.
