നിങ്ങളുടെ പ്രിയപ്പെട്ടവർക്കായി ഏത് ആഘോഷാവസരത്തിലും എളുപ്പത്തിൽ ഉണ്ടാക്കാൻ കഴിയുന്ന വിഭവമാണ് മുഗളായി ഫിഷ് കറി. മുഗളായി പാചകരീതി കേരളീയരായ നമ്മുക്ക് പരിചിതമല്ല, അതിനാൽ തന്നെ എല്ലാ നോൺ-വെജിറ്റേറിയൻകാരും തീർച്ചയായും ഉണ്ടാക്കേണ്ട വിഭവമാണ് ഇത്!
ചേരുവകൾ
നെയ്മീൻ 600 ഗ്രാം
മഞ്ഞൾപ്പൊടി 2 ടീസ്പൂൺ
ഗരം മസാല 2 ടീസ്പൂൺ
നാരങ്ങാനീര് 2 ടീസ്പൂൺ
തൈര് 3 ടേബിൾ സ്പൂൺ
പാൽ/തേങ്ങാപ്പാൽ രണ്ടര കപ്പ്
ഉപ്പ് ആവശ്യത്തിന്
വെജിറ്റെബിൾ ഓയിൽ അര കപ്പ്
സവാള രണ്ട്
ഇഞ്ചി 2 ഇഞ്ച് വലിപ്പമുള്ളത്
വെളുത്തുള്ളി 6 അല്ലി
മല്ലി(സീഡ്) 4 ടീസ്പൂൺ
മുളകുപൊടി 2 ടീസ്പൂൺ
ആൽമണ്ട് 8 എണ്ണം
വിനിഗർ ഒരു ടേബിൾ സ്പൂൺ
കസ്കസ് 6 ടീസ്പൂൺ
കുരുമുളക് 2 ടേബിൾ സ്പൂൺ
മല്ലിയില അൽപം ആവശ്യമെങ്കിൽ
തയ്യാറാക്കുന്ന വിധം
മഞ്ഞൾപ്പൊടി, നാരങ്ങാനീര്, ഉപ്പ് എന്നിവ മിക്സ് ചെയ്ത് മീൻ കഷണങ്ങളിൽ പുരട്ടി 40 മിനിറ്റ് നേരം വയ്ക്കുക.
കസ്കസ് വെള്ളത്തിലിട്ട് തിളപ്പിക്കുക.
കസ്കസും സവാളയും വെളുത്തുള്ളിയും ഇഞ്ചിയും കുരുമുളകും മല്ലിയും ജീരകവും മുളകുപൊടിയും മഞ്ഞൾപ്പൊടിയും ആൽമണ്ടും ഉപ്പും ചേർത്ത് മിക്സിയിൽ നന്നായി അരച്ചെടുക്കുക.
ഒരു പാനിൽ എണ്ണയൊഴിച്ച് ചൂടാക്കുക. മാരിനേറ്റ് ചെയ്ത മീൻ കഷണങ്ങൾ ഓരോന്നായി ഇടുക. ഒരു മിനിറ്റ് നേരം ഫ്രൈ ചെയ്തശേഷം അതേ പാനിൽ അരച്ച സവാള പേസ്റ്റ് ചേരുവയിട്ട് പച്ചമണം മാറും വരെ വഴറ്റുക.
ഇനി അതിൽ അടിച്ചുവച്ച തൈരും ഗരംമസാലയും ഉപ്പും ചേർക്കാം. ആവശ്യമെങ്കിൽ അൽപം വെള്ളം ചേർക്കാം.
ഇനി പാൽ ചേർത്ത് മീൻ ഗ്രേവിയിൽ ലോ ഫ്ളെയിമിൽ പാകം ചെയ്യുക. ഗ്രേവി കുറുകുമ്പോൾ ഗ്യാസ് ഓഫാക്കാം.
തുടർന്ന് മല്ലിയില വിതറി മുഗളായി ഫിഷ് കറി ചോറിനോ പുലാവിന് ഒപ്പമോ സർവ്വ് ചെയ്യാം.
