ഏതു നാട്ടിൽ ചെന്നാലും വീട്ടിലെ ഭക്ഷണം ഒരു വികാരമാണ്. അടുക്കളയിൽ തയ്യാറാക്കുന്ന വിഭവങ്ങളുടെ സ്വാദ് ഒന്നു വേറെ തന്നെയാണ്. അത്തരം വിഭവങ്ങളെ പരിചയപ്പെടാം. ഇത് രുചിയുടെ നൊസ്റ്റാൾജിയ!
മിക്കവരുടെയും ഇഷ്ട വിഭവമാണ് ചിക്കൻ ടിക്ക, ഉണ്ടാക്കുന്ന വിധം എങ്ങനെയെന്ന് നോക്കാം.
ചേരുവകൾ
ബോൺലസ് (തൊലിയില്ലാതെ) ചിക്കൻ ബ്രസ്റ്റ് 3 എണ്ണം
തൈര് 120 ഗ്രാം
നാരങ്ങാനീര് 2 ടേബിൾ സ്പൂൺ
ഇഞ്ചി 6 അല്ലി അരച്ചത്
ഉപ്പ് 2 ടീസ്പൂൺ
ജീരകം അരച്ചത് 2 ടീസ്പൂൺ
കുരുമുളക് മസാല 2 ടീസ്പൂൺ
സോസിന്
എണ്ണ 3 ടേബിൾ സ്പൂൺ
സവാള ഒന്ന് അരിഞ്ഞത്
ഇഞ്ചി 2 ടേബിൾ സ്പൂൺ അരച്ചത്
ഇഞ്ചി 8 അല്ലി അരച്ചത്
മഞ്ഞൾപ്പൊടി 2 ടീസ്പൂൺ
ജീരകം 2 ടീസ്പൂൺ
മല്ലിപ്പൊടി 2 ടീസ്പൂൺ
കുരുമുളക് മസാല 2 ടീസ്പൂൺ
മുളകുപൊടി 2 ടീസ്പൂൺ
ഗരം മസാല 2 ടീസ്പൂൺ
തക്കാളി ഒന്ന് അരച്ച് പ്യൂരിയാക്കിയത്
തക്കാളി സോസ് മൂന്നര കപ്പ്
വെള്ളം ഒന്നര കപ്പ്
ക്രീം ഒന്നര കപ്പ്
തയ്യാറാക്കുന്ന വിധം
ചിക്കൻ ചെറിയ കഷണങ്ങളാക്കാം. തൈര്, നാരങ്ങാനീര്, ഇഞ്ചി വെളുത്തുള്ളി പേസ്റ്റ്, ഉപ്പ്, ജീരകപ്പൊടി, ഗരം മസാല, കുരുമുളക് മസാല (പാപരിക്ക) എന്നിവ മിക്സ് ചെയ്ത് ചിക്കൻ കഷണങ്ങളിൽ പുരട്ടി വച്ച് ഒരു മണിക്കൂറോ ഒരു രാത്രിയോ ഫ്രിഡ്ജിൽ വയ്ക്കാം.
ഓവൻ 260 ഡിഗ്രി സെന്‍റിഗ്രേഡ് ചൂടാക്കുക. ബേക്കിംഗ് പാനിൽ എണ്ണ പുരട്ടി ബട്ടർ പേപ്പർ വിരിക്കുക.
മാരിനേറ്റ് ചെയ്ത ചിക്കൻ കഷണങ്ങൾ വുഡൻ സ്ക്കീവേഴ്സിൽ വച്ച് ബേക്കിംഗ് പാനിൽ സെറ്റ് ചെയ്യാം. ബ്രൗൺ നിറമാകും വരെ ഇത് 15 മിനിറ്റ് നേരം ബേക്ക് ചെയ്യാം.
സോസ് തയ്യാറാക്കാൻ
വലിയൊരു പാനിൽ എണ്ണ മീഡിയം ഫ്ളെയിമിൽ ചൂടാക്കുക. അതിൽ സവാള, ഇഞ്ചി, വെളുത്തുള്ളി ഇവ ഇളം ബ്രൗൺ നിറമാകുംവരെ വഴറ്റുക.
ജീരകം, മഞ്ഞൾപ്പൊടി, മല്ലിപ്പൊടി, കുരുമുളക് മസാല, മുളകുപൊടി, മല്ലിപ്പൊടി, ഗരം മസാല എന്നിവ ചേർത്ത് നന്നായി ഇളക്കുക. പച്ചമണം മാറും വരെ പാകം ചെയ്യാം.
തക്കാളി പ്യൂരി, തക്കാളി സോസ് ഇവ ചേർക്കുക. ഒന്നേകാൽ കപ്പ് വെള്ളം ചേർക്കുക. തിള വന്ന് 5 മിനിറ്റ് കൂടി പാകം ചെയ്യാം. ഇനി ക്രീം ചേർക്കാം.
സ്ക്വീവേഴ്സിൽ നിന്ന് ചിക്കൻ ടിക്ക എടുത്ത് സോസിൽ ചേർക്കുക. 1-2 മിനിറ്റ് കൂടി പാകം ചെയ്ത് സർവ്വ് ചെയ്യാം.
