കോവിഡ് മഹാമാരിയുടെ വ്യാപനത്തോടെ എല്ലാവരും സ്വയം ശുചിത്വം പാലിക്കുന്നതിൽ അതീവ ജാഗ്രത പുലർത്തുന്നുണ്ട്. അതുപോലെ വീടും പരിസരവും വൃത്തിയാക്കുന്നുണ്ട്. എന്നാൽ എപ്പോഴെങ്കിലും കാർ സാനിറ്റൈസ് ചെയ്യുന്നതിനെപ്പറ്റി ഓർത്തിട്ടുണ്ടോ? ഒരു സ്റ്റിയറിംഗ് വീലിൽ 629 സിഎഫ്ക്യൂ അതായത് കോളനി ഫോമിംഗ് യൂണിറ്റ് ഓഫ് ബാക്ടീരിയ വസിക്കുന്നുണ്ടെന്നാണ് ഒരു റിസർച്ച് പറയുന്നത്. ഒരു ടോയ്‍ലെറ്റ് സീറ്റിൽ ഉണ്ടാകുന്നതിലും കൂടുതൽ. അതുകൊണ്ട് സ്വയം ശുചിത്വം പാലിക്കുന്നതിനൊപ്പം സ്വന്തം വാഹനവും വൃത്തിയായി സൂക്ഷിക്കുന്നതിൽ അതീവ ജാഗ്രത പുലർത്തുക. വാഹനമങ്ങനെ അനായാസം വൃത്തിയാക്കാം.
സ്വയം സുരക്ഷിതരാകാം
കാർ പാർക്കിംഗിൽ പാർക്ക് ചെയ്യുന്നുണ്ടെങ്കിൽ അല്ലെങ്കിൽ വഴിയരികിൽ പാർക്ക് ചെയ്യുന്നുണ്ടെങ്കിൽ ഇന്നത്തെയവസ്‌ഥയിൽ കാർ ദിവസവും സാനിറ്റൈസ് ചെയ്യേണ്ടത് ആവശ്യമാണ്. സ്വയം സുരക്ഷിതത്വം പാലിച്ച് വേണം കാർ ശുചിത്വത്തിൽ ശ്രദ്ധിക്കാൻ. കൈകൾ സാനിറ്റൈസ് ചെയ്‌തും മാസ്ക്, ഗ്ലൗസ് എന്നിവ ധരിച്ച ശേഷവും വേണം വാഹനം ശുചിയാക്കൽ ആരംഭിക്കാൻ. വൈറസ് ബാധയിൽ നിന്നും പൂർണ്ണ സുരക്ഷിതത്വം പാലിക്കാൻ ഇത് സഹായിക്കും.
ആദ്യം കാറിന്‍റെ അകവശം വൃത്തിയാക്കാം. ആദ്യം കാറിനായി ഏറ്റവും മികച്ച കാർ സാനിറ്റൈസർ ഉപയോഗിക്കാം. ശേഷം ഡാഷ്ബോർഡ്, സ്റ്റിയറിംഗ് വീൽ, സീറ്റ്, സീറ്റ് ബെൽറ്റ്, ഗിയർ എന്നിവിടങ്ങളിൽ സാനിറ്റൈസർ ഉപയോഗിച്ച് സാനിറ്റൈസ് ചെയ്യാം. എപ്പോഴും എഫ്നോൾ ബേസ്ഡ് കാർ സാനിറ്റൈസർ വാങ്ങുക. കാരണം ഇത് വൈറസിനെയും ബാക്ടീരിയയേയും തീർത്തും ഇല്ലാതാക്കും.
കാർപറ്റുകൾ അണുനാശിനികൾ കൊണ്ട് ശുചിയാക്കാം
അത്യാവശ്യ ജോലിയുമായി ബന്ധപ്പെട്ട് പുറത്തു പോകുന്നതിനോ അല്ലെങ്കിൽ ഓഫീസിൽ പോയി വരുന്നതിനോ കാറിനോളം സുരക്ഷിതമായ മറ്റൊരു വാഹനമില്ല. പലതരം വഴികളിലൂടെ സഞ്ചരിക്കേണ്ടി വരുന്നതിനാൽ കാറിൽ അണുക്കൾ പ്രവേശിക്കാൻ എളുപ്പമാണ്. മറ്റൊന്ന് നമ്മൾ പല സ്ഥലത്തും നടന്ന ശേഷമാവും കാറിൽ കയറുക. അതോടെ കാറിനകത്തെ കാർപ്പറ്റിൽ അണുക്കൾ വ്യാപിക്കാം. അതുകൊണ്ട് കാർപ്പറ്റ് നന്നായി ക്ലീൻ ചെയ്യാം.
കാറിനകത്തെ മുഴുവൻ കാർപ്പറ്റും പുറത്തെടുത്ത് ആദ്യം വൃത്തിയുള്ള ബ്രഷു കൊണ്ട് അഴുക്ക് നീക്കിയ ശേഷം വെള്ളത്തിൽ അണുനാശിനി ചേർത്ത് കാർപ്പറ്റ് മുക്കി വച്ച് വാഷ് ചെയ്യാം. വാഷ് ചെയ്‌ത ശേഷം വെയിലത്ത് ഇട്ട് ഉണക്കിയെടുക്കാം. ദിവസവും ഇങ്ങനെ ചെയ്യുന്നത് പ്രായോഗികമല്ലാത്തതിനാൽ കാർ സാനിറ്റൈസർ കൊണ്ട് ഇത് സാനിറ്റൈസ് ചെയ്യാം.
സീറ്റുകളും വൃത്തിയാക്കാം
മഴ ഉള്ള സമയങ്ങളില്‍ കാറിനകത്ത് ഈർപ്പം ഉണ്ടാകാം. ഇത്തരം സാഹചര്യം അണുക്കളും വൈറസുകളും പെരുകാൻ ഇടവരുത്തും. കാർ സാനിറ്റൈസർ കൊണ്ട് നിത്യവും സീറ്റുകളും വൃത്തിയാക്കാം. കാർ സീറ്റുകളിൽ ഈർപ്പമുണ്ടകാനുള്ള സാദ്ധ്യത ഉള്ളതിനാൽ കാർ സീറ്റുകൾ ആഴ്ചയിൽ 2-3 തവണ ബ്ലോ ഡ്രയർ ഉപയോഗിച്ച് ക്ലീൻ ചെയ്യാം. സീറ്റിലിരിക്കും മുമ്പ് കാർ സാനിറ്റൈസർ സ്പ്രേ ചെയ്യാം. കാർ സാനിറ്റൈസർ ഉപയോഗിക്കുന്ന സമയത്ത് കാർ സ്റ്റാർട്ട് ചെയ്യരുത്.
ഇതും ശ്രദ്ധിക്കാം
ഡ്രൈവിംഗ് സമയത്ത് മ്യൂസിക് സിസ്റ്റം പാനൽ, വാട്ടർ ബോട്ടിൽ ഹോൾഡർ, മൊബൈൽ ഹോൾഡർ, ഇഗ്നിഷൻ സ്റ്റാർട്ട് പോയിന്‍റ്, ബാക്ക് വ്യൂ മിറർ, ഡോർ ഓപ്പണിംഗ് യൂണിറ്റ്, ഗ്ലാസ് എന്നിവ നമ്മൾ കൂടുതലായി പ്രവർത്തിപ്പിക്കാറുണ്ട്. താൻ ഒരാൾ മാത്രമല്ലേ ഇവയെല്ലാം സ്പർശിക്കുന്നത്. ഇവിടെ വൈസ് എങ്ങനെ എത്താനാണ് എന്നിങ്ങനെ ചിന്തിക്കുന്നത് തെറ്റാണ്. ഇത്തരമിടങ്ങളിൽ വൈറസ് അനായാസം പെരുകും. അതിനാൽ കാർ സാനിറ്റൈസർ ഇത്തരമിടങ്ങളിൽ നിർബന്ധമായും ഉപയോഗിക്കണം.
ഇനി കാറിനെ ബാഹ്യതലത്തിൽ വൃത്തിയാക്കുകയെന്നതാണ് മറ്റൊരു കാര്യം ഡിറ്റർജന്‍റ് ചേർത്ത വെള്ളമുപയോഗിച്ച് കാർ വാഷ് ചെയ്യാം. ഇത് എന്നും ചെയ്യുക പ്രയാസകരമാണ്. എന്നാൽ ബാഹ്യതലത്തിൽ വൃത്തിയുള്ളതായിരിക്കുക പ്രധാനമാണ്. അതിനാൽ സൈഡ് വ്യൂ മിററുകളും ഡോർ ഓപ്പണിംഗ് യൂണിറ്റുകളും ഉപയോഗിക്കും മുമ്പ് സാനിറൈസർ ഉപയോഗിച്ച് നന്നായി ക്ലീൻ ചെയ്യുക.
