ആർത്തവവുമായി ബന്ധപ്പെട്ട് ശാരീരികവും മാനസ്സികവുമായ പല പ്രശ്നങ്ങൾ പെൺകുട്ടികളിൽ കണ്ടുവരാറുണ്ട്. മാനസിക പിരിമുറുക്കം, അസ്വസ്ഥത, തളർച്ച, ദേഷ്യം തുടങ്ങിയ പല ലക്ഷണങ്ങളും പിഎംഎസ് (പ്രീമെൻസ്ട്രുവൽ സിൻഡ്രോം അല്ലെങ്കിൽ പ്രീമെൻസ്ട്രുവൽ ടെൻഷൻ) ആയി കണ്ടുവരാറുണ്ട്. 95 ശതമാനം സ്ത്രീകൾക്കും പീരിയഡ്സിന് മുന്നോടിയായി ചില അസ്വസ്ഥതകൾ കണ്ടുവരുന്നുണ്ട്. ഇത് ചിലപ്പോൾ ശാരീരികവുമായിരിക്കാം അല്ലെങ്കിൽ മാനസികവുമായിരിക്കാം. ഇത്തരം പ്രശ്നങ്ങൾ 30 വയസ്സിന് ശേഷമായിരിക്കും കൂടുതലും കണ്ടുവരിക.
ശാരീരികവും വൈകാരികവുമായ ഇത്തരം മാറ്റങ്ങൾ ചില സ്ത്രീകളെ സംബന്ധിച്ച് വളരെയേറെ പ്രയാസകരമായിരിക്കും. എന്നാൽ ചില മാസങ്ങളിൽ ഇത്തരം യാതൊരുവിധ പ്രശ്നങ്ങളും ഉണ്ടാകണമെന്നില്ല.
പീരിയഡ്സിന് മുമ്പായി ഉണ്ടാകുന്ന ലക്ഷണങ്ങളുടെ വലിയ നീണ്ട നിര തന്നെയുണ്ട്. ഭൂരിഭാഗം സ്ത്രീകൾക്കും ഇതിൽ പല പ്രശ്നങ്ങളും ഉണ്ടാകാം.
ഡൽഹി ബിഎൽകെ സൂപ്പർ സ്പെഷ്യാലിറ്റി ഹോസ്പിറ്റലിലെ ഗൈനക്കോളജിസ്റ്റായ ഡോ. ദിനേശ് കൺഡൽ പറയുന്നതിങ്ങനെ, നൈസർഗ്ഗീകമായി സ്ത്രീയുടെ ശാരീരം രക്‌തക്കുറവുമായി പോരാടുന്ന തരത്തിലാണ് സൃഷ്ടിക്കപ്പെട്ടിരിക്കുന്നത്, പ്രത്യേകിച്ചും അമ്മയാകുന്ന ഘട്ടത്തിലുള്ള സ്ത്രീകൾ. ഈ രക്തക്കുറവിന് പിന്നിൽ വലിയൊരു കാരണമുണ്ട് ആർത്തവം. ഇക്കാരണത്താൽ ജോലി ചെയ്യാനുള്ള ക്ഷമത കുറയും. മാത്രവുമല്ല തളർച്ചയും ക്ഷീണവുമുണ്ടാകും.
രക്‌തക്കുറവ് രോഗപ്രതിരോധത്തെ ബാധിക്കും. ഇക്കാരണം കൊണ്ട് വളരെയെളുപ്പം അവർക്ക് രോഗങ്ങൾ പിടിപ്പെടും. മാസമുറ കാരണം സ്ത്രീകൾക്ക് ഒരു ലിറ്റർ രക്‌തം വരെ കുറയാം. ഒരു വർഷത്തിൽ 3 തവണ രക്‌തദാനം ചെയ്യുന്നതിന് തുല്യമായിരിക്കുമിത്. മാസമുറ കാരണം ഉണ്ടാകുന്ന അയണിന്‍റെ അഭാവം സ്ത്രീയുടെ ഏകാഗ്രതയെയും ബാധിക്കുന്നു.
മാറിടത്തിലുണ്ടാകുന്ന അസ്വസ്ഥതകൾ തുടങ്ങി ഛർദ്ദി, ദേഷ്യം മറ്റ് അസ്വസ്ഥതകൾ തുടങ്ങിയ പിഎംഎസ് ലക്ഷണങ്ങൾ ഉണ്ടാകാം. ഓരോ സ്ത്രീയിലും ഇത് വ്യത്യസ്തമായ തരത്തിലായിരിക്കും. ചില സ്ത്രീകളെ ഇത് അധികമായി ബാധിക്കുമ്പോൾ മറ്റ് ചിലരെ വളരെ സാധാരണമായ രീതിയിലെ ബാധിക്കൂ. ചിലരിൽ മാസമുറ തുടങ്ങി കഴിഞ്ഞ് ശാരീരികാസ്വസ്ഥതകൾ മാറും. എന്നാൽ ചിലരിൽ ഇത്തരം പ്രശ്നങ്ങൾ ദീർഘസമയം നിലനിൽക്കും.
പിഎംഎസ് ഉണ്ടാകുന്നതിനുള്ള ശരിയായ കാരണമെന്താണെന്ന് വൈദ്യശാസ്ത്രം ഇതുവരെ കണ്ടെത്തിയിട്ടില്ല. പാരമ്പര്യം ഒരു വലിയ കാരണമായിരിക്കും. അതായത് വീട്ടിൽ അമ്മയ്ക്കോ, സഹോദരിക്കോ, പിഎംഎസ് ചരിത്രമുണ്ടെങ്കിൽ മകൾക്കും മാസമുറ സമയത്ത് അതേ പ്രശ്നമുണ്ടാകാം. യഥാർത്ഥത്തിൽ സ്ത്രീയുടെ ആർത്തവ പ്രിക്രിയയുമായി ബന്ധപ്പെട്ടുള്ള ശാരീരികവും മാനസികവുമായ മാറ്റങ്ങളെയാണ് പിഎംഎസ് വിശേഷിപ്പിക്കുന്നത്.
പിഎംഎസ് അനുഭവിക്കുന്ന സ്ത്രീകളിൽ ചിലർ വിഷാദത്തിനും അടിമപ്പെടാറുണ്ട്. പക്ഷേ ഈ വിഷാദം എല്ലാ ലക്ഷണങ്ങളുടേയും കാരണമാകണമെന്നില്ല. മാനസികപിരിമുറുക്കം ചില ലക്ഷണങ്ങളെ ഗുരുതരമാക്കാം. എന്നു വിചാരിച്ച് ഇത് പിഎംഎസിന്‍റെ ഒരെയൊരു കാരണമാകണമെന്നില്ല. വിറ്റാമിനുകളുടെയും ധാതുക്കളുടേയും അഭാവം കാരണമാകാം. അമിതമായ ഉപ്പ് ഉപയോഗിക്കുന്നതും പിഎംഎസിനുള്ള ഒരു കാരണമാണ്.
അമിതമായ ഉപ്പിന്‍റെ ഉപയോഗം ശരീരത്തിൽ ദ്രവ നഷ്ടമുണ്ടാക്കും. ചായ, കാപ്പി, മദ്യം തുടങ്ങിയവ ഉപയോഗിക്കുന്നത് മൂഡിലും ഊർജ്ജത്തിലും താളം തെറ്റിക്കൽ സൃഷ്ടിക്കും അതുകൊണ്ട് അവ കഴിക്കുന്നത് കുറയ്ക്കുകയോ നിർത്തുകയോ ചെയ്യാം. സ്വന്തം ഡയറ്റിൽ നല്ലൊരു മാറ്റം സൃഷ്ടിക്കുകയാണ് വേണ്ടത്.
ഭക്ഷണത്തിൽ പഴങ്ങൾ, പച്ചക്കറികൾ, മുഴുധാന്യങ്ങൾ എന്നിവ ഉൾപ്പെടുത്തിയാൽ നല്ലൊരു പരിധി വരെ പിഎംഎസ് ലക്ഷണങ്ങളിൽ നിന്നും ആശ്വാസം ലഭിക്കും.
കൊഴുപ്പ്, മധുരം, ഉപ്പ് എന്നിവ കുറയ്ക്കുക. ഇടയ്ക്ക് ഡോക്ടറെ കണ്ട് വേണ്ട മാർഗ്ഗ നിർദ്ദേശങ്ങൾ ആരായുക. അതിന് പുറമേ, സ്ത്രീ ആരോഗ്യത്തെ സംബന്ധിച്ചുള്ള പ്രസിദ്ധീകരണങ്ങൾ വായിച്ച് വേണ്ട അറിവുകൾ നേടുക.
അമിത വേദന
ആർത്തവ സമയത്തുണ്ടാകുന്ന വേദന സാധാരണമാണ്. ഡിസ്മെനോറിയ എന്നാണ് അതിനെ വിശേഷിപ്പിക്കുന്നത്. ചില സമയത്ത് ഈ വേദന കൂടുതൽ പ്രശ്നമുണ്ടാക്കാം. അതിന് പുറമെ പീരിയഡ്സ് ഉള്ളപ്പോൾ വേദനയും ഛർദ്ദി പോലെയുള്ള പ്രശ്നവുമുണ്ടാകാം. ചിലപ്പോൾ അസഹനീയമായ വേദന മൂലം കോളേജിലോ ഓഫീസിലോ പോകാൻ കഴിയാതെ വരുന്ന സാഹചര്യവും ഉണ്ടാകും. മണിക്കൂറുകളോളമോ ദിവസങ്ങളോ ഇത്തരത്തിൽ വേദന തുടരാം. ആർത്തവം കഴിയുന്നതോടെ വേദനയും പതിയെ കുറയും. വേദന ഏതെങ്കിലും അസുഖമോ ഡിസോഡർ മൂലമോ ആണെങ്കിൽ അതിനെ സെക്കന്‍ററി ഡിസ്മെനോറിയയെന്നാണ് പറയുക.
സെക്കന്‍ററി ഡിസ്മെനോറിയ പല കാരണങ്ങൾ കൊണ്ട് ഉണ്ടാകാം. ഉദാ: എൻഡോമെട്രിയോസിസ്, യൂട്ടറൈയിൻ ഫൈബ്രോയിഡ്സ്, സെക്ഷ്വലി ട്രാൻമിറ്റഡ് ഡിസീസ് എന്നിങ്ങനെ. എൻഡ്രോമെട്രിയോസിസ് പ്രശ്നം പല കുടുംബങ്ങളിലും കണ്ടുവരാറുണ്ട് എന്നാണ് ന്യൂഡൽഹി ഇന്ദിരാ ഐവിഎഫ് ഹോസ്പിറ്റലിലെ ഐവിഎഫ് എക്സ്പെർട്ട് ഡോ. നതാഷാ ഗുപ്ത പറയുന്നത്.
അമ്മയ്ക്ക് ഈ രോഗമുണ്ടെങ്കിൽ പെണ്മക്കളിലും 8 ശതമാനം ഇത് വരാനുള്ള സാധ്യതയുണ്ട്. അടുത്ത സഹോദരിമാരാണെങ്കിൽ 6 ശതമാനം വരെ ഇതുണ്ടാകാനുള്ള സാധ്യതയുണ്ട്. സഹോദരി സഹോദരന്മാരുടെ പെണ്മക്കൾക്കിടയിൽ 7 ശതമാനം ആണ് സാധ്യത. എൻഡോമെട്രിയോസിസ് ഉള്ള 30-40 പേർക്ക് വന്ധ്യത പ്രശ്നങ്ങൾ ഉണ്ടാകുമെന്നും പഠനങ്ങൾ പറയുന്നു.
ലക്ഷണങ്ങൾ
എൻഡോമെട്രിയോസിസിസ് രോഗികളിൽ ഒരാൾക്കുള്ള ലക്ഷണങ്ങൾ മറ്റൊരാളിൽ കാണണമെന്നില്ല. അടിവയറ്റിലുണ്ടാകുന്ന വേദനയാണ് പൊതുവേ എല്ലാവരിലും കണ്ടുവരുന്ന അസ്വസ്ഥത. ആർത്തവ സമയത്താണ് അടിവയറ്റിൽ വേദനയുണ്ടാവുക. മാത്രവുമല്ല ചിലപ്പോൾ വേദന ആർത്തവത്തിന് മുമ്പോ ശേഷമോ ഉണ്ടാകാമെന്നതാണ്. ചില സ്ത്രീകളിലാകട്ടെ, ശാരീരിക ബന്ധത്തിൽ ഏർപ്പെടുന്ന അവസരത്തിലോ അതിനു ശേഷമോ വേദനയുണ്ടാവുന്നു. അതുമല്ലെങ്കിൽ കുടലിൽ ചലനങ്ങൾ അനുഭവപ്പെടുകയോ യൂറിൻ റിലീസ് ചെയ്യുമ്പോൾ, മലശോധനാ വേളയിലോ വേദനയുണ്ടാകാം.
പ്രതീക്ഷ
ഇൻവിട്രോ ഫർട്ടിലൈസേഷൻ (ഐവിഎഫ്) പ്രക്രിയ ഇത്തരം കേസുകളിൽ കൂടുതൽ ഗുണകരമായിട്ടുണ്ടെന്ന് ഡോ.നതാഷാ ഗുപ്ത പറയുന്നു. പ്രത്യേകിച്ചും എൻഡോമെട്രിയോസിസ് മൂലം വന്ധ്യത പ്രശ്നമുണ്ടാകുന്നവർക്ക്.
മുൻകരുതൽ
വർഷത്തിൽ ഒരു സ്ത്രീയ്ക്ക് ഏകദേശം 22 ശതമാനം രക്‌തമാണ് നഷ്ടപ്പെടുന്നത്. ഈ സാഹചര്യത്തിൽ സ്ത്രീകൾ രക്‌തം ഉണ്ടാകാനുള്ള ഭക്ഷ്യവസ്തുക്കൾ ഭക്ഷണത്തിൽ ഉൾപ്പെടുത്തിയില്ലെങ്കിൽ അത്തരക്കാർക്ക് അനീമിയ ഉണ്ടാകാനുള്ള സാധ്യത കൂടുതലായിരിക്കും. ഇന്ത്യയിൽ ഭൂരിഭാഗം സ്ത്രീകളിലും വിളർച്ചയുണ്ടാകുന്നുവെന്നത് ഗുരുതരമായ കാര്യമാണ്.
ഒരു സാധാരണ ഇന്ത്യൻ വെജിറ്റേറിയൻ ഭക്ഷണത്തിൽ രക്‌തമുണ്ടാകാനുള്ള ആവശ്യമായ പോഷകങ്ങൾ ഉണ്ടാകണമെന്നില്ല എന്നാണ് ന്യൂഡൽഹി സരോജ് സൂപ്പർ സ്പെഷ്യാലിറ്റി ഹോസ്പിറ്റലിലെ ഡോ. നിധി ധവൻ പറയുന്നത്. പകുതി കപ്പ് അരിയിൽ 0.5 മി.ഗ്രാം അയൺ മാത്രമേ ഉണ്ടാകൂ. എന്നാൽ ഒരു കപ്പ് പാലിൽ നിന്നും 0.1 ഗ്രാം അയൺ ലഭ്യമാകും. മാസമുറയുള്ള ഒരു സ്ത്രീയ്ക്ക് ദിവസവും 28 മി.ഗ്രാം അയൺ ആവശ്യമായി വരും.
ശരീരത്തിൽ നിന്നും അയണിനെ ആഗീരണം ചെയ്യുന്നത് തടയുന്ന ചില പദാർത്ഥങ്ങളുണ്ട്. ഉദാ: ഫൈറ്റേറ്റ്. ആട്ടയിലും മറ്റ് ധാന്യങ്ങളിലും ഇത് കണ്ടു വരുന്നുണ്ട്. അല്ലെങ്കിൽ കാപ്പി, ചായ, വാഴപ്പഴം എന്നിവയിൽ കണ്ട് വരുന്ന കഫീൻ എന്ന വസ്തുവും അയണിന്‍റെ സ്വാംശീകരണത്തെ തടയുന്നു.
പിഎംഎസിനെ നേരിടാൻ വിറ്റാമിൻ ബി 6 ഫലവത്താണ്. വിഷാദം, തളർച്ച, ശരീരത്തിൽ ദീർഘസമയം വെള്ളം കെട്ടികിടന്നുള്ള നീർവീക്കം, മാറിടത്തിലുണ്ടാകുന്ന അസ്വസ്ഥത, വിരലുകളിലും മുഖത്തുമുണ്ടാകുന്ന നീര് എന്നീ പ്രശ്നങ്ങൾ ഉണ്ടാകുന്നു.
ഉപ്പിന്‍റെ അളവ് കുറയ്ക്കുക വഴി നീർവീക്കം കുറയും. വിറ്റാമിൻ ഇ ധാരാളമായി അടങ്ങിയ ഭക്ഷണം കഴിക്കുക വഴി സ്തനങ്ങളിലുണ്ടാകുന്ന അസ്വസ്ഥതകളിൽ നിന്നും ആശ്വാസം ലഭിക്കും. മാസമുറ സമയത്തുണ്ടാകുന്ന പിരിമുറുക്കം കുറയ്ക്കാൻ കാത്സ്യം ഫലവത്താണ്. ജീവിതശൈലിയിൽ മാറ്റമുണ്ടാക്കി ഇത്തരം പ്രശ്നങ്ങളിൽ നിന്ന് തടിയൂരാം.
പതിവായി പരിശോധന
ഡോക്ടറെ കണ്ട് വേണ്ട പരിശോധനകൾ നടത്തുകയെന്നുള്ളത് പ്രധാനപ്പെട്ട കാര്യമാണ്. രക്ത പരിശോധനയിലൂടെ ഹീമോഗ്ലോബിൻ ലെവൽ അറിയുവാൻ സാധിക്കും. ഹീമോഗ്ലോബിൻ നില താഴുന്നത് വിളർച്ചയുണ്ടാക്കും. അനിമീയ (വിളർച്ച) അസാധാരണമായ സ്‌ഥിതി വിശേഷമാണ്. രക്‌തത്തിലെ ചുവന്ന രക്താണുക്കളുടെ അളവ് കുറയുന്നതാണ് അനീമിയ്ക്ക് കാരണം. അതുകൊണ്ട് കൃത്യമായ പരിശോധനയിലൂടെ വിളർച്ചക്കുറവ് കണ്ടെത്തി പരിഹരിക്കാം.
അയൺ ധാരാളമായി അടങ്ങിയ ഭക്ഷ്യവസ്തുക്കൾ കഴിക്കുക മാത്രമല്ല അവ കൂടുതൽ ആഗീരണം ചെയ്യപ്പെടാൻ വിറ്റാമിൻ സി, ബി-12 അടങ്ങിയ ഭക്ഷ്യവസ്‌തുകൾ വേണ്ടയളവിൽ ഡയറ്റിൽ ഉൾപ്പെടുത്തണം. ഒപ്പം അയൺ ടാബ്‍ലെറ്റും കഴിക്കാം.
