പാൽ ഒരു സമ്പൂര്‍ണ്ണ സമീകൃത ആഹാരമായി കരുതപ്പെടുന്നു. പാൽ ഉപയോഗിച്ച് നിരവധി സ്വാദിഷ്ഠവും പോഷകസമ്പന്നമായ വിഭവങ്ങള്‍ ഉണ്ടാക്കാന്‍ സാധിക്കും.
ചേരുവകൾ
പാൽ ഒരു ലിറ്റർ
ഏലയ്ക്ക പൊടിച്ചത് 2 നുള്ള്
തേങ്ങ ചിരകിയത് ഒരു വലിയ സ്പൂൺ
കുങ്കുമപ്പൂവ് അൽപം
ഖോയ അര കപ്പ്
നാരങ്ങാനീര് 2 ചെറിയ സ്പൂൺ
പഞ്ചസാര പൊടിച്ചത് അൽപം
പിസ്ത അൽപം
വെള്ളം 4 കപ്പ്
തയ്യാറാക്കുന്ന വിധം
ഒരു പാത്രത്തിൽ പാൽ തിളപ്പിക്കുക. അതിൽ നാരങ്ങാനീര് ഒഴിച്ച് പനീർ തയ്യാറാക്കുക. ഈ പനീർ നല്ല വൃത്തിയുള്ള തുണിയിൽ ഒഴിച്ച് അൽപനേരം തൂക്കിവയ്ക്കുക. അതിലെ മുഴുവൻ വെള്ളവും വാർന്ന് പോകാനാണത്.
ഇനി ഇത് കൈകൊണ്ട് അമർത്തി പിഴിഞ്ഞ് ആട്ടപോലെ മൃദുവായി കുഴയ്ക്കുക.
പഞ്ചസാരയിൽ വെള്ളം ചേർത്ത് തിളപ്പിക്കുക. ഈ വെള്ളത്തിൽ ഏലയ്ക്ക പൊടിച്ചത് ചേർക്കുക.
പനീർ റോൾ ചെയ്ത് തിളയ്ക്കുന്ന പഞ്ചസാര ലായനിയിൽ ഇട്ട് അടച്ച് പാകം ചെയ്യുക.
ഖോയ, കുങ്കുമപ്പൂവ്, തേങ്ങ, പഞ്ചസാര പൊടിച്ചത് ചേർത്ത് നന്നായി മിക്സ് ചെയ്യുക. ഇത് മൃദുവാകും വരെ കുഴച്ചെടുക്കുക. ചെറിയ ഉരുളകളാക്കുക.
പഞ്ചസാര പാനി തണുക്കാൻ വയ്ക്കുക. പനീർ റോൾ തണുത്ത ശേഷം ഖോയ ബോൾ വച്ച് ഫിൽ ചെയ്യുക. മുകളിൽ പിസ്ത വിതറി സർവ്വ് ചെയ്യാം.
