വീടിന് ചുറ്റും സ്‌ഥലപരിമിതിയുള്ള പലരും മടുപ്പാവിൽ പൂന്തോട്ടവും കൃഷിയും ചെയ്ത് വിജയിച്ച അനുഭവങ്ങൾ നമ്മൾ പലപ്പോഴും വായിച്ചറിഞ്ഞിട്ടുള്ളവയാണ്. പൂച്ചട്ടികളിലും ഗ്രോബാഗുകളിലും ഇഷ്ടപ്പെട്ട പൂച്ചെടികളും പച്ചക്കറികളും നട്ടുവളർത്തുന്നതിനൊപ്പം മറ്റ് പലതരം കൃഷികളും അവർ പരീക്ഷിച്ച് നോക്കാറുണ്ട്. അങ്ങനെയുള്ള ഒരു വ്യക്‌തിയാണ് മീന. മട്ടുപ്പാവിൽ വികസിപ്പിച്ചെടുത്ത പൂന്തോട്ടത്തെ മീന പിന്നീട് നഴ്സറിയാക്കി മാറ്റുകയാണ് ചെയ്തത്.
മീനയ്ക്ക് തന്നെ ഈ വളർച്ചയിൽ സ്വയം അമ്പരപ്പാണ് ഉണ്ടായത്. അത് തരക്കേടില്ലാത്ത ഒരു വരുമാന മാർഗ്ഗമായി വളർന്നു. അതിന് നിമിത്തമായത് മറ്റൊരാളും. ഒരിക്കൽ അയൽക്കാരനായ ഒരു യുവാവ് അൽപ്പം കറിവേപ്പില വാങ്ങാനായി മീനയെ സമീപിച്ചു. ഉദാരമതിയായ മീന യുവാവിനോട് മട്ടുപ്പാവിൽ പോയി കറിവേപ്പിലയെടുത്തു കൊള്ളാൻ ആവശ്യപ്പെട്ടു മട്ടുപ്പാവിലെത്തിയ അയാൾ അവിടുത്തെ കാഴ്ച കണ്ട് അമ്പരന്നു പോയി. ചെറിയ ചട്ടികളിലായി ആര്യവേപ്പിലയുടെ തൈകൾ, കറിവേപ്പില തൈകൾ മറ്റ് പച്ചക്കറികൾ, പൂച്ചെടികൾ…
കൃഷിയിൽ തൽപ്പരനായ അയാൾ പണം കൊടുത്ത് മീനയുടെ കയ്യിൽ നിന്നും കറിവേപ്പില തൈകൾ വാങ്ങാനായി താൽപ്പര്യപ്പെട്ടു. ചെടിയുടെ വില കേട്ട് മീനയ്ക്കും അമ്പരപ്പു തോന്നി. ഇതിന് ഇത്രയും സൗധ്യതയുണ്ടോയെന്ന ചിന്ത അവരുടെ മനസിൽ പുതിയ ചില ചിന്തകൾക്ക് വിത്തുപാകി. അവർ അന്ന് തുടങ്ങി തൈകൾ നട്ടു. പലതരം ചെടികൾ 2 മാസം കൊണ്ട് വളർന്നു. ചിലർ ഇക്കാര്യമറിഞ്ഞ് ഫോട്ടോഗ്രാഫി വർക്ക് ഷോപ്പിനായി ഏതാനും മണിക്കൂർ മട്ടുപ്പാവ് വാടകയ്ക്കെടുത്തു. അതൊരു ഉദ്യാനമായിരുന്നു.
തൈകളുടെ ഉൽപ്പാദനം
ചില ചെടികളുടെ വിത്തുകൾ പാകി മുളപ്പിക്കാൻ സമയമെടുത്തുവിരുന്നുവെങ്കിലും ചില സെക്യുലൻറ് തൈകൾ വളരെ കുറഞ്ഞ സമയം കൊണ്ട് നല്ലൊരു വരുമാന മാർഗ്ഗത്തിന് കാരണമായി. ചില അലങ്കാര ചെടികളാകട്ടെ എക്സിബിഷനുകൾക്കായി വിൽക്കപ്പെട്ടു. അവയെ വികസിപ്പിച്ചെടുക്കുകയെന്നുള്ളത് വളരെ എളുപ്പമായിരുന്നു. അവയുടെ ഒരു തണ്ട് വളക്കൂറുള്ള മണ്ണിൽ നടുന്നതോടെ പുതിയൊരു ചെടി വളർന്നു വരുന്നു. ആർക്കും നഴ്സറി ബിസിനസ് ആരംഭിക്കാം. ഈ ബിസിനസ് ആരംഭിക്കുന്നതിന് മുമ്പായി ഉചിതമായ പദ്ധതിയും ഒരുക്കങ്ങളും ആവശ്യമാണ്. എന്നാൽ പണവും അധ്വാനവും മറ്റ് ജോലികളെ അപേക്ഷിച്ച് അത്രയാവശ്യമായി വരികയില്ല.
മട്ടുപ്പാവിൽ എങ്ങനെ നഴ്സറി സജ്ജീകരിക്കാം… അറിയാം ചില കാര്യങ്ങൾ
മട്ടുപ്പാവിലെ സ്‌ഥലം അളന്ന് അതിനനുസരിച്ചുള്ള പൂച്ചെടികൾ തെരഞ്ഞെടുക്കുകയെന്നുള്ളതാണ് ഏറ്റവും ആദ്യം ചെയ്യേണ്ടത്. ആരംഭത്തിൽ ഒഴിഞ്ഞ കുപ്പികൾ, വലിയ ടബുകൾ, ചട്ടികൾ എന്നിവയിൽ ചെടികൾ നട്ടു വളർത്തിയെടുക്കാം. അവയെ പിന്നീട് ചെടി ചട്ടികളിലേക്ക് മാറ്റി വിൽക്കുകയും ചെയ്യാം.
ശരിയായ ഒരുക്കവും തെരഞ്ഞെടുപ്പുമാണ് നഴ്സറിയൊരുക്കുന്നതിന് ആവശ്യം. അതായത് കുറഞ്ഞ സ്‌ഥലത്ത് കൂടുതൽ ചെടികൾ നട്ടു വളർത്തുക. അതിനനുസരിച്ച് വലിയ ചട്ടികളിൽ പച്ചക്കറികളും ചീരകളും വിത്തുപാകി ചെടികളാക്കി വികസിപ്പിക്കുക. ഇങ്ങനെയാണ് എല്ലാ നഴ്സറിയിലും ചെയ്യുന്നത്.
വലിയ ഡ്രമ്മിൽ ക്രോട്ടൺ തണ്ട് നടുന്നതിനൊപ്പം അതിൽ മല്ലി, ജീരകം, അശ്വഗന്ധം എന്നിവയുടെ വിത്തുകൾ പാകി ചെടികൾ മുളപ്പിച്ചെടുക്കാം. ഇത് റൂം ഫ്രഷ്നർ എന്ന നിലയിൽ വിൽക്കപ്പെടും.
ചെടികൾ തെരഞ്ഞെടുക്കുമ്പോൾ
നഴ്സറിയിൽ ചെടികൾ തെരഞ്ഞെടുക്കുമ്പോൾ ചില കാര്യങ്ങൾ പ്രത്യേകം ശ്രദ്ധിക്കേണ്ടതായുണ്ട്. ഏറ്റവുമാദ്യം ചെയ്യേണ്ടത് വൻകിട കച്ചവടക്കാരെ സമീപിച്ച് വില കുറച്ച് കൂടുതൽ അളവിൽ ചെടികൾ വാങ്ങുക. കൃഷിരീതിയെക്കുറിച്ച് അവർ നൽകുന്ന നിർദ്ദേശങ്ങളും സ്വീകരിക്കുക. അത്തരക്കാർ ഏക്കർ കണക്കിന് വസ്തുവിലാവും കൃഷി ചെയ്ത് വിത്തുൽപ്പാദിപ്പിച്ച് വിൽപ്പന നടത്തുന്നത്. അവരിൽ നിന്നും തന്നെ വളവും വിത്തും കുറഞ്ഞ നിരക്കിൽ വാങ്ങാം.
ഇത്തരത്തിൽ ചുവടുവച്ച് നീങ്ങിയാൽ നഴ്സറിക്കാവശ്യമായ തൈകളും വിത്തുകളും, ചട്ടികളും മണ്ണും വളവും തുടങ്ങി ചെടി നനയ്ക്കുന്നതിനു വരെ വലിയ ചെലവ് വരില്ല.
സാധാരണ ഗതിയിൽ കുറഞ്ഞത് 10-12,000 രൂപ വരെ ഇതിനായി നിക്ഷേപിക്കേണ്ടി വരികയുള്ളൂ. എന്നാൽ പുതിയ പരീക്ഷണങ്ങൾ നടത്താൻ താൽപര്യമുള്ളവർ കയ്യിൽ ഉള്ള നീക്കിയിരിപ്പ് ഇതിനായി ഉപയോഗപ്പെടുത്താം. അതിനായി ബാങ്ക് ലോണും സ്വീകരിക്കാം. ചെറുകിട വ്യവസായത്തിന് കുറഞ്ഞ പലിശയിൽ മിക്ക ബാങ്കുകാരും ലോണും നൽകുന്നുണ്ട്.
സാധന സാമഗ്രികൾ ശേഖരിച്ച ശേഷം സ്വന്തം പദ്ധതി നഴ്സറിയിൽ നടപ്പിലാക്കുകയെന്നത് അടുത്ത ചുവടുവയ്പാണ്. അനുയോജ്യമായ ഉപഭോക്താക്കളെ കണ്ടെത്തുകയെന്നുള്ളതും അതനുസരിച്ചുള്ള രീതികൾ അവലംബിക്കുകയെന്നുള്ളതും ലാഭകരമായിരിക്കും. നന്നായി അറിഞ്ഞ ശേഷം വിത്തുകൾ പാകുക, ചെടികൾ തെരഞ്ഞെടുക്കുക, കുറഞ്ഞ വെള്ളം കൊണ്ട് വളരെയധികം ഉണ്ടാകുന്ന ചെടികൾ എന്നിവ വളരെവേഗം വിറ്റഴിക്കപ്പെടും.
ഈ രീതി കൂടുതൽ ലാഭമുണ്ടാക്കാൻ സഹായിക്കും. വിവാഹം, ജന്മദിനം, വിരമിക്കൽ, ആദരിക്കൽ ചടങ്ങ്, രാഷ്ട്രീയ മീറ്റിംഗുകൾ എന്നിവയ്ക്കായി നഴ്സറികളിൽ നിന്നും ലക്ഷക്കണക്കിന് ചെടികൾ വാങ്ങാറുണ്ടെന്നാണ് കഴിഞ്ഞ 5 വർഷത്തെ കണക്കുകൾ പറയുന്നത്.
വിത്തുകളുടെ തെരഞ്ഞെടുപ്പ്
നഴ്സറിയിലൂടെ ഏത് തരത്തിൽ വരുമാനമാണ് ഉണ്ടാക്കേണ്ടതെന്ന കാര്യത്തിൽ ആദ്യം തീരുമാനമെടുക്കണം. ഉദാ: ചെടികൾ, വിൽക്കാൻ ആഗ്രഹിക്കുന്നുവെങ്കിൽ അല്ലെങ്കിൽ വിത്തുകൾ, പുല്ല്, പച്ചക്കറി തൈകൾ അതുമല്ലെങ്കിൽ വിദേശയിനങ്ങൾ എന്നിങ്ങനെ.
സ്വന്തം നഴ്സറിയിൽ നാരങ്ങയുടെ ഇനങ്ങൾ, മാമ്പഴം, പേരയ്ക്ക, മാതളം, ലെമൺ ഗ്രാസ്, തുളസി, ചുരയ്ക്ക, കുമ്പളങ്ങ, ബീറ്റ്റൂട്ട്, മുളക്, തക്കാളി, കറിവേപ്പില, പാലക്, ചെണ്ട് മല്ലി, സീനിയ, ക്രോട്ടൺ എന്നിവയുടെ വിത്തുകൾ പാകി വളർത്താം. ഇതിനിടയിൽ ഉയരത്തിൽ വളരുന്ന വിദേശയിനങ്ങളും നന്നായി വളർത്തിയെടുക്കാം. അഥവാ വിത്തു പാകി ചെറിയ തൈകൾ ഉൽപ്പാദിപ്പിച്ച് വിൽക്കാനാണ് ആഗ്രഹിക്കുന്നതെങ്കിൽ മികച്ചയിനം വിത്തുകൾ വിശ്വസനീയമായ കേന്ദ്രങ്ങളിൽ നിന്നും ലഭ്യമാക്കാം.
ചെടികൾ വിറ്റ് പണമുണ്ടാക്കാൻ ആഗ്രഹിക്കുന്നുവെങ്കിൽ ഏതെങ്കിലും വൻകിട കൃഷിക്കാരനിൽ നിന്നും കരാറടിസ്‌ഥാനത്തിൽ അവിടെ നിന്നും മാസത്തിൽ ചെടികൾ ലഭ്യമാക്കി മടുപ്പാവിൽ വികസിപ്പിച്ചെടുത്ത് വിൽക്കാം.
നഴ്സറി സൃഷ്ടിച്ച് കഴിഞ്ഞാൽ ചെടിയ്ക്കായി മണ്ണ് ലഭ്യമാക്കുകയെന്നതും വളരെ പ്രധാനപ്പെട്ട കാര്യമാണ്. പൂച്ചട്ടികൾ ഒരുക്കാൻ മണ്ണ് വളരെ അനായാസം ലഭ്യമാക്കാം. വസ്തു വാങ്ങുന്ന പോലെ അത്ര ചെലവേറിയ കാര്യമല്ല ഇത്. പൂച്ചട്ടികളും ഗ്രോബാഗുകളും വലിയ വലിപ്പമുള്ളതായിരിക്കുകയെന്നത് ഉറപ്പ് വരുത്തണം. ബിസിനസ്സ് നന്നായി പോകുന്നതിന് ചെടികൾക്ക് സംരക്ഷണമൊരുക്കണം. ഉയർന്ന ഗുണനിലവാരമുള്ള വിത്തുകൾക്ക് ചാണകവളം അല്ലെങ്കിൽ ജൈവവളം ആവശ്യമാണ്. ചിലപ്പോൾ കീടങ്ങളടെ ശല്യം കാരണം പൂച്ചട്ടികളിലെ മണ്ണും മറ്റും മാറ്റേണ്ടതായി വരും. അതത്ര കഠിനമായ ജോലിയല്ല. 4-5 മിനിറ്റിനുള്ളിൽ ചെയ്ത് തീർക്കാവുന്ന ജോലിയാണ്.
വിപണന സാധ്യത
നഴ്സറി ബിസിനസിൽ ഏറ്റവും ഒടുവിലത്തെയും പ്രധാനപ്പെട്ടതുമായ കാര്യമാണ് വിപണന സാധ്യത കണ്ടെത്തുകയെന്നത്. അതുകൊണ്ട് ചുറ്റുപാടുകളിൽ വിപണ സാധ്യത അന്വേഷിക്കുകയെന്നതാണ് ഏറ്റവുമാദ്യം ചെയ്യേണ്ടത്. വ്യത്യസ്ത ഇടങ്ങളിലായി ചെടികളും വിത്തുകളും വിൽക്കപ്പെടുക തന്നെ ചെയ്യും. ചില സ്‌ഥാപനങ്ങൾ ഇത്തരം നഴ്സറികളിൽ നിന്നും നിരന്തരം ചെടികളും മറ്റും വാങ്ങാറുമുണ്ട്.
എല്ലാവർഷവും ജൂൺ മുതൽ ആഗസ്റ്റ് വരെ പല സ്‌ഥാപനങ്ങളും മരങ്ങളും മറ്റും നട്ടുപിടിപ്പിക്കാറുണ്ട്. അതുപോലെ ചില സർക്കാർ സ്‌ഥാപനങ്ങളും സ്ക്കൂളുകളും ഇക്കാര്യത്തിൽ മുൻകൈ എടുക്കാറുണ്ട്.
ഇത്തരം സ്‌ഥാപനങ്ങളെ സമീപിച്ച് വിപണ സാധ്യത കണ്ടെത്താവുന്നതേയുള്ളൂ.
ഇതുപോലെ ആയിരക്കണക്കിന് സ്‌ഥാപനങ്ങളും സ്വകാര്യ വ്യക്‌തികളെയും കണ്ടെത്തി വിപണി സാധ്യത വികസിപ്പിക്കാം. കൂടാതെ സോഷ്യൽ മീഡിയകൾ വിപണന സാധ്യത കണ്ടെത്തുന്നതിന് മികച്ചൊരു ഉപാധിയാണ്. ഏറ്റവും ലളിതമായും വേഗത്തിലും ഇതിലൂടെ ചെടികളുടെ വിപണി മികച്ച രീതിയിൽ കണ്ടെത്താം.
