മുഖക്കുരു ശല്യം ഒഴിവാക്കാം

പെൺകുട്ടികളുടെ ഉറക്കം കെടുത്തുന്ന ഒരു പ്രശ്നമാണ് മുഖക്കുരു. പൊതുവേ മുഖ സൗന്ദര്യത്തിന് വിലങ്ങുതടിയാകുന്ന ഒരു പ്രശ്നമാണ് മുഖക്കുരു. വിയർപ്പാണ് മുഖക്കുരു ഉണ്ടാവാനുള്ള കാരണം.

• മുഖം വിയർക്കുമ്പോൾ പൊതുവേ ചർമ്മത്തിൽ ഒട്ടൽ അനുഭവപ്പെടാം. അതോടെ പൊടി പടലങ്ങളും ചർമ്മത്തിൽ ഒട്ടിപിടിക്കും. അതോടെ രോമ സുഷിരങ്ങൾ അടഞ്ഞു പോവുകയും വിയർപ്പ് കുരുക്കൾ പ്രത്യക്ഷപ്പെടുകയും ചെയ്യുന്നു. ഇതിന് പുറമെ ഭൂരിഭാഗം പേരുടെയും ചർമ്മം കൂടുതൽ സംവേദന ക്ഷമവുമായിരിക്കും. വിയർപ്പും അഴുക്കുകളും അടിഞ്ഞ് ചൊറിച്ചിലും തടിച്ച പാടുകൾ പോലെയുള്ള പ്രശ്നങ്ങളും പ്രത്യക്ഷപ്പെടുന്നു.
• ഓയിലി സ്കാൽപ്പും മുഖക്കുരുവിനുള്ള ഒരു വലിയ കാരണമാണ്. ഇത് മുഖക്കുരു എളുപ്പത്തിൽ ഉണ്ടാകാനിട വരുത്തും.
• വിയർപ്പ് മൂലം മുഖത്തിന് ഓയിലി ലുക്ക് കിട്ടാതിരിക്കാൻ സ്ത്രീകൾ മുഖത്ത് പൗഡർ ഇടാറുണ്ട്. ഇങ്ങനെ ഒരിക്കലും ചെയ്യരുത്. കാരണം പൗഡറിന്‍റെ അമിത പ്രയോഗം രോമസുഷിരങ്ങളെ ബ്ലോക്ക് ചെയ്ത് മുഖക്കുരു പ്രശ്നമുണ്ടാക്കും.

പരിഹാരമാർഗ്ഗം

• അമിത തണുപ്പും ചൂടും ഉള്ള കാലാവസ്‌ഥയിൽ വളരെ ലൈറ്റ് മേക്കപ്പ് ചെയ്യുക. കിടക്കുന്നതിന് മുമ്പായി മുഖം വൃത്തിയാക്കുക.
• ഓയിൽ മേക്കപ്പ് പ്രൊഡക്റ്റ് പ്രയോഗിക്കരുത്.
• ക്ലേ മാസ്ക്ക് പ്രയോഗിക്കുക. മുഖത്ത് വിയർപ്പ് ഉണ്ടാകുന്നത് കുറയും.
• രണ്ട് തുള്ളി ലെമൺ ജ്യൂസ് വെള്ളത്തിൽ ചേർത്ത് ദിവസവും മുഖത്ത് പുരട്ടുക. 10 മിനിറ്റിനു ശേഷം മുഖം കഴുകുക. വിയർപ്പ് മൂലം മുഖത്ത് അടിഞ്ഞു കൂടുന്ന അമിതമായ എണ്ണ നീങ്ങി കിട്ടും. അഥവാ മുഖക്കുരു ഉണ്ടെങ്കിൽ അത് ക്രമേണ മാറിക്കോളും.
• കടുക് പൊടിച്ചതിൽ തേൻ ചേർത്ത് മുഖത്ത് പുരട്ടി 15 മിനിറ്റിനു ശേഷം തണുത്ത വെള്ളത്തിൽ കഴുകുക. ഇതും വിയർപ്പ് പ്രശ്നത്തെയകറ്റും. മുഖക്കുരു പ്രശ്നത്തിന് ആശ്വാസവും കിട്ടും.
• കോട്ടൺ തുണിയിൽ ഐസ് ക്യൂബ് വച്ച് പൊതിഞ്ഞ ശേഷമ മുഖത്ത് 1-2 മിനിറ്റ് നേരം ഉരസുക. മുഖക്കുരു, അമിത എണ്ണമയം മാറിക്കിട്ടും.
• ഐസ് സ്പേഞ്ച് ചെയ്യുമ്പോൾ കണ്ണിന് സമീപത്ത് പ്രയോഗിക്കരുത്. ഐസ് സ്പേഞ്ച് 2 മിനിറ്റിലധികം അധികരിക്കരുത്. മറ്റൊരു പ്രധാന കാര്യം കൂടി ശ്രദ്ധിക്കണം. ഐസ് ക്യൂബ് ഒരിക്കലും ചർമ്മത്തിൽ നേരിട്ട് പ്രയോഗിക്കരുത്. അത് ഗുണത്തെക്കാളേറെ ദോഷമേ ചെയ്യൂ.