അതിവേഗം മാറികൊണ്ടിരിക്കുന്ന ജീവിതശൈലി മുതിർന്നവരെ മാത്രമേ ബാധിക്കാറുള്ളോ? സമയക്കുറവ് മുതിർന്നവരെ മാത്രമേ അലട്ടാറുള്ളോ? മൾട്ടി ടാസ്ക്കിംഗ് മുതിർന്നവർക്ക് മാത്രമേ തലവേദനയാകാറുളോ? ഇത്തരം കാര്യങ്ങൾ കുഞ്ഞുങ്ങളെയും ബാധിക്കാറുണ്ട്. അവർ പലപ്പോഴും അസ്വസ്ഥരാകുന്നത് മാതാപിതാക്കളെ അനുസരിക്കാതെയിരിക്കുന്നതും ഇങ്ങനെയുള്ള പ്രശ്നങ്ങളിലൂടെ കടന്നു പോകുന്നതു കൊണ്ടാണ്. മുതിർന്നവർ പറയുന്നതൊന്നും അവർ അനുസരിക്കാതെയും വരും. കുഞ്ഞുങ്ങൾ ചെറിയ കാര്യങ്ങൾപ്പോലും മനസ്സിലാക്കില്ലേ.
6 മുതൽ 12 വയസ്സുവരെയുള്ള പ്രായം ഏറെ മാറ്റങ്ങൾ ഉണ്ടാകുന്ന സമയമാണ്. ശാരീരിക മാറ്റങ്ങൾക്കൊപ്പം കുട്ടികളുടെ സ്വഭാവത്തിലും പ്രകടമായ പല മാറ്റങ്ങളും ഉണ്ടാകും. എന്നാൽ കുഞ്ഞുങ്ങൾ കുറച്ചു കൂടി വളരുന്നതിനനുസരിച്ച് പല നിർണ്ണായകമായ കാര്യങ്ങളും മാതാപിതാക്കൾ കുട്ടികളുമായി സംസാരിക്കേണ്ടത് ആവശ്യമാണ്.
ഈ സാഹചര്യത്തിൽ വിദഗ്ദ്ധരുടെ അഭിപ്രായം വളരെ പ്രധാനമാണ്. പ്രത്യേകിച്ചും ഉദ്യോഗസ്‌ഥരായ മാതാപിതാക്കൾക്ക് കുട്ടികളെ കാര്യങ്ങൾ പറഞ്ഞ് മനസ്സിലാക്കാം എന്നാൽ പലർക്കും അവരെ എങ്ങനെ ഡീൽ ചെയ്യാമെന്നത് വെല്ലുവിളി നിറഞ്ഞ ജോലിയാണ്.
പഠനം രസകരമാക്കാം
• കുഞ്ഞുങ്ങൾക്കൊപ്പം അവരുടെ ഫൺ ആക്ടിവിറ്റീസിൽ പങ്കാളികളാകാം.
• കുട്ടികൾക്ക് ചിത്രരചനയും മറ്റും ഇഷ്‌ടമുള്ള കാര്യമാണ്. ഇക്കാര്യത്തിൽ മാതാപിതാക്കൾക്ക് അവരുടെ നല്ല സുഹൃത്തുക്കളാകാം.
• ഏതെല്ലാം രണ്ട് നിറങ്ങൾ ചേർന്നാണ് പുതിയൊരു നിറമുണ്ടാവുന്നതെന്ന കാര്യം അവരോട് പറയാം.
• കുഞ്ഞുങ്ങളോട് സ്വന്തം കുട്ടിക്കാലത്തെ കാര്യങ്ങൾ പങ്കുവയ്ക്കുക. പക്ഷേ എല്ലാ കാര്യത്തിലും മാതാപിതാക്കൾ കേമന്മാരായിരുന്നുവെന്ന കാര്യം അവരോട് പറയരുത്. മറിച്ച് ഓരോ കാര്യങ്ങൾ നേടിയെടുക്കാൻ കുറെ കഷ്ടപ്പെടേണ്ടി വന്നിട്ടുണ്ടെന്ന് പറയാം.
• കുട്ടികൾക്കൊപ്പം സമയം ചെലവഴിക്കാം. അവർക്കൊപ്പമിരുന്ന് ടിവി കാണുക. അവരുടെ ഇഷ്‌ടാനിഷ്ടങ്ങളെക്കുറിച്ച് ചോദിച്ച് മനസ്സിലാക്കുക.
• സ്വന്തം രുചിയെക്കുറിച്ച്, അനുഭവങ്ങളെക്കുറിച്ച് ഷെയർ ചെയ്യാം. ഉദാ: പുറത്ത് ചൂടിൽ നിന്നും വന്നയുടനെ ഫ്രിഡ്‌ജിലെ തണുത്ത വെള്ളം കുടിച്ച് തൊണ്ട വേദനയുണ്ടാക്കുമെന്ന് കുട്ടിയോട് പറയാം. മാത്രവുമല്ല അത് പാലിച്ച് കാണിക്കുകയും വേണം.
• അവധി ദിനങ്ങളിൽ കുട്ടികളോട് അവരുടെ സ്കൂൾ ബാഗിനെപ്പറ്റിയുള്ള വിശേഷങ്ങൾ ആരായാം. അവരുടെ നല്ല സുഹൃത്താവുക.
• സ്വന്തം രുചികൾ അവരെ അടിച്ചേൽപ്പിക്കരുത്. മറിച്ച് അവർക്കിഷ്ടമുള്ള വസ്തുക്കൾക്കൊപ്പം സ്വന്തം രുചിയെക്കുറിച്ച് പറയാം.
• വികൃതിത്തരം കാട്ടിയാൽ ഏതെല്ലാം ഗുണദോഷങ്ങളാണ് ഉണ്ടാവുകയെന്ന് അവരോട് തമാശരൂപേണ പറയാം. ഉദാ: എല്ലാ മനുഷ്യരും മരം കയറാൻ പഠിക്കണം. പക്ഷ മരത്തിൽ നിന്നും വീണാൽ നല്ല പരിക്കു പറ്റും. അതുകൊണ്ട് മുതിർന്നവരുടെ സാന്നിധ്യത്തിൽ മാത്രമേ അങ്ങനെ ചെയ്യാൻ പാടുള്ളൂവെന്ന് അവരോട് പറയാം. ഏതെങ്കിലും അപരിചിതരോട് സംസാരിക്കരുത്. ഇക്കാര്യം ഏതെങ്കിലും ആക്റ്റിവിറ്റിയിലൂടെ അവർക്ക് കാട്ടി കൊടുത്ത് മനസ്സിലാക്കിക്കാം. സാധ്യമെങ്കിൽ അവരുടെ കൂട്ടുകാർക്ക് മുന്നിൽ വച്ച് ഇക്കാര്യം പറയുന്നതാവും നല്ലത്.
• അവധി ദിവസങ്ങളിൽ രാവിലെ തന്നെ എഴുന്നേറ്റ് പാർക്കിൽ പോകാം, ജോഗിംഗ് ചെയ്യാം. എന്നൊക്കെയുള്ള കാര്യങ്ങൾ നിർദ്ദേശിക്കുന്നതിന് പകരം അവധിദിനങ്ങളിൽ മുതിർന്നവർ തന്നെ രാവിലെ എഴുന്നേറ്റ് കുട്ടികൾക്കൊപ്പം പാർക്കിൽ പോകാൻ ശ്രമിക്കണം. ഗുഡ് ടച്ചിംഗ് ബാഡ് ടച്ചിംഗ് സ്നേഹപൂർവ്വം മനസ്സിലാക്കിക്കാം.
• കുട്ടികൾ വളരെ ജിജ്ഞാസയുള്ളവരാണ് പ്രത്യേകിച്ചും വളരുന്ന പ്രായത്തിൽ. സ്വന്തം ശരീരവും മാതാപിതാക്കളുടെ ശരീരവും തമ്മിലുള്ള വ്യത്യാസം തിരിച്ചറിയുമ്പോൾ.
• ആൺകുട്ടിയുടെയും പെൺകുട്ടിയുടെയും ശരീരങ്ങൾ തമ്മിൽ വളരെ വലിയ വ്യത്യാസമുണ്ടെന്നും അവർ വേഗത്തിൽ തിരിച്ചറിയുന്നു
• കുട്ടികൾ സ്വന്തം ശരീരത്തിലെ സ്വകാര്യ ഭാഗങ്ങളെക്കുറിച്ച് ചോദിക്കുകയാണെങ്കിൽ അവരുടെ സ്വകാര്യഭാഗങ്ങൾ തമ്മിലുള്ള അന്തരം മൂലമാണ് ഈ വ്യത്യാസമെന്ന് അവരോട് പറഞ്ഞ് മനസ്സിലാക്കാം.
• കുട്ടികളോട് സ്വകാര്യം ഭാഗങ്ങളുടെ ശാസ്ത്രീയ നാമം പറയാൻ മടിക്കേണ്ടതില്ല. മാതാപിതാക്കൾ ഇക്കാര്യം പറഞ്ഞില്ലെങ്കിൽ പുറത്ത് നിന്നും മറ്റെന്തെങ്കിലും മനസ്സിലാക്കിയാവും അവർ വരിക. അതേക്കുറിച്ച് അവരോട് പറയുകയോ അല്ലെങ്കിൽ പുസ്തകങ്ങൾ കൊടുത്ത് കുട്ടിക്ക് ഇതേപ്പറ്റി അറിവ് നൽകാം.
• 2-3 വയസ്സായ കുട്ടികളോട് ഗുഡ് ടച്ച്, ബാഡ് ടച്ചിനെപ്പറ്റി പറഞ്ഞ് കൊടുക്കുന്നത് നല്ലതായിരിക്കും.
• അപരിചിതരായ ആരും ശരീരഭാഗങ്ങളിൽ സ്പർശിക്കാൻ പാടില്ലെന്ന കാര്യം കുട്ടിയെ പറഞ്ഞ് മനസ്സിലാക്കാം. ആരെങ്കിലും സ്പർശിക്കാൻ ശ്രമിച്ചാൽ എന്താണ് ചെയ്യേണ്ടതെന്ന കാര്യം അവർക്ക് പറഞ്ഞു കൊടുക്കുക.
– ഡോ. സന്ദീപ് ഗോവിൽ, മനോരോഗ വിദഗ്ധൻ
