ഡ്രസ്സിലെ ഫാഷൻ പോലെ ജ്വല്ലറി ട്രെൻഡും മാറിമറിഞ്ഞു കൊണ്ടിരിക്കും. എന്നാൽ ചില ജ്വല്ലറികളുടെ ഫാഷനാകട്ടെ അതേപ്പടി നിലനിൽക്കും. അത്തരം ഫാഷനോടുള്ള ക്രേസിലും മാറ്റമുണ്ടാകില്ല. ഇതിൽ ജിമിക്കി തൊട്ട് പുതിയ ഡിസൈനിലുള്ള ചോകർ, നെക്ക്‍ലേസ്, വെറൈറ്റി, കൈത്തള തുടങ്ങിയവയൊക്കെയും സ്ത്രീകളുടെ ഹോട്ട് ക്രേസാണ്. ഈ പുതുവർഷത്തിൽ ട്രെൻഡിയാകാൻ ചില ന്യൂട്രെൻഡ് ഡിസൈനുകൾ.
ഓക്സിഡൈസ് ജ്വല്ലറി
ഇന്ന് ഭൂരിഭാഗം സ്ത്രീകളും ഓക്സിഡൈസ് ജ്വല്ലറിയാണ് ധരിക്കുക. എന്നാൽ ഇത്തരം ആഭരണങ്ങളുടെ പുത്തൻ ഫാഷൻ ട്രെൻഡുകളാണ് ഇവിടെ പരിചയപ്പെടുത്തുന്നത്. ഉദാ: ഓക്സിഡൈസ് ജ്വല്ലറിയിൽ തയ്യാറാക്കിയ പതക്കങ്ങളും പെൻഡന്‍റുകളും കമ്പിളി നൂലുകളിൽ കോർത്ത് അണിയുന്നത് ന്യൂഫാഷൻ ട്രെൻഡാണ്. ഇതിന് പുറമെ ഓക്സിസൈഡ് സിൽവറിൽ തയ്യാറാക്കിയ കൈത്തളകളും, ആനപ്പല്ലിൽ തീർത്ത കൈത്തളകളും മുത്തുകൾ ചേർത്തുള്ള ജ്വല്ലറികൾക്കൊപ്പം അണിയാം. ഇത് രാജസ്‌ഥാനി ലുക്ക് നൽകും. ഇതിന് പുറമെ ഓക്സിഡൈസ് ജ്വല്ലറിയിൽ എയർ കഫ് സ്റ്റൈലും ഇപ്പോൾ ഹോട്ട് ട്രെൻഡാണ്. ഇത് നിങ്ങളുടെ സൗന്ദര്യത്തെ ഒന്നുകൂടി വർദ്ധിപ്പിക്കും.
കൈത്തള
ലുക്കിനെ ഒന്നുകൂടി സ്റ്റൈലനാക്കാൻ കൈകളിൽ കൈത്തള അണിയുന്നത് പ്രധാനമാണ്. അൽപം ഫ്രീക്കിയായ ഫാഷൻ ഭ്രമക്കാരുടെ ഫാഷൻ ആക്സസറിയാണ് കൈത്തള. മറ്റുള്ളവരിൽ നിന്നും ടോട്ടലി ഡിഫറന്‍റാക്കാൻ ഇത്തരം കൈത്തള ഒന്ന് മാത്രം മതി. കൈത്തളയിൽ വൂളനും (കമ്പിളി നൂല്) മുത്തുകൾ കോർത്തുള്ളവയുമാണ് ലേറ്റസ്റ്റ് ട്രെൻഡ്. ഇതിന് പുറമെ ട്രൈബൽ ഡിസൈനിനൊപ്പം ഓക്സിഡൈസ് കൈത്തളകൾ കൈകൾക്ക് അഴക് പകരുന്നു. ഗോൾഡിനൊപ്പം സിൽവറും ചേർത്തുള്ള കോംബിനേഷൻ കൈത്തളകളും ഫാഷനാണ്. സ്വന്തമിഷ്ടമനുസരിച്ച് ഡിസൈൻ ചെയ്‌തെടുക്കാം.
കണ്ഠാഭരണം
പാരമ്പര്യത്തനിമയാർന്ന ആഭരണമാണ് കണ്ഠാഭരണം. എന്നാൽ ഇതിൽ ചില പുതുമകൾ വരുത്തിയുള്ള ഡിസൈനുകളുമുണ്ട്. എത്നിക് സ്റ്റൈലിനൊപ്പം മോഡേൺ ലുക്ക് പകരുന്നവയാണവ. മെറ്റലു കൊണ്ടുള്ള മുത്തുകൾ കമ്പിളി നൂലിൽ കോർത്ത് പെൻഡന്‍റ് ചേർത്തുള്ളതാണ് ലേറ്റസ്റ്റ് ഫാഷൻ.
വൂളൻ ജ്വല്ലറി
വൂളൻ ജ്വല്ലറിയും ഇപ്പോൾ ലേറ്റസ്റ്റ് ട്രെൻഡിയായി കൊണ്ടിരിക്കുകയാണ്. ഹാൻഡ്മെയ്ഡ് ജ്വല്ലറിയാണിത്. ഇതിൽ ഡിസൈനർ പാച്ചിലാണ് മുത്തുകൾ കോർക്കുക. ഇതിനൊപ്പം കമ്പിളി നൂലുകൊണ്ടുള്ള കുഞ്ഞ് തൂക്കുകളും തയ്യാറാക്കും. കാഴ്ചയിൽ ഒരു ന്യൂലുക്ക് ഡിസൈനർ മാല.
വെസ്റ്റ് ബെൽറ്റ്
നിങ്ങളുടെ സൗന്ദര്യത്തെ ഇരട്ടിയാക്കുന്ന ജ്വല്ലറി പീസാണ് വെസ്റ്റ് ബെൽറ്റ്. വെറൈറ്റിയിലുള്ള വെസ്റ്റ് വെൽറ്റ് ലഭ്യമാണ്. ഇതിൽ ഓക്സിഡൈസ് സിൽവറിനൊപ്പം വൂളൻ ബെൽറ്റ്, മിറർവർക്ക് ബെൽറ്റ് എന്നിവയുമുണ്ട്. ഡ്രസ്സിന്‍റെ ലുക്കിനെ ഇത് ഒന്നു കൂടി ക്യൂട്ടാക്കും.
ഡാംഗ്ളേഴ്സ് ആന്‍റ് ഡ്രോപ്സ്
ഡാംഗ്ളേഴ്സ് ആന്‍റ് ഡ്രോപ്സ് ഫാഷനിനെ ഏറ്റവും ഹിറ്റാക്കിയ ചിത്രമാണ് ദീപികാ പദുക്കോണിന്‍റെ രാംലീല. അതിപ്പോൾ ട്രെൻഡായി തുടരുകയാണ്. ഈ ഫാഷനിൽ അർദ്ധ ചന്ദ്രാകൃതിയിലുള്ള ജിമിക്കിയും ഹിറ്റായിരിക്കുകയാണ്. കാതിനൊപ്പം മുഖത്തിനും അഴക് പകരുന്ന സ്റ്റൈലൻ ഫാഷനാണിത്
