വീഗൻ എന്നാൽ ഒരു പുതിയ വിപ്ലവമാണ്. പക്ഷേ ഇന്ത്യക്കാർക്കിത് പുത്തരിയൊന്നുമല്ല. വിദേശ രാജ്യങ്ങളിൽ ഇപ്പോഴിത് ജനപ്രിയമായിരിക്കുകയാണ്. വീഗൻ (വെജിറ്റേറിയൻ) എന്നാൽ മൃഗങ്ങളിൽ നിന്നെടുക്കുന്ന ഭക്ഷ്യവസ്തുക്കളോയോ മാംസമോ പാലോ തൈരോ തേനോ മൃഗത്തൊലിയോ ഭക്ഷ്യവസ്തുവായി കരുതുകയില്ലെന്നാണ് അർത്ഥമാകുന്നത്. എന്തിനേറെ കോസ്മെറ്റിക്സ് വാങ്ങുമ്പോഴും അവർ ഇക്കാര്യത്തിൽ ജാഗ്രത പുലർത്താറുണ്ട്. മൃഗങ്ങളുടെ അംശം അടങ്ങിയിട്ടുണ്ടോയെന്ന് ശ്രദ്ധിക്കും.
സ്വീഡനിലെ അംബാസിഡർ രസകരമായ ഒരു കാര്യം അടുത്തിടെ എന്നോട് പറയുകയുണ്ടായി. അവിടെ 60 വയസ്സിന് മുകളിലുള്ളവരെ വിരുന്നിന് ക്ഷണിച്ചാൽ അവരിൽ ഭൂരിഭാഗംപ്പേരും മാംസാഹാരികളാവും. എന്നാൽ 40 വയസ്സിന് താഴെയുള്ളവർക്കാകട്ടെ പൂർണ്ണമായും വീഗൻ വിഭവങ്ങൾ മതിയത്രേ!
എന്‍റെ മന്ത്രാലയം നാഷണൽ ഓർഗാനിക് മേള സംഘടിപ്പിച്ചിരുന്നു. അതിൽ 450 സ്റ്റാളുകൾ ഉണ്ടായിരുന്നു. ആയിരക്കണക്കിന് ആളുകളാണ് മേളയിൽ പങ്കെടുത്തത്. രുചികരമായ വിഭവങ്ങളായിരുന്നു മിക്ക സ്റ്റോളുകളിലും. അതിലൊരു വ്യക്തി ഓൺലൈൻ വീഗൻ ഷോപ്പിംഗ് മാൾ തുറന്നിരുന്നു. ഏകദേശം 800 ഐറ്റം ആ സ്റ്റോളിൽ വിൽക്കുന്നുണ്ടായിരുന്നു. അതിൽ പണം ഇൻവെസ്റ്റ് ചെയ്യാൻ ധാരാളം പേരുണ്ടായിരുന്നുവെങ്കിലും അതിന്‍റെ പ്രചാരണത്തിന് ആരേയും കിട്ടിയില്ല. നാഗ്പൂരിലെ 2 യുവാക്കൾ ബദാം മിൽക്ക് തയ്യാറാക്കുന്നു. ഇപ്പോഴത് വിറ്റഴിക്കാനുള്ള മാർഗ്ഗങ്ങൾ അന്വേഷിക്കുകയാണ് അവര്‍.
വ്യാപിക്കുന്ന വ്യവസായം
ലോകമെമ്പാടും വീഗൻ വ്യവസായം തഴച്ചു വളരുകയാണ്. അതിന് ഡിമാന്‍റ് ഏറെയുണ്ടെങ്കിലും സപ്ലൈ കുറവാണ്. എങ്ങനെയുള്ള ബിസിനസ് ചെയ്യണമെന്നറിയാത്ത അവസ്‌ഥയിലാണ് യുവാക്കൾ. മൈക്കിൾ മോഫി എന്നറിയപ്പെടുന്ന ഉത്സാഹിയായ ഒരു വീഗൻ മിനിമലിസ്റ്റ് സൈറ്റ് നടത്തുകയാണ്. ലാഭകരമായി ബിസിനസ് നടത്തുന്നതിനെപ്പറ്റി അദ്ദേഹം നിർദ്ദേശങ്ങൾ നൽകുന്നുമുണ്ട്.
വീഗൻ സംരഭകരേ ഇതിലേ ഇതിലേ
- വീഗൻ റെസ്റ്റോറന്‍റ് അഥവാ കഫേ
- വീഗൻ പിസ്സാ ഡെലിവറി സപ്ലൈ
- ഫുഡ് ട്രിക്ക്, വീഗൻ ബർഗർ, സമോസാ എന്നിവയാണതിൽ.
- വീഗൻ ബേക്കറി: പാൽ, മുട്ട എന്നിവയുടെ ഭക്ഷ്യവസ്‌തുക്കൾ ഉൾപ്പെടുത്താതെയുള്ള ബേക്കറി.
- വീഗൻ ബിസിനസിനായി പ്രത്യേക കോപ്പിറൈറ്റിംഗ് ഇൻസ്റ്റലേഷൻ വർക്ക്.
- വീഗൻ പ്ലേ ഹൗസ്: മാതാപിതാക്കൾക്ക് കുഞ്ഞുങ്ങളുടെ ഡെ കെയറിംഗിനായി ഇത് ഉപയോഗപ്പെടുത്താം.
- വീഗൻ ലേഡീസ് ഇവന്‍റ് മാനേജർ.
- വീഗൻ ഭക്ഷ്യവിഭവങ്ങൾ പരിചയപ്പെടുത്തുന്ന കുക്കിംഗ് എക്സ്പെർട്ട്.
- വീഗൻ പ്രേമികളെ പരസ്പരം ബന്ധിപ്പിക്കുന്ന ഡേറ്റിംഗ് ആപ്പ്
- വീഗൻ ഷൂ ഷോപ്പ്. മൃഗങ്ങളുടെ തൊലി കൊണ്ടുള്ളതല്ല. കാൻവാസ്, ജ്യൂട്ട്, സിന്തറ്റിക് മെറ്റിരിയൽ എന്നിവ കൊണ്ട് നിർമ്മിച്ചത്.
- വീഗൻ കോസ്മെറ്റിക് ഉൽപന്നം മറ്റ് ഉൽപ്പന്നങ്ങളിൽ നിന്നും വിഭിന്നം. അതിനാൽ എക്സ്ട്രാക്റ്റ് ചേർക്കാത്തത്.
- വീഗൻ പെറ്റ് ഫുഡ്.
- വീഗൻ ഉൽപ്പന്നങ്ങൾ ഉള്ള ഗ്രോസറി ഷോപ്പ്.
വീഗൻ പ്രസ്ഥാനത്തിലൂടെ രക്ഷിക്കാം ലോകത്തെ
മൃഗങ്ങൾ നമ്മുടെ സുഹൃത്തുക്കളാണ് നാം അവർക്കൊപ്പം ജീവിക്കാൻ ശീലിക്കുകയാണ് വേണ്ടത്. അല്ലാതെ അവരെ ഉപയോഗിക്കുകയല്ല വീഗൻ മൂവ്മെന്‍റ് ലോകത്തെ സമ്പത്തുകൾ സംരക്ഷിക്കുന്ന ഉത്തരവാദിത്തമാണ് നിർവഹിക്കുന്നത് കാരണം അനിമൽ പ്രൊഡക്റ്റുകൾ ലോക ജനതയ്ക്ക് കനത്ത അപകടമാണ് വരുത്തി വയ്ക്കുക. നാടിന്‍റെ തനതു വസ്തുക്കൾ ഉപയോഗിക്കുകയെന്നതും ഈ പ്രസ്ഥാനത്തിന്‍റെ ലക്ഷ്യമാണ്. അതായത് നമ്മുടെ സമീപ സ്ഥലങ്ങളിൽ വളർത്തിയെടുക്കുന്ന വിഭവങ്ങൾ അങ്ങനെയായാൽ വസ്തുക്കൾ ദൂര സ്ഥലങ്ങളിൽ നിന്നും കൊണ്ടു വരാനും കൊണ്ടു പോകാനുമുള്ള ഇന്ധനം ലാഭിക്കാം. അതിനായി വൻഗതാഗത പദ്ധതികൾ ആവശ്യമായി വരികയില്ല. പുക തുപ്പുന്ന വാഹനങ്ങളും ട്രിക്കുകളും ആവശ്യമായി വരികയില്ല.
ഇന്ന് തയ്യാറാക്കുന്ന ഭക്ഷണത്തിൽ പ്രത്യേകിച്ചും പാക്കേജ്ഡ് ഫുഡുകളിൽ വ്യത്യസ്ത തരം മൃഗങ്ങളുടെ ചേരുവകൾ ഉപയോഗിക്കുന്നുണ്ട്. വെളുത്ത പഞ്ചസാര എല്ല്പൊടി കൊണ്ടാണ് വൃത്തിയാക്കുന്നത്.
രാജസ്ഥാനിലെ മെഹന്ദി കേന്ദ്രമായ സോജത്തിന് അടുത്തുള്ള നദി മെഹന്ദിയിൽ ഉപയോഗിക്കുന്ന കൃത്രിമ നിറം മൂലം ചുവന്നു പോയിരിക്കുന്നു. യഥാർത്ഥത്തിൽ മെഹന്ദി ശുദ്ധമായ വീഗൻ എന്നല്ലേ നാം കരുതുന്നത്. പ്രണയത്തിന്‍റെയും മറ്റ് പല ആഘോഷങ്ങളുടെയും അടയാളമായിട്ടാണ് ഇതിനെ കരുതുന്നത്.
നമുക്കിനി പുനർ വിചിന്തനമാണ് ആവശ്യം. അല്ലാതെ എല്ലാമറിഞ്ഞിട്ടും സമരസപ്പെട്ടു നിൽക്കലല്ല.
