ഉത്സവാഘോഷങ്ങളിൽ ആരോഗ്യ പ്രശ്നങ്ങൾ ഓർത്ത് മിഠായിയോട് ഇനി നോ പറയേണ്ടി വരില്ല. രോഗപ്രതിരോധശേഷിയെ ബൂസ്റ്റ് ചെയ്യുന്ന മിഠായികളുമുണ്ട്. അവ പ്രത്യേക രീതിയിൽ തയ്യാറാക്കി കഴിക്കുകയേ വേണ്ടൂ. പഞ്ചസാരയിൽ സീറോ ന്യൂട്രിഷ്യനാണ് ഉള്ളത്. പഞ്ചസാര ഉപയോഗിക്കുന്നതു കൊണ്ട് അമിതവണ്ണവും രോഗങ്ങളും ഉണ്ടാകുകയേയുള്ളൂ. എന്നാൽ ഈന്തപ്പഴത്തിൽ ശരീരത്തിന് ആരോഗ്യം നൽകുന്ന അവശ്യ കാർബോ ഹൈഡ്രേറ്റും ധാതുക്കളും നാരുകളും പോഷകങ്ങളുമാണ് നിറയെ ഉള്ളത്. ഈന്തപ്പഴം രോഗപ്രതിരോധശേഷി വർദ്ധിപ്പിക്കും. കാൻസർ കോശങ്ങളെ പ്രതിരോധിക്കുന്നതിനും ഇത് സഹായകമാണ്.
എള്ള്: ഇത് കാത്സ്യത്തിന്‍റെ അളവ് വർദ്ധിപ്പിക്കും. സ്ത്രീകളിൽ കാത്സ്യം കൂടിയ അളവിൽ വളരെ ആവശ്യമാണ്. എള്ള് എല്ലിന്‍റെ ബലത്തിന് നല്ലതാണ്. അതുപോലെ കരളിന്‍റെ ആരോഗ്യത്തിനും എള്ള് സഹായകമാണ്. ശരീരഭാരത്തെ നിയന്ത്രിച്ച് ചർമ്മത്തെ ഹെൽത്തിയാക്കാനും മസിലുകൾക്ക് ശക്തി പകരാനും എള്ള് നല്ലതാണ്. ഇത് പ്രമേഹത്തെ നിയന്ത്രിക്കും. രോഗപ്രതിരോധശേഷിയെ ബൂസ്റ്റ് ചെയ്യും. സിങ്ക്, അയൺ, വിറ്റാമിൻ ബി, ഇ, മഗ്നീഷ്യം എന്നിവ ധാരാളമായി എള്ളിൽ അടങ്ങിയിരിക്കുന്നു.
തേങ്ങ: പിസിഒഡി, ആർത്തവ സമയത്തുണ്ടാകുന്ന കഠിനമായ വേദന, മൂത്രസംബന്ധമായ പ്രശ്നങ്ങൾ, നെഞ്ചെരിച്ചിൽ, മുഖക്കുരു, ചർമ്മത്തിലുണ്ടാവുന്ന തടിച്ച പാടുകൾ, ഒവേറിയൻ സിസ്റ്റ് പോലെയുള്ള പ്രശ്നങ്ങൾ പരിഹരിക്കുന്നതിന് തേങ്ങ ഉത്തമമാണ്. അതുപോലെ പിത്ത സംബന്ധമായ പ്രശ്നങ്ങളെ ലഘൂകരിക്കുകയും ചെയ്യും.
നെയ്യ്: ഭക്ഷണത്തിൽ നെയ്യ് ഉൾപ്പെടുത്തുന്നത് ഏറ്റവും ഗുണകരമാണ്. ശരീരത്തിലുള്ള ടോക്സിനുകളെ പുറന്തള്ളി രോഗങ്ങൾ ഉണ്ടാവുന്നത് ഇത് തടയും. നെയ്യിൽ വിറ്റാമിൻ ഇ അടങ്ങിയിരിക്കുന്നതിനാൽ ചർമ്മത്തിനും മുടിയ്ക്കും ഇത് വളരെ നല്ലതാണ്. സന്ധിവാതം, വാതം, ശരീരഭാരം കുറയുക തുടങ്ങിയ പ്രശ്നങ്ങൾ പരിഹരിക്കുന്നതിന് നെയ്യ് സേവിക്കാം.
റിഫൈൻഡ് ഓയിൽ ചീത്ത കൊളസ്ട്രോളിനെ വർദ്ധിപ്പിക്കും. നെയ്യ് ആകട്ടെ നല്ല കൊളസ്ട്രോളിനെ വർദ്ധിപ്പിക്കുകയാണ് ചെയ്യുക. നെയ്യ് കഴിക്കുന്നത് രോഗപ്രതിരോധശേഷി വർദ്ധിപ്പിക്കും. ഓർമ്മശക്‌തി വർദ്ധിക്കാനും ശരീരബലം കൂട്ടാനും നെയ്യ് കഴിക്കാം.
വാൽനട്ട്: ഏകാഗ്രത വർദ്ധിപ്പിക്കാൻ ഉത്തമമായ ഒന്നാണ് വാൽനട്ട്. മെറ്റബോളിസം വേഗത്തിലാക്കി ശരീരഭാരം കുറയ്ക്കാനിത് സഹായിക്കും. ഒമേഗ 3 ഫാറ്റി ആസിഡ് അടങ്ങിയിരിക്കുന്നതിനാൽ ഇത് ആന്‍റി ഓക്സിഡന്‍റായും പ്രവർത്തിക്കും.
ശർക്കര: പ്രകൃതി ദത്തമായ മധുരമാണ് ഇതിനുള്ളത്. പഞ്ചസാരയെ അപേക്ഷിച്ച് ശർക്കര വളരെ നല്ല സ്വീറ്റ്നറും പോഷകഗുണം ഉള്ളവയുമാണ്. കാത്സ്യം, ഫൈബർ, അയൺ, വിറ്റാമിൻ ബി എന്നിവ ഇതിലടങ്ങിയിരിക്കുന്നു. ശർക്കര കഴിക്കുന്നതിലൂടെ വിളർച്ച പോലെയുള്ള പ്രശ്നങ്ങൾ ഉണ്ടാവുകയില്ല. അതുപോലെ ദഹനക്കേടിനെ പരിഹരിക്കുകയും ചെയ്യും. കിസ്മിസ് അല്ലെങ്കിൽ തേൻ എന്നിവയും ഉപയോഗിക്കാം.
മുളങ്കി: ഗ്യാസ്ട്രിക്, അൾസർ, തലവേദന, സ്ട്രസ്, ദുർബലമായ പ്രതിരോധശേഷി, വേദന, വാതം, ആർത്തവ വിരാമം, കൊളസ്ട്രോൾ എന്നിവയെ നിയന്ത്രിക്കുന്നതിന് ഇത് നല്ലതാണ്. ഭക്ഷ്യവിഭവമായി ഉപയോഗിക്കുന്നത് കൊണ്ട് ഇത് ശരീരത്തെ എല്ലാ വിധത്തിലും ആരോഗ്യമുള്ളതാക്കും.
മേൽപ്പറഞ്ഞവയെല്ലാം ഉപയോഗിച്ച് ലഡ്ഡു, ബർഫി, പിന്നി എന്നിവ തയ്യാറാക്കി കഴിക്കുന്നത് ആരോഗ്യം വർദ്ധിപ്പിക്കും.
ഇവയെല്ലാം ദൈനംദിന ഭക്ഷണത്തിൽ ഉൾപ്പെടുത്താം:-
- എള്ള് വെള്ളത്തിനോ പാലിനോ ഒപ്പം കഴിച്ചാൽ കാത്സ്യക്കുറവിനെ പരിഹരിക്കും. പ്രത്യേകിച്ചും സ്ത്രീകളിൽ.
- ഭക്ഷണം കഴിക്കും മുമ്പ് ഈന്തപ്പഴം കഴിക്കുകയാണെങ്കിൽ ഭക്ഷണം വളരെ കുറഞ്ഞയളവിലെ കഴിക്കൂ. എളുപ്പം ദഹിക്കുകയും ചെയ്യും. ചോക്ക്ളേറ്റ്, കാൻഡി, കേക്ക് എന്നിവ കഴിക്കുന്നതിന് പകരമായി ഈന്തപ്പഴം കഴിച്ചാൽ ആരോഗ്യം വർദ്ധിക്കും. ശരീരഭാരം നിയന്ത്രിക്കുകയും ചെയ്യും.
- ഭക്ഷണം കഴിച്ചശേഷം ശർക്കര കഴിച്ചാൽ ദഹനം സുഗമമാകും. ചൂട് വെള്ളത്തിനൊപ്പം കഴിച്ചാൽ ഉദരസംബന്ധമായ പ്രശ്നങ്ങൾ അകലും. ശരീരഭാരം കുറയുകയും ചെയ്യും.
- തേങ്ങ ചിരകിയത് സലാദിനൊപ്പം ചേർത്ത് കഴിക്കാം. പാൽ അലർജിയായിട്ടുള്ളവർ തേങ്ങാപ്പാൽ കഴിക്കാം. തേങ്ങാപ്പാൽ സാധാരണ പാലിനെ അപേക്ഷിച്ച് പോഷക സമ്പന്നമാണ്.
- നെയ്യ് കഴിക്കുന്നതു കൊണ്ട് ശരീരഭാരം ഒരിക്കലും വർദ്ധിക്കുകയില്ല. പലർക്കും നെയ്യുടെ ഗുണഗണങ്ങളെപ്പറ്റി അറിവില്ലാത്തവരാണ് പലരും. ദിവസവും 1-2 സ്പൂൺ നെയ്യ്, പരിപ്പ്, പച്ചക്കറി, അരി, പുലാവ്, ചപ്പാത്തി, ദോശ എന്നിവയിൽ ചേർത്ത് കഴിക്കുന്നത് ഉത്തമമാണ്.
– സങ്കൽപ്പ് ശക്തി, ലൈഫ് സ്റ്റൈൽ ഗുരു ആന്‍റ് ഫൗണ്ടേഷൻ ഓഫ് ഗുഡ്വേഡ് ഫിറ്റ്നസ്
