ഈടൊന്നുമില്ലാതെ കിട്ടുന്ന വായ്പയെയാണ് പേഴ്സണൽ ലോൺ എന്ന് വിശേഷിപ്പിക്കുന്നത്. ഇക്കാരണത്താൽ സുരക്ഷിതമായ ലോൺ എന്ന നിലയിൽ ഇതിന്‍റെ പലിശ അൽപം കൂടുതലായിരിക്കും. ലോൺ എടുക്കുന്ന ആളിന്‍റെ ക്രഡിറ്റ് സ്കോർ, ലോൺ അടയ്ക്കുന്ന ഹിസ്റ്ററി, വരുമാനം, ജോലി തുടങ്ങിയ മാനദണ്ഡങ്ങൾക്കനുസരിച്ചാണ് ഈ ലോൺ നൽകുക. പേഴ്സണൽ ലോണുമായി ബന്ധപ്പെട്ട ചില വസ്തുതകൾ:
മികച്ച ക്രഡിറ്റ് സ്കോർ
പേഴ്സണൽ ലോണിന് മികച്ച ക്രെഡിറ്റ് സ്കോർ ആണ് അടിസ്‌ഥാനം. സ്ത്രീയായാലും പുരുഷനായാലും ലോൺ കൊടുക്കുന്നതിന് മുമ്പായി ക്രെഡിറ്റ് സ്കോർ നിരീക്ഷിക്കും. മറ്റൊന്ന് ഫിനാൻഷ്യൽ ടെക്നോളജി (ഫിൻടെക്ക്) അടങ്ങിയ സ്റ്റാർട്ടപ്പ് ലോൺ കമ്പനികൾ ചെറിയൊരു ഇളവ് അനുവദിച്ചു കൊണ്ട് കുറഞ്ഞ ക്രഡിറ്റ് സ്കോർ ഉള്ളവർക്കും ലോൺ നൽകുന്നുണ്ട്. ഫിൻടെക്ക് ലോൺദാതാക്കൾ ക്രഡിറ്റ് സ്കോർ നോക്കാറില്ല. മറിച്ച് മറ്റ് മാനദണ്ഡങ്ങളാണ് പരിഗണിക്കുക. ലോൺ ആപ്ലിക്കന്‍റുകൾക്ക് സബ്പ്രൈസ് ക്രഡിറ്റ് സ്കോറിനൊപ്പം പേഴ്സണൽ ലോണിന് അപ്ലൈ ചെയ്യാനുള്ള സൗകര്യം നൽകും.
ലോൺ തിരിച്ചടവ്
മറ്റൊന്ന്, നിങ്ങൾ പേഴ്സണൽ ലോണിന് വേണ്ടി പോകുമ്പോൾ പഴയ ലോണിന്‍റെ തിരിച്ചടവ് ഹിസ്റ്ററി മികച്ചതായിരിക്കണം. മികച്ച റീപേയ്മെന്‍റ് ഹിസ്റ്ററി ഉള്ളവർക്ക് ക്രഡിറ്റ് സ്കോറിൽ മികച്ച പരിഗണന നൽകും. ആപ്ലിക്കന്‍റിന്‍റെ റിപേയ്മെന്‍റ് ഹിസ്റ്ററിയിൽ നിന്നും ലോൺ ദാതാവിന് അയാളുടെ ക്രഡിറ്റ് ബിഹേവിയർ മനസിലാക്കാൻ പറ്റും. അതോടൊപ്പം ആപ്ലിക്കന്‍റിന്‍റെ ലോൺ അടയ്ക്കാനുള്ള കഴിവിനേയും മനസ്സിലാക്കാൻ പറ്റും. പേഴ്സണൽ ലോണിന് അപേക്ഷിക്കുന്ന സ്ത്രീകൾക്ക് പഴയ ലോൺ തിരിച്ചടവിന്‍റെ ട്രാക്ക് ഏറ്റവും പ്രധാനമായിരിക്കും.
കമ്പനി സ്റ്റാറ്റസ്
ലോണിനുള്ള അപേക്ഷ സ്വീകരിക്കലിലും തിരസ്ക്കരിക്കലിലും കമ്പനിയുടെ സ്റ്റാറ്റസ് വളരെ പ്രധാനമാണ്. സ്വകാര്യ ബാങ്കുകൾ എ അല്ലെങ്കിൽ ബി ശ്രേണിയിൽപ്പെടുന്ന കമ്പനികളിൽ ജോലി ചെയ്യുന്നവർക്കാണ് ലോൺ നൽകുക. സി, ഡി ക്ലാസിലുള്ള കമ്പനികളിൽ ജോലി ചെയ്യുന്നവരുടെ ലോൺ അപേക്ഷകൾ തിരസ്കരിക്കുകയാണ് ചെയ്യുക. ഓരോ ബാങ്കുകാരും ക്രഡിറ്റ് ഹെൽത്ത് പരിശോധിക്കുകയും കമ്പനികളെ റിസ്ക് പ്രൊഫൈലിംഗ് ചെയ്യുകയും ചെയ്യുന്നു. ഇത്തരം ഇൻഫോർമേഷനുകളിലൂടെ ലോൺ അപേക്ഷകൻ ലോൺ അടയ്ക്കാൻ കഴിയുമോ ഇല്ലയേയൊന്ന് ബാങ്കധികൃതർ പരിശോധിച്ചറിയുന്നു. സി, ഡി ക്ലാസിലുള്ള കമ്പനികൾ പുതിയ സ്റ്റാർട്ടപ്പ് കമ്പനികൾ ആയിരിക്കും അല്ലെങ്കിൽ അത്തരം കമ്പനികളിൽ ആവശ്യമായ പണ പ്രവാഹം ഉണ്ടാകണമെന്നില്ല. അതിനാൽ ഇത്തരം കമ്പനികളിൽ ജോലി ചെയ്യുന്ന ഉദ്യോഗസ്‌ഥർക്ക് തിരിച്ചടവ് ശേഷി കുറവായിരിക്കും.
ഫിൻടെക്ക് ലോൺ പ്രൊഫൈൽ പി2പി ലെൻഡിംഗ് പ്ലാറ്റ്ഫോമിന്‍റെ കേസിൽ കമ്പനി സ്‌റ്റാറ്റസിന് വലിയ പ്രാധാന്യം നൽകാറില്ല. എന്നാലും ലോൺ നൽകുകയും ചെയ്യും. അതിനാൽ നിങ്ങൾ സ്ത്രീയാണെങ്കിൽ കമ്പനിയിൽ നിങ്ങൾ ജോലി ചെയ്യുന്നില്ലായെന്നുള്ള സ്റ്റാറ്റസ് മൂലം ലോൺ ലഭിക്കുന്നില്ലായെങ്കിൽ നിങ്ങൾ ഫിൻടെക് ലോൺ പ്രൊവൈഡർ അല്ലെങ്കിൽ പി2പി ലെൻഡിംഗ് പ്ലാറ്റ്ഫോമിനെയോ സമീപിക്കേണ്ടി വരും.
ജോലി സ്ഥിരത
ഇപ്പോഴത്തെ കമ്പനിയിൽ നിങ്ങളെത്ര വർഷം ജോലി ചെയ്യുന്നുവെന്നതും ലോൺ കിട്ടാനുള്ള പ്രയോറിറ്റിൽ ഒരു മാനദണ്ഡമാണ്. ആപ്ലിക്കന്‍റിന്‍റെ ജോബ് റെക്കോർഡും ലോൺ ദാതാവ് പരിശോധിച്ചറിയുന്നു. അതനുസരിച്ചാണ് റിസ്ക് വാല്യു നടത്തുക. അതിനാൽ വർഷങ്ങളായി സർവീസ് ചെയ്യുന്നയാൾക്ക് ലോൺ നൽകുന്നതിൽ വെല്ലുവിളിയില്ലെന്ന് ലോൺ ദാതാവിന് ഉറപ്പ് ലഭിക്കുന്നു. അതിനാൽ ലോൺ എളുപ്പം ലഭിക്കുകയും ചെയ്യും.
ലോൺ തുകയുടെ ഉപയോഗം
വ്യക്‌തിഗത ലോണിൽ ധാരാളം അപേക്ഷകൾ ഉൾപ്പെട്ടിരിക്കും. ഒരു സ്ത്രീയാണെന്നതിനാൽ ലോൺ തുക കുടുംബത്തിനൊപ്പം അവധിയാഘോഷിക്കാനും, വിവാഹ ഒരുക്കങ്ങൾക്കും, വീട് പുനർനിർമ്മിക്കാനോ അതുമല്ലെങ്കിൽ കരിയറിന്‍റെ ഉയർച്ചയ്ക്കായി ഉന്നത വിദ്യാഭ്യാസം കരസ്ഥമാക്കാനോ ഉപയോഗപ്പെടുത്താം.
ഒരേസമയം ലോണിനായി പല സാമ്പത്തിക സഥാപനങ്ങളെ സമീപിക്കാതിരിക്കുക. ഇതേക്കുറിച്ച് ആർക്കുമത്ര ധാരണയില്ലെങ്കിലും ഇത് ക്രഡിറ്റ് സ്കോറിൽ തെറ്റായ ഫലം സൃഷ്ടിക്കാം. അതായത് ലോൺ ആപ്ലിക്കന്‍റ് ലോൺ എടുക്കാൻ അത്യാഗ്രഹമുള്ള വ്യക്‌തിയാണെന്ന പ്രതിഭയെ സൃഷ്ടിക്കും. അതുപോലെ ലോൺ ആപ്ലിക്കേഷൻ നിരസിക്കൽ ക്രഡിറ്റ് സ്കോറിൽ തെറ്റായ ഫലം ഉളവാക്കും. ഒന്നിലധികം തവണ ലോണിനുള്ള അപേക്ഷ നിരസിക്കപ്പെടുന്നത് ഏറെ ബുദ്ധിമുട്ട് സൃഷ്ടിക്കും.
ശരിയായ കോ -ആപ്ലിക്കന്‍റ് തെരഞ്ഞെടുക്കുക
ഇതേറ്റവും മികച്ച ചുവടുവയ്പ്പാണ്. പ്രത്യേകിച്ചും സ്ത്രീകൾക്ക് പേഴ്സണൽ ലോൺ എടുക്കുമ്പോൾ ശരിയായ കോ ആപ്ലിക്കന്‍റ് തെരഞ്ഞെടുക്കുകയെന്നത് പുതിയ കാര്യമല്ല. ഏതുതരം സാമ്പത്തിക സ്‌ഥാപനങ്ങളും ഇതിന് അനുമതി നൽകുന്നു. ശരിയായ കോ ആപ്ലിക്കന്‍റ് ആണെങ്കിൽ ലോൺ തിരിച്ചടവ് വളരെ സുഗമമാകും. ഒപ്പം സുതാര്യവുമായിരിക്കും ഇടപാട്. ശരിയായ ആപ്ലിക്കന്‍റിനെ ഗ്യാരന്‍ററായി തെരഞ്ഞെടുക്കുന്നതും മറ്റൊരു പ്ലസ് പോയിൻറാണ്. മികച്ച ക്രഡിറ്റ് സ്കോർ ഇല്ലെങ്കിലും ലോൺ ലഭിക്കുകയും ചെയ്യും. മറ്റൊന്നു കൂടിയുണ്ട്. ഗ്യാരന്‍ററിന്‍റെ ക്രഡിറ്റ് സ്കോർ സ്വീകാര്യമായിരിക്കണം. പ്രത്യേകിച്ചും ഉദ്യോഗസ്‌ഥകൾ, വിവാഹിതരായ സ്ത്രീകൾക്കൊക്കെ ശരിയായ
കോ ആപ്ലിക്കന്‍റ് തെരഞ്ഞെടുക്കുകയെന്നത് കൂടുതൽ ലാഭകരമാണ്. മെയിൻ ആപ്ലിക്കന്‍റിന് ലോൺ അടയ്ക്കാൻ കഴിയാതെ വരുമ്പോൾ കോ ആപ്ലിക്കന്‍റിന് ആവും ലോൺ അടയ്ക്കാനുള്ള ഉത്തരവാദിത്തം.
എത്ര ലോൺ തുക വേണോ അതിലധികം എടുക്കരുത്
പേഴ്സണൽ ലോൺ എടുക്കുന്നവർ ആവശ്യത്തിലധികം തുകയെടുത്ത് ബുദ്ധിമുട്ടിലാകാറുണ്ട്. ക്രഡിറ്റ് സ്കോർ, വരുമാനം, കമ്പനി സ്റ്റാറ്റസ് തുടങ്ങിയ മാനദണ്ഡങ്ങളുടെ അടിസ്‌ഥാനത്തിൽ ലോൺ ദാതാവ് വാഗ്ദാനം ചെയ്‌തിരിക്കുന്ന തുകയെക്കാളിലും വലിയ തുകയ്ക്കായി ലോൺ അപേക്ഷിക്കാറുണ്ട്. എന്നാൽ ആവശ്യമുള്ളത്ര തുക മാത്രമെടുക്കുക.
ഉദ്യോഗമുള്ളവർക്ക്
ശബളം വാങ്ങുന്നവർക്കും, സ്വയം തൊഴിൽ ചെയ്യുന്നവർക്കും ബാങ്കുകൾ പേഴ്സണൽ ലോൺ നൽകാറുണ്ട്. എന്നാൽ ഫിൻടെക് കമ്പനികളും പി2പി ലെൻഡിംഗ് പ്ലാറ്റ്ഫോമുകളും കൂടുതലും ഉദ്യോഗസ്‌ഥർക്കാണ് ലോൺ നൽകുന്നതിൽ മുൻഗണന നൽകുന്നത് നിങ്ങൾ ഉദ്യോഗസ്‌ഥയാണെങ്കിൽ വളരെ ലളിതമായ നടപടികളിലൂടെ പെട്ടെന്ന് ലോൺ പ്രാപ്തമാക്കാനാവും. ഇത് വളരെ സൗകര്യപ്രദവുമായിരിക്കും.
