ആവർത്തിച്ചുള്ള മൈഗ്രെയ്ൻ തലവേദന പരിഹരിക്കാനാണ് നടൻ ആമിർ ഖാൻ ആന്റി- ഇൻഫ്ളമേറ്ററി ഡയറ്റ് തുടങ്ങിയത്… എന്നാൽ താൻ പിന്തുടരാൻ തുടങ്ങിയ ഡയറ്റിന് നന്ദി പറയുകയാണ് അദ്ദേഹം. കാരണം തനിക്ക് 18 കിലോ ഭാരം കുറഞ്ഞതായി താരം അഭിമുഖത്തിൽ വെളിപ്പെടുത്തി. ഭക്ഷണ ക്രമത്തിലൂടെ നടൻ മൈഗ്രെയിൻ ഗണ്യമായി കുറയ്ക്കുക മാത്രമല്ല, അനാവശ്യമായ തടി “സ്വതവേ” ഒഴിവാക്കുകയും ചെയ്തു. “ആരോഗ്യപരമായ കാരണങ്ങളാൽ ഞാൻ പിന്തുടരുന്ന പുതിയ ഡയറ്റ് എനിക്ക് മാജിക് പോലെ പ്രവർത്തിക്കുന്നു.” എന്ന് അദ്ദേഹം പറയുന്നു.
എന്താണ് ആന്റി-ഇൻഫ്ളമേറ്ററി ഡയറ്റ്?
ആന്റി- ഇൻഫ്ളമേറ്ററി ഡയറ്റ് പാറ്റേൺ സൂചിപ്പിക്കുന്ന് പോലെ പ്രത്യേക ഭക്ഷണക്രമമല്ല. ഒരു നിശ്ചിത കാലയളവിൽ പൊണ്ണത്തടിയിലേക്ക് നയിച്ചേക്കാവുന്ന നീർവീക്കം നിയന്ത്രണത്തിലാക്കുക എന്നതാണ് ആശയം. അൾട്രാ- പ്രോസസ്സ് ഭക്ഷണങ്ങൾ പോലുള്ള നീർവീക്കം ഉണ്ടാക്കുന്ന ഭക്ഷണങ്ങൾ ഒഴിവാക്കുന്ന ഭക്ഷണ രീതി ആണ്. ബ്രെഡ്, ധാന്യങ്ങൾ, പാസ്ത പോലുള്ള പോഷകമൂല്യം കുറവുള്ളതും ഉപ്പും പഞ്ചസാരയും കൂടുതലായി ചേർത്തതുമായ എന്തും ശരീരത്തിൽ വീക്കം ഉണ്ടാക്കുമെന്ന് ഹാർവാർഡ് ഹെൽത്ത് പറയുന്നു. “ഏറ്റവും വലിയ കുറ്റവാളി മധുരം ചേർക്കുന്ന എന്തും ആണ്. അത് പഞ്ചസാരയോ മധുരം ചേർക്കാൻ ഉപയോഗിക്കുന്ന ഏതെങ്കിലും സംയുക്തങ്ങളോ ആകട്ടെ.” ഹാർവാർഡ് ടിഎച്ച്എൻ സ്കൂൾ ഓഫ് പബ്ലിക് ഹെൽത്തിലെ ന്യൂട്രീഷൻ പ്രൊഫസർ എറിക് റിം പറയുന്നു.
ആന്റി- ഇൻഫ്ളമേറ്ററി ഡയറ്റ് എങ്ങനെ പ്രവർത്തിക്കുന്നു
ആന്റി- ഇൻഫ്ളമേറ്ററി ഡയറ്റ് ശരീരത്തിലെ കുറഞ്ഞ ഗ്രേഡ് വീക്കം ശമിപ്പിക്കാൻ സഹായിക്കുന്നു. കൂടാതെ പഴങ്ങളും പച്ചക്കറികളും ധാന്യങ്ങളും, ലീൻ പ്രോട്ടീനുകളും ആരോഗ്യകരമായ കൊഴുപ്പുകളും (ഒമേഗ-3) പോലുള്ള മുഴുവൻ ഭക്ഷണങ്ങളിലും ശ്രദ്ധ കേന്ദ്രീകരിക്കുന്നു. സംസ്ക്കരിച്ച ഭക്ഷണങ്ങൾ, പഞ്ചസാര, ശുദ്ധീകരിച്ച കാർബോഹൈഡ്രേറ്റുകൾ, അനാരോഗ്യകരമായ കൊഴുപ്പുകൾ എന്നിവയുടെ ഉപഭോഗം ഇത് പരിമിതപ്പെടുത്തുന്നു. ആർത്രൈറ്റിസ്, ഹൃദ്രോഗം തുടങ്ങിയ അവസ്ഥകൾ കൈകാര്യം ചെയ്യുന്നതിന് സഹായിക്കുന്നതിനാൽ ഇത് പലപ്പോഴും മെഡിറ്ററേനിയൻ ഭക്ഷണക്രമത്തിന് സമാനമായ തത്വങ്ങൾ പാലിക്കുന്നു.
ആന്റി- ഇൻഫ്ളമേറ്ററി ഡയറ്റ് പ്രകാരം ശരീരഭാരം കുറയ്ക്കാനുള്ള ഭക്ഷണക്രമം ശരീരഭാരം ഗണ്യമായി കുറയ്ക്കാൻ സഹായിക്കുന്നു. കാരണം വീക്കം മെറ്റബോളിസത്തെ മന്ദഗതിയിലാക്കുകയും പ്രത്യേകിച്ച് വയറിന് ചുറ്റും കൊഴുപ്പ് സംഭരണം വർദ്ധിപ്പിക്കുകയും ചെയ്യും. വീക്കം കുറയുമ്പോൾ, ഇൻസുലിൻ നന്നായി പ്രവർത്തിക്കുകയും ശരീരം കൊഴുപ്പ് കൂടുതൽ എളുപ്പത്തിൽ കത്തിക്കുകയും ചെയ്യും. അത്തരം ഭക്ഷണങ്ങൾ പോഷക സമൃദ്ധവുമാണ്. ഇത് അമിതമായി ഭക്ഷണം കഴിക്കുന്നത് കുറയ്ക്കുന്നു. സ്ഥിരമായ ഭക്ഷണശീലങ്ങൾ, നിയന്ത്രണം, അച്ചടക്കം എന്നിവ കാലക്രമേണ ഫലങ്ങൾ കൂടുതൽ ശക്തമാക്കുന്നു. കൊഴുപ്പ് എളുപ്പത്തിൽ കത്തിക്കാൻ സഹായിക്കുന്ന ഇൻസുലിൻ സംവേദനക്ഷമത മെച്ചപ്പെടുത്തുന്നതിലൂടേയും അടിവയറ്റിൽ കൊഴുപ്പ് സംഭരിക്കുന്ന കോർട്ടിസോൾ പോലുള്ള സമ്മർദ്ദ ഹോർമോണുകൾ കുറയ്ക്കുന്നതിലൂടേയും വേഗത്തിൽ വിശപ്പ് മാറ്റുന്ന ഭക്ഷണം കഴിക്കുന്നത് വഴിയും മികച്ച മെറ്റബോളിസത്തിലേക്ക് മാറാൻ കഴിയും.
കുടലിന്റെ ആരോഗ്യം മെച്ചപ്പെടുത്തുന്നതിലൂടേയും ശരീരഭാരം കുറയ്ക്കാനുള്ള യാത്രയിൽ ആന്റി ഇൻഫ്ളമേറ്ററി ഡയറ്റ് അത്ഭുതങ്ങൾ സൃഷ്ടിക്കുന്നുവെന്ന് ആരോഗ്യരംഗത്ത് പ്രവർത്തിക്കുന്നവർ പറയുന്നു. “വീക്കം തൈറോയ്ഡ് ഹോർമോൺ പ്രവർത്തനത്തെ തടയുകയും പിസിഒഎസിനെ വഷളാക്കുകയും ചെയ്യുന്നതിനാൽ ഇത് തൈറോയ്ഡ്, പിസിഒഎസുമായി ബന്ധപ്പെട്ട ഭാരപ്രശ്നങ്ങൾ മെച്ചപ്പെടുത്തുന്നു. വീക്കം കുറയ്ക്കുന്നത് ഹോർമോൺ ബാലൻസും മെച്ചപ്പെടുത്തുന്നു.
മൈഗ്രെയിൻ കുറയ്ക്കാൻ ഇത് എങ്ങനെ സഹായിക്കുന്നു
ശരീരത്തിലും തലച്ചോറിലും വീക്കം ശമിപ്പിച്ചുകൊണ്ട് മൈഗ്രെയിൻ കുറയ്ക്കാൻ ആന്റി- ഇൻഫ്ളമേറ്ററി ഡയറ്റ് സഹായിക്കുന്നു. ആന്റി-ഇൻഫ്ളമേറ്ററി ഡയറ്റ്, അമിതമായി പ്രവർത്തിക്കുന്ന തലച്ചോറിലെ നാഡികളെ ശാന്തമാക്കുകയും രക്തത്തിലെ പഞ്ചസാരയെ സ്ഥിരപ്പെടുത്തുകയും ചെയ്യുന്നു. “ഒമേഗ-3 കൊഴുപ്പുകളും (വാൾനട്ട്, ഫ്ളാക്സ്, മത്സ്യം) ആന്റിഓക്സിഡന്റുകളും സിജിആർപിയും ന്യൂറോ- ഇൻഫ്ളമേഷനും കുറയ്ക്കുന്നു. ഇത് വിശപ്പിന്റെ ആവൃത്തിയും തീവ്രതയും കുറയ്ക്കുന്നു. ലോ ഷുഗർ ഡിപ്പുകൾ ഒരു പ്രധാന മൈഗ്രെയ്ൻ ട്രിഗറാണ്. പ്രോട്ടീൻ, ഫൈബർ, ആരോഗ്യകരമായ കൊഴുപ്പുകൾ എന്നിവയാൽ സമ്പന്നമായ ആന്റി-ഇൻഫ്ളമേറ്ററി ഡയറ്റുകൾ ഗ്ലൂക്കോസിനെ സ്ഥിരമായി നിലനിർത്തുകയും മൈഗെയ്ൻ സ്പൈക്കുകൾ തടയുകയും ചെയ്യുന്നു.” ഡയറ്റീഷ്യൻ പറയുന്നു. “ഇത് കുടലിന്റെയും തലച്ചോറിന്റെയും പ്രവർത്തനത്തെ സുഖപ്പെടുത്തുന്നു കൂടാതെ ഏകദേശം 70% രോഗപ്രതിരോധ കോശങ്ങളും കുടലിലാണെന്നത് ശ്രദ്ധിക്കേണ്ടതാണ്. വീക്കമുള്ള കുടൽ വിഷവസ്തുക്കളെ സൃഷ്ട്ടിക്കുകയും തലച്ചോറിൽ വീക്കം ഉണ്ടാക്കുകയും മൈഗ്രെയിനിലേക്ക് നയിക്കുകയും ചെയ്യും.”
ആന്റി- ഇൻഫ്ളമേറ്ററി ഭക്ഷണങ്ങൾ കുടൽ പാളിയെ സുഖപ്പെടുത്തുകയും മൈഗ്രെയ്ൻ ട്രിഗറുകൾ കുറയ്ക്കുകയും ചെയ്യുന്നു. “പഴങ്ങൾ, പച്ചക്കറികൾ, നട്സ്, വിത്തുകൾ, ധാന്യങ്ങൾ, കൊഴുപ്പുള്ള മത്സ്യം തുടങ്ങിയ ഭക്ഷണങ്ങൾ ആന്റി ഓക്സിഡന്റുകളും ഒമേഗ-3 കൊഴുപ്പുകളും നൽകുന്നു. ഇത് വീക്കം കുറയ്ക്കുകയും ആരോഗ്യകരമായ രക്തക്കുഴലുകളെ പിന്തുണയ്ക്കുകയും ചെയ്യുന്നു. ഇത് തലച്ചോറിലേക്കുള്ള രക്തയോട്ടം മെച്ചപ്പെടുത്തുകയും നാഡികളുടെ പ്രകോപനം കുറയ്ക്കുകയും ചെയ്യുന്നു.
“സംസ്കരിച്ച ഭക്ഷണങ്ങൾ, പഞ്ചസാര, വറുത്ത വസ്തുക്കൾ, മദ്യം, കൃത്രിമ അഡിറ്റീവുകൾ എന്നിവ ഒഴിവാക്കുന്നത് മൈഗ്രെയിനുകൾക്ക് കാരണമാകുന്ന വീക്കം തടയാൻ സഹായിക്കുന്നു.” നന്നായി ജലാംശം നിലനിർത്തുകയും പതിവായി സമീകൃതാഹാരം കഴിക്കുകയും ചെയ്യുന്നത് രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്തുന്നു. ഇത് കാലക്രമേണ മൈഗ്രേനിന്റെ ആവൃത്തിയും തീവ്രതയും കുറയ്ക്കുന്നു.”
ആന്റി- ഇൻഫ്ളമേറ്ററി ഡയറ്റ്
സാധാരണയായി ആന്റി- ഇൻഫ്ളമേറ്ററി ഡയറ്റുകളിൽ ഉൾപ്പെടുത്തിയിരിക്കുന്ന ഭക്ഷണങ്ങൾ ഇതാ. പച്ചക്കറികൾ (ഇലക്കറികൾ, ബ്രോക്കോളി, ക്യാരറ്റ്, വെണ്ടയ്ക്ക പഴങ്ങൾ (സരസഫലങ്ങൾ, ആപ്പിൾ, പപ്പായ, സിട്രസ്) എന്നിരുന്നാലും ആരോഗ്യ വിദഗ്ദ്ധന്റെ ഉപദേശപ്രകാരമെ ഏത് ഭക്ഷണക്രമവും ആരംഭിക്കാവൂ.
- നല്ല കൊഴുപ്പുകൾ: നട്സ്, സീഡ്സ്, ഒലിവ് ഓയിൽ, കടുക് എണ്ണ
- ഒമേഗ 3: വാൽ നട്ട്, ഫ്ളാക്സ് സീഡ്, ചിയ വിത്തുകൾ, കൊഴുപ്പുള്ള മത്സ്യം
- പ്രോട്ടീൻ : പരിപ്പ്, കടല, പനീർ, മുട്ട, മത്സ്യം, ടോഫു
- സുഗന്ധവ്യഞ്ജനങ്ങൾ : മഞ്ഞൾ, ഇഞ്ചി, വെളുത്തുള്ളി, കറുവപ്പട്ട
- മുഴുവൻ ധാന്യങ്ങൾ : ഓട്സ്, തിന,
- തവിട്ട് അരി
ഒഴിവാക്കേണ്ട ഭക്ഷണങ്ങൾ
വീക്കം വർദ്ധിപ്പിക്കുന്ന ഭക്ഷണങ്ങൾ ഒഴിവാക്കേണ്ടത് പ്രധാനമാണ്. പഞ്ചസാര, മധുരപലഹാരങ്ങൾ, ബിസ്ക്കറ്റുകൾ, ബേക്കറി, വൈറ്റ് ബ്രെഡ്, മൈദ, നൂഡിൽസ് വറുത്ത ഭക്ഷണങ്ങൾ, ചിപ്സ്, പക്കോഡകൾ, സംസ്കരിച്ച മാംസം സോഫ്റ്റ് ഡ്രിങ്കു കൾ, പാക്ക് ചെയ്ത ജൂസുകൾ, പുനരുപയോഗിച്ച എണ്ണകൾ.
ആന്റി- ഇൻഫ്ളമേറ്ററി ഡയറ്റിന്റെ പാർശ്വഫലങ്ങൾ
ഏറ്റവും സുരക്ഷിതമാണെങ്കിലും ഈ ഭക്ഷണരീതി ശീലമില്ലാത്ത ആളുകൾ തുടങ്ങുമ്പോൾ പഴങ്ങൾ, പച്ചക്കറികൾ, ധാന്യങ്ങൾ എന്നിവ വലിയ അളവിൽ കഴിക്കാൻ തുടങ്ങിയാൽ വയർ വീർക്കൽ പോലുള്ള നേരിയ ദഹന പ്രശ്നങ്ങൾക്ക് കാരണമാകും. പഞ്ചസാര കഫീൻ അല്ലെങ്കിൽ സംസ്കരിച്ച ഭക്ഷണങ്ങൾ പെട്ടെന്ന് കുറയ്ക്കുന്നത് താൽക്കാലിക തലവേദനയോ ഊർജ്ജക്കുറവോ ഉണ്ടാക്കാം.
ഭക്ഷ്യ അലർജികളോ മെഡിക്കൽ അവസ്ഥകളോ ഉള്ളവർ ആവശ്യമെങ്കിൽ ഒരു ഡോക്ടറെയോ ഡയറ്റീഷ്യനെയോ സമീപിക്കണമെന്ന് വിദഗ്ദ്ധൻ ഉപദേശിക്കുന്നു.
