ചർമ്മം എപ്പോഴും തിളക്കമുള്ളതും മൃദുവും ചെറുപ്പമുവള്ളതുമായിരിക്കാൻ ആരാണ് ആഗ്രഹിക്കാത്തതൊരാളും ആഗ്രഹിക്കുന്ന കാര്യമാണത്. എന്നാൽ പലവിധ കാരണങ്ങൾ കൊണ്ട് പലർക്കും ചർമ്മസംബന്ധമായ പ്രശ്നങ്ങൾ അഭിമുഖീകരിക്കേണ്ടി വരുന്നു. തിരക്കുകളും അമിതമായ വെയിലും മാറുന്ന കാലാവസ്ഥയും സമ്മർദ്ദവും മൂലം ചർമ്മത്തിന്റെ തിളക്കം സ്വാഭാവികമായും നഷ്ടപ്പെടുന്നു. പിഗ്മെൻഷൻ, ചുളിവുകൾ, ചർമ്മ വരൾച്ച, പാടുകൾ എന്നിങ്ങനെയുള്ള പ്രശ്നങ്ങൾ ഉണ്ടാകുന്നതോടെയാണ് മിക്കവരും ചർമ്മ പരിചരണത്തെ കുറിച്ച് ഗൗരവമായി ചിന്തിച്ചു തുടങ്ങുന്നത് തന്നെ.
എന്നാൽ ചർമ്മ പരിചരണം നടത്തണമെന്ന് ആഗ്രഹിക്കുമെങ്കിലും ഇൻജെക്ഷൻ, വേദന, പാടുകൾ എന്നിവയെക്കുറിച്ചുള്ള ഭയംമൂലം പലരും അതിൽ നിന്ന് പിന്തിരിയുകയാണ് ചെയ്യുക. എന്നാൽ അതിനൊക്കെ പരിഹാരമായി അത്തരം സങ്കീർണ്ണതകളൊന്നുമില്ലാത്ത തീർത്തും സുരക്ഷിതമായ സാങ്കേതിക വിദ്യയാണ് നോ നീഡിൽ മെസോതെറാപ്പി.
ഇതിൽ ഒരു തരത്തിലുമുള്ള സൂചിയും ഉപയോഗിക്കുന്നില്ല. നേരിയ വൈദ്യുത പ്രവാഹത്തിന്റെയും മൈക്രോ തരംഗങ്ങളുടേയും സഹായത്തോടെ പ്രത്യേകതരം യന്ത്രം ഉപയോഗിച്ച് ചർമ്മത്തെ സവിശേഷമായി പരിചരിക്കുകയാണ് ചെയ്യുക. ഒപ്പം പോഷണം നൽകുന്ന സിറവും സജീവ ഘടകങ്ങളും എളുപ്പത്തിൽ ചർമ്മത്തിനുള്ളിലേക്ക് എത്തുന്നു. തികച്ചും വേദനാരഹിതമാണിത്. ചർമ്മത്തിൽ ചുവന്ന തടിപ്പുകളോ പാടുകളോ ഉണ്ടാവുകയില്ല. ഇതിന്റെ സെഷൻ വളരെ സുഖകരമാണ്. മെഷീനിന്റെ സ്പർശനം മൃദുവായ മസാജിന്റെ അനുഭവം പകരുന്നു. കുത്തുന്ന പോലെയുള്ള വേദന ഉണ്ടാവുകയില്ല. നേരിയ ചൂടും വിശ്രമവും മാത്രമാണ് അത് പകരുക. ഏകദേശം 20-30 മിനിറ്റിനുള്ളിൽ സെഷൻ പൂർത്തിയാക്കുകയും ചെയ്യും. ചികിത്സ കഴിഞ്ഞാൽ ഉടൻ തന്നെ സ്വന്തം ദിനചര്യയിലേക്ക് മടങ്ങാം. അതുകൊണ്ട് ഇതിനെ “ലഞ്ച് ടൈം ട്രീറ്റ്മെന്റ്” എന്നും വിശേഷിപ്പിക്കാറുണ്ട്. ഉച്ചഭക്ഷണ ഇടവേളയിൽപോലും ഈ ട്രീറ്റ്മെന്റ് ചെയ്തത് പുതിയ മുഖവുമായി തിരികെ ജോലിയിലേക്ക് മടങ്ങാം.
സെഷനു ശേഷം ആദ്യത്തെ 24 മണിക്കൂർ മുഖത്ത് അമിതമായി തടവുകയോ ചൂടുവെള്ളം ഉപയോഗിച്ച് മുഖം കഴുകുകയോ ചെയ്യരുത്. വെയിലത്ത് പോകുമ്പോൾ നേരിയ സൺസ്ക്രീൻ പുരട്ടിയിരിക്കണം. ഇത്തരം മുൻകരുതലുകൾ സ്വീകരിച്ചാൽ മാത്രം മതി. നേരിയ മോയിസ്ചറൈസർ ഉപയോഗിക്കുന്നതും ധാരാളം വെള്ളം കുടിക്കുന്നതും ചർമ്മത്തെ ദീർഘനേരം തിളക്കമുള്ളതാക്കി നിലനിർത്തും.
നോ നീഡിൽ മെസോതെറാപ്പിയുടെ പ്രഭാവം ദീർഘ നേരം നിലനിർത്താനായി വീട്ടിൽ ചെയ്യാവുന്ന ചില ലളിതമായ മാർഗ്ഗങ്ങൾ ഉണ്ട്.
ഗ്രീൻ ടീ ഐസ് ക്യൂബ്സ് മസാജ്
ഒരു കപ്പ് ഗ്രീൻ ടീ ഉണ്ടാക്കി തണുപ്പിച്ച് ഐസ് ട്രേയിൽ ഫ്രീസ് ചെയ്യുക. രാവിലെ മുഖം കഴുകിയ ശേഷം ഈ ഐസ് ക്യൂബ് കൊണ്ട് മുഖത്തിലും കഴുത്തിലും സൗമ്യമായി തടവുക. ഇത് ചർമ്മത്തിലെ രക്തചംക്രമണം വർദ്ധിപ്പിക്കുകയും സുഷിരങ്ങൾ ശക്തമാക്കുകയും ദിവസം മുഴുവൻ ഫ്രഷ് ആയി നിലനിർത്തുകയും ചെയ്യും.
ചിയ സീഡ് ജെൽ മാസ്ക്
രണ്ട് ടീസ്പൂൺ ചിയ വിത്തുകൾ അര കപ്പ് വെള്ളത്തിൽ 2-3 മണിക്കൂർ കുതിർക്കുക. ഇത് ജെൽ പോലെയാകുമ്പോൾ മുഖത്ത് പുരട്ടി 15 മിനിറ്റ് വെച്ചശേഷം ചെറുചൂടുള്ള വെള്ളത്തിൽ കഴുകുക. ചിയ വിത്തുകളിൽ ഒമേഗ 3യും, ആന്റി ഓക്സിഡന്റുകളും അടങ്ങിയിട്ടുണ്ട്. ഇത് ചർമ്മത്തിന് ആഴത്തിലുള്ള ജലാംശവും തിളക്കവും നൽകുന്നു.
റൈസ് വാട്ടർ- കറ്റാർവാഴ ടോണർ
അര കപ്പ് അരി നന്നായി കഴുകി ആവശ്യത്തിന് വെള്ളമൊഴിച്ച് തിളപ്പിക്കുക. തുടർന്ന് അരി വേവിച്ച വെള്ളം എടുത്ത് അതിൽ രണ്ട് ടീസ്പൂൺ കറ്റാർവാഴ ജെൽ ചേർക്കുക. ഇത് ഒരു സ്പ്രേ കുപ്പിയിൽ നിറച്ച് ഫ്രിഡ്ജിൽ സൂക്ഷിക്കുക. മുഖം കഴുകിയശേഷം എല്ലാ ദിവസവും രാവിലെയും വൈകുന്നേരവും ടോണർ ആയി മുഖത്ത് ഇത് തളിക്കുക. ചർമ്മത്തെ ഇത് മൃദുത്വമുള്ളതും ആരോഗ്യമുള്ളതുമാക്കി നിലനിർത്തും.
