കറുപ്പിന് ഏഴഴകാണെന്നല്ലേ പ്രമാണം. എന്നാലും എല്ലാവർക്കും വെളുപ്പിനോടാണ് പ്രിയം. പെൺകുട്ടികളെ സംബന്ധിച്ചാണെങ്കിൽ നിറം അല്പം കുറഞ്ഞു പോയാൽ അവരുടെ ഉറക്കം തന്നെ നഷ്ടപ്പെടും. പിന്നെ കണ്ണിൽ കണ്ട സൗന്ദര്യവർദ്ധക വസ്‌തുക്കളൊക്കെയും വാങ്ങി ഉപയോഗിക്കുകയായി.
ആരോഗ്യമുള്ള മനസ്സും ശരീരവുമാണ് സൗന്ദര്യത്തിന്‍റെ അടിസ്ഥാനം. തിരക്കുകൾക്കിടയിലും ഒരല്പ‌ം സമയം ജീവിതചര്യ ക്രമീകരിക്കാൻ കണ്ടെത്തിയാൽ സൗന്ദര്യവും ആരോഗ്യവും സംരക്ഷിക്കാനാവും. പ്രതികൂല കാലാവസ്‌ഥയും തിരക്കു പിടിച്ച ജീവിതചര്യയുമാണ് ചർമ്മസൗന്ദര്യത്തിന് മങ്ങലേൽപിക്കുന്നത്.
ചിട്ടയായ സൗന്ദര്യ പരിചരണത്തിന് ടിപ്‌സ്
- പച്ചപ്പാലിൽ രണ്ട് നുള്ള് മഞ്ഞൾപ്പൊടി ചേർത്ത് പഞ്ഞിക്കഷണങ്ങളിട്ട് ഫ്രിഡ്‌ജിൽ വെക്കുക. ദിവസവും ഈ പഞ്ഞിക്കഷണം കൊണ്ട് ചർമ്മം തുടച്ച് വൃത്തിയാക്കുക. പച്ചപ്പാലും മഞ്ഞളും ചേർന്ന മിശ്രിതം ചർമ്മം വെളുപ്പിക്കാനും സ്നിഗ്ദ്ധത കൂട്ടാനും സഹായിക്കും.
- കടലമാവും നെയ്യും മഞ്ഞളും ചേർത്ത് പേസ്‌റ്റ് രൂപത്തിലാക്കി ചർമ്മത്തിൽ പുരട്ടുക. പകുതി ഉണങ്ങിയ ശേഷം പതിയെ വട്ടത്തിൽ മസാജ് ചെയ്യാം. മൃതചർമ്മവും മാലിന്യവും നീക്കാൻ ഈ ക്രിയ സഹായിക്കും. മാത്രമല്ല ചർമ്മത്തിന് തിളക്കവും കാന്തിയും ലഭിക്കും. ആഴ്ചയിൽ ഒരു തവണ ഇത് ചെയ്യാം.
- വെണ്ണയിൽ മഞ്ഞൾപ്പൊടി ചാലിച്ച് ദിവസവും ചർമ്മത്തിൽ പുരട്ടുക. 10 മിനിട്ടു കഴിഞ്ഞ് മസാജു ചെയ്ത ശേഷം കഴുകിക്കളയാം.
- കുതിർത്തരച്ച ബദാം പച്ചപ്പാലിൽ ചേർത്ത് പേസ്‌റ്റ് രൂപത്തിലാക്കുക. ഈ പേസ്‌റ്റ് ദിവസവും മുഖത്ത് പുരട്ടാം. ഒരു മണിക്കൂറിനു ശേഷം കഴുകിക്കളയാം. രാത്രി ഉറങ്ങാൻ നേരത്ത് ഇത് പുരട്ടി കിടക്കുന്നതും നല്ലതാണ്.
- തുളസിയില നീരും നാരങ്ങാനീരും സമാസമം ചേർത്ത് ദിവസവും രണ്ട് നേരം മുഖത്ത് പുരട്ടുന്നതും ഗുണം ചെയ്യും.
- ആഴ്ചയിൽ രണ്ടോ മൂന്നോ തവണ അരമണിക്കൂർ നേരം ഉരുളക്കിഴങ്ങിന്‍റെ നീര് മുഖത്ത് പുരട്ടുക.
സൗന്ദര്യം വർദ്ധിപ്പിക്കാൻ
- ദിവസവും ചർമ്മത്തിൽ തേൻ പുരട്ടുക.
- സ്ക്രബ്ബ് ഉപയോഗിച്ച് മസ്സാജ് ചെയ് ശേഷം മുഖത്ത് പപ്പായയുടെ കാമ്പോ പഴമോ അരച്ച് ഇടാം. 15-20 മിനിട്ടിനു ശേഷം പതിയെ മസാജ് ചെയ്‌ത് കഴുകുക.
- ചന്ദന പൗഡറും മഞ്ഞളും റോസ് വാട്ടറും ചേർത്ത മിശ്രിതം മുഖത്ത് പുരട്ടുന്നതും ഗുണം ചെയ്യും.
- കറ്റാർ വാഴയുടെ നീര് ചർമ്മത്തിൽ പുരട്ടാം.
- ബദാം അരച്ച് മുഖത്തു പതിവായി ഇടുന്നതും നന്ന്. ഇത് രാത്രിയിൽ പുരട്ടി പിറ്റേ ദിവസം രാവിലെ കഴുകിക്കളഞ്ഞാലും മതി.
നല്ല നിറത്തിന്
ശരീരത്തിന്‍റെ കറുപ്പ് നിറം അകറ്റാൻ മേൽ വിവരിച്ച പൊടിക്കൈകൾക്കു പുറമേ മറ്റു ചില മാർഗ്ഗങ്ങളുമുണ്ട്.
- കുളിക്കാനുള്ള വെള്ളത്തിൽ രണ്ട് നാരങ്ങയുടെ നീര് ചേർത്ത് കുളിക്കുക. ഈ രീതി ഏതാനും മാസം തുടർച്ചയായി ചെയ്യണം.
- കുളിക്കുന്നതിന് പത്തു പതിനഞ്ച് മിനിറ്റു മുമ്പ് ശരീരം മുഴുവനും കടലമാവും മഞ്ഞളും ചേർത്ത മിശ്രിതം പുരട്ടിയിരിക്കാം. ആഴ്ചയിൽ രണ്ടു തവണ ഇതു ചെയ്യാം.
ഇരുണ്ട ചർമ്മമുള്ളവർക്ക് ഇത്തരം പൊടിക്കൈകൾ പ്രയോജനപ്പെടും. ഇരുണ്ട ചർമ്മത്തിന് നിറം വർദ്ധിപ്പിക്കാൻ സഹായകമായ പല പല ചികിത്സകളുണ്ട്. മിക്ക ബ്യൂട്ടിപാർ‌ലറുകളിലും അതിനുള്ള സൗകര്യമുണ്ട്.
ബയോപീൽ രീതി: ഇതിൽ ജൈവ എൻസൈമുകളാണ് ഉപയോഗിക്കുന്നത്. ചർമ്മോപരിതലത്തിലെ മൃതകോശങ്ങളെ അലിയിച്ച് നീക്കം ചെയ്യുന്ന രീതിയാണ് ഇത്. അതോടെ ചർമ്മം സുന്ദരമാവും. മുഖക്കുരുവും പാടുകളും പുള്ളികളും മാറ്റി ചർമ്മത്തിന് വെളുപ്പ് നിറമുണ്ടാവുകയും ചെയ്യും.
ഡി ടാൻ ചികിത്സ: ഇതൊരു യൂറോപ്യൻ ചികിത്സാരീതിയാണ്. ആയുർവ്വേദ പച്ചമരുന്നുകൾ അടങ്ങിയ ആൽഫാ ഹൈ ഡ്രോക്സ‌ി ആസിഡാണ് ഇതിൽ ഉപയോഗിക്കുന്നത്. മറ്റ് ആൽഫാ ഹൈഡ്രോക്സി ആസിഡുകളെ പോലെ ഇത് ചർമ്മത്തിന് ദോഷം ചെയ്യുകയില്ല.
പ്ലാറ്റീനിയ ചികിത്സ : ടാനിംഗിനെ വളരെ വേഗം തടയാൻ പ്രാപ്‌തിയുള്ള സൗന്ദര്യ പരിചരണമാണിത്. ഒരു സ്കിൻ പോളിഷിംഗിന്‍റെ ജോലി കൂടി ഇത് നിർവ്വഹിക്കുന്നു. വിറ്റാമിൻ സി സ്കിൻ വൈറ്റനിംഗ് ട്രീറ്റ്‌മെന്‍റ് ചർമ്മ നിറം കൂട്ടുന്ന അന്താരാഷ്ട്ര ചികിത്സാ രീതിയാണ്. പിഗ്മെന്‍റേഷൻ പ്രശ്‌നമുള്ളവരിലാണ് ഈ ചികിത്സ ഏറ്റവുമധികമായി ചെയ്യുന്നത്.
മേൽ വിവരിച്ച രീതികളൊക്കെയും ചെലവേറിയതാണ്. എന്നാൽ പ്രകൃതിദത്തമായ വസ്തുക്കൾ ഉപയോഗിച്ച് വീട്ടിൽത്തന്നെ ചെയ്യാൻ കഴിയുന്ന സൗന്ദര്യപരിചരണ രീതികളാണ് ഉത്തമം. രാസവസ്‌തുക്കൾ ഇല്ലാത്തതിനാൽ ഇത് യാതൊരു വിധത്തിലും ചർമ്മത്തിന് ദോഷം ചെയ്യുകയില്ല. ഇതു കൂടാതെ പ്രാണായാമവും യോഗയുമൊക്കെ ചർമ്മ സൗന്ദര്യത്തെ വർദ്ധിപ്പിക്കാൻ ഫലവത്തായ മാർഗ്ഗങ്ങളാണ്. കറ്റാർവാഴയുടെ സത്ത് ദിവസവും കുടിക്കുന്നതും ചർമ്മ സൗന്ദര്യത്തിന് മാറ്റു പകരും. ദിവസവും കുറഞ്ഞത് എട്ടു പത്ത് ഗ്ലാസ് വെള്ളമെങ്കിലും കൂടിച്ചിരിക്കണം.
മേക്കപ്പ് എങ്ങനെയുള്ളതാവണം
മേൽവിവരിച്ച സൗന്ദര്യപരിചരണ രീതികളുടെ ഫലം കാണാൻ കുറച്ചു സമയമെടുക്കും. ഇതിനിടെ അത്യാവശ്യമാണെങ്കിൽ മാത്രം മേക്കപ്പ് ചെയ്യാം. മേക്കപ്പ് നൈസർഗ്ഗിക സൗന്ദര്യത്തെയല്ല എടുത്തുകാട്ടുകയെന്ന് ഓർക്കുക. എങ്കിലും ബുദ്ധിപൂർവ്വം മേക്കപ്പ് ചെയ്യൂകയാണെങ്കിൽ മികച്ച ഫലം കിട്ടും. എല്ലാ ഷെയ്‌ഡുകളും ഇരുനിറക്കാർക്ക് യോജിക്കണമെന്നില്ല. വളരെ ലൈറ്റ് മേക്കപ്പാവുന്നതാണ് ഇരുണ്ടനിറക്കാർക്ക് അനുയോജ്യം.
പ്രകൃതി ദത്തമായ സൗന്ദര്യ ഉപാധികൾക്കു പുറമേ മാർക്കറ്റിൽ മറ്റനേകം സൗന്ദര്യവർദ്ധക വസ്തു‌ക്കളും ലഭ്യമാണ്. ഫെയർനെസ്സ് ക്രീം, ആന്‍റി പിഗ്മെന്‍റേഷൻ കീം, ഹൈഡ്രേറ്റിംഗ് ക്രീം, ആന്‍റി പിഗ്മെന്‍റേഷൻ പായ്ക്ക്, സ്കിൻ വൈറ്റനിംഗ് ക്രീം എന്നിവ അവയിൽ ചിലതാണ്.
