ഏതൊരു സ്ത്രീയും സാരി ധരിച്ച് വളരെ സുന്ദരിയായി കാണപ്പെടുന്നു. ഒരു സ്ത്രീ തടിച്ചതോ മെലിഞ്ഞതോ ആവട്ടെ സാരി എല്ലാവർക്കും അനുയോജ്യമാണ്. ഏത് അവസരത്തിനും അനുസരിച്ച്, നിങ്ങൾക്ക് ഒരു പ്രത്യേക സാരി തിരഞ്ഞെടുക്കാം. വ്യത്യസ്ത തുണിത്തരങ്ങളിലും നിറങ്ങളിലും സാരികൾ ലഭ്യമാണ്. ആവശ്യം, സന്ദർഭം അല്ലെങ്കിൽ വ്യക്തിത്വം എന്നിവയുടെ അടിസ്ഥാനത്തിൽ ഏത് സാരി വേണമെന്ന് തീരുമാനിക്കുക.
സാരി ധരിക്കുന്നതിലൂടെ പരമ്പരാഗതമായി തോന്നുക മാത്രമല്ല ഏത് പെൺകുട്ടിക്കും സ്ത്രീക്കും സുന്ദരിയാകാൻ കഴിയുന്ന ഒരു ഫാഷനബിൾ വസ്ത്രം കൂടിയാണ് സാരി. എന്നിരുന്നാലും ഈ മാറുന്ന കാലഘട്ടത്തിൽ സാരികളുടെ ഫാഷൻ നിരന്തരം മാറുന്നുണ്ട്. അത്തരമൊരു സാഹചര്യത്തിൽ നിങ്ങൾ ഏതുതരം സാരി തിരഞ്ഞെടുക്കുന്നു, അത് കൂടുതൽ പ്രധാനമാണ്. ഇന്ന്, വിപണിയിൽ നിരവധി തരം ഡിസൈനർ സാരികൾ ട്രെൻഡു ചെയ്യുന്നു. എന്നാൽ എല്ലാ സീസണിലും എല്ലാ അവസരങ്ങളിലും ധരിക്കാവുന്ന സാരികൾ അഥവാ നിത്യഹരിത സാരികളെക്കുറിച്ചാണ് പറയുന്നത്.
ഓർഗൻസ സാരി
ഓർഗൻസ സാരി ഇന്നത്തെ ട്രെൻഡിലായിരിക്കാം, പക്ഷേ അത് വളരെ പഴയ കാലം മുതൽ ധരിക്കുന്നു. ഓർഗൻസ സാരി വളരെ ആകർഷകവും തിളക്കമുള്ളതും നേരിയതുമായ തുണിത്തരമാണ്. അതിന്‍റെ ഭാരവും വളരെ കുറവാണ്. ഈ സാരി നിത്യഹരിത സാരികളുടെ പട്ടികയിൽ ഉൾപ്പെടുത്തിയിട്ടുണ്ട്. നിങ്ങളുടെ വാർഡ്രോബിൽ ഒരു ഓർഗൻസ സാരി ഉണ്ടെങ്കിൽ അത് വാങ്ങിയതിൽ നിങ്ങൾക്ക് പശ്ചാത്താപം തോന്നില്ല.
നെറ്റ് സാരി
നെറ്റ് സാരി ഇഷ്ടപ്പെടാത്ത ഒരു പെൺകുട്ടിയും സ്ത്രീയും ഉണ്ടാവില്ല. അത് ഒരു കോക്ടെയ്ൽ പാർട്ടിയോ വിവാഹമോ ആകട്ടെ, അത്തരത്തിലുള്ള ഏത് അവസരത്തിലും നെറ്റ് സാരി ധരിച്ച് നിങ്ങൾക്ക് സ്റ്റാർ ആകാം. പ്രത്യേകിച്ച് ഡാർക്ക് കളർ അല്ലെങ്കിൽ ബ്ലാക്ക് കളർ നെറ്റ് സാരി വളരെ മനോഹരമായി കാണപ്പെടുന്നു.
ഫ്ലോറൽ എംബ്രോയ്ഡറി സാരി
ഫ്ലോറൽ എംബ്രോയ്ഡറിയുള്ള സാരി മാസ്റ്റർപീസ് ആണ്. വിവിധ തരത്തിലുള്ള ഡിസൈൻ പാറ്റേണുകളിൽ വിപണിയിൽ എളുപ്പത്തിൽ കണ്ടെത്താനാകും. ഏത് ഫംഗ്ഷനിലും ഈ സാരി ധരിച്ച് പോകാം. സാരിയിൽ വരുന്ന പുത്തൻ ഡിസൈനുകളുടെ ട്രെൻഡിൽ ഫ്ലോറൽ എംബ്രോയ്ഡറി സാരി എല്ലാവരേക്കാളും മുന്നിലാണ്. സാരി വാങ്ങാൻ നിങ്ങൾ ആലോചിക്കുന്നുണ്ടെങ്കിൽ, ഫ്ലോറൽ എംബ്രോയ്ഡറി സാരി തിരഞ്ഞെടുക്കാം. നിത്യഹരിത സാരികളിൽ ഒന്നാണിത്.
ലഹാരിയാ സാരി
കാലം എത്ര കടന്നുപോയാലും ചില കാര്യങ്ങൾ ഫാഷൻ വിട്ടു പോകുന്നില്ല. അതിലൊന്നാണ് ലഹാരിയാ സാരിയുടെ ആകർഷണീയത. മനോഹരമായ ഗോട്ടാ വർക്ക് കൊണ്ട് എംബ്രോയ്ഡറി ചെയ്ത ഒരു മികച്ച ജയ്പുരി ലെഹാരിയ സാരിയുടെ ആകർഷണം ആർക്കും തടുക്കാനാവില്ല ഗയ്‌സ്.
ചെറിയ ബോർഡറുകളുള്ള സാരികൾ
കട്ടിയുള്ളതും ഭാരമേറിയതുമായ ബോർഡറുകൾ പെട്ടെന്ന് ബോറടിക്കും, വാർഡ്രോബിൽ നിന്ന് നേർത്ത ബോർഡർ സാരി തിരഞ്ഞെടുക്കുക. ഈ ഡിസൈനിലുള്ള സാരികൾ ഒരിക്കലും ഫാഷനിൽ നിന്ന് പുറത്തുപോകില്ല. ഇതുകൂടാതെ, മിക്ക സെലിബ്രിറ്റികളും മോഡലുകളും കനം കുറഞ്ഞ ബോർഡറുകളുള്ള സാരി ധരിക്കാൻ ഇഷ്ടപ്പെടുന്നു. സരി വർക്ക്, മിറർ വർക്ക്, എംബ്രോയ്ഡറി തുടങ്ങിയ പാറ്റേണുകൾ നിങ്ങൾക്ക് തിരഞ്ഞെടുക്കാം, അവ എപ്പോഴും ഫാഷനാണ്.
ഡബിൾ ഫാബ്രിക് സാരി
പണ്ടു മുതലേ സ്ത്രീകൾ ഡബിൾ ഫാബ്രിക് സാരി ധരിക്കാൻ ഇഷ്ടപ്പെടുന്നു. ഇന്നത്തെ കാലത്ത് ഇതിന് ഫ്യൂഷൻ ടച്ച് എന്നാണ് പേരിട്ടിരിക്കുന്നതെങ്കിലും ഈ ഫാഷൻ വളരെയധികം ഇഷ്ടപ്പെടുന്നു. നെറ്റ്, വെൽവെറ്റ് അല്ലെങ്കിൽ സാറ്റിനോ ജോർജറ്റോ ജോടിയാക്കാം.
സിൽക്ക് സാരി
സിൽക്ക് സാരി എല്ലാ പ്രായത്തിലുമുള്ള സ്ത്രീകൾക്ക് അനുയോജ്യമാണ്. എന്നിരുന്നാലും, പാസ്റ്റൽ നിറത്തിലുള്ള സിൽക്ക് സാരികൾ സ്ത്രീകൾക്ക് ഏറ്റവും ഇഷ്ടമാണ്. സിൽക്ക് സാരി നിത്യഹരിത സാരികളിൽ ഒന്നാണ്, ഓരോ സ്ത്രീക്കും ഒരു സിൽക്ക് സാരി എങ്കിലും ഉണ്ടായിരിക്കണം.
വെൽവെറ്റ് സാരി
വെൽവെറ്റ് സാരികൾക്ക് അവരുടേതായ വ്യക്തിത്വമുണ്ട്. ഈ പ്രവണത വർഷങ്ങളായിട്ടുണ്ട്. ഈ സാരിക്ക് ക്ലാസ്സിയായി തോന്നാൻ തുണിയുടെ തിളക്കം തന്നെ ധാരാളമാണ്. വിവാഹങ്ങളിലോ മറ്റേതെങ്കിലും അവസരങ്ങളിലോ ഈ സാരി ധരിച്ച് മനോഹരമായ ലുക്ക്‌ നേടാം. വൈൻ, പർപ്പിൾ, മെറൂൺ, ബോട്ടിൽ ഗ്രീൻ നിറങ്ങളിലുള്ള വെൽവെറ്റ് സാരികൾ ഒരിക്കലും സീസൺ വിട്ടുപോകുന്നില്ല.
മൾട്ടി കളർ സാരി
മൾട്ടി കളർ സാരികൾ എപ്പോഴും ട്രെൻഡിൽ ഉണ്ട്. ഏത് കളർ ടോണിലുമുള്ള സ്ത്രീകൾക്ക് ഇത്തരത്തിലുള്ള സാരി അനുയോജ്യമാണ്. മൾട്ടി കളർ സാരിയുടെ ഫാഷൻ ഒരിക്കലും പുറത്തു പോകുന്നില്ല. ഒരു മൾട്ടി കളർ സാരി ഒരിക്കൽ വാങ്ങിയാൽ, ഒരു ഖേദവും ഉണ്ടാകില്ല.
ടിഷ്യു സാരി
വെങ്കലം, സ്വർണം, വെള്ളി തുടങ്ങിയ ലോഹങ്ങൾ ഉപയോഗിച്ചാണ് ടിഷ്യൂ സാരികൾ കൂടുതലും രൂപകൽപ്പന ചെയ്തിരിക്കുന്നത്. ടിഷ്യൂ സാരികളുടെ ഫാബ്രിക് വളരെ ലോലമാണ്. ഈ ലൈറ്റ് വെയ്റ്റ് സാരി ധരിക്കാൻ വളരെ സൗകര്യപ്രദമാണ്.
