ഇപ്പോൾ നമ്മുടെ നാട്ടിൽ വാട്ടർ ബർത്ത് ഡെലിവറി വർദ്ധിച്ചുകൊണ്ടിരിക്കുന്നു, സ്വാഭാവികമായ പ്രസവം അഥവാ നോർമൽ ഡെലിവറി ഏറ്റവും സുരക്ഷിതമായി കണക്കാക്കപ്പെടുന്നു. ഇളം ചൂട് വെള്ളത്തിൽ കുഞ്ഞിന്‍റെ ജനനം സുരക്ഷിതവും സുഖപ്രദവുമായ രീതി ആയി കണ്ടു വരുന്നു. കുറച്ചുകാലമായി ഇത് വളരെ ജനപ്രിയമായതിന്‍റെ കാരണം ഇതാണ്. അതിന്‍റെ ഗുണങ്ങൾ എന്താണെന്നതിനൊപ്പം, ദോഷങ്ങളെ കുറിച്ചും അറിയേണ്ടത് ആവശ്യമാണ്.
പ്രസവത്തെക്കുറിച്ച് പറയുമ്പോൾ, നോർമൽ ഡെലിവറി, സി സെക്ഷൻ ഡെലിവറി എന്നിങ്ങനെ രണ്ട് ഓപ്ഷനുകൾ ആണുള്ളത്. പക്ഷേ, ഇക്കാലത്ത് മറ്റൊരു ഡെലിവറി ഓപ്ഷനും പ്രചാരത്തിലുണ്ട്, ഇത് വാട്ടർ ബർത്ത് ഡെലിവറി എന്നറിയപ്പെടുന്നു. മറ്റ് രാജ്യങ്ങളിൽ ഈ വിദ്യ കൂടുതൽ പ്രചാരത്തിലുണ്ട്. ഇതിൽ വെള്ളത്തിന് അടിയിലാണ് കുഞ്ഞിന്‍റെ പ്രസവം നടക്കുന്നത്. ഈ സാങ്കേതിക വിദ്യയ്ക്ക് ധാരാളം ഗുണങ്ങളുണ്ട്, പക്ഷേ ഇതിന് ചില ദോഷവശങ്ങളും ഉണ്ട്. അതിന്‍റെ ഗുണങ്ങൾ എന്തൊക്കെ ആണെന്നും ദോഷങ്ങൾ എന്തൊക്കെ ആണെന്നും അറിയാമോ?
വാട്ടർ ബർത്ത് ഡെലിവറിയുടെ ഗുണങ്ങൾ എന്തൊക്കെ ആണ്?
വാട്ടർ ബർത്ത് ഡെലിവറി എന്നാൽ ഗർഭിണിയായ സ്ത്രീയുടെ പ്രസവത്തിന്‍റെ പ്രധാന ഘട്ടം ചൂട് വെള്ളം നിറച്ച പോണ്ടിലൊ ടബിലോ നടത്തുന്നു. ഈ പ്രസവം ആശുപത്രിയിലോ വീട്ടിലോ നടത്താം. ഡോക്ടർമാരും നഴ്സുമാരും സഹായിക്കുകയും ചെയ്യും. ഈ ഡെലിവറിക്ക് നിരവധി ഗുണങ്ങളുണ്ട്:
സുഖപ്രദമായ പ്രസവം- ഗർഭ സങ്കീർണ്ണത കുറയ്ക്കുന്നു എന്നതാണ് ജല പ്രസവത്തിന്‍റെ ഏറ്റവും വലിയ നേട്ടം. പിരിമുറുക്കമുള്ള ഞരമ്പുകളും പേശികളും വിശ്രമിക്കാൻ ഈ പ്രക്രിയ സഹായിക്കുന്നു. ഇത് സുഖപ്രദമായ ഒരു പ്രക്രിയയാണ്.
സ്വാഭാവിക ആശ്വാസം- ജല പ്രജനന സമയത്ത് ചൂട് വെള്ളം സ്വാഭാവിക വേദനസംഹാരിയായി പ്രവർത്തിക്കുന്നു. ഇത് ഞരമ്പുകൾക്ക് ആശ്വാസം നൽകുകയും രക്തസമ്മർദ്ദം കൃത്യമായി നിലനിർത്തുകയും ചെയ്യുന്നു.
സമയം കുറയുന്നു- പ്രസവത്തിന്‍റെ ആദ്യ ഘട്ടത്തിൽ ചൂടുവെള്ളത്തിൽ ഇരിക്കുന്നത് പ്രസവ സമയം കുറയ്ക്കുമെന്ന് പഠനങ്ങൾ വ്യക്തമാക്കുന്നു.
സങ്കീർണതകൾ കുറവ്- വെള്ളത്തിൽ പ്രസവിക്കുമ്പോൾ സ്ത്രീകൾക്ക് സമ്മർദ്ദം കുറവാണെന്ന് തെളിയിക്കപ്പെട്ടിട്ടുണ്ട്. ഇത് മാത്രമല്ല, പ്രസവ സമയത്ത് പരിക്ക് ഏൽക്കാനുള്ള സാധ്യതയും കുറയ്ക്കുന്നു.
വെള്ളത്തിൽ പ്രസവിക്കുന്നതിന്‍റെ ദോഷങ്ങൾ
ജല പ്രസവ സമയത്ത് ചില പ്രശ്നങ്ങൾ ഉണ്ടാകാം, അവ അപൂർവമാണെങ്കിലും. പോരായ്മകൾ ഇനി പറയുന്നവയാണ്:
- ഇത് ഗർഭിണികൾക്കും കുഞ്ഞിനും അണുബാധ ഉണ്ടാക്കാൻ സാധ്യതയുണ്ട്.
- കുഞ്ഞ് വെള്ളത്തിൽ നിന്ന് പുറത്ത്വ വരുന്നതിന് മുമ്പ് പൊക്കിൾക്കൊടി പൊട്ടി പോക്കാനും സാധ്യത ഉണ്ട്.
- കുഞ്ഞിന്‍റെ ശരീര താപനില വളരെ ഉയർന്നതോ താഴ്ന്നതോ ആകാം.
- ജലത്തിൽ കുഞ്ഞിന് ശ്വസിക്കാൻ പ്രശ്നങ്ങൾ ഉണ്ടാകാം.
എന്നിരുന്നാലും, വെള്ളത്തിൽ കുഞ്ഞ് ജനിക്കുന്നത് വളരെ സുരക്ഷിതമാണ്. പക്ഷേ, പരിചയ സമ്പന്നരായ വിദഗ്ധരുടെയും ഡോക്ടർമാരുടെയും സാന്നിധ്യത്തിൽ മാത്രമാണ് ഇത് ചെയ്യുന്നത്. ഗർഭകാലത്ത് പ്രമേഹവും ഉയർന്ന രക്തസമ്മർദ്ദവും ഉണ്ടെങ്കിൽ ജല പ്രസവം ഒഴിവാക്കണം. മാസം തികയാതെ ഉള്ള പ്രസവത്തിലും ഇത് ശുപാർശ ചെയ്യുന്നില്ല.
