ദിവസം മുഴുവനും ഊർജ്ജസ്വലമായിരിക്കണമോ? എങ്കിൽ രണ്ട് വാഴപ്പഴം വീതം കഴിക്കുന്നത് ശീലമാക്കിക്കോളൂ. ഇതൊരു ശാസ്ത്ര സത്യമാണ്. അതെ, ലോകത്തിലെ മുൻനിര അത്‍ലറ്റുകളുടെ നമ്പർ വൺ ഭക്ഷ്യവസ്തുവാണ് വാഴപ്പഴം. കാരണം, ഇത് ഒരു നീണ്ട എനർജി ബൂസ്റ്ററാണ്. വാഴപ്പഴത്തിൽ നാരുകളോടൊപ്പം പ്രധാനമായും മൂന്ന് പ്രകൃതിദത്തമായ പഞ്ചസാരകളാണ് അടങ്ങിയിരിക്കുന്നത്. സൂക്രോസ്, ഫ്രക്ടോസ്, ഗ്ലൂക്കോസ് എന്നിവ. പക്ഷേ വാഴപ്പഴം എനർജി ബൂസ്റ്റർ മാത്രമല്ല മറ്റ് അനവധി ശാരീരിക അസ്വാസ്ഥ്യങ്ങൾക്കും കൂടിയുള്ള ഫലവത്തായ ഒരു ഡയറ്ററി ഫുഡുമാണ്.
മാനസിക പിരിമുറുക്കം: ഡിപ്രഷൻ അകറ്റാൻ വാഴപ്പഴം നല്ലതാണത്രേ. ഒരു കൂട്ടം ആളുകൾക്കിടയിൽ മൈൻഡ് എന്ന സംഘടന നടത്തിയ സർവ്വേയാണ് ഇത് വെളിപ്പെടുത്തിയത്. വാഴപ്പഴം തിന്ന ഭൂരിഭാഗം പേരും മാനസിക പിരിമുറിക്കത്തെ വിജയകരമായി അതിജീവിച്ചതായി കണ്ടെത്തിയിരുന്നു. ഇതിലെ ട്രിപ്റ്റോഫാൻ എന്ന പ്രോട്ടീൻ ആണിതിന് കാരണമാകുന്നത്. ശരീരത്തിലെത്തുന്ന ട്രിപ്റ്റോഫാൻ റിലാക്സേഷൻ ഹോർമോണായ സെറോടിൻ ആയി മാറിയാണ് സന്തുഷ്ടി നിറഞ്ഞ മൂഡ് സൃഷ്ടിക്കുന്നത്.
പിഎംഎസ്: ആർത്തവത്തിന് മുന്നോടിയായിയുണ്ടാവുന്ന ശാരീരികവും മാനസികവുമായ പ്രശ്നങ്ങൾക്ക് ഇനി മരുന്ന് കഴിക്കേണ്ടതില്ല. പകരം ഒരു വാഴപ്പഴം കഴിച്ചോളൂ. ഇതിലെ വിറ്റാമിൻ ബി6 രക്തത്തിലെ ഗ്ലൂക്കോസ് നിലയെ ക്രമീകരിച്ച് ശാരീരികാസ്വാസ്ഥ്യങ്ങളെ ലഘൂകരിക്കും.
അനീമിയ: ഉയർന്ന അളവിൽ അയൺ ഉള്ള വാഴപ്പഴം രക്തത്തിലെ ഹീമോഗ്ലോബിന്‍റെ അളവിനെ വർധിപ്പിച്ച് വിളർച്ച അകറ്റുന്നു.
ബ്ലഡ് പ്രഷർ: പൊട്ടാസ്യം ഉയർന്ന അളവിലുള്ളതിനാൽ വാഴപ്പഴം രക്ത സമ്മർദ്ദത്തെ നിയന്ത്രണവിധേയമാക്കാൻ ഫലവത്താണ്. യുഎസ് ഫുഡ് ആന്‍റ് ഡ്രഗ് അഡ്മിനിസ്ട്രേഷൻ വാഴപ്പഴത്തിന് രക്ത സമ്മർദ്ദം അകറ്റാനാവുമെന്ന വാദഗതിയെ ഔദ്യോഗികമാക്കാൻ വാഴപ്പഴ വ്യവസായത്തിന് അനുമതി നല്കിയിരിക്കുകയാണ്.
ബ്രെയിൻ പവർ: ബ്രെയിൻ പവർ കൂട്ടണോ, എങ്കിൽ ദിവസവും വാഴപ്പഴം കഴിച്ചോളൂ. ഇംഗ്ലണ്ടിലെ ഒരു സ്കൂളിൽ 200 കുട്ടികൾക്ക് പരീക്ഷാ സമയത്ത് ദിവസവും വാഴപ്പഴം കഴിക്കാൻ കൊടുത്തിരുന്നു. ഫലം അദ്ഭുതാവഹമായിരുന്നു. പൊട്ടാസ്യം നിറയെയുള്ള വാഴപ്പഴം കുട്ടികളിലെ പഠന നിലവാരത്തെ ഉയർത്തുകയും അവരെ കൂടുതൽ കാര്യക്ഷമതയുള്ളവരാക്കുകയും ചെയ്‌തു.
മലബന്ധം: നാരുകൾ ധാരാളമായി അടങ്ങിയിരിക്കുന്നതിനാൽ മലബന്ധം ഒഴിവാക്കാൻ വാഴപ്പഴത്തിന് കഴിയും. വാഴപ്പഴം ഡയറ്റിൽ ഉൾപ്പെടുത്തുകയാണെങ്കിൽ പ്രശ്നം ഉണ്ടാവുകയില്ല.
ഹാങ്ഓവർ: മന്ദതയോ തളർച്ചയോ അകറ്റാൻ ഒരെളുപ്പ വഴിയുണ്ട്. പെട്ടെന്ന് തേൻ ചേർത്ത ബനാന ഷേക്ക് തയ്യാറാക്കി കുടിച്ചോളൂ. ഹാങ്ഓവർ ഞൊടിയിട നേരം കൊണ്ട് പമ്പ കടക്കും. വാഴപ്പഴം ഉദരത്തിലെ അസ്വസ്ഥത മാറ്റും. തേൻ ബ്ലഡ് ഷുഗർ ലെവലിനെ ക്രമീകരിക്കുമ്പോൾ പാൽ ശരീരത്തെ റീ- ഹൈഡ്രേറ്റ് ചെയ്യും.
നെഞ്ചെരിച്ചിൽ: നെഞ്ചെരിച്ചിൽ ഉള്ളവർ വാഴപ്പഴം കഴിച്ചാൽ മതി. നെഞ്ചെരിച്ചിൽ മാറി കിട്ടും. വാഴപ്പഴം പ്രകൃതിദത്തമായ അന്‍റാസിഡാണ്.
മോണിംഗ് സിക്ക്നസ്: മോണിംഗ് സിക്ക്നസ്സുള്ളവർ ഭക്ഷണത്തിന് ഇടവേളയിൽ വാഴപ്പഴം കഴിക്കുന്നത് നല്ലതാണ്. ബ്ലഡ് ഷുഗർ നിലയെ ക്രമീകരിച്ച് അത് മോണിംഗ് സിക്ക്നസ് ഒഴിവാക്കും.
കൊതുകുകടി: കൊതുകു കടിയേറ്റുള്ള ചൊറിച്ചിലും തടിപ്പും ഒഴിവായി കിട്ടാനും വാഴപ്പഴം ഉത്തമമാണ്. കൊതുകു കടിയേറ്റ ഭാഗത്ത് വാഴത്തൊലിയുപയോഗിച്ച് ഉരച്ചാൽ മതി. ധാരാളമാളുകൾ ഈ രീതി പരീക്ഷിച്ചു നോക്കി വിജയം വരിച്ചിട്ടുണ്ട്.
ഞരമ്പുകൾ: നാഡിവ്യൂഹ വ്യവസ്ഥയെ ശരിയായ നിലയിലാക്കാൻ ഉയർന്ന അളവിൽ വിറ്റാമിൻ ഉള്ള വാഴപ്പഴം ഫലവത്താണ്.
അമിതഭാരം: ജോലിയോടുള്ള പിരിമുറുക്കം കാരണം ചിപ്സ്, ചോക്ക്ളേറ്റ് പോലെയുള്ള ഭക്ഷ്യവസ്തുക്കൾ കഴിക്കാൻ ആളുകളിൽ ആസക്തിയുണ്ടാക്കുമെന്നാണ് ആസ്ട്രിയയിലെ ഇൻസ്റ്റിറ്റ്യൂട്ട് ഓഫ് സൈക്കോളജി നടത്തിയ പഠനങ്ങൾ സൂചിപ്പിക്കുന്നത്. പൊണ്ണത്തടിയുള്ളവരിൽ മിക്കവരും പിരിമുറുക്കം ഏറെയുള്ള ജോലി ചെയ്യുന്നവരാണെന്ന് പഠനം സൂചിപ്പിക്കുന്നു. പൊണ്ണത്തടിയ്ക്ക് കാരണമാകുന്ന ഭക്ഷണം കഴിക്കുന്നതിന് പകരമായി ബ്ലഡ് ഷുഗർ നില നിയന്ത്രണ വിധേയമാക്കുന്ന കാർബോഹൈഡ്രേറ്റ് അടങ്ങിയ ഭക്ഷ്യവസ്തുക്കൾ രണ്ട് മണിക്കൂർ ഇടവിട്ട് കഴിക്കുന്നത് ഫലപ്രദമാണെന്ന് പഠന റിപ്പോർട്ട് നിർദ്ദേശിക്കുന്നു.
അൾസർ: കുടൽ സംബന്ധമായ അസ്വസ്ഥതകൾക്ക് വാഴപ്പഴം നല്ലൊരു പഥ്യാഹാരമാണെന്നാണ് വൈദ്യശാസ്ത്രം ചൂണ്ടിക്കാട്ടുന്നത്. എത്ര പഴകിയ കേസിലും വേവിക്കാതെ കഴിക്കാവുന്ന ഒരേയൊരു ഭക്ഷണമാണ് വാഴപ്പഴം. അസിഡിറ്റിയെ നിയന്ത്രണവിധേയമാക്കുന്നതോടൊപ്പം അതുമായി ബന്ധപ്പെട്ട ഉദരപ്രശ്നങ്ങളെ ലഘൂകരിക്കുകയും ചെയ്യും.
ഊഷ്മാവിനെ നിയന്ത്രിക്കുന്നു: വാഴപ്പഴത്തെ നല്ല തണുപ്പുള്ള ഭക്ഷ്യവസ്തുവായാണല്ലോ കരുതി പോരുന്നത്. അതിനാൽ ഗർഭിണികളെ സംബന്ധിച്ച് ശാരീരികവും വൈകാരികവുമായുണ്ടാകുന്ന അസ്വസ്ഥതകളെ നിയന്ത്രിക്കാൻ വാഴപ്പഴത്തിന് കഴിയുമെന്നാണ് പ്രമാണം.
പുകയില ഉപയോഗം: പുകവലി ഉപേക്ഷിക്കാൻ തയ്യാറാകുന്നവരാണോ നിങ്ങൾ. എങ്കിൽ വാഴപ്പഴം കഴിക്കുന്നത് ശീലമാക്കൂ. പുകവലി ശീലം എളുപ്പത്തിൽ ഒഴിവായി കിട്ടും. വാഴപ്പഴത്തിലുള്ള ബി6, ബ12, പൊട്ടാസ്യം, മഗ്നീഷ്യം എന്നിവ നിക്കോട്ടിൻ ഉണ്ടാകുന്ന സ്വാധീനത്തിൽ നിന്നും ശരീരത്തെ മോചിപ്പിക്കും.
സ്ട്രസ്സ്: ഹൃദയമിടിപ്പ് സാധാരണനിലയിലാക്കി ഓക്സിജനെ മസ്തിഷകത്തിലെത്തിച്ച് ശരീരത്തിലെ ജലാംശം ക്രമീകരിക്കുകയാണ് വാഴപ്പഴത്തിൽ അടങ്ങിയിരിക്കുന്ന പൊട്ടാസ്യം എന്ന ധാതു ചെയ്യുന്നത്. നാം പിരിമുറുക്കത്തിലായിരിക്കുമ്പോൾ മെറ്റബോളിക് നിരക്ക് ഉയരുകയും പൊട്ടാസ്യം ലെവൽ താഴുകയും ചെയ്യുന്നു. എന്നാൽ വാഴപ്പഴം കഴിക്കുന്നത് ഈ നിലയെ ബാലൻസ് ചെയ്യാൻ സഹായിക്കും.
സ്ട്രോക്സ്: ദിവസേന ഡയറ്റിൽ വാഴപ്പഴം ഉൾപ്പെടുത്തുന്നത് സ്ട്രോക്സ് ഉണ്ടായി മരണം സംഭവിക്കാനുള്ള സാധ്യതയെ 40 ശതമാനമായി കുറയ്ക്കും. എന്നാണ് ന്യൂ ഇംഗ്ലണ്ട് ജർണൽ ഓഫ് മെഡിസിൻ ചൂണ്ടിക്കാട്ടുന്നത്.
വാർട്ട്സ് (അരാമ്പാറ): മുഖത്തും ശരീരഭാഗങ്ങളിലും ഉണ്ടാകുന്ന അരിമ്പാറകളും മറ്റും നീക്കം ചെയ്യാനും വാഴപ്പഴം ഫലവത്താണ്. അരിമ്പാറയ്ക്കുമീതെ വാഴത്തൊലി കഷണം ഉരസി അരിമ്പാറ നീക്കം ചെയ്യാം.
ഒരാപ്പിളിനെ അക്ഷേിച്ച് നാലിരട്ടി പ്രോട്ടീനുകളും, രണ്ടിരട്ടി കാർബോഹൈഡ്രേറ്റും മൂന്നിരട്ടി ഫോസ്ഫറസും അഞ്ചിരട്ടി വിറ്റാമിൻ എയും അയണും ഉണ്ട്. കൂടാതെ മറ്റ് വിറ്റാമിനുകളും ധാതുക്കളും കൊണ്ട് സമ്പുഷ്ടമാണ് വാഴപ്പഴം. അതുകൊണ്ട് ഉറപ്പായും ഏറെ പ്രശസ്തമായ ഒരു ചൊല്ല് നമുക്കിവിടെ തിരുത്തി പറയേണ്ടി വരും. “എ ബനാന എ ഡേ കീപ്സ് ദി ഡോക്ടർ എവേ!”
